جاڭا حابارلار

شي جينپيڭ پورتۋگاليانىڭ زۇڭتۇڭى دي سوزامەن كەڭەس وتكىزدى

    كەلۋ قاينارى: شينجياڭ گازەتى    2018-12-06 23:56:47  

ليسسابونعا كەلىپ، پورتۋگاليا رەسپۋبليكاسىنداعى مەملەكەتتىك ساپارىن باستادى
 
 


 شينحۋا اگەنتتىگىنىڭ 12 - ايدىڭ 4 - كۇنى ليسسابوننان بەرگەن حابارى (تىلشىلەر دي ۋي، سۇن ي، ۋي جيانحۋا). جەرگىلىكتى ۋاقىت 12 - ايدىڭ 4 - كۇنى مەملەكەت ءتوراعاسى شي جينپيڭ پورتۋگاليانىڭ زۇڭتۇڭى دي سوزامەن كەڭەس وتكىزدى. ەكى ەلدىڭ مەملەكەت باسشىلارى جۇڭگو مەن پورتۋگاليانىڭ ديپلوماتيالىق قاتىناس ورناتقاندىعىنىڭ 40 جىلدىعىن جاڭا تاريحي باستاما ەتە وتىرىپ، جۇڭگو مەن پورتۋگاليانىڭ دوستىق سەلبەستىگىن ىلگەرىلەتۋدە ۇزدىكسىز تىڭ تابىستارعا قول جەتكىزىپ، جۇڭگو - پورتۋگاليا قارىم - قاتىناسىنىڭ دامۋىنىڭ تىڭ پاراعىن جازۋعا ءبىر اۋىزدان قوسىلدى.   شي جينپيڭ بىلاي دەپ اتاپ كورسەتتى: جۇڭگو مەن پورتۋگاليانىڭ دوستىق بارىس - كەلىسى ارىدان باستالعان، ەكى ەل ديپلوماتيالىق قارىم - قاتىناس ورناتقان 39 جىلدان بەرى، باستان - اياق ءبىرىن - ءبىرى ءتۇسىنىپ، ءبىر - بىرىنە قۇرمەت ەتىپ، ءبىر - بىرىنە سەنىپ، ءوزارا ءتيىمدى سەلبەستىك جاسادى، ەكى جاقتى قارىم - قاتىناس حالىقارالىق اۋمالى - توكپەلى وزگەرىستەردىڭ سىنىنان ءوتىپ، اقاۋسىز، ورنىقتى دامىپ كەلدى. جۇڭگودا كونەلەردە: «دوستىقتا ادىلدىكتەن تايماساڭ، ارا شالعاي بولسا دا تىلەك توعىستىرىپ، دوستاسۋعا بولادى، دوستىعىڭ جەلىمدەي بەرىك، تاستاي مىقتى بولادى» دەگەن ءسوز بار. جۇڭگو مەن پورتۋگاليا ءدال وسىنداي جاقسى دوس، ابزال سەرىكتەر. جۇڭگو پورتۋگاليانىڭ ءبىر جۇڭگو ساياساتىنا تاباندى بولعاندىعىن القايدى، پورتۋگاليامەن ءبىر - ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان ماسەلەلەردە ۇزدىكسىز ءبىرىن - ءبىرى ءتۇسىنۋدى جانە قولداۋدى قالايدى. ەكى جاق جوعارى جىكتەگىلەردىڭ قارىم - قاتىناسىن نىعايتىپ، ەكى ەل ۇكىمەتتەرى، زاڭ شىعارۋ قۇرىلىمدارى، ساياسي پارتيالارى، جەرگىلىكتى ورىندارى، حالىقتارى اراسىنداعى اۋىس - ءتۇيىستى كۇشەيتىپ، ساياسي ءوزارا سەنىمدى تەرەڭدەتىپ، ەكى ەلدىڭ دوستىعىنىڭ ساياسي نەگىزىن بەكەمدەۋى كەرەك. ەكى جاق جۇڭگو مەن پورتۋگاليا ۇكىمەتتەرى اراسىندا «ءبىر بەلدەۋ، ءبىر جول» سەلبەستىگى ەسكەرتپە حاتىنا قول قويۋدى وراي ەتىپ، «ءبىر