جاڭا حابارلار

ولار قىستاق تۇرعىندارىن كەدەيلىكتەن قۇتىلىپ، اۋقاتتانۋ جولىنا باستادى

    كەلۋ قاينارى: شينجياڭ حالىق راديو ىستانسياسى    2018-12-06 11:37:13  
ستانسيامىزدىڭ ءتىلشىسى ليۋ چياڭ مەن حوتان راديو ستانسياسىنىڭ ءتىلشىسى ليۋ-يدىڭ حابارى: سوڭعى جىلداردان بەرى، حوتان قالاسى سورباع اۋىلى ايدىنكول قىستاعىنىڭ پارتيا ياچەيكا شۋجيى، قىستاق تۇرعىندار كوميتەتىنىڭ مەڭگەرۋشىسى ءماتتۇرسىن حوجاحىمەت قىستاقتىڭ «ەكى كوميتەت» باسشىلىق القاسىنداعىلاردى باستاپ، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىسترۋ» قىزمەتى بايلانىسىمەن قىستاقتا تۇرعان قىزمەت اترەتىندەگىلەرمەن سايكەسىپ، نازاردى قىستاق تۇرعىندارىنىڭ كەدەيلەسۋ سەبەبىنە ءدالمە-ءدال شارا قولدانۋعا شوعىرلاندىرىپ، قىستاق تۇرعىندارىنىڭ كوكونىس جىلىجايىن دامىتۋىنا ۇلگى، باستاماشى بولىپ، باعىمشىلىق كاسىبى سەلبەستىك كووپەراتيۆىن قۇرىپ، قىستاق تۇرعىندارىن كەدەيلىكتەن قۇتىلىپ، اۋقاتتانۋ جولىنا باستادى.
حوتان قالاسى سورباع اۋىلى ايدىنكول قىستاعىنىڭ پارتيا ياچەيكا شۋجيى، قىستاق تۇرعىندار كوميتەتىنىڭ مەڭگەرۋشىسى ءماتتۇرسىن حوجاحىمەتتىڭ كوكونىس جىلىجايىنداعى ساڭىراۋقۇلاقتار كەرەمەت ءوستى، بۇل وسى قىستاقتاعى 180 كوكونىس جىلىجايىنىڭ ىشىندەگى تۇڭعىش رەت ساڭىراۋقۇلاق ەككەن ۇلگى جىلىجايى-ەدى. بيىل 5-ايدان قازىرگە دەيىن، ءماتتۇرسىن حوجاحىمەتتىڭ باستاماشىلىعىندا، تۇتاس قىستاقتاعى ارحيۆ تۇرعىزىلىپ، كارتىشكا تاراتىلعان 22 كەدەي وتباسى ارت-ارتىنان جىلىجايعا ساڭىراۋ قۇلاق ەگىپ، ءار وتباسىنىڭ ورتاشا كىرىسى 10 مىڭ يۋاننان استى. ءماتتۇرسىن حوجاحىمەت: «بۇرىن قىستاق تۇرعىندارى جىلىجايعا تەك ءبايساي، پيازى عانا ەگەتىن دە ودان ونشالىقتى كوپ كىرىس كىرگىزە المايتىن. قىستاعىمىزداعى ‹ەكى كوميتەت› پەن قىزمەت اترەتىندەگىلەر تەكسەرىپ-زەرتتەۋ ارقىلى ساڭىراۋقۇلاق بازارىنىڭ جاقسى ەكەندىگىن بايقادى، الايدا مۇنى كوپشىلىك ەگىپ كورمەگەندىكتەن ونى ەگۋگە باتىلدىق ەتە المادى، پارتيا مۇشەسى جانە قىستا پارتيا ياچەيكاسىنىڭ شۋجيى رەتىندە ءدال وسى ساتتە باستاماشىلدىق رولىمدى اتقاردىم، وسىلاي بولعاندا، قىستاق تۇرعىندارى دا بىزگە ىلەسىپ، جۇمىس ىستەيدى»،-دەدى.
ايدىنكول قىستاعى ەرەكشە كەدەي قىستاق، قىستاقتا ارحيۆ تۇرعىزىلىپ، كارتىشكا تاراتىلعان 128 كەدەي وتباسى بار. وسى كەدەي وتباسىلارىنىڭ كەدەيلىكتەن تەزىرەك قۇتىلۋىنا كومەكتەسۋ ءۇشىن، بيىل 9-ايدا، ءماتتۇرسىن حوجاحىمەت تاعى قىستاقتاعى كولەمدى باعىمشىلىقپەن شۇعىلداناتىن وتباسى ابىلا ماحمۇتتى باستاماشى ەتىپ، اتتانىسقا كەلتىرىپ، «باقىت مال باعىمىشلىعى سەلبەستىك كووپەراتيۆىن» قۇرىپ، وعان 25 كەدەي وتباسىنا سۇيەمەلگە بەرىلگەن 50 باس سيىرىن اماناتتاپ باقتىرىپ، ءار سيىردان جىلىنا مولشەرمەن مىڭ يۋانداي پايدا تۇسىرۋمەن بىرگە، تاعى 8 كەدەي وتباسىن وسى سەلبەستىك كووپەراتيۆىندە كاسىپتەنۋگە باستادى. ابىلا ماحمۇت: «قىستاق تۇرعىندار كوميتەتى