جاڭا حابارلار

بۇراتالا وبلىسى «ءبىر بەلدەۋ، ءبىر جول» قۇرىلىسى ورايىن مىقتى يگەرىپ، شىعىس پەن باتىس قوس باعىتتاعى ءوزارا سەلبەسەتىن اشىق ۇستالاتىن جەلىنى قالىپتاستىردى

    كەلۋ قاينارى: شينجياڭ حالىق راديو ىستانسياسى    2018-12-09 09:58:35  
الاتاۋ ساعاسى راديو ستانسياسىنىڭ ءتىلشىسى ۋىن ياحۇي، تۇردىبەك اسەن ۇلى، بۇراتالا راديو ستانسياسىنىڭ ءتىلشىسى جاڭ شياۋحۇيدىڭ حابارى: بۇراتالا موڭعۇل اۆتونوميالى وبلىسى «ءبىر بەلدەۋ، ءبىر جول» قۇرىلىسى ورايىن مىقتى يگەرىپ، الاتاۋ ساعاسى امبەباپ قورعامالى باجى رايونى مەن بۇراتالا شەكارالىق ەكونوميكالىق سەلبەستىك رايونىن جەتەكشى ەتىپ، شىعىس پەن باتىس قوس باعىتتاعى ءوزارا سەلبەسەتىن اشىق ۇستالاتىن جەلىنى قالىپتاستىردى.
كەزەكتە، ەلىمىز بويىنشا تەحنيكا جاعىنان الدىڭعى قاتارداعى بۇراندالى بولات قۇبىر وندىرەتىن كاسىپورىن-الاتاۋ قالاسى حۋايوۋ بولات قۇبىر جاساۋ شەكتى سەرىكتەستىگى جابدىقتاردى ورناتۋ-رەتتەۋ جۇمىستارىن ىستەپ، كەلەر جىلى ءوندىرىستى ءساتتى جۇرگىزۋگە دايىندالۋدا.
الاتاۋ ساعاسىنىڭ ورتا ازيامەن كورشىلەس وڭىرلىك ابزالدىلىعى، سونداي-اق ەلىمىز بەن كورشىلەس ەلدەردىڭ مۇناي-گاز سەلبەستىگىن ورىستەتۋى سىندى تاماشا ورايدى كوزدەگەن حۋايوۋ بولات قۇبىر نىسانى 2017-جىلى 12-ايدا الاتاۋ ساعاسى امبەباپ قورعامالى باجى رايونىندا ىرگە تەۋىپ، نىسانعا جالپى 500 ميلليون يۋان قارجى قوستى. سەرىكتەستىكتىڭ اعا ينجەنەرى لي شياۋجۇن:« قازىر سەرىكتەستىگىمىز شەتەلدىڭ، ايتالىق قازاقستان، قىرعىزستان، رەسەي سياقتى ەلدەردىڭ ءبىر ءبولىم قۇبىر لەنيالارىن ۇستىنە الدى، ونىڭ ۇستىنە ەلىمىز ىشىندەگى قۇبىر لەنياسى قۇرىلىسى 2019-، 2020-جىلدارى ىركەس-تىركەس باستالادى، وتە-موتە، باتىس ءتورت لەنيا، شانشي-بەيجيڭ ءتورت لەنياسى، ورتا ازياداعى D لەنياسى سياقتىلار قامتىلعان. سوندىقتان، سەرىكتەستىگىمىز وسى ورايدى مىقتى يگەرىپ، سەرىكتەستىكتى قۇدىرەتتەندىرىپ، ءوز ماركامىزدى جاراتپاقشى»،-دەدى.