بەلدەۋ، ءبىر جول» جۇلگەسىندە سەلبەستىكتى جاپپاي كۇشەيتىپ، ءوزارا بايلانىسۋدى، توعىسۋدى ىلگەرىلەتۋ كەرەك. ەكى جاق ناقتى سەلبەستىكتى كەڭەيتىپ، قازىرگى نىسانداردى ۇلعايتىپ، كۇشەيتىپ، ەكى جاقتى ساۋدالىق بارىس - كەلىستى كەڭەيتىپ، سەلبەستىكتىڭ اناعۇرلىم كوپ ارتۋ تۇيىندەرىن قالىپتاستىرۋ كەرەك. ەكى جاق گۋمانيتارلىق اۋىس - ءتۇيىستى نىعايتىپ، ليسسابون جۇڭگو مادەنيەتى ورتالىعىن سالۋ قىزمەتىن جەدەل ىلگەرىلەتىپ، وقۋ - اعارتۋ، راديو، كينو، تەلەۆيزيا سالالارىنداعى اۋىس - ءتۇيىستى كۇشەيتۋ كەرەك. ەكى جاق كوپ جاقتى سايكەسۋدى كۇشەيتىپ، كەلەلى حالىقارالىق جانە وڭىرلىك ماسەلەلەردەگى بايلانىستى جانە سايكەسۋدى نىعايتىپ، كوپ جاقتىلىق پەن ەركىن ساۋدانى بىرگە قورعاۋ كەرەك.   شي جينپيڭ مىنالاردى اتاپ كورسەتتى: جۇڭگو مەن ەۆروپا جان - جاقتى ستراتەگيالىق سەرىكتەر. جۇڭگو قاشاندا ەۆروپانىڭ ءبىر تۇلعالانۋىن باتىل قولدايدى، پورتۋگاليا جاقتىڭ ەۆروپانىڭ ىشكى بولەگىندە ۇزدىكسىز بەلسەندى رول اتقارىپ، جۇڭگو مەن ەۆروپانىڭ قارىم - قاتىناسىنىڭ دۇرىس باعىتتا دامۋىن قورعاۋىن ءۇمىت ەتەمىن.  دي سوزا مىنالاردى ءبىلدىردى: ءتوراعا شي جينپيڭدى قىزۋ قارسى الامىن. پورتۋگاليا مەن جۇڭگونىڭ بارىس - كەلىس تاريحى ۇزاق، ءبىرىن - ءبىرى تۇسىنەدى، بۇل ءبىزدىڭ ەكى جاقتى قارىم - قاتىناستى دامىتۋىمىزدىڭ بەرىك نەگىزى. كەلەر جىلى پورتۋگاليا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن قارسى الامىز، پورتۋگاليا جۇڭگومەن ەكونوميكا - ساۋدا، فينانس، گۋمانيتارلىق سياقتى سالالارداعى اۋىس - ءتۇيىستى، سەلبەستىكتى تەرەڭدەتۋدى كۇتۋدە، جۇڭگو كاسىپورىندارىنىڭ پورتۋگالياعا قارجى قوسۋدى كەڭەيتۋىن قارسى الادى. پورتۋگاليا «ءبىر بەلدەۋ، ءبىر جول» باستاماسىن قولدايدى، قۇرلىقتاعى جىبەك جولى مەن تەڭىزدەگى جىبەك جولىنىڭ ەۆروپاداعى ءتۇيىنى بولۋدى قالايدى. پورتۋگاليا مەن جۇڭگونىڭ كوپتەگەن حالىقارالىق ماسەلەلەردەگى تۇرعىسى قارايلاس، ەكەۋى دە كوپ جاقتىلىقتى قولدايدى، ءبىر جاقتىلىققا قارسى تۇرادى، ەركىن ساۋدانى قولدايدى، قورعامپازدىققا قارسى تۇرادى، كوپ جاقتى قۇرىلىمداعى سايكەستىكتى كۇشەيتۋلەرى كەرەك. پورتۋگاليا ەۆروپا مەن جۇڭگونىڭ قارىم - قاتىناسىن كۇشەيتۋدى قولدايدى، پورتۋگال ءتىلىن قولداناتىن ەلدەردىڭ جۇڭگومەن سەلبەستىكتى ۇزدىكسىز تەرەڭدەتۋىن قالايدى.  