جاڭا حابارلار

نارات قالاشىعى جەرگىلىكتى ەگىنشى-مالشىلاردىڭ ساياحاتتىڭ تيىمدىلىگىنەن بارىنشا يگىلكتەنۋىنە مۇمكىندىك جاسادى

    كەلۋ قاينارى: شينجياڭ حالىق راديو ىستانسياسى    2018-12-06 11:29:48  
كۇنەس راديو ستانسياسىنىڭ ءتىلشىسى ءلاززاتتىڭ حابارى: ەلىمىزدەگى ەرەكشە شاعىن قالاشىق ــــ كۇنەس اۋدانىنىڭ نارات قالاشىعى 5A دارەجەلى كورىنىس رايونى سىندى وڭىرلىك ابزالدىلىعىنان پايدالانىپ، ساياحات ارقىلى حالىقتى اۋقاتتاندىرۋ ينجەنەرياسىن ءۇرتىس ورىستەتىپ، جەرگىلىكتى ەگىنشى-مالشىلاردىڭ ساياحاتتىڭ تيىمدىلىگىنەن بارىنشا يگىلكتەنۋىنە مۇمكىندىك جاسادى.
«كەلىڭىزدەر دوستار، جىلقىنىڭ ەتى، قىستا جەۋگە لايىقتى، دەنساۋلىققا پايدالى».
12- ايدىڭ 3- كۇنى، كۇنەس اۋدانى نارات قالاشىعى ارشان قىستاعىنداعى ساياحات وتباسى قونالقىسى كووپەراتيۆىنىڭ 21- ءنومىرلى ديحاندار تاعامجايىنىڭ جاۋاپتىسى بەيسەنبەك قوناقتارعا تۇسكى اس ازىرلەۋمەن قاربالاس بولدى. بيىل نارات كورىنىس رايونىنىڭ تۇڭعىش رەت قىستا اشىلۋى، ون مىڭ شاقىرىمدىق قار ۇشقىنداعان «كەڭىستىك جايلاۋى» كوپتەگەن ساياحاتشىنى قارسى الدى. 21- ءنومىرلى ديحاندار تاعامجايى بىرنەشە كۇننەن بەرى، كورلادان بارعان ءبىر توپ قوناقتى قارسى الدى. ءبىر كۇن تۇستەن بۇرىن قاربالاستىققا تۇسكەن بەيسەنبەك ۇستەلگە اق شاي، باۋىرساق، قۇرت، نان، جىلقىنىڭ ەتى سياقتى ەرەكشە تاعامداردى تولتىرا ءتىزدى ءارى دومبىراسىن قولىنا الىپ، ساياحاتشىلارعا حالىقتىق اندەردى ورىنداپ بەردى.
اسا ءدامدى تاعامدار مەن اسەم مۋزىكانى كورلالىق ساياحاتشى ۋ يىڭجيە اۋىز جاپپاي ماقتاپ: «بىلتىر ناراتقا كەلگەنبىز، كورىنىس رايونىنىڭ بيىل قىستا دا اشىلاتىندىعىن ەستىپ، بىرنەشە دوسىمدى ەرتىپ، قىسقى كورىنىسىن تاماشالاپ، ەرەكشە ءدامدى تاعامدارىنان ءدام تاتۋعا كەلدىم»،- دەدى.
كۇنەس اۋدانىنىڭ نارات قالاشىعى اتى ايگىلى نارات كورىنىس رايونىندا، وعان قاراستى 10 اكىمشىلىك قىستاق بار. كورىنىس رايونىنان پايدالانىپ، جەرگىلىكتى ورىن ساياحات قىزمەتىن وتەۋ كاسىبىن ءتۇيىندى جارىققا شىعارىپ، ەگىنشى-مالشىلاردىڭ «ساياحاتتىڭ تەز دامۋ» جولىمەن ءجۇرىپ، كىرىسىن ارتتىرىپ، اۋقاتتانۋىنا مۇمكىندىك جاسادى. مالشى نۇرگۇل اقباي قىزى 20 جىلدىڭ الدىندا، ساياحات كاسىبىمەن شۇعىلدانىپ، مەملەكەتتىك تاس جولدىڭ بويىنان جايما جايىپ، كيىز ءۇي تىككەن، بۇگىنگى كۇندە مونشا، جىلۋمەن قامداۋ سياقتى قۇرىلعىلارى تولىق وتباسى قونالقىسىن اشىپ وتىر، جىلدىق كىرىسى دە باستاپقى بىرنەشە مىڭ يۋاننان قازىرگى نەشە 10 مىڭ يۋانعا ارتتى. نۇرگۇل بىلاي دەدى: ساياحاتىمىز نەداۋىر تەز دامۋدا، قازىر كىرىسىمىز كۇننەن-كۇنگە جوعارىلاۋدا. بۇل دا بولسا مەملەكەتتىڭ ءتيىمدى ساياساتىنىڭ ارقاسى، ايگىلى ماركامىزدى شەتەلگە دەيىن تانىتىپ، اناعۇرلىم كوپ ادامنىڭ ناراتتىڭ كوز سۇرىندىرەتىن ءتىلسىم كورىنىسىن تاماشالاۋىنا مۇمكىندىك جاساۋدى ءۇمىت ەتەمىن.
بيىل 7- ايدا، ىلە وبىلىسىنداعى تۇڭعىش ساياحات وتباسىندىق قونالقىسى كووپەراتيۆى ــــ كۇنەس اۋدانى نارات قالاشىعى ارشان قىستاعىنداعى ساياحات وتباسىندىق قونالقىسى كووپەراتيۆى قۇرىلىپ، ماڭىنداعى 30 نەشە مالشىنى كووپەراتيۆكە كىرۋگە باۋرادى، ءار ءبىر وتباسىندىق قونالقىدا ءبىر تۇتاس ولشەم، ءبىر تۇتاس تۇراقتى باعا، ءبىر تۇتاس ۇگىتتەۋ تانىستىرۋى اتقارىلىپ، جەرگىلىكتى ورىننىڭ ساياحات كاسىبىن قاراپايىم، بىتىراندىلىقتان جۇيەلىلىككە، شوعىرلىلىققا ويىستىرعاندىقتان، كووپەراتيۆتەگى وتباسىلارىنىڭ ورتاشا جىلدىق كىرىسى 30 مىڭ يۋاننان استى. وتباسىندىق قونالقىنىڭ ءتيجاراتشىسى 90- جىلداردىڭ تۇلەگى سايراگۇل ءومىرقۇل قىزى تىلشىگە بىلاي دەدى: قازىر، نارات قالاشىعى اۋىل-قىستاق ساياحاتىنىڭ ەلىمىزدەگى ات-اتاعى بارعان سايىن ايگىلەنىپ، كوپتەگەن قوناقتار توراپ ارقىلى ەرتە باستان جاتىن ورىنعا تاپسىرىس بەرەتىن بولدى. بيىل 70 مىڭ يۋان تابىس تاپتىم، 70 تە %80 ءتى توراپتان تاپسىرىس بەرەتىن قوناقتار، بۇرىنعىدان دا كوپ قوناقتار ارقىلى ناراتتىڭ تانىمالدىلىعىن جوعارىلاتۋدى ءۇمىت ەتەمىن.

بەرىپ كەت ورامالىڭدى

دوستار

الىستاعى اق ەركە