جاڭا حابارلار

ءۇي مۇلكىن اقشا اينالدىرىپ، مەملەكەتتىڭ اۋىرتپالىعىن جەڭىلدەتىپ، جاپون شاپقىنشىلارىنا قارسى تۇرىپ، وتان ءۇشىن باسىن ءباي تىككەن ــــ لۋ يۇيتيڭ

    كەلۋ قاينارى: شينجياڭ حالىق راديو ىستانسياسى    2018-12-05 11:50:28  
لۋ يۇيتيڭ، 1899-جىلى، حىناننىڭ يۇڭچىڭ اۋدانىندا دۇنيەگە كەلگەن، 1920-جىلى، حىنان كايفىڭ حۇڭۋي فود وفيسەر مەكتەبىن بىتىرگەن. 1937-جىلى 11-ايدا، لۋ يۇيتيڭ يۇڭچىڭ اۋدانىنىڭ اكىمدىگىنە تاعايىندالادى، ول يۇڭچىڭ اۋداندىق بۇقارانىڭ جاپون شاپقىنشىلارىنا قارسى تۇرىپ، وتاندى قۇتقارۋعا اتتانىسقا كەلتىرۋ كوميتەتىن ۇيىمداستىرىپ قۇرىپ، جاستاردىڭ جاتتىعۋ كۋرسىن اشادى، قىزمەت تۋانىن ۇيىمداستىرىپ، تۇتاس اۋداندا جاپون شاپقىنشىلارىنا قارسى تۇرىپ، وتاندى قۇتقارۋ قوزعالىسىن جەبەيدى. ج ك پ يۇڭچىڭ اۋداندىق پارتكومنىڭ كومەگىندە، لۋ يۇيتيڭ ءۇي مۇلكىن اقشاعا اينالدىرىپ، قارۋ-جاراق، وق-ءدارى ساتىپ الىپ، قيمىل قارجىسىن توپتاپ، يۇڭچىڭدا جاپون شاپقىنشىلارىنا قارسى تۇرۋ، بىرلەسىپ قورعانۋ اترەتى سياقتى جاپون شاپقىنشىلارىنا قارسى قارۋلىلاردى ۇيىمداستىرادى ءارى 1938-جىلى 11-ايدا، يۇڭچىڭ اۋدانىندا جاپون شاپقىنشىلارىنا قارسى تۇرۋ پارتيزاندارىن رەسمي قۇرادى.
1939-جىلى 8-ايدا، يۇڭچىڭ پارتيزاندارى جاڭا 4-ارميا پارتيزاندار تارماق اترەتىنىڭ 1-باس اترەتى بولىپ وزگەرتىلىپ، لۋ يۇيتيڭ باس اترەت باستىعى بولادى. 9-ايدا، لۋ يۇيتيڭ جۇڭگو كوممۋنيستىك پارتياسىنا مۇشە بولىپ، جاڭا توڭكەرىستىك ساپارىن باستايدى. ول 1-باس اترەتتى باستاپ، ماڭداڭ تاۋلى رايونىندا اتويلاپ، جاپون قۋىرشاق ارمياسىنا سوققى بەرەدى. بىرنەشە اي شايقاسۋ بارىسىندا، جاپون قۋىرشاق ارمياسىنان نەشە ءجۇزىن جويىپ جانە جارالاپ، اسكەري بولىمدەگى اسكەر سانىن 3 مىڭعا تاياۋ ادامعا كەڭەيتەدى.
1940-جىلى 4-ايدىڭ 1-كۇنى، جاپون ارمياسىنىڭ 3 مىڭنان ارتىق ادامى 4 باعىتقا ءبولىنىپ، ماڭداڭ تاۋلى رايونىنا كىرىپ، بىرىگىپ شابۋىل جاسايدى. لۋ يۇيتيڭ باستاماشىلدىقپەن اتويلاپ، اسكەري ءبولىمدى باستاپ، جاپون شاپقىنشىلارىمەن جانقيارلىقپەن شايقاسىپ، وتان ءۇشىن باسىن ءباي تىگە وتىرىپ، باقىتقا قارسى 41 جاسىندا ەرلىكپەن قۇربان بولادى.

بەرىپ كەت ورامالىڭدى

دوستار

الىستاعى اق ەركە