جاڭا حابارلار

جۇڭگو - ەۆروپا كەزەكشى پويەزىنىڭ (ءۇرىمجى) جيناۋ ورتالىعىن كەڭەيتىپ سالۋ قۇرىلىسىنىڭ 1 - مەرزىمدىك قۇرىلىسى سالىنىپ ءبىتىپ، ىسكە قوسىلدى

    كەلۋ قاينارى: شينجياڭ گازەتى    2018-12-05 17:13:47  

كەزەكشى پويەزدەردى گرۋپپاعا ءبولۋ جۇمىس ونىمدىلىگى 4 ەسە ارتتى
 


12 - ايدىڭ 3 - كۇنى جۇڭگو - ەۆروپا كەزەكشى پويەزىنىڭ (ءۇرىمجى) جيناۋ ورتالىعىن كەڭەيتىپ سالۋ قۇرىلىسىنىڭ 1 - مەرزىمدىك قۇرىلىس ورنىندا، يتاليانىڭ نەاپول قالاسىنا باراتىن جۇڭگو - ەۆروپا كەزەكشى پويەزى جولعا شىقتى. سول كۇنى جۇڭگو - ەۆروپا كەزەكشى پويەزىنىڭ (ءۇرىمجى) جيناۋ ورتالىعىن كەڭەيتىپ سالۋ قۇرىلىسىنىڭ 1 - مەرزىمدىك قۇرىلىسى سالىنىپ ءبىتىپ، ىسكە قوسىلدى. سۋرەتتى ءتىلشىمىز شيە لۇڭ تۇسىرگەن
 

 


 ءتىلشىمىز لۋ فىڭباۋ 12 - ايدىڭ 3 - كۇنى ۇرىمجىدەن حابارلايدى. 12 - ايدىڭ 3 - كۇنى جۇڭگو - ەۆروپا كەزەكشى پويەزىنىڭ (ءۇرىمجى) جيناۋ ورتالىعىن كەڭەيتىپ سالۋ قۇرىلىسىنىڭ 1 - مەرزىمدىك قۇرىلىسى سالىنىپ ءبىتىپ، ىسكە قوسىلدى، جۇڭگو - ەۆروپا كەزەكشى پويەزىن گرۋپپاعا ءبولۋ جۇمىس ۋاقىتى 24 ساعاتتان 6 ساعاتقا قىسقارىپ، جۇمىس ونىمدىلىگى 4 ەسە جوعارىلادى. 

 ۇعىسۋعا قاراعاندا، جۇڭگو - ەۆروپا كەزەكشى پويەزىنىڭ (ءۇرىمجى) جيناۋ ورتالىعىن كەڭەيتىپ سالۋ قۇرىلىسىنا جالپى 840 ميلليون يۋان قارجى قوسىلعان، تەمىر جول جۇمىس رايونى (كونتينەرلى كەزەكشى پويەزدەرىنىڭ جۇمىس رايونىن، بىرلىك كەزەكشى پويەزدەرىنىڭ جۇمىس رايونىن قامتيدى)، كەزەكشى پويەزدەردى جيناۋ، ءبولىپ جونەلتۋ رايونى سياقتى فۋنكتسيالىق رايونداردان قۇرالعان. بۇل نىسان بيىل 8 - ايدا جۇمىس باستاعان، قاۋىرت جۇمىس جۇرگىزۋ ارقىلى 1 - مەرزىمدىك قۇرىلىس سالىنىپ ءبىتتى، نىساننىڭ قالعان قۇرىلىستارى كەلەر جىلى 8 - ايعا دەيىن ورىندالىپ بولادى. ءۇرىمجى حالىقارالىق قۇرلىق پورت رايونىنىڭ ماڭىزدى قۇرامداس بولىگى رەتىندە، جيناۋ ورتالىعىن كەڭەيتىپ سالۋ قۇرىلىسى تولىق سالىنىپ بىتكەننەن كەيىن، ءۇرىمجى تورابىنىڭ حالىقارالىق كەزەكشى پويەزدەردى جيناۋ، شينجياڭنىڭ ءىشى - سىرتىنداعى زات قاينارىن بىرىكتىرۋ قۋاتى ونان ارى ارتىپ، شينجياڭنىڭ ارنالىق ەكونوميكادان ءوڭىر تورابىنداعى زات اينالىم ورتالىعىنا اينالۋىن جەبەيدى. 

 «بۇرىنعى ورىننىڭ قاتتى بولشەك جابدىعى سياقتىلارى جۇڭگو - ەۆروپا كەزەكشى پويەزىنىڭ جەدەل ارتۋ قاجەتىن قاناعاتتاندىرا الماي قالدى»، - دەپ تانىستىردى شينجياڭ شينتيە حالىقارالىق زات اينالىم شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى نان جۇن. وسىدان بۇرىن جۇڭگو - ەۆروپا كەزەكشى پويەزى جولعا شىعۋدان ىلگەرى الدىمەن پويەز توقتاتۋ ورنىندا گرۋپپاعا ءبولۋدى كۇتەدى، ونان گرۋپپاعا ءبولۋ الاڭىندا گرۋپپاعا بولىنەدى، سوڭىندا جونەلتۋدى كۇتۋ رايونىنان جولعا شىعادى، جۇمىس جالپى بارىسىنا 24 ساعات كەتەدى. كەڭەيتىپ سالۋ قۇرىلىسىنىڭ 1 - مەرزىمدىك قۇرىلىسى ىسكە قوسىلعاننان كەيىن، جاڭا الاڭ كەزەكشى پويەزدەردىڭ توتە كىرىپ، توتە شىعۋ شارت - جاعدايىن ازىرلەپ، كەزەكشى پويەزدەردىڭ جۇمىس ۋاقىتى 6 ساعاتقا قىسقاردى. مۇنان سىرت، جاڭا الاڭ ءتىپتى دە كوپ كەزەكشى پويەز توقتاتۋ يقۋاتىنا يە بولىپ، بۇكىل ەلىمىزدىڭ جەر - جەرىنەن كەلگەن كەزەكشى پويەزدەردىڭ وسى ارادا جينالۋ قاجەتىن تولىق قاناعاتتاندىرا الادى. 

 ۇعىسۋعا قاراعاندا، 2016 - جىلى 5 - ايدىڭ 26 - كۇنى جيناۋ ورتالىعى سالىنىپ ءبىتىپ ىسكە قوسىلعان، 2 جىلدان استام ۋاقىتتان بەرى جۇڭگو - ەۆروپا كەزەكشى پويەزىنەن جيىنى 1700دەن استام كەزەك قاتىناپ، جەلى 19عا كوبەيىپ، ورتا ازيا مەن ەۆروپاداعى 17 مەملەكەتتىڭ 24 قالاسىنا جەتىپ، جۇڭگو - ەۆروپا كەزەكشى پويەز تاسىمالىنىڭ كوپ ورىننان جولعا شىعاتىن، كوپ جەردە قاتىنايتىن، كوپ جەرگە جەتەتىن جاڭا جۇيەسىن قالىپتاستىرعان.


بەرىپ كەت ورامالىڭدى

دوستار

الىستاعى اق ەركە