جاڭا حابارلار

شي جينپيڭ پانامانىڭ زۇڭتۇڭى ۆارەلامەن كەڭەس وتكىزدى

    كەلۋ قاينارى: شينجياڭ گازەتى    2018-12-05 17:24:04  

پاناما قالاسىنا كەلىپ، پاناما رەسپۋبليكاسىنداعى مەملەكەتتىك ساپارىن باستادى
 


شينحۋا اگەنتتىگىنىڭ 12 - ايدىڭ 3 - كۇنى پاناما قالاسىنان بەرگەن حابارى (تىلشىلەر حو شياۋگۋاڭ، جىڭ كايجۇن). جەرگىلىكتى ۋاقىت 12 - ايدىڭ 3 - كۇنى مەملەكەت ءتوراعاسى شي جينپيڭ پانامانىڭ زۇڭتۇڭى ۆارەلامەن كەڭەس وتكىزدى، ەكى ەل باسشىلارى جۇڭگو مەن پانامانىڭ ديپلوماتيالىق قارىم - قاتىناس ورناتقاننان بەرگى ەكى جاقتى قاتىناستىڭ دامۋىنىڭ تاماشا بەتالىسىن جانە سەلبەستىك تابىستارىن وسكەلەڭ باعالاپ، ەكى ەل قاتىناسىن اناعۇرلىم ىلگەرىلەتۋ جونىندە كەڭ كولەمدى ورتاق تانىمعا كەلدى. 

 شي جينپيڭ مىنالاردى اتاپ كورسەتتى: جۇڭگو مەن پاناما قارىم - قاتىناس ورناتقان ءبىر جارىم جىلدان بەرى، جۇڭگو - پاناما قاتىناسى تەبىندى باستالدى، ۆارەلا زۇڭتۇڭ ەكەۋىمىز ءوزارا ساپارلاۋدى جۇزەگە اسىردىق، ەكى جاقتىڭ ساياسي سەنىمدىلىگى كۇن سايىن تەرەڭدەدى، «ءبىر بەلدەۋ، ءبىر جولدى» بىرگە قۇرۋدى جەتەكشى ەتكەن ءار سالاداعى اۋىس - ءتۇيىس، سەلبەستىك تەز دامىپ، كورنەكتى ونىمدىلىك كورسەتتى. اماليات − جۇڭگو مەن پانامانىڭ ديپلوماتيالىق قارىم - قاتىناس ورناتۋى بۇكىلدەي دۇرىس ەكەندىگىن، ەكى ەل حالقىنا تيىمدىلىك اكەلەتىندىگىن دالەلدەدى ءارى ۇزدىكسىز دالەلدەيدى. حالىقارالىق جاعداي، مەيلى قالاي وزگەرسە دە، جۇڭگو مەن پانامانىڭ دوستىق قاتىناسىن بەكەمدەۋ جانە دامىتۋ − جۇڭگو جاقتىڭ بۇلجىمايتىن ديپلوماتيالىق باعىتى. جۇڭگو جاق پاناما ۇكىمەتى مەن حالقىنىڭ مەملەكەتتىڭ حاۋىپسىزدىگى مەن ورنىقتىلىعىن قورعاۋ، حالىق تۇرمىسىن جاقسارتۋ، حالىقاراداعى ىقپالىن جوعارىلاتۋ جولىندا جاساعان قۇلشىنىستارىن قولدايدى، پانامانىڭ وڭىرلىك ەكونوميكانى توعىستىرۋ جانە ۇلاستىرۋ - تۇتاستىرۋ جاعىندا ءتىپتى دە زور رول اتقارۋىن قولدايدى. 

 شي جينپيڭ مىنالاردى باسا دارىپتەدى: زۇڭتۇڭ مىرزا ەكەۋىمىزدىڭ مىناداي ءبىر ماڭىزدى ورتاق تانىمىمىز بار: حالىقتى وزەك ەتكەن دامۋ يدەياسىنا تاباندى بولىپ، حالىققا باقىت جەتكىزۋدى قىزمەت ونىمدىلىگىن سىناقتان وتكىزۋدىڭ ولشەمى ەتۋ. بۇل يدەيا جۇڭگو مەن پانامانىڭ ديپلوماتيالىق قارىم - قاتىناس ورناتۋىنا جەتەكشىلىك ەتتى، كەلەشەكتە دە ەكى جاقتىڭ سەلبەستىك بارىسىندا بىرگە دامۋدى، حالىقتىڭ قۇت - ىرىسىن مولايتۋدى جەبەۋىنە جەتەكشىلىك ەتەدى. جۇڭگو جاق پاناما جاقپەن بىرگە جوعارى جىكتەگىلەردىڭ تىعىز بارىس - كەلىسىن ساقتاپ، ۇكىمەت تاراۋلارىنىڭ، زاڭ شىعارۋ قۇرىلىمدارىنىڭ، ساياسي پارتيانىڭ قارىم - قاتىناسىن، سەلبەستىگىن كۇشەيتۋدى قالايدى. جۇڭگو جاق پاناما جاقتىڭ تايۋان سياقتى جۇڭگونىڭ ەلەۋلى وزەكتى مۇددەسىنە ساياتىن ماسەلەلەرىندە باتىل قولداۋ كورسەتكەندىگىن وسكەلەڭ القايدى.  

