جاڭا حابارلار

شي جينپيڭ پورتۋگاليانىڭ اقپارات قۇرالىندا اۆتورلى ماقالا جاريالادى

    كەلۋ قاينارى: شينجياڭ گازەتى    2018-12-05 17:20:24  

ۋاقىت پەن كەڭىستىكتەن اتتاعان دوستىق، بولاشاقتى بەتكە العان سەرىكتەستىك
 

 
 
شينحۋا اگەنتتىگىنىڭ 12 - ايدىڭ 3 - كۇنى بەيجيڭنەن بەرگەن حابارى. 12 - ايدىڭ 3 - كۇنى پورتۋگاليا رەسپۋبليكاسىندا مەملەكەتتىك ساپاردا بولۋ قارساڭىندا مەملەكەت ءتوراعاسى شي جينپيڭ پورتۋگاليانىڭ «حابار گازەتىندە» «ۋاقىت پەن كەڭىستىكتەن اتتاعان دوستىق، بولاشاقتى بەتكە العان سەرىكتەستىك» دەگەن تاقىرىپتا اۆتورلى ماقالا جاريالادى.

  شي جينپيڭ مىنالاردى اتاپ كورسەتتى: جۇڭگو مەن پورتۋگاليا ازيا - ەۆروپا قۇرلىعىنىڭ شىعىس، باتىس ەكى باسىندا بولعانىمەن، ەكى ەل حالىقتارىنىڭ دوستىعى الىستان باستاۋ الىپ، ۇزاق تاريحتى باستان وتكىزگەن. 1979 - جىلى 2 - ايدا جۇڭگو مەن پورتۋگاليا ديپلوماتيالىق قارىم - قاتىناس ورناتتى. 40 جىلدا جۇڭگو - پورتۋگاليا قارىم - قاتىناسى ۇزدىكسىز ورنىقتى، تەز دامۋدى ساقتاپ، ەرەكشە تاريحي بارىستى باستان كەشىردى. ەكى جاق باستان - اياق ءبىر - بىرىنە سەنىپ، ءوزارا قۇرمەتتەپ، ءبىر - بىرىنە كومەكتەسىپ، ەكى ەل قاتىناسىنا ستراتەگيالىق بيىكتەن جانە ۇزاق ۋاقىتتىق تۇرعىدان مامىلە جاساۋدان جازبادى، تەڭدىك، ءوزارا تيىمدىلىك جەتكىزۋ، سەلبەسىپ تەڭ يگىلىككە كەنەلۋ رۋحىنان جازباي ناقتى سەلبەستىكتەر ورىستەتتى، اۋىس - ءتۇيىس جاساپ، ءوزارا ونەگە الىپ، تىزە قوسا ىلگەرىلەۋ ۇستانىمىنان جازباي حالىقتاردىڭ بارىس - كەلىسىن جەبەدى. 

