جاڭا حابارلار

ىلە وبىلىسى ەرەكشە اۋىل-شارۋاشىلىعىن بەلسەنە دامىتىپ، ديقانداردىڭ كىرىس ارناسىن ءونىمدى كەڭەيتتى

    كەلۋ قاينارى: شينجياڭ حالىق راديو ىستانسياسى    2018-12-06 11:44:48  
ستانسيامىزدىڭ تىلشىلەرى ءلان تيان، جاۋ لينا جانە ىلە راديو ستانسياسىنىڭ ءتىلشىسى يۇي تيانداردىڭ حابارى: سوڭعى جىلداردان بەرى، ىلە وبىلىسى ديقاندار ارناۋلى كووپەراتيۆىن ۇيىمداستىرىپ، قۇرىپ، قۇرىلعى اۋىل شارۋاشىلىعىن كۇش سالا دامىتىپ، ديقانداردىڭ ەگىس قۇرىلىمىن رەتتەپ، ەرەكشە ەگىمشىلىك كاسىبىن دامىتۋىنا جەتەكشىلىك ەتىپ، ديقانداردىڭ ءوندىرىس بەلسەندىلىگىن زور دارەجەدە جۇمىلدىرىپ، كىرىستى ارتتىرۋدىڭ ارناسىن ءونىمدى كەڭەيتتى.
دالا قار جامىلىپ، مۇز قۇرسانعان ساتتە، قۇلجا قالاسى قارا ءدوڭ اۋىلى كوكلەم كوكونىس بازاسىنداعى جىلىجايدا كوكونىستىڭ ساۋداسى بۇرىنعىداي كۇسەت بولدى، ساۋمالدىق، سارىمساق، ۋ سارسىمساق مايساسى، اسكوك سياقتى كوكونىستەر ىركەس-تىركەس اۆتوكولىككە تيەلۋدە. كوكونىستى تولايىم ساتۋمەن شۇعىلداناتىن ساۋداگەر لي چيڭسۇڭ مەن كوكونىس ەگۋشى زىڭ چيڭ-ءان داعار-داعار جاڭا كوكونىستەردى اۆتوكولىككە تيەپ، قۇلجا قالاسىنداعى ەرەن بازارلار مەن كوكونىس تولايىم ساتۋ بازارلارىنا اپارىپ، ساتۋعا ازىرلەندى. لي چيڭسۇڭ تىلشىگە بىلاي دەدى: «80-جىلداردا، جىلىجاي دەگەن اتىمەن جوق ەدى، قار جاۋسا بولدى كوكونىستەن ءونىم الىنبايتىن، قازىر، جىلىجايدا الۋان ءتۇرلى كوكونىس ەگىلەدى، بۇگىن اپارىپ، ەرتەڭ تاڭەرتەڭ ساتامىز، الاڭ-ەلەڭدە-اق ساتىلىپ بولادى، تۇستەن كەيىن تاعى دا وسىندا كەلىپ اۆتوكولىككە كوكونىس تيەيمىز».
كوكونىس ەگۋشى زىڭ چيڭ-ءاننىڭ كوكونىس ەككەنىنە 30 جىل بولدى، باستاپقى جاتاعان شاتىرشالى لاپاستا جەكە دارا كوكونىس ەگۋدەن، 2008-جىلى، قارا ءدوڭ اۋىلى كوكلەم كوكونىس بازاسىنا كىرىپ، جىلىجايدا كوكونىس ەككەنگە دەيىن، زىڭ چيڭ-ءان بازا قامداعان مايسا ءوسىرۋ، تىڭايتقىش، تەحنيكا، ساتۋ سياقتى جەلىلەس قىزمەت وتەۋدەن يگىلىكتەنەدى، بۇگىنگى كۇندە، ونىڭ 6 جەردە كوكونىس ەگەتىن جىلىجايى بار، جىلدىق تازا كىرىسى 60 مىڭ يۋاننان اسادى. زىڭ چيڭ-ءان بىلاي دەدى: «بۇرىن مەندە شاتىرشالى لاپاس عانا بار بولاتىن، بىرتىندەپ جىلىجايعا ويىستىق، باستابىندا پاميدور، قىزىل بۇرىش ەكتىك، كووپەراتيۆ قۇرىلعاننان كەيىن، كووپەراتيۆ جەتەكشى بولىپ، كوكونسىتەردى جوعارى باعادا ساتاتىن بولدىق».
