جاڭا حابارلار

بۇرىنعى 1-تامىز كومانداسىنىڭ باس جاتتىقتىرۋشىسى ءادىلجان شينجياڭ باسكەتبول كومانداسىنىڭ جاڭا باس جاتتىقتىرۋشىسى بولدى

    كەلۋ قاينارى: شينجياڭ حالىق راديو ىستانسياسى    2018-12-08 10:32:39  
ستانسيامىزدىڭ حابارى: 12-ايدىڭ 7-كۇنى شينجياڭ گۋاڭحۇي فيحۋ باسكەتبول كلوبىنىڭ ۇكىمەت جاعى، بۇرىنعى 1-تامىز كومانداسىنىڭ باس جاتتىقتىرۋشىسى ءادىلجاننىڭ قازىرگى باس جاتتىقتىرۋشى گوردىڭ ورنىنا شىعىپ، باسكەتبول كومانداسىنىڭ جاڭا باس جاتتىقتىرۋشىسىنا اينالعانىن، گوردىڭ كوماندادا قالىپ، كومەكشى جاتتىتقىرۋشى بولاتىندىعىن جاريالادى.
ءادىلجان شينجياڭدا تۋىپ وسكەن، كەزىندە جۇڭگو مەملەكەتتىك ەرلەر باسكەتبول كومانداسىنىڭ تىرەكتى قورعانىس دوپشىسى بولاتىن، 2000-جىلى ءادىلجان كوماندادان رەسمي شەگىنگەندىگىن جاريالادى، ءارى 1-تامىز راكەتا كومانداسىنىڭ كومەكشى جاتتىقتىرۋشىسىنا اينالىپ، كەلەسى جىلى 1-تامىز كومانداسىنىڭ باس جاتتىقتىرۋشىلعىنا تاعايىندالادى. بيىل جازدا، ءادىلجان 1-تامىز كومانداسىنىڭ باس جاتتىقتىرۋشىلىق مىندەتىنەن بوساپ، ۋاڭ جىجى ونىڭ ورنىنا شىقتى. ءادىلجاننىڭ 1-تامىز كومانداسىندا جاتتىقتىرۋشىلىقپەن شۇعىلدانعان ۋاقىتى 17 جىلعا جەتىپ، جۇڭگو ەرلەر كاسىپتىك باسكەتبول كوماندالار جارىسى تاريحىنداعى ءبىر كوماندادا جاتتىقتىرۋشىلىق ىستەگەن ۋاقىتى ەڭ ۇزاق باس جاتتىقتىرۋشىعا اينالدى.
12-ايدىڭ 7-كۇنى كەشتە، ۋاقىتشا ەكى اپتا توقتاعان جۇڭگو ەرلەر كاسىپتىك باسكەتبول كوماندالار جارىسى قايتا باستالىپ، باس جاتتىقتىرۋشىسى اۋىسقاننان كەيىنگى شينجياڭ ەرلەر باسكەتبول كومانداسى ءوز الاڭىندا سانشي كومانداسىمەن بەلدەسەدى.

بەرىپ كەت ورامالىڭدى

دوستار

الىستاعى اق ەركە