جاڭا حابارلار

ءشول دالاداعى ەرەكشە شاعىن قالاشىقتاعى اۋىلدىڭ كوركەم كەلبەتى

    كەلۋ قاينارى: شينجياڭ حالىق راديو ىستانسياسى    2018-12-08 10:43:58  
تۇرپان راديو ستانسياسىنىڭ ءتىلشىسى زىڭ ۋيدىڭ حابارى: قۇمتاع ءشولىنىڭ جانىنداعى ءپىشان اۋدانى ءدوڭبازار حۇيزۋ اۋىلى ەرەكشە شاعىن قالاشىقتى قۇرۋ بارىسىندا جەرگىلىكتى ورىننىڭ ۇلتتىق سالت-سانا ەرەكشەلىگىن ەڭ جوعارى شەكتە ساقتاپ قالىپ، بۇقارانىڭ تۇرمىس شارت-جاعدايىن دا جاقسارتتى، اۋىلدىڭ كوركەم كەلبەتىن دە ءوز بەينەسىندە قالتىردى.
12- ايدىڭ 4- كۇنى، ءتىلشى ءدوڭبازار حۇيزۋ اۋىلى مەيگۇييۋان شاعىن رايونىنا باردى، قىزىل سارى رەڭ ارالاس عيماراتتار ەرەكشە كوزگە تۇسەدى. حى جيانشين قارتتىڭ ۇيىنە كىرگەندە، سامالدىقتاعى تاشتەكتەردەگى گۇلدەر قۇلپىرا گۇل اشىپتى. حى جيانشين بىلاي دەدى: بۇرىن جاتاعان ۇيدە تۇراتىنمىن، ۇيگە كومىر تاسىپ كىرگىزەمىز، پەشكە وت جاعامىز، قولدارىمىز قاپ-قارا كۇيە بولىپ قالاتىن. لاشىقتىلار رايونىن جاڭالاعاننان كەيىن بىزگە ورنالاسۋ اقىسىن بەرىپ قالماستان، عيماراتتان ەكى ءۇي بەردى، قازىر، ءۇيىمىز جىپ-جىلى، گاز وشاققا تاماق جاسايمىز، وتە قولايلى.
بۇرىن، دوڭبازار حۇيزۋ اۋىلىنداعى تۇرعىنداردىڭ باسىم كوبى وتكەن عاسىردىڭ 70- جىلدارىندا سالىنعان توپىراق ۇيدە تۇراتىن. 2016- جىلى، ءپىشان اۋدانى « ءشول دالاداعى ەرەكشە شاعىن قالاشىقتى» قۇرۋدى مىقتى يگەرىپ، دوڭبازار حۇيزۋ اۋىلىنداعى لاشىقتىلار رايونىن جاڭالاۋ ينجەنەرياسىن باستاپ، بىتىراندى وتىرىقتانعان 968 وتباسىن مەيگۇييۋان شاعىن رايونىنا شوعىرلى ورنالاستىرادى. ءشول دالاداعى ەرەكشە شاعىن قالاشىقتى قۇرۋ بارىسىندا، جەرگىلىكتى ورىن حۇيزۋ ەرەكشەلىگىندەگى كونە كوشە رايونىن ساقتاپ، 99 تۇرعىندار تۇراعىنىڭ دارەجەسىن جوعارىلاتىپ جاڭالاپ ساياحاتشىلار قونالقىسىن سالىپ، الىستان كەلگەن قوناقتاردىڭ وسى ارانىڭ ۇلتتىق عۇرىپ-ادەت، مادەنيەتىن سەزىنۋىنە، وسى جەردەن سىرتقا شىعىپ كەتكەندەردىڭ اۋىلدى ەستەرىندە قالتىرۋىنا مۇمكىندىك جاسادى. بۇرىنعى كوشە رايونىنىڭ دارەجەسىن جوعارىلاتىپ جاڭالاۋ ورايىندا، تۇرعىن ما شاۋفۋ ديحاندار تاعامجايىن اشتى، ءارى ساياحاتشىلارعا «حۋا-ىر» ءانىن شىرقاپ بەرەدى، ءبىر جىلدىق كىرىسى 60 مىڭ دا 70 مىڭ يۋان. تاياۋدا، ما شاۋفۋدىڭ ۇلى ما فەيلۇڭ بەيجيڭنەن تۋىشىلاي كەلگەنىندە، ەرلى-زايىپتى ەكەۋى ۇلىنا اۋىل تاعامىن ازىرلەپ، ما فەيلۇڭ تاماقتى قۇشىرلانا جەدى. ول بىلاي دەدى: بەيجيڭدە شەشەم جاساعان حۇيزۋلار تاعامىن، ياعني، قاقتالعان سيىر ەتى، فىنتاڭ سياقتىلاردى قاتتى ساعىندىم. وسى رەت اۋىلعا قايتقانىمدا اۋىلدا وزگەرىستىڭ زور ەكەنىن بايقادىم، اسپاليت جول جاتقىزىلىپ، بۇرىنعىدان كوپ قولايلى بولىپتى.
ءدوڭبازاردا «حۋا-ىر» دى شىرقايتىن ما شاۋفۋ عانا ەمەس. وسى رەتكى شاعىن قالا-قالاشىق قۇرۋ بارىسىندا، جەرگىلىكتى ورىن حالىقتىق اندەردى ۇيىمداستىرىپ، «حۋا-ىر» كوركەمونەر ۇيىرمەسىن قۇرىپ، «حۋا-ىر» كوركەمونەرىن جالعاستىردى. حالىق اراسىنداعى ءانشى لي گۇيپيڭ بىلاي دەدى: اۋىلدىق ۇكىمەت ءدوڭبازاردى جاڭالاۋدا «حۋا-ىر» دى قورعاپ دامىتۋعا دا كوڭىل ءبولدى، 50 نەشە ادام عانا سياتىن «حۋا-ىر» ويىنى ورتالىعىن 400 دە 500 ادام سياتىن امبەباپ ويىن قويۋ زالىنا وزگەرتىپ، اناعۇرلىم كوپ ساياحاتشىنى ءدوڭبازار اۋىلىنا ساياحاتتاۋعا، قونۋعا باۋراپ، كىرىسىمىزدى ارتتىردى.
بۇگىنگى كۇندە، قۇمتاع ءشولى كورىنىس رايونىنىڭ جانىندا تاريحي بەت-بەينەسى، مادەنيەتى ساقتالعان وسىزامانعى ەرەكشە شاعىن قالاشىق قالىپتاسۋدا. ءدوڭبازار حۇيزۋ ۇلتتىق اۋىلىنىڭ باستىعى ما گودۇڭ بىلاي دەدى: سوڭعى جىلداردان بەرى، ءدوڭبازار لاشىقتىلار رايونىن جاڭالاۋمەن بىرلەستىرىپ، نەگىزگى قۇرىلعىلاردى نەگىزىنەن جاقسارتىپ، ديحاندار جاڭا قونىسقا كوشتى، ءوندىرىس پەن تۇرمىستا زور وزگەرىس بولدى. الدا، قۇمتاع ءشولىنىڭ 4A دارەجەلى كورىنىس رايونى سىندى وڭىرلىك ابىزالدىلىعىنان پايدالانىپ، ەسەيىپ-ەرجەتۋ ەستەلىكتەرىن ۇشتاستىرىپ، قالادا بۇقارانىڭ تاۋدى، سۋدى كورىپ وتىرۋىنا، اۋىل بەينەسىن ەسكە ساقتاۋىنا مۇمكىندىك جاسايمىز.

بەرىپ كەت ورامالىڭدى

دوستار

الىستاعى اق ەركە