قازىرگە دەيىن، الاتاۋ ساعاسى امبەباپ قورعامالى باجى رايونى جۇڭشين توبى، شۇنفىڭ زات اينالىمى، جۇڭتاي توبى سياقتى 478 تانىمالى كاسىپورىندى ەنگىزدى، ءارى شەكارا اتتايتىن ەلەكتروندى ساۋدا الەۋمەتتىك قىزمەت وتەۋ تەكشەسىن قۇردى. الاتاۋ ساعاسى امبەباپ قورعامالى باجى رايونىن باسقارۋ كوميتەتى ەكونوميكانى دامىتۋ مەكەمەسىنىڭ باستىعى جاڭ شۋەحاي:« الاتاۋ ساعاسى شەكارا وتكەلى مەملەكەت تۇراقتاندىرعان ەنەرگيا بايلىعىنىڭ حاۋىپسىز قۇرىلىقتىق جول ءىرى ارناسى، بىرنەشە جىلدان بەرى، ءبىز ساۋداگەر شاقىرىپ قارجى ەنگىزۋ ارقىلى، قالانىڭ نەگىزدىك قۇرىلىعى قۇرىلىسى مەن امبەباپ قورعامالى باجى رايونىنىڭ كاسپتىك سايكەسپەلى قۇرىلعىلار قۇرىلىسىن كۇشەيتىپ، يمپورت ەتىلگەن ساپالى ەنەرگيا بايلىعىن تياناقتاندىرىپ وڭدەۋ، تياناقتاندىرىپ قويمادا ساقتاۋ ۇشتاسقان تەكشە قۇردىق. مەملەكەتتىڭ «ءبىر بەلدەۋ، ءبىر جول» دارىپتەمەسىندە، ءبىزدىڭ سىرتقا ەسىك اشۋ اياق الىسىن تەزدەتىپ، شەكارا وتكەل ەكونوميكاسىن ويداعىداي دامىتۋعا دەگەن سەنىمىمىز كۇشتى،-دەدى.
الاتاۋ ساعاسى امبەباپ قورعامالى باجى رايونى بەكىتىلگەن 2011-جىلى بۇراتالا وبلىسى اۋماعى 59.22 شارشى كيلومەترلىك قورعامالى باجى رايونى كاسىپتىك سايكەسپەلى باقشا رايونىن ءبىر ۋاقىتتا جوبالادى. 2014-جىلى، سايكەسپەلى باقشا رايونى بۇراتالا وبلىستىق جينسانجياۋ ونەركاسىپ باقشا رايونى دەپ اتالدى. 2016-جىلى، بۇراتالا وبلىسى جينسانجياۋ ونەركاسىپ باقشا رايونى مەن بۇراتالا شەكارالىق ەكونوميكالىق سەلبەستىك رايونىن بىرىكتىرىپ، ونى بۇراتالا قالاسىنىڭ ونەركاسىپ ەكونوميكاسىن دامىتاتىن دانەكەرگە اينالدىردى. الاتاۋ ساعاسى امبەباپ قورعامالى باجى رايونى شينجياڭداعى جانە ىشكى ولكەدەگى كاسىپورىنداردىڭ باتىسقا قاراي ەۆروپا ازيا بازارىن اشۋىنا تەكشە ازىرلەدى، ال بۇراتالانىڭ شەكارالىق ەكونوميكالىق سەلبەستىك رايونى باستىسى شينجياڭ كاسىپورىنداردىڭ شىعىسقا قاراي بۇكىل ەلىمىز بازارىن اشۋىنا تاماشا ورتا جاراتتى.
