جاڭا حابارلار

 رايونىمىزدىڭ جەر- جەرى  اۋىل - قىستاق تاسجول قۇرىلىسىن ۇزدىكسىز ىلگەرىلەتىپ، ەگىنشى- مالشىالاردىڭ كەدەيلىكتەن قۇتىلىپ اۋقاتتانۋىنا ءورىس اشتى

    كەلۋ قاينارى: شينجياڭ حالىق راديو ىستانسياسى    2018-12-11 11:52:43  

 سوڭعى جىلدارى، رايونىمىز اۋىل - قىستاقتىڭ تاس جول قۇرىلىسىن ۇزدىكسىز ىلگەرىلەتىپ، اۋىل - قىستاقتىڭ قاتىناس تورابىن ۇزدىكسىز كەمەلدەندىرىپ، اۋىل - قىستاق ەكونوميكاسىنىڭ، ساياحات كاسىبىنىڭ دامۋىن قولداپ، كەدەيلىكتەن قۇتىلدىرۋدان قامال الۋعا كۇش قوستى.     بيىل 6 - ايدا، قاعىلىق اۋدانىنىڭ اقازدان شيحىشيۋ اۋىلىنا دەيىنگى تاس جول قۇرىلىس نىسانى جاپپاي سالىنىپ بولدى، بۇل تاس جولدىڭ جاسالۋى قاشقار ايماعىنىڭ قۇرىلىس جۇرگىزۋ قيىندىعى ەڭ جوعارى بولعان  تاۋلى وڭىردەگى اۋىل - قالاشىق تاس جولدارىنا تۇگەلدەي اۆتوكولىك قاتىناعاندىعىن اڭعارتادى. قاعىلىق اۋدانى شيحىشيۋ قىستاعىنىڭ تۇرعىنى تالىپ تۇرسىن وسى جولدىڭ جاسالۋىنان وعان اۆتوكولىك قاتىناۋعا دەيىنگى بارىسىنا قاتىناسۋشى جانە وعان كۋا بولۋشى، جاڭا جولدىڭ جاسالۋى وعان جاڭا تۇرمىس اكەلدى. ولءار كۇنى قازۋ ماشيناسىن جۇرگىزىپ ماڭىنداعى اۋىل - قالاشىقتاعى جۇمىس ورنىنا بارىپ جۇمىس ىستەيدى، كىرىسى بۇرىنعىمەن سالىستىرعاندا كوپ جوعارىلادى. ول بىلاي دەدى: « بۇل جول بۇرىن شاعىل جول بولاتىن، ەسەك اربامەن عانا جۇرەتىنبىز، اۋدانعا بارۋ ءۇشىن بىرنەشە كۇن كەتەتىن. مەن بۇرىن قازۋ ماشيناسى مەن تيەۋ - ءتۇسىرۋ ماشيناسىن جۇرگىزۋدى ۇيرەنگەم، شوفەرلىك كۋالىگىم بار، وسى جولدى جاساعاندا ۇسىنىسپەن جۇمىسقا قابىلداندىم، ايىنا 6 مىڭ يۋاننىڭ ۇستىندە اقشا تابا الامىن. قازىر جول جاسالىپ، سىرتقا شىعۋىمىز قولايلى بولدى، بۇل ديقاندار ءۇشىن اۋقاتتانۋ جولى ەسەپتەلەدى».  بۇرىن، قاتىناس ماسەلەسى رايونىمىزدىڭ اۋىل - قىستاق ەكونوميكاسىنىڭ دامۋىنا تۇساۋ بولىپ كەلگەن بولاتىن. وسى سەبەپتى، اۆتونوميالى رايونىمىز جەر - جەردىڭ اۋىل -قىستاق تاس جول قۇرىلىسى قادامىن ۇزدىكسىز جەدەلدەتتى، 2016 - جانە  2017 - جىلدىڭ وزىندە، رايونىمىز بويىنشا اۋىل - قىستاقتىڭ تاس جول قۇرىلىسىنا 48 ميلليارد 875 ميلليون يۋان قارجى قوسىلىپ، جاڭادان وزگەرتىپ، كەڭەيتىپ سالىنعان تاس جولدىڭ ۇزىندىعى 39 مىڭ 409 كيلومەترگە جەتتى. 2017 - جىلدىڭ اياعىنا كەلگەندە، رايونىمىز بويىنشا اۋىل - قىستاق تاس جولىنىڭ جالپى ۇزىندىعى 122 مىڭ 800 كيلومەترگە جەتىپ، تاس جولدىڭ اۋىلدارعا  تۇتاسۋ مولشەرى %100 كە، قۇرىلىمدىق قىستاقتارعا  تۇتاسۋ مولشەرى  %99.41 كە جەتتى. ۇزاققا سوزىلعان اسفاليت جولدار قىستاقتىڭ كوركەم كورىنىسىنە اينالىپ قالماستان، ءارى قىستاق تۇرعىندارىنا كىرىسىن ارتتىرىپ، اۋقاتتانۋ ەسىگىن  اشىپ، جەر ـ جەردىڭ كەدەيلىكتەن قۇتىلدىرۋدان قامال الۋ قىزمەتىندە  ماڭىزدى رولىن بارعان سايىن ساۋلەلەندىردى.   «  ـــ كۇنىنە  قانشا كيلوگرام كوكونىس ساتاسىز؟    