كەڭەستەن كەيىن ەكى ەلدىڭ مەملەكەت باسشىلارى تىلشىلەرمەن بىرگە كەزدەستى.  كەڭەستىڭ الدىندا دي سوزا زۇڭتۇڭ يمپەريا الاڭىندا شي جينپيڭگە ارناپ سالتاناتتى قارسى الۋ سالتىن وتكىزدى.  شي جينپيڭ مەن حانىمى پىڭ لييۋان اۆتوكولىككە وتىرىپ يمپەريا الاڭىنا جەتكەن كەزدە، دي سوزا الدىنان شىعىپ قىزۋ قارسى الدى. ەكى ەلدىڭ مەملەكەت باسشىلارى پارات مىنبەسىنە شىقتى. اسكەري وركەستر جۇڭگو، پورتۋگاليا ەكى ەلدىڭ مەملەكەت ءانىن ورىندادى، سونىمەن بىردەي ۋاقىتتا 21 رەت قۇرمەت ساليۋتى اتىلدى. دي سوزانىڭ سەرىك بولۋىندا، شي جينپيڭ قۇرمەت قاراۋىلىن كوزدەن كەشىردى، سودان سوڭ مىنبەگە شىعىپ سالتانات قاتارىن كوردى. الاڭ سىرتىندا جينالعان ادامدار شوعىرى جۇڭگونىڭ مەملەكەت تۋىن بۇلعاپ، جوعارى داۋىسپەن الاقايلاپ ءتوراعا شي جينپيڭدى قىزۋ قارسى الدى.  قارسى الۋ سالتى اياقتالعاننان كەيىن، شي جينپيڭ پورتۋگاليا تاريحىنداعى ەڭ ۇلى اقىن، ۇلت قاھارمانى كاموەستىڭ قابىرىنا گۇل شەڭبەر قويدى.  زۇڭتۇڭ سارايىنا بارار جولدا، پورتۋگاليا حالىقتىق قورعاۋشى اترەتىنىڭ اتتى اسكەرلەر قۇرمەت قاراۋىلى قورعاپ بىرگە ءجۇردى. جەتكەن كەزدە دي سوزا اۆتوكولىك توقتاتۋ ورنىندا قايتالاي قارسى الدى، قۇرمەت قاراۋىلى جولدىڭ ەكى جاعىندا قاتارلاسىپ تۇردى، كەرنايشىلار كەرناي شالىپ قۇرمەت ءبىلدىردى. شي جينپيڭ پورتۋگاليا جاقتان سەرىك بولىپ كەلگەندەرمەن قول الىسىپ امانداستى، دي سوزا جۇڭگو جاقتان سەرىك بولىپ كەلگەندەرمەن قول الىسىپ امانداستى.  سول كۇنى كەشتە شي جينپيڭ مەن پىڭ لييۋان دي سوزامەن بىرگە «تەڭىزدەگى جىبەك جولى» گۋگۇڭ تاڭداۋلى مادەنيەت ەسكەرتكىشتەرى كورمەسىن ەكسكۋرسيالادى.  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.  شينحۋا اگەنتتىگىنىڭ 12 - ايدىڭ 4 - كۇنى ليسسابوننان بەرگەن حابارى (تىلشىلەر جاڭ يادۇڭ، لي جيانمين). جەرگىلىكتى ۋاقىت 12 - ايدىڭ 4 - كۇنى مەملەكەت ءتوراعاسى شي جينپيڭ ليسسابونعا جەتىپ، پورتۋگاليا رەسپۋبليكاسىنداعى مەملەكەتتىك ساپارىن باستادى.  شي جينپيڭ وتىرعان ارناۋلى ۇشاق پورتۋگاليا كەڭىستىگىنە ەنگەن كەزدە، پورتۋگاليا اۋە ارمياسىنىڭ 2 سوعىس ۇشاعى كەڭىستىككە كوتەرىلىپ قورعادى. جەرگىلىكتى ۋاقىت تۇستەن بۇرىن ساعات 9دان 20 مينۋت وتكەن كەزدە، ارناۋلى ۇشاق ليسسابون حالىقارالىق اۋەجايىنا قوندى. شي جينپيڭ مەن حانىمى پىڭ لييۋان ۇشاق ەسىگىنەن شىققاندا، پورتۋگاليانىڭ سىرتقى ىستەر مينيسترى سيلۆا قاتارلى ۇكىمەتتىڭ جوعارى دارەجەلى ءمانساپتىلارى ساتىنىڭ ەكى جاعىندا تۇرىپ قىزۋ قارسى الدى. قۇرمەت قاراۋىلى قىزىل كىلەمنىڭ ەكى جاعىندا قاتار تۇزەپ تۇردى.  