جاڭا حابارلار

شىلان مەكەنىندەگى تولاعاي تابىس

    كەلۋ قاينارى: شينجياڭ حالىق راديو ىستانسياسى    2018-12-07 10:45:47  
ستانسيامىزدىڭ ءتىلشىسى ليۋ چياڭ مەن لوپ اۋداندىق راديو ستانسياسىنىڭ ءتىلشىسى جاۋ يانجى حابارلايدى: لوپ اۋدانىنىڭ بەستوعىراق اۋىلى يىسلىقدوڭ قىستاعى ــــ وتكەن عاسىردىڭ 60-جىلدارىندا جياڭسۋ ولكەسىنەن شەكارا وڭىرگە كومەككە كەلگەن جاستار مەن جەرگىلىكتى ورىنداعى بۇقارانىڭ ورتاق قۇلشىنۋىندا يگەرىلگەن قۇتتى القاپ بولاتىن. نەشە ون جىلدان بەرى، جەرگىلىكتى ورىنداعى ءار ۇلت كادرلار مەن بۇقارا تىزە قوسا سەلبەسىپ، قۇرىلىس جۇرگىزىپ، شىلان كاسىبىن بەلسەنە دامىتتى ءارى مول تابىسقا قول جەتكىزدى.
وتكەن عاسىردىڭ 60-جىلدارىندا، شى حىشان جياڭسۋ ولكەسىنەن شەكارا وڭىرگە كومەككە كەلگەن جۇزگە جۋىق جاسپەن بىرگە، مەملەكەتتىڭ ۇندەۋىنە بەلسەنە ءۇن قوسىپ، قازىرگى يىسلىقدوڭ قىستاعىنا كەلىپ، جەرگىلىكتى ورىنداعى بۇقارامەن بىرگە بوز دالانى يگەرىپ، ەگىس الاڭىن اشىپ، شەكارا ءوڭىردى قۇرۋعا كومەكتەستى. تىڭ يگەرگەن العاشقى مەزگىلدە، يسلىقدوڭ قىستاعىنا نەگىزىنەن جۇگەرى، ءبيداي سەكىلدى استىق داقىلدارى ەگىلىپ، ءىشىپ-جەم ماسەلەسى شەشىلدى. 1980-جىلدان كەيىن، قارىن تويعىزۋ ماسەلە بولۋدان قالدى، شەكارا وڭىرگە كومەككە كەلگەن جاستار قىستاق ديحاندارىن باستاپ، پياز، كارتوپ سياقتى ەكونوميكالىق داقىلداردى ەگىپ، كىرىستى ارتتىرۋ جولىن قاراستىردى. 1987-جىلى، جەرگىلىكتى ۇكىمەت حىنان ولكەسىنەن ءبىر توپ شىلان اعاشى مايساسىن ەنگىزىپ، اۋىل-قالاشىقتاردى سىناق رەتىندە ەگۋگە شابىتتاندىردى، سول كەزدە يىسلىقدوڭ قىستاعى پارتيا ياچەيكاسىنىڭ شۋجيى بولىپ تۇرعان شى حىشان باستاماشى بولىپ، 2 مۋ جەرگە شىلان ەكتى، سونىمەن بىرگە تاعى قىستاق ديحاندارىن شىلان ەگۋگە بەلسەنە باستادى.
ىلە-شالا، شى حىشان قاتارلىلار شىلان اعاشىن ەگۋ اۋماعىن كەڭەيتۋمەن بىرگە، تاعى ساپالى شىلان اعاشىن ۇزبەي ەنگىزگەندىكتەن جانە ساپالاندىرعاندىقتان، شىلان اعاشى بىرتىندەپ يىسلىقدوڭ قىستاعىنىڭ باستى ەگىس داقىلىنا اينالدى ءارى مۇنى تۇتاس اۋىلداعى قىستاقتار مەن ماڭىنداعى اۋىل-قالاشىققا كەڭەيتتى. بيىل، لوپ اۋدانى اۋىل-قىستاقتى كوركەيتۋ ستراتەگياسىن ىشكەرىلەي ورىستەتىپ، سول جەردىڭ جاعدايىنا قاراي، اۋىل-قىستاق ساياحات كاسىبىن دامىتتى، وسىعان سايكەس بەستورعىراق اۋىلىندا «شىلاننان مول ءونىم الۋ مەرەكەسى»، «شىلان ءۇزۋ مەرەكەسى» سياقتى مادەنيەت-ساياحات مەرەكەسىن وتكىزىپ، رايونىمىزدىڭ ءىشى-سىرتىنان كەلگەن ساياحاتشىلارعا حوتان شىلانىنىڭ دامىنەن اۋىز تيگىزدى ءارى اۋىل-قىستاقتىڭ ۇلتتىق سالت-ساناسىن سەزىندىردى.

بەرىپ كەت ورامالىڭدى

دوستار

الىستاعى اق ەركە