 جۇڭگو جاق ىشكى ىسىنە ارالاسپاۋ پرينسيبىن ۇزدىكسىز ۇستانادى، پاناما كانالىنىڭ الەمدىك ەكونوميكاداعى رولىن تۇراقتاندىرادى، پانامانىڭ كانالعا يەلىك ۇقىعىنا قۇرمەت ەتەدى، كانالدىڭ ماڭگى بەيتاراپ حالىقارالىق قاتىناس سۋ جولى ەكەندىگىن مويىندايدى، پاناما جاقتىڭ حالىقارالىق جانە وڭىرلىك ىستەردە اناعۇرلىم زور رولىن اتقارۋىن قولدايدى. 

 شي جينپيڭ مىنالاردى اتاپ كورسەتتى: پاناما جاقتىڭ «2030 - جىلعا دەيىنگى مەملەكەتتىك زات اينالىمى ستراتەگياسى» جۇڭگو جاقتىڭ «ءبىر بەلدەۋ، ءبىر جولدى» بىرگە قۇرۋ باستاماسىمەن وسكەلەڭ ۇيلەسەدى، ەكى جاق ستراتەگيالىق ءتۇيىلىستىرۋدى كۇشەيتىپ، فينانس، ساياحات، زات اينالىمى، نەگىزدىك قۇرىلعى قۇرىلىسى سياقتى سالالارداعى سەلبەستىكتى ىلگەرىلەتىپ، تەمىر جول، وقۋ - اعارتۋ، ەمدەۋ سياقتى ءتۇيىندى نىسانداردى ويداعىداي تياناقتاندىرىپ، ۇلاستىرۋ - تۇتاستىرۋدى ىلگەرىلەتۋ كەرەك. جۇڭگو جاق پاناما كانالىنىڭ 2 - ءىرى پايدالانۋشىسى. ەكى جاق زات جيناۋ - تاسىمالداۋ ءتاسىلىن ىشكەرىلەي جاقسارتىپ، پاناما كانالىنىڭ جۇڭگونىڭ الەمدىك ساۋداعا اناعۇرلىم ىشكەرىلەي قاتىناسۋىندا ءتىپتى دە زور ونىمدىلىگىن ساۋلەلەندىرۋىنە بولادى. جۇڭگو جاق ءوزارا قۇرمەتتەۋ، تەڭدىك تۇرعىدا تيىمدىلىك جەتكىزۋ نەگىزىندە پانامامەن ەركىن ساۋدا كەلىسسوزىن وتكىزۋدى قالايدى، پانامانىڭ تەڭىز ونىمدەرى، ەت، اناناس سياقتىلارىنىڭ جۇڭگوعا ەكسپورت ەتىلۋىن قارسى الادى، جۇڭگونىڭ ءتىپتى دە كوپ فينانس قۇرىلىمدارىن پانامادا حالىق اقشاسىمەن ەسەپ ايىرىسۋ ورتالىعىن قامتىعان قۇرىلىمداردى قۇرۋعا شابىتتاندىرادى. گۋمانيتارلىق جانە جەرگىلىكتى ورىندار سياقتى سالالارداعى اۋىس - ءتۇيىستى كۇشەيتىپ، ەكى جاق ادامدارىنىڭ بارىس - كەلىسىنە قولايلىلىق تۋدىرىپ، ەكى ەل قاتىناسىنىڭ حالىق تىلەگى نەگىزىن بەكەمدەۋ كەرەك. حالىقارالىق ىستەردەگى بايلانىستى كۇشەيتىپ، ب م ۇ، دۇنيە جۇزىلىك ساۋدا ۇيىمى، جۇڭگو - لاتىن امەريكاسى ەلدەرى تالقى مىنبەرى سياقتى كوپ جاقتى قۇرىلىمدارداعى سايكەستىك پەن سەلبەستىكتى تەرەڭدەتىپ، قورعامپازدىق، سىڭار جاقتىلىق سياقتى سىن - سايىستارعا بىرگە توتەپ بەرىپ، جاڭاشا حالىقارالىق قاتىناستى جانە اشىق دۇنيە ءجۇزى ەكونوميكاسىن قۇرۋدى بىرگە ىلگەرىلەتىپ، وركەندەپ كەلە جاتقان ەلدەردىڭ ورتاق مۇددەسىن اناعۇرلىم جاقسى قورعاۋ كەرەك.  