 شي جينپيڭ مىنالاردى باسا دارىپتەدى: قازىر جۇڭگو مەن پورتۋگاليا ءوزىن دامىتۋدىڭ شەشۋشى كەزەڭىندە تۇر. جۇڭگو جاق پورتۋگاليا جاقپەن بىرگە ءوزارا ءتۇسىنىسۋدى جانە سەنىمدىلىكتى ۇزدىكسىز تەرەڭدەتىپ، ناقتى سەلبەستىكتىڭ تەرەڭدىگى مەن كەڭدىگىن ۇزدىكسىز ۇلعايتىپ، جۇڭگو مەن پورتۋگاليانىڭ جان - جاقتى ستراتەگيالىق سەرىكتەستىك قاتىناسىنىڭ مازمۇنىن ونان ارى كەڭەيتىپ، جۇڭگو مەن پورتۋگاليا قارىم - قاتىناسىنىڭ اناعۇرلىم تاماشا كەلەشەگىن بىرگە اشۋدى قالايدى. ءبىرىنشى، جوعارى جىكتىڭ بارىس - كەلىسىن كۇشەيتىپ، ءوزارا قۇرمەتتەيتىن، ءوزارا سەنەتىن دوستار بولۋ. ەكى جاق ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان ىستەرىن باستان - اياق ءتۇسىنىپ جانە قۇرمەتتەپ، ەكى جاقتى قاتىناستىڭ ۇزاق بولاشاقتىق دامۋىنا بەرىك ساياسي قامتاماسىزدىق ازىرلەۋ كەرەك. ەكىنشى، «ءبىر بەلدەۋ، ءبىر جولدى» بىرگە قۇرىپ، قول ۇستاسا داميتىن سەرىكتەر بولۋ. ەكى جاق «ءبىر بەلدەۋ، ءبىر جولدى» بىرگە قۇرۋدى وراي ەتىپ، قازىرگى نىسانداردى ۇزدىكسىز ۇلعايتىپ، كۇشەيتىپ، ەكى جاقتى ساۋدا بارىس - كەلىسىن كەڭەيتىپ، سەلبەستىكتىڭ ءتىپتى دە كوپ ارتۋ تۇيىندەرىن قالىپتاستىرۋ كەرەك. ءۇشىنشى، گۋمانيتارلىق بارىس - كەلىستى تەرەڭدەتىپ، دوستىقتى جالعاستىرۋدىڭ ەلشىلەرى بولۋ. ءتورتىنشى، تەڭىزدەگى سەلبەستىكتى دامىتىپ، «كوك ءتۇستى ەكونوميكانىڭ» باستاماشىلارى بولۋ. «كوك ءتۇستى سەرىكتەستىك قاتىناستى» بەلسەندىلىكپەن كەڭەيتىپ، «كوك ءتۇستى ەكونوميكانى» دامىتىپ، شالقار - تەڭىز ارقىلى ۇرپاقتارعا باقىت جاراتۋ كەرەك. بەسىنشى، كوپ جاقتى سايكەستىكتى قويۋلاتىپ، حالىقارالىق جۇيەنىڭ قۇرۋشىسى جانە قورعاۋشىسى بولۋ. ەكى جاق اشىق، سيىسىمدى بولۋ سىندى ورتاق ۇستانىمنان جازباي، كوپ جاقتىلىقتى جانە ەركىن ساۋدانى قولداپ، دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنۋىن تىزە قوسا جەبەۋ كەرەك. ەكى جاقتىڭ بىرگە قۇلشىنۋىندا، جاڭا مەزگىلدەگى جۇڭگو - پورتۋگاليا قارىم - قاتىناسىنىڭ كەمەسى جەلكەنىن كەڭ جايىپ، بار قارقىنىمەن ءتىپتى دە شۇعىلالى كەلەشەككە بەت الاتىندىعىنا سەنەمىن. 

 شي جينپيڭ مىنالاردى باسا دارىپتەدى: پورتۋگاليا مەنىڭ وسى رەت ەۆروپاعا، لاتىن امەريكاسىنا ساپارلاۋ جانە 20 ەل توبى باسشىلارىنىڭ بۋەنوس - ايرەستەگى باس قوسۋىنا قاتىناسۋ ساپارىمنىڭ سوڭعى بەكەتى. وسى رەتكى ساپارىمدا، مەن ازيا - ەۆروپا قۇرلىعىن ەندەي ءوتىپ، اتلانت مۇحيتىنىڭ ەكى جاعالاۋىنا ساپار شەگىپ، حالىقارالىق قوعامنىڭ ءداۋىردىڭ اعىمىنا ۇيلەسۋدى، كوپ جاقتىلىققا تاباندى بولۋدى، الەمدىك جونگە سالۋدى جاقسارتۋدى ءۇمىت ەتكەن كۇشتى ءۇنىن، ءار ەل حالقىنىڭ بەيبىتشىلىكتى، تىنىشتىقتى تىلەگەن، دامۋعا، العا باسۋعا تالپىنعان، باقىتتى تۇرمىستى كوكسەگەن تاماشا ارمان - تىلەگىن سەزىندىم. قازىرگى دۇنيە جۇزىندەگى ءتۇرلى ماسەلەلەر مەن سىن - سايىستار الدىندا، جۇڭگو جاق تەك ءوزارا قۇرمەت ەتۋگە، تەڭ تۇرعىدا اقىلداسۋعا بويسۇنىپ، بەيبىت دامۋعا، سەلبەسىپ تەڭ يگىلىككە كەنەلۋگە تاباندى بولعاندا عانا، دۇنيە ءجۇزىنىڭ باياندى تىنىشتىعى مەن ادامزاتتىڭ بىرگە دامۋىن جۇزەگە اسىرۋعا بولاتىندىعىنا كامىل سەنەدى.


بەرىپ كەت ورامالىڭدى

دوستار

الىستاعى اق ەركە