جاڭا حابارلار

وڭتۇستىك حىبەيداعى اتاعى جەر جارعان باتىر تۋانجاڭ ـــ لي لين

    كەلۋ قاينارى: شينجياڭ حالىق راديو ىستانسياسى    2018-12-06 11:34:33  
لي لين ــــ 1914-جىلى، حىبەي ولكەسى ۋيشيان (威县) اۋدانى بەيماجۋاڭ (北马庄) قىستاعىندا دۇنيەگە كەلگەن. 1930-جىلى، جۇڭگو كوممۋنيستىك پارتياسىنا مۇشە بولعان، پارتياعا كىرگەننەن كەيىن، وسى اۋدانداعى باستاۋىش مەكتەپتە وقىتۋشى بولعان. وقىتۋشىلىق مىندەت اتقارعان كەزىندە، ول جىلجىمالى كىتاپحانا قۇرىپ، توڭكەرىستىك يدەيانى بەلسەنە ۇگىتتەپ، وقىتۋشىلاردى ارەكەتكە كەلۋگە شابىتتاندىرىپ، قاناۋشىلارمەن بەل شەشە كۇرەسەدى.
1935-جىلى كۇزدە، لي لين وڭتۇستىك حىبەي ديحاندار قارۋلى كوتەرىلىسىنە قاتىناسىپ، گۋاڭزۇڭ، ۋيشيان اۋداندارىندا پارتيزاندار شاعىن اترەتىن ۇيىمداستىرىپ، پومەشيكتەردىڭ مىلتىعىن جيناپ الۋ، ءمانساپتىلاردى، تورەلەردى، زورەكەرلەردى الاستاۋ شايقاسىن جۇرگىزىپ، گۋاڭزۇڭ، ۋيشيان اۋدارندارىندا اتاعى جەر جارىپ، تەز ارادا 2 مىڭ نەشە ادامدىق ديقاندار قارۋلى اترەتىن قالىپتاستىرادى. 1936-جىلى 1-ايدا، سولتۇستىك جۇڭگو حالقىنىڭ جاپون شاپقىنشىلارىنا قارسى تۇرىپ، وتاندى قۇتقارۋ ارمياسى 1-شىسىنىڭ ورىنباسار ليانجاڭى، قوسىمشا پايجاڭى بولىپ، ءبىر ليان اسكەرگە قولباسشىلىق ەتىپ، ۋشيان، گۋاڭزۇڭ، جۇيلۋ، نانگۇڭ وڭىرلەرىندە كولەمدى قارۋلى كوتەرىلىس ۇيىمداستىرادى.
1937-جىلى 2-ايدا، لي لين يان-ءانداعى جۇڭگو كوممۋنيستىك پارتياسى ورتالىق پارتيا مەكتەبىنە ۇيرەنۋگە بارادى. 1938-جىلى 3-ايدا، ج ك پ گۋاڭزۇڭ، ۋيشيان، جۇڭشين اۋداندىق پارتكومنىڭ شۋجيى مىندەتىنە تاعايىندالىپ، جەرگىلىكتى ورىننىڭ جاپون شاپقىنشىلارىنا قارسى اكىميات قۇرىپ، 100 دەن ارتىق مىلتىعى بار پارتيزاندار اترەتى مەن ەكى اۋداننىڭ قارۋلى اترەتىن قۇرادى. سول جىلى 4-ايدا، ول ىلگەرىندى-كەيىندى وڭتۇستىك حىبەي دەربەس تارماق اترەتىنىڭ ساياسي كوميسسيارى، 1-ارميا بولىمشە رايونىنىڭ سىليڭيۋانى بولادى. 1938-جىلدىڭ سوڭىندا، جاۋشيان، گاۋچىڭ، شۋ لۋ، جينشيان، نيڭجين، لۋانچىڭ سياقتى اۋدانداردا جاپون شاپقىنشىلارىنا قارسى دەموكراتيالىق ۇكىمەتىن جانە اۋدانداردىڭ پارتيزاندار ۇلكەن اترەتىن قۇرادى.1940-جىلى، لي لين 8-ارميا 129-شىسى جاڭادان قۇرىلعان 9-لۇيى 25-تۋاننىڭ باستىعى، قوسىمشا ساياسي كوميسسارى مىندەتىنە تاعايىندالىپ، كوپ رەت سوققى بەرۋ شايقاسىن ۇيىمداستىرىپ جانە جۇرگىزىپ، جاۋعا سىلەيتە سوققى بەرەدى. 1940-جىلى كۇزدە، ءجۇز تۋاندىق كولەمدى شايقاستا، لي لين قوسىن باستاپ، جاپون ارمياسىنىڭ يكاۋا ۇلكەن اترەتىنىڭ ءبىر بولىمشە اترەتىن جويىپ، قىرۋار زەڭبىرەك پەن وق-ءدارىنى قولعا ءتۇسىرىپ، 8-ارميانىڭ باس شتابى جاعىنان جالپى بۇيرىق ءتۇسىرىلىپ، ماراپاتتالادى. سول جىلى 10-ايدا، لي لين قوسىن باستاپ، ساڭشىلۋچين (沧石路秦) قىستاعىندا جاپون ارمياسىنىڭ 70 نەشە اسكەرىمەن قيان-كەسكى سوعىسىپ، جاۋ اسكەرىنىڭ باسىم كوبىن جويعاننان كەيىن، سوعىس مايدانىن تازالاۋ بارىسىندا، جاۋدىڭ جاسىرىنىپ قالعان ءبىر جاساعىنىڭ تۇتقيىل شابۋىلىنا ۇشىراپ، 26 جاسىندا قۇربان بولادى.

بەرىپ كەت ورامالىڭدى

دوستار

الىستاعى اق ەركە