شي جينپيڭ جۇڭگو ۇكىمەتى جانە جۇڭگو حالقى اتىنان پورتۋگاليا ۇكىمەتى مەن پورتۋگاليا حالقىنا شىن ىقىلاستى سالەم جولدادى ءارى ىزگى تىلەك ءبىلدىردى. شي جينپيڭ مىنانى اتاپ كورسەتتى: جۇڭگو مەن پورتۋگاليا ءداستۇرلى دوس ەلدەر. جۇڭگو - پورتۋگاليا قارىم - قاتىناسى تاريحتان بەرى جالعاسىپ، ۋاقىتتىڭ جانە حالىقارالىق اۋمالى - توكپەلى جاعدايدىڭ سىناعىنان ءوتىپ، تاريح وزعان سايىن تۇلەجىپ، نىعايا ءتۇستى. جۇڭگو - پورتۋگاليا قارىم - قاتىناسى ءوزارا سەنىمدىلىك بارىسىندا جالعاسىپ كەلەدى. 1999 - جىلى ەكى ەل اۋمىن ماسەلەسىن دوستىق تۇرعىدا كەڭەسۋ ارقىلى ۇيلەسىمدى شەشىپ، مەملەكەت پەن مەملەكەت اراسىنداعى تاريحتان قالعان ماسەلەلەردى شەشۋدىڭ ۇلگىسىن ورناتتى. جۇڭگو - پورتۋگاليا قارىم - قاتىناسى سەلبەستىك بارىسىندا جالعاسىپ كەلەدى. 2005 - جىلى ەكى ەل جان - جاقتى ستراتەگيالىق سەرىكتەستىك قارىم - قاتىناس ورناتىپ، ءوزارا ءتيىمدى سەلبەستىك جاساپ، تەز دامۋ جولىنا ءتۇسىپ، ەكى ەل حالقىنا شىنايى پايدا اكەلدى.   شي جينپيڭ مىنالاردى باسا دارىپتەدى: كەلەر جىلى جۇڭگو مەن پورتۋگاليا ديپلوماتيالىق قارىم - قاتىناس ورناتقاندىعىنىڭ 40 جىلدىعى، بۇل ەكى جاق قارىم - قاتىناسىنىڭ دامۋىنداعى جاڭا تاريحي باستاما. مەن دي سوزا زۇڭتۇڭ، كوستا زۇڭلي قاتارلى پورتۋگاليا باسشىلارىمەن كەڭەس وتكىزىپ، كەزدەسىپ، ەكى ەل سەلبەستىگىنىڭ بولاشاق دامۋ جوباسىن جوسپارلاۋدى كۇتۋدەمىن. ەكى جاقتىڭ بىرگە قۇلشىنۋىندا، جۇڭگو مەن پورتۋگاليانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ءتىپتى دە جارقىن بولاشاقتى قارسى الاتىندىعىنا سەنەمىن.   ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى سەرىكتەرى وسى ۇشاقتا بىرگە كەلدى.  جۇڭگونىڭ پورتۋگالياداعى باس ەلشىسى ساي رۇن دا اۋەجايعا بارىپ قارسى الدى.  شي جينپيڭ پاناماداعى مەملەكەتتىك ساپارىن اياقتاتقان سوڭ، پورتۋگالياعا باردى. پاناما قالاسىنان اتتاناردا، پانامانىڭ زۇڭتۇڭى ۆارەلا اۋەجايعا بارىپ اتتاندىردى.


بەرىپ كەت ورامالىڭدى

دوستار

الىستاعى اق ەركە