بىرنەشە كۇننەن بەرى، بۇراتالا شەكارالىق ەكونوميكالىق سەلبەستىك رايونىنداعى شينجياڭ جينشينيۇي توقىما شەكتى جاۋاپكەرلىك سەرىكتەستىگىنىڭ وڭدەۋلى زات سەحىندە، جۇمسشىلار وڭدەلگەن ماقتا ءجىپتى قوراپتاۋمەن قاربالاس بولدى، وسى توپتاعى جوعارى سورتتى جىڭىشكەلەي تالشىقتالعان ءجىپ گۋاڭدۇڭعا جىبەرىلەدى. بۇل كاسىپورىن حۋبەيدىڭ كاسىپ جاعىنان شينجياڭعا باعىتتامالى كومەكتەسۋ نىسانى بولىپ، قازىرگە دەيىن 650 ميلليون يۋان قارجى قوسىپ، 300 مىڭ ۇرشىقتىق ءجىپ ءيىرۋ كولەمىن قالىپتاستىردى. سەرىكتەستىك قازىنا ءبولىمىنىڭ باستىعى جاڭ جىڭگۋاڭ:-سەرىكتەستىگىمىز ›ءبىر بەلدەۋ، ءبىر جول‹ دامۋ ورايىندا، حالىقارا جانە ەلىمىزدەگى وزىق ءجىپ ءيىرۋ جابدىقتارىنان پايدالانىپ وندىرگەن جىڭىشكەلەي تالشىقتالعان ءجىپتى، توقىما ءجىپتى، بىز ءجىپتى، گاز اينالىم ءجىبىن شياڭگاڭ، گۋاڭدۇڭ، جىجياڭ، جيلين، شاندۇڭ، حۋبەي سياقتى جەرلەرگە ساتتى،-دەدى. بۇراتالا شەكارالىق ەكونوميكالىق سەلبەستىك رايونى حالىقاراداعى جانە ەلىمىزدەگى «ەكى بازاردى، ەكى ءتۇرلى بايلىقتى» ارقاۋ ەتىپ، توقىما كيىم-كەشەك، يمپورت-ەكسپورت ونىمدەرىن مانەرلەۋ، جاڭاشا قۇرىلىس ماتەريالدارى، قورعامالى باجىداعى قويمادا ساقتاۋ، زات اينالىمى سياقتى التى ءىرى كاسىپتى ءتۇيىندى دامىتىپ، بۇكىل ەلىمىزگە، ورتا ازياعا ىقپالدى ەسىگى اشىق ۇستالعان باقشا رايونىن قۇرۋعا كۇش سالۋدا. قازىرگە دەيىن، باقشا رايونىندا 28 كاسىپورىن ىرگە تەۋىپ، وسىنداعى ءوندىرىسى كولەمدەنگەن كاسىپورىن 12 گە جەتتى، 1-ايدان 10-ايعا دەيىن، باقشا رايونى ونەركاسىپ جالپى ءونىم قۇنىن 809 ميلليون يۋانعا جەتكىزدى. بۇراتالا قالاسىنىڭ ورىنباسار باستىعى، شەكارالىق ەكونوميكالىق سەلبەستىك رايونى پارتگرۋپپاسىنىڭ شۋجيى، مەڭگەرۋشىسى جاڭ جيان:« ›ءبىر بەلدەۋ، ءبىر جول‹ دامۋ ورايىنان تولىق پايدالانىپ، نەگىزگى قۇرىلعىلارداعى ولقىلىقتاردى جەدەل تولىقتاپ، كاسىپتىڭ تۇرلەنىپ جاڭالاۋىن جەدەلدەتىپ، سىرتقا باعىتتالعان ەكونوميكانى كۇش سالا دامىتىپ، ماقتا توقىماشىلىعى كيىم-كەشەك، اۋىل شارۋاشىلىق قوسىمشا ونىمدەرىن مانەرلەۋ سياقتى ەڭبەككۇش شوعىرلانعان كاسىپورىنداردى ءتۇيىندى ەنگىزىپ، كاسىپتەنۋدى بارىنشا جەبەدىك ءارى اناعۇرلىم كوپ حالىقتىڭ «ءبىر بەلدەۋ، ءبىر جول» قۇرىلىسىنىڭ جان سانى تيىمدىلىگىنەن، بازار تيىمدىلىگىنەن ورتاق يگىلىكتەنۋىنە مۇمكىندىك جاسادىق،-دەدى.

بەرىپ كەت ورامالىڭدى

دوستار

الىستاعى اق ەركە