جاڭا حابارلار

كورىكتى كوكتوعايدىڭ وراسان وزگەرىسى

    كەلۋ قاينارى: شينجياڭ حالىق راديو ىستانسياسى    2018-12-07 11:04:43  
التاي راديو ستانسياسىنىڭ ءتىلشىسى ەلىسحان مەن كوكتوعاي راديو ستانسياسىنىڭ تىلشىلەرى شالقار، حۋ شۇەليانداردىڭ حابارى: كوكتوعاي اۋدانى كوكتوعاي قالاشىعى ـــ سيرەك كەزدەسەتىن مەتال رۋداسىن اشۋعا سۇيەنىپ دامىعان ەرەكشە ونەركاسىپ شاعىن قالاشىعى. سوڭعى جىلداردان بەرى، كوكتوعاي قالاشىعى تابيعات كورىنىسىنە سۇيەنىپ، سەزىنۋ سيپاتىنداعى ساياحاتتى دامىتۋمەن بىرگە، تاريحي مادەنيەت بايلىعىنا سۇيەنىپ، توڭكەرىستىك ساياحاتتى دامىتىپ، تاۋ كەنى كاسىبىن ساياحات ەكونوميكاسى كاسىبىنە وزگەرتىپ، سولتۇستىك شينجياڭداعى ايگىلى ساياحات قالاشىعىنا اينالدى.
13-كەزەكتى شينجياڭ قىسقى ساياحات كاسىبى ساۋدا جارمەنكەسى كەزىندە، كوكتوعاي قالاشىعى ەلىمىزدىڭ جەر-جەرىنەن كەلگەن ساياحاتشىلاردى، فۋتو سۋرەت اۋەسكەرلەرىن جانە اقپارات ورىندارىنىڭ تىلشىلەرىن قارسى الدى، ولار كوكتوعاي مەملەكەتتىك كەن تاۋى باقشاسى، گەولوگيالىق كورمە سارايى، قوڭىراۋ تاس سياقتى كورىنىس تۇيىندەرىنە بارىپ، وزگەشە تابيعات كورىنىسىن جانە گومانيتارلىق مادەنيەتتى شىنايى سەزىندى. بەيجيڭدىك ساياحاتشى جۋ حۇڭگى: «كەن تاۋىنا باردىق، كەن ۇڭگىرىن كورىپ تاڭعالدىق، راسىندا وتە كەرەمەت، وتان ءۇشىن ءۇن-ءتۇنسىز ۇلەس قوسىپ جاتقان كەن جۇمىسشىلارىنا كەزىكتىك، مەنىڭشە ولارعا وسكەلەڭ قۇرمەت ءبىلدىرۋىمىز كەرەك»،-دەدى.
كوكتوعاي قالاشىعىنىڭ ونەركاسىپ كەن رايونىنان ساياحات رايونىنا اينالۋ بارىسى كىسىنى تاڭعالدىرادى. 20-عاسىردىڭ 50-جىلدارى، 40 مىڭنان ارتىق ادام ەلىمىزدىڭ جەر-جەرىنەن كوكتوعايعا كەلىپ، تاۋ قوپارىپ، كەن اشقان بولاتىن. 1999-جىلدان كەيىن، كەن ونىمدەرى بايلىعىنىڭ سارقىلۋى سەبەبىنەن، كەن قازۋ جۇمىسى توقتاپ، كوكتوعاي قالاشىعى بىرتىندەپ كەن ونىمدەرىن اشۋدان ساياحات كاسىبىن دامىتۋعا بەتالدى.
كوكتوعاي قالاشىعى تاراتى قىستاعى ـــ ەرتىس وزەنىنىڭ قاينار باسىنداعى تۇڭعىش قىستاق. 2016-جىلدان بەرى، كوكتوعاي قالاشىعى كوركەم اۋىل-قىستاقتى بىرىكتىرىپ قۇرۋ ارناۋلى قارجىسى سياقتى ءتۇرلى قارجىدان 11 ميلليون يۋاننان ارتىق قارجى توپتاپ، تاراتى قىستاعىنىڭ نەگىزدىك قۇرىلعى قۇرىلىسىن جاڭالاپ، «ەرتىس وزەنى باسىنداعى تۇڭعىش قىستاقتى» قۇردى. قازىر، تاراتى قىستاعىنان كورىنىس رايونىنا بارىپ، كاسىپتەنگەن قىستاق تۇرعىنى 100 دەن اسادى، تۇتاس قىستاق ۇلتتىق سالت-سانا ەرەكشە وتباسىلىق قونالقى، مالشىلار تاعامجايى سياقتىلاردان 55 ىن اشتى. ساياحاتقا سۇيەنگەندىكتەن، بيىل تاراتى قىستاعىنداعى 700 دەن ارتىق قىستاق تۇرعىنىنىڭ كىسى باسىنا تۋرا كەلەتىن كىرىسى مىڭ يۋاننىڭ ۇستىندە ارتتى. قىستاق تۇرعىنى مۇرات سارقىت ۇلى: «نەگىزدىك قۇرىلعى قۇرىلىستار جاڭالانعاننان كەيىن، ساياحاتشى كوبەيدى، كىرىسىمىزدە ارتىپ ءبىر ەسەلەندى، وتكەن جىلعىمەن سالىستىرعاندا بيىل كىرىسىمىز بارىنشا ارتتى»،-دەدى.
قازىر، كوكتوعاي قالاشىعى «مەملەكەتتىك ايگىلى تاريحي مادەنيەت قالاشىعى»، «مەملەكەت دارەجەلى گەولوگيالىق باقشا»، «مەملەكەتتىك 5A دارەجەلى ساياحات كورىنىس رايونى»، «مەملەكەت دارەجەلى وركەنيەتى قالاشىق» سياقتى اتاقتارعا يە بولدى. قوڭىراۋ تاس پەن ەرتىس شاتقالىن نەگىز ەتكەن تابيعات كورىنىسىن تاماشالاۋ ساياحاتى؛ تاڭعاجايىپ گەولوگيالىق جەر بەدەرى، ەلەۋلى ەڭبەك تاريحى سياقتى ەرەكشەلىككە يە وتانشىل توڭكەرىستىك مادەنيەت ساياحاتى؛ اۆتوكولىك قونالقى ورىنى، اۋەدەن تاماشالاۋ، تاۋعا ورمەلەۋ، وزەن اعىسىمەن قالىقتاۋ سياقتى ساياحاتتىڭ جاڭا نىسان ەرەكشەلىگىنە يە وزگەشە ساياحات؛ اسىل تاس مەكەنى، گەولوگيالىق عىلىم-تەحنيكا جالپىلاستىرۋ ەرەكشەلىگىنە يە سەزىنۋ ساياحاتى سياقتى ءتورت ءىرى ساياحات ءتۇرىن قالىپتاستىردى. كوكتوعاي كورىنىس رايونىن باسقارۋ كوميتەتى پارتيا قىزمەتى كوميتەتىنىڭ شۋجيى جۋ جۇڭفىڭ بىلاي دەدى: «الدا عىلىمي اشۋ، جاراسىمدى دامىىۋ يدەياسىمەن، ايگىلى ماركا ستراتەگياسىن ويداعىداي ۇيىمداستىرىپ اتقارىپ، كوكتوعايدى دۇنيە ءجۇزى ساياحات مەكەنى ەتىپ قۇرىپ، ساياحاتشىلارعا ۇسىنامىز».

بەرىپ كەت ورامالىڭدى

دوستار

الىستاعى اق ەركە