جىلىجايداعى كوكونىس ءار ۇلت بۇحاراسىنىڭ كوجە-قاتىعىن مولايتتى ءارى كوكونىس ەگۋشىلەردىڭ كىرىسىن ارتتىرۋىن جەبەدى. قازىر، كوپتەگەن ديقان ەرەكشە جەمىس-جيدەكتەر مەن كوكونىستەردى جىلىجايلارىنا ەنگىزدى. مىناۋ بۇلدىرگەن مايساسى، جاڭا ەگىلگەن، 100 كۇندە پىسادى، شاعان مەرەكەسىنىڭ الدى-ارتىندا بازارعا شىعارىلادى. چاپچال سىبە اۆتونوميالى اۋدانى بەسسۇمۇل قالاشىعى شولپان قىستاعىنىڭ بۇلدىرگەن كووپەراتيۆىنىڭ «بۇلدىرگەن مەن ساڭىراۋقۇلاقتى» بىرلەستىرىپ، سترەولى ەگۋ ۇلگىسى ءۇرتىس 6 جىل اتقارىلدى، قازىر جىلىجاي باستاپقى 13 تەن 120 گە كوبەيدى. كووپەراتيۆتىڭ القا باستىعى جۋ فاحۇي تىلشىگە بىلاي دەدى: «ساڭىراۋقۇلاق كىرىستىرىلىپ ەگىلگەن بۇلدىرگەن جىلىجايىنىڭ ناق كىرىسى 70 مىڭ يۋانعا جەتەدى، بۇدان كىرەتىن كىرىس ادەتتەگى جىلىجايدا كوكونىس ەگۋدەن كىرەتىن كىرىستىڭ 3 ەسەسىندەي، ءبىر جىلدىڭ ءتورت ماۋسىمىندا دا بۇلدىرگەن ەگىپ، ءونىم الۋعا بولادى ءارى ساياحاتشىلاردى قالادان اۋىل-قىستاققا ويىسۋعا باۋرادىق، كىرىسىمىز دە مولايدى. ايگىلى ماركا جاراتىپ، جاسىل ءونىم الدىق، باستان-اياق اۋلا تىڭايتقىشىن پايدالاندىق. ەگەر، ءونىم ساپاسى جاقسى بولماسا، ساياحاتشى دا كەلمەيدى. مولىنان ساتىلاتىن مەزگىلدە، ءمالى اۆتوكولىككە لىق تولادى، ساياحاتتاي كەلگەندەر كوپ، ەلىمىزدىڭ جەر-جەرىنەن ساياحاتشى كەلەدى. سۇراساڭىز، ولاردىڭ ءبارى بۇلدىرگەن تەرگەلى كەلدىك دەيدى، مۇنى ەستىگەندە، ءبىز دە ايىرىقشا قۋانامىز. بىرنەشە جىلدان بەرى، ءبىزدىڭ وسى بازاداعى ءار وتباسىنىڭ جىلدىق كىرىسى 100 مىڭ يۋاننان تۇسپەي كەلەدى».
ەرەكشە جەمىس-جيدەك، كوكونىس ەگىپ، جوعارى باعادا ساتۋ ءۇشىن، 2017-جىلى، ىلە وبىلىسى ىلە كوكونىسى، ىلە قارا ءبيدايى، ىلە ماقسارىسى سياقتى 11 اۋىل شارۋاشىلىق ءونىمدى وڭىرلىك الەۋمەتتىك ايگىلى ماركا ەتىپ بەلگىلەدى جانە ءبىر قىدىرۋ كاسىپورىن ايگىلى ماركاسى مەن تاۋار ماركاسىن كۇش سالا جارىققا شىعارىپ، جەرگىلىكتى ورىننىڭ ەرەكشە اۋىل شارۋاشىلىق ونىمدەرى ماركاسىن جاراتۋ دەڭگەيىن جان-جاقتىلى جوعارىلاتۋ ارقىلى ەرەكشە اۋىل شارۋاشىلىق كاسىپورىندارىنىڭ ءورتىس دامۋىن جەبەدى. ىلە وبىلىستىق پارتكوم اۋىل شارۋاشىلىق كەڭسەسى امبەباپ باسقارماسىنىڭ باستىعى دىڭ حۋاشيڭ بىلاي دەدى: «ىلە اۋىل شارۋاشىلىق ونىمدەرىنىڭ وڭىرلىك ايگىلى ماركاسى وبىلىس دارەجەلىدەن جوعارى 50 جەتەكشى كاسىپورىندا جاپپاي جالپىلاستىرىلىپ، پايدالانىلدى، كاسىپورىندار دا وزدەرىنىڭ كەيبىر ايگىلى ماركاسىن جاراتتى. ءبىز تاعى جاعراپيالىق بەلگى ىسپاتتاماسى ساۋدا ماركاسىن ءوتىنىش ەتتىك، قاتىستى جەرگىلىكتى ولشەمدەردى دە بەلگىلەدىك، بيىلعى جىلدىڭ سوڭى مەن كەلەرگى جىلدىڭ باسىندا، كاسىپورىنداردىڭ پايدالانۋىنا ۇسىنامىز. سوڭىندا، ىلەنىڭ ات-اتاعىن ايگىلەپ، ونىمدەردى اناعۇرلىم ويداعىداي ساتىپ، اناعۇرلىم جاقسى دامىتىپ، ەگىنشى-مالشىلاردىڭ كىرىسىن ءتىپتى تەز ءارى ورنىقتى ارتتىرامىز».

بەرىپ كەت ورامالىڭدى

دوستار

الىستاعى اق ەركە