ۆارەلا مىنالاردى ءبىلدىردى: ءتوراعا شي جينپيڭنىڭ پاناماعا جاساعان تاريحي ساپارىن قىزۋ قارسى الامىن، بۇل، ءسوزسىز، پاناما مەن جۇڭگو حالىقتارىنىڭ دوستىق سۇيىسپەنشىلىگىن ونان ارى جاقىنداتادى. پاناما مەن جۇڭگو ديپلوماتيالىق قارىم - قاتىناس ورناتقاننان بەرى، ەكى جاقتى قاتىناس ماڭىزدى ىلگەرىلەۋشىلىكتەرگە قول جەتكىزدى. ءتوراعا شي جينپيڭمەن كەلىسكەن ورتاق تانىمدارىمىزدىڭ ويداعىداي تياناقتانعاندىعىنا، نەگىزدىك قۇرىلعى قۇرىلىسى، گۋمانيتارلىق سياقتى سالالارداعى اۋىس - ءتۇيىستىڭ، سەلبەستىكتىڭ بەلسەندىلىكپەن ىلگەرىلەتىلىپ جاتقاندىعىنا قاتتى قۋانامىن. پاناما جاق جۇڭگو جاقتىڭ پانامانىڭ ەكونوميكالىق، قوعامدىق دامۋىنا قولداۋ كورسەتكەندىگىنە العىس ايتادى. پاناما ءبىر جۇڭگو ساياساتىن باتىل ۇستانادى، ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسىن قۇرۋ سياقتى ماڭىزدى ۇستانىمدارىن القايدى. پاناما جاق «ءبىر بەلدەۋ، ءبىر جولدى» بىرگە قۇرۋدى قولدايدى، جۇڭگو جاقپەن قارجى قوسۋ، پورتتىق تاسىمال، ەركىن ساۋدا رايونى سياقتى سالالاردا سەلبەستىك جاساسۋدى ءۇمىت ەتەدى، جۇڭگو كاسىپورىندارىنىڭ قارجى قوسۋىن قارسى الادى، جۇڭگو جاقپەن ەركىن ساۋدا كەلىسىمىن ەرتەرەك جاساسىپ، ەكى ەلدىڭ ساۋدا دەڭگەيىن جوعارىلاتۋدى قالايدى. پاناما ءوزىنىڭ وڭىرلىك جانە زات اينالىمى ابزالدىلىعىنان پايدالانىپ، جۇڭگو مەن ورتا امەريكا قۇرلىعىن، سونداي - اق لاتىن امەريكاسى ءوڭىرىن تۇتاستىراتىن قاقپاعا جانە دانەكەرگە اينالۋدى ءۇمىت ەتەدى. پاناما - جۇڭگو سەلبەستىگىنىڭ ەكى ەل حالقىنا باقىت اكەلىپ قانا قالماستان، ءوڭىر حالقىنا دا باقىت جەتكىزىپ، دۇنيە ءجۇزىنىڭ بەيبىتشىلىگى مەن گۇلدەنىپ - كوركەيۋىنە ۇلەس قوساتىندىعىنا سەنەمىن.  ەكى ەل باسشىلارى كوپ جاقتى سەلبەستىك حۇجاتتارىنا قول قويۋعا بىرگە كۋا بولدى ءارى تىلشىلەرمەن بىرگە كەزدەستى. 

 ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلعا قاتىناستى. 

