جاڭا حابارلار

شي جينپيڭ مەن پانامانىڭ زۇڭتۇڭى ۆارەلا پاناما كانالىنىڭ جاڭا كەمە توسپاسىن بىرگە ەكسكۋرسيالادى

    كەلۋ قاينارى: شينجياڭ گازەتى    2018-12-06 23:58:14  

شينحۋا اگەنتتىگىنىڭ 12 - ايدىڭ 3 - كۇنى پاناما قالاسىنان بەرگەن حابارى (ءتىلشى جىڭ كايجۇن). جەرگىلىكتى ۋاقىت 12 - ايدىڭ 3 - كۇنى مەملەكەت ءتوراعاسى شي جينپيڭ پاناما قالاسىندا پانامانىڭ زۇڭتۇڭى ۆارەلامەن بىرگە پاناما كانالىنىڭ جاڭا كەمە توسپاسىن ەكسكۋرسيالادى.  شي جينپيڭ مەن حانىمى پىڭ لييۋان جاڭا كەمە توسپاسىنا بارعاندا، ۆارەلا زۇڭتۇڭ مەن حانىمى كاستيللو اۆتوكولىك تۇراعىندا قارسى الدى.   تاياۋ ماڭدا تولتىرا كونتەينەر تيەگەن جۇڭگو يۋانياڭ تەڭىز تاسىمال توبىنىڭ «روزاگۇل كەمەسى» ءبىرىنشى كەمە توسپاسىندا توسپادان ءوتۋ كەزەگىن توسىپ تۇرىپتى. بۇل كەمە بيىل 10 - ايدىڭ 1 - كۇنى جۇڭگونىڭ چيڭداۋ قالاسىنان جولعا شىعىپ، تىنىق مۇحيتتى ەندەي ءوتىپ، پاناما كانالى ارقىلى اتلانت مۇحيتتى باسىپ، ا ق ش - تىڭ 3 كەمەجايىنا بارىپتى، قازىر پاناما كانالى ارقىلى قايتا قايتىپ بارا جاتىپتى.   ەكى ەلدىڭ مەملەكەت باسشىلارى جۇڭگو يۋانياڭ تەڭىز تاسىمال توبى جاۋاپتىسىنىڭ «روزاگۇل كەمەسىنىڭ» جاعدايى جانە جۇڭگو يۋانياڭ تەڭىز تاسىمال توبىنىڭ پاناماداعى تاسىمال جۇمىس جاعدايى جونىندەگى تانىستىرۋىن تىڭدادى.  ەكى ەلدىڭ مەملەكەت باسشىلارى مەن ولاردىڭ حانىمدارى «روزاگۇل كەمەسىنىڭ» قىزمەتكەرلەرىنە قول بۇلعاپ قۇرمەت ءبىلدىردى. كەمە قىزمەتكەرلەرى جۇڭگو - پاناما ەلدەرىنىڭ مەملەكەت تۋىن بۇلعاپ، ەكى ەلدىڭ مەملەكەت باسشىلارى مەن ولاردىڭ حانىمدارىنا سالەمدەستى.  شي جينپيڭ «روزاگۇل كەمەسىنىڭ» باستىعىمەن تەلەفوندا سويلەسىپ، كەمەنىڭ قىزمەت جانە تۇرمىس شارت - جاعدايىن تاپتەشتەي سۇرادى، جالپى كەمە قىزمەتكەرلەرىنە سالەم جولدادى. شي جينپيڭ بىلاي دەدى: پاناما كانالىندا «روزاگۇل كەمەسىنىڭ» باستىعىمەن جانە كەمە قىزمەتكەرلەرىمەن تىلدەسكەنىمە قاباعات قۋانىپ وتىرمىن. سىزدەردەن پاناما كانالىنان ۇتىمدى پايدالانىپ، زات تاسىمالىن ۇزدىكسىز جاقسارتىپ، مەملەكەتتىڭ تەڭىز تاسىمالى ىستەرى مەن الەمدىك ساۋدانىڭ گۇلدەنۋىن جەبەۋگە اناعۇرلىم زور ۇلەس قوسۋدى ءۇمىت ەتەمىن. مەن سىرتقى تاسىمالمەن شالعايعا ساپار شەككەن كەمە قىزمەتكەرلەرىنە وتە كوڭىل بولەمىن، كوپشىلىكتەن قىزمەتىنىڭ تابىستى، تۇرمىسىنىڭ كوڭىلدى بولۋىن، شات - شادىمان ساپارعا اتتانىپ، امان - ەسەن ورالۋىن ءۇمىت ەتەمىن. كوپشىلىككە اق جول تىلەيمىن.  «روزاگۇل كەمەسىنىڭ» باستىعى مەن قىزمەتكەرلەرى شي جينپيڭنىڭ ىقىلاستى سالەمىن جانە شىنايى تاپسىرماسىن تىڭداپ، ەرەكشە تەبىرەندى. ولار ءتوراعا شي جينپيڭنىڭ كەمەدەگى جالپى قىزمەتكەرلەرگە كوڭىل بولگەندىگىنە جانە امانداسقاندىعىنا العىس ايتتى، ءتوراعا شي جينپيڭنىڭ تاپسىرماسىن ەستە بەرىك ساقتاپ، ءىس جۇزىندىك ارەكەتتەرى ارقىلى جۇڭگو مەن شەتەلدىڭ ەكونوميكا - ساۋدا بارىس - كەلىسىنە ۇلەس قوساتىندىقتارىن ءبىلدىردى.  وسىدان كەيىن، ەكى ەلدىڭ مەملەكەت باسشىلارى مەن حانىمدارى كەمە توسپاسىنىڭ مەڭگەرۋ مۇناراسىنا بىرگە بارىپ، پاناما كانالىنىڭ باسقارۋ، جۇمىس جۇرگىزۋ جاعدايى جونىندەگى تانىستىرۋدى تىڭدادى. مەڭگەرۋ ءۇيىنىڭ سىرتىنداعى تۇعىردا ەكى ەلدىڭ مەملەكەت باسشىلارى جاڭا كەمە توسپاسى مەن كانالدىڭ جالپى كورىنىسىنە كوز جىبەردى. ۆارەلا شي جينپيڭگە كانالدىڭ تاريحىن، قازىرگى جاعدايىن جانە الداعى دامۋ جوباسىن ەگجەي - تەگجەيلى تانىستىردى.  ەكى ەلدىڭ مەملەكەت باسشىلارى مەڭگەرۋ ۇيىنە كىردى، ۆارەلا شي جينپيڭدى كومپيۋتەردىڭ مەڭگەرۋ ءتىل تاقتاسىن باسىپ، كەمە توسپاسىن اشۋعا ۇسىنىس ەتتى. كەمە توسپاسىنىڭ ەكى جاققا قاراي اشىلۋىنا ىلەسە، «روزاگۇل كەمەسى» كەمە توسپاسىنان باياۋ ءوتتى. مەڭگەرۋ ۇيىندە شاتىرلاعان شاپالاق ءۇنى كوتەرىلدى.  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.  پاناما كانالى تىنىق مۇحيت پەن اتلانت مۇحيتتى تۇتاستىراتىن ماڭىزدى حالىقارالىق سۋ جولى، 1914 - جىلى رەسمي اشىلعان. 1999 - جىلى پاناما تاسىمال جۇمىسىنىڭ يەلىك ۇقىعىن قايتارىپ الدى. 2016 - جىلى كانالدى كەڭەيتىپ سالۋ قۇرىلىسىن تامامدادى. 


بەرىپ كەت ورامالىڭدى

دوستار

الىستاعى اق ەركە