مەن قىزمەت اترەتىندەگىلەردىڭ قولداۋىندا، سەلبەستىك كووپەراتيۆىمىز قازىر ارناعا ءتۇستى، ەتتى سيىرلادى سىرتقا ساتىپ، ودان قايتادان تايىنشا ساتىپ الىپ جالعاستى باعامىز. قىستاق پارتيا ياچەيكاسىنىڭ شۋجيى ءبىزدىڭ كوپەراتيۆىمىزگە ەرەكشە كوڭىل بولەدى، ارناۋلى تىڭايتقىش سەرىكتەستىگىن تاۋىپ، تۇراقتى ۋاقىتتا سەلبەستىك كووپەراتيۆىمىزگە كەلىپ، سيىر تەزەگىن جيناتىپ اكەتەدى، ءبىر اۆتوكولىك تەزەكتى مىڭ يۋانعا ساتامىز. سەلبەستىك كووپەراتيۆىمىزدىڭ ساۋداسىن جاقسى ىستەپ، كووپەراتيۆ مۇشەلەرىن كەدەيلىكتەن قۇتىلدىرۋعا سەنىمىم كامىل»،-دەدى.
قىستاق تۇرعىنى ءامينا ءيمىن وتباسى ايدىنكول قستاعىنداعى ارحيۆ تۇرعىزىلىپ، كارتىشكا تارتىلعان كەدەي وتباسى، ول ۇزاقتان بەرى، ۇيىندە بالالارىن باعىپ كەلگەن ەدى. ءماتتۇرسىن حوجاحىمەت قىستاقتاعى جاعدايى ونىمەن ۇقساس كەلەتىن 5 كەدەي وتباسىن ۇيىمداستىرىپ، سورباع اۋىلىنان 30 شارشى مەترلىك ءبىر دۇكەندى تەگىن پايدالانا تۇرۋعا ءوتىنش ەتىپ، ولاردىڭ ءار ءتۇرلى ۇلگىدەگى اياق كيىمدەردى ساتىپ، وتباسى كىرىسىن ارتتىرۋىنا كومەكتەستى. ءامينا ءيمىن: «قىستاق پارتيا ياچەيكاسىنىڭ شۋجيى بىزگە: ايەلدەر دە وزدەرىن الۋەتتەندىرۋى كەرەك، بۇرىنعىداي وت باسى، وشاق قاسى بولىپ وتىرا بەرۋگە بولمايدى،-دەدى. قازىر ءار كۇنى دۇكەنگە بارىپ، اياق كيىم ساتامىن، ساۋدام دا كۇننەن كۇنگە جاقسارىپ كەلەدى، دۇكەننەن تىس، ءبىز تاعى قىستاق بازارلارىنا بارىپ، اياق كيىم ساتامىز، قازىر ءبىر ايدا مىڭ 500 يۋاننىڭ اينالاسىندا كىرىس كىرگىزەمىن»،-دەدى.
ءماتتۇرسىن حوجاحىمەت «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىسترۋ» قيمىلى بويىنشا قىستاقتا تۇرعان قىزمەت اترەتىندەگىلەردىڭ قىستاق تۇرعىندارىن كەدەيلىكتەن قۇتىلدىرىپ، كىرىستەرىن ارتتىرۋىنا جەتەكشىلىك ەتۋىنە بار كۇشپەن سايكەسۋمەن بىرگە، تاعى قىستاق تۇرعىندارىنا ناقتىلى ءىس ىستەپ بەرۋگە باسا نازار اۋدارىپ، اۋىل-قىستاقتىڭ نەگىزدىك قۇرىلىعى-قۇرىلىستارىن بەلسەنە كەمەلدەندىرىپ، قىستاقتىڭ بەت-بەينەسىن جان-جاقتىلى وڭاپ، وسىزامانعى وركەنيەتتى تۇرمىس ءادىسىن قۋاتتادى. قازىر، ايدىنكول قىستاعىنداعى قىستاق دارەجەلى جولداردىڭ ارالىعى اناعۇرلىم ۇزارىپ، جول بويلارىنا تۇگەلدەي كۇن نۇرى ەنەرگياسىمەن جاناتىن كوشە شامدارى ورناتىلىپ، تۇتاس قىستاقتىڭ بەت-بەينەسى رەتتەلىپ، وڭالا باستادى. ءماتتۇرسىن حوجاحىمەت بىلاي دەدى: «قىزمەت اترەتىندەگىلەردىڭ كومەگىندە، قىستاعىمىزدا ۇلكەن وزگەرىس جارىققا شىقتى، كاسىپتەندىرۋدى ىلگەرلەتۋ، كوكونىس جىلىجايىن جانە باعىمشىلىق سەلبەستىك كووپەراتيۆىن دامىتۋ ارقىلى قىستاق تۇرعىندارىنىڭ كەدەيلىكتەن قۇتىلۋ تانىمى كۇشەيدى، قىستاق كادىرلارىنىڭ قىزمەت قابىلەتى دا كورنەكتى جاقساردى. جالعاستى قۇلشىنىپ، وزدىك ساپامىزدى جوعارىلاتىپ، قىستاق تۇرعىندارىنىڭ كەدەيلىكتەن ەرتەرەك قۇتىلىپ، اۋقاتتانۋىنا جەتەكشىلىك ەتەمىز».

بەرىپ كەت ورامالىڭدى

دوستار

الىستاعى اق ەركە