 شينحۋا اگەنتتىگىنىڭ 12 - ايدىڭ 2 - كۇنى پاناما قالاسىنان بەرگەن حابارى (تىلشىلەر سۋ جين، ۋاڭ جولۇن).جەرگىلىكتى ۋاقىت 12 - ايدىڭ 2 - كۇنى مەملەكەت ءتوراعاسى شي جينپيڭ پاناما قالاسىنا كەلىپ، پاناما رەسپۋبليكاسىنداعى مەملەكەتتىك ساپارىن باستادى.  جەرگىلىكتى ۋاقىت ساعات 20 مولشەرىندە ، شي جينپيڭ وتىرعان ارناۋلى ۇشاق پاناما قالاسى حالىقارالىق اۋەجايىنا كەلىپ قوندى. شي جينپيڭ مەن حانىمى پىڭ لييۋان ۇشاق ەسىگىنەن شىققاندا، پاناما زۇڭتۇڭى ۆارەلا مەن حانىمى كاستيللو ساتىنىڭ جانىندا تۇرىپ، قىزۋ قارسى الدى. ەكى ەلدىڭ مەملەكەت باسشىلارى مەن حانىمدارى ىقىلاستى قول الىسىپ، سالەمدەستى. قۇرمەت قاراۋىلى قىزىل كىلەمنىڭ ەكى جاعىندا قاتار تۇزەپ تۇردى.  ۆارەلا اۋەجايدا شي جينپيڭگە سالتاناتتى قارسى الۋ سالتىن وتكىزدى.  ەكى ەلدىڭ مەملەكەت باسشىلارى مەن حانىمدارى قىزىل كىلەمنىڭ ۇستىمەن ءجۇرىپ پارات مىنبەسىنە شىقتى. اسكەري وركەستر جۇڭگو - پاناما ەلدەرىنىڭ مەملەكەت ءانىن ورىندادى. شي جينپيڭ ۆارەلانىڭ سەرىك بولۋىندا قۇرمەت قاراۋىلىن كوزدەن كەشىردى.  جەرگىلىكتى بيشىلەر شاتتىققا تولى ۇلتتىق ءبي بيلەپ، جاس وسپىرىمدەر قولدارىنا گۇل جانە جۇڭگو مەن پانامانىڭ مەملەكەت تۋىن ۇستاپ، الىستان كەلگەن سيلى قوناقتاردى قارسى الدى. شي جينپيڭ مەن پىڭ لييۋان ولاردىڭ قاسىندا ايالداپ، قول بۇلعاپ قۇرمەت ءبىلدىردى. 

 شي جينپيڭ مىنانى باسا دارىپتەدى: بۇل مەنىڭ پاناماعا تۇڭعىش ساپارلاي كەلۋىم ءارى جۇڭحۋا حالىق رەسپۋبليكاسى ءتوراعاسىنىڭ تاريحتا پاناماعا تۇڭعىش ساپارى. مەن جۇڭگو حالقى اتىنان پاناما حالقىنا شىن ىقىلاستى سالەم جولدايمىن جانە ىزگى تىلەك بىلدىرەمىن. ءبىر جارىم جىلدىڭ الدىندا جۇڭگو مەن پاناما ءبىر جۇڭگو پرينسيبى نەگىزىندە رەسمي ديپلوماتيالىق قارىم - قاتىناس ورناتىپ، ەكى ەلدىڭ 160 جىلدىق قارىم - قاتىناسىنىڭ جاڭا پاراعىن اشتى. جۇڭگو مەن پاناما ديپلوماتيالىق قارىم - قاتىناس ورناتقاننان بەرى، ەكى ەلدىڭ قارىم - قاتىناسى سەرپىندى قادام تاستاپ، ءارقايسى سالاداعى سەلبەستىكتەرىنىڭ ناتيجەسى زور بولدى. اماليات جۇڭگو مەن پانامانىڭ ديپلوماتيالىق قاتىناس ورناتۋى ەكى ەلدىڭ جانە ەكى ەل حالقىنىڭ ءتۇبىرلى جانە ۇزاق ۋاقىتتىق مۇددەسىنە ۇيلەسەتىندىگىن، جۇڭگو - پاناما سەلبەستىگىنىڭ كومەسكى كۇشى زور ەكەندىگىن دالەلدەدى. 

 شي جينپيڭ مىنانى ءبىلدىردى: مەن ساپار كەزىندە ۆارەلا زۇڭتۇڭمەن كەڭەس وتكىزىپ، جۇڭگو - پاناما قارىم - قاتىناسىنىڭ ۇزاق ۋاقىتتىق دامۋىنىڭ كارتيناسىن سالىپ، ءوزارا ءتيىمدى سەلبەستىكتى ىلگەرىلەتىپ، بىرگە دامۋدى جەبەپ، ەكى ەل مەن ەكى ەل حالقىنا باقىت جاراتۋدى كۇتۋدەمىن.  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى ساپارلاستارى وسى ۇشاقتا بىرگە كەلدى. 

 جۇڭگونىڭ پاناماداعى باس ەلشىسى ۋي چياڭ دا اۋەجايعا شىعىپ قارسى الدى.  شي جينپيڭ ارگەنتيناداعى مەملەكەتتىك ساپارىن اياقتاتقاننان كەيىن، پاناماعا كەلدى. بۋەنوس - ايرەستەن اتتاناردا، ارگەنتينا ۇكىمەتىنىڭ جوعارى لاۋازىمدى ءمانساپتىلارى اۋەجايعا كەلىپ اتتاندىردى.   پاناما شي جينپيڭنىڭ وسى رەتكى ساپارىنىڭ 3 - بەكەتى. شي جينپيڭ تاعى پورتۋگاليادا مەملەكەتتىك ساپاردا بولادى.


بەرىپ كەت ورامالىڭدى

دوستار

الىستاعى اق ەركە