      ـــ ءار كۇنگىسى ۇقسامايدى، 200 دە 300 كيلوگرام كوكونىس ساتامىن. قازىر قاتىناس قولايلى، جىڭ اۋدانىنا 15 مينۋدتا جەتەمىز».    جىڭ اۋدانى باجياحۋ ەگىس الاڭى اۋىل شارۋاشىلىق 7 - اتىرەتىندە، قىستاق تۇرعىنى جاۋ يۇڭگاڭ جىلىجايدا اسجاپىراق ۇزۋمەن قاربالاس بولدى، ول تىلشىگە بىلاي دەدى: بۇرىن قىستاقتىڭ جولى  توپىراق جول ەدى، ويلى- شۇڭقىر بولاتىن. قىستاقتىڭ توپىراعى كوكونىس ەگۋگە باپ كەلگەنىمەن، ءىرى جۇك اۆتوكولىگى قىستاققا بارا المايتىندىقتان، كوكونستى سىرتقا شىعارۋعا مۇمكىندىك بولماي، كوپتەگەن قىستاق تۇرعىنى شاراسىز  سىرتقا شىعىپ جۇمىس ىستەۋ جولىن تاڭدادى.  ەكى جىلدىڭ الدىندا  قىستاققا قايتىپ كەلسەم، كەڭ اسفاليت جول جاسالعان ەكەن، سونىمەن  70 مۋ جەردى كوتەرمەگە الىپ، اۋىلداستارىممەن سەلبەسىپ كوكونىس ەكتىم . جاۋ يۇڭگاڭ تاعى: « جول تەگىستەلىپ، قاتىناس قولايلى بولدى،  اتىز باسىنا كولىكپەن بارا الاتىن بولدىق، كىرىسىمىزدە ارتتى»، ـــ دەدى.      اۋىل - قىستاق تاس جول قۇرىلىسى تەبىنىن كۇشەيتۋ ارقىلى  بۇراتالا وبىلىسىندا اۋدان - قالانى سەنتر، اۋىل - قالاشىقتى وزەك، قۇرىلىمدىق قىستاقتى  ءتۇيىن ەتكەن اۋىل - قىستاقتاردى شارپىعان، قالا مەن اۋىلدى تۇتاستىرعان اۋىل - قىستاقتىڭ تاس جول قاتىناس تورابى قالىپتاستى. اۋىل - قىستاق تاس جولىنىڭ سوڭعى شاقىرىمعا دەيىن جاسالۋى ءارى بۇراتالا وبىلىسى وڭىرىندەگى مول ساياحات بايلىعىن تۇتاستىرىپ، اۋىل - قىستاق ەكونوميكاسىن دامىتۋمەن بىرگە، اۋىل - قىستاق ساياحاتىنا جەتەكشىلىك ەتتى. اراسان اۋدانى شاعاندۇنگى قىستاعىنىڭ تۇرعىنى ۋي يانچياڭ اشقان شارۋالار تاعامجايىنىڭ ساۋداسى بارعان سايىن كۇسەت بولدى. بيىل جىل باسىندا، جاڭادان سالىنعان اسفاليت جول كۇندەلەن مال فەرماسىن، شاعاندۇنگە اۋىلىن جانە اۋدان - قالانى تۇتاستىردى، ساياحاتشىلاردىڭ جاڭا جولمەن ساپىرىلىسىپ كەلە باستاعانىن كورگەن ۋي يانچياڭ شارۋالار تاعامجايىنىڭ كولەمىن دەر كەزىندە كەڭەيتىپ، ساۋداسى دا بارعان سايىن جاقساردى. ول بىلاي دەدى: «اراسانعا ساياحاتتاۋعا كەلگەندەر وسى جەرگە ايالدايدى، جولاۋشى قاينارى دا مولايدى. قازىر كوپشىلىكتىڭ وسى جەردە كاسىپ ىستەۋ سەنىمى زور، ءبىز دە وسى جول ارقىلى ساياحات كاسىبىن كۇش سالا دامىتتىق».    ۇعىسۋعا قاراعاندا، بيىل 10 - ايدىڭ اياعىنا دەيىن، رايونىمىزدا سالىنعان اۋىل - قىستاق تاس جولىنىڭ ۇزىندىعى 12 مىڭ 462 كيلومەتر بولىپ، بيىلعى اۋىل - قىستاق تاس جول قۇرىلىسىن جۇرگىزۋ مىندەتىن اسىرا ورىنداعان. 2019 -جىلى، رايونىمىز قالعان اۋىل - قالاشىقتاردىڭ، قۇرىلىمدىق قىستاقتاردىڭ جولدى اسفاليتتاندىرۋ قۇرىلىسىن جەدەلدەتىپ، قاتىناس  قۇرىلىسى نىسانىن قىستاقتارعا جەتكىزىپ، وتباسىلارعا بەيىمدەۋدى ىلگەرىلەتەدى. 2020 - جىلعا بارعاندا، رايونىمىزدىڭ كەدەي وڭىرلەرىندەگى اۋىل - قالاشىقتاردىڭ جانە شارت ازىرلەگەن قۇرىلىمدىق قىستاقتاردىڭ جولدارىن اسفاليتتاندىرۋ سالىستىرماسىن %100 كە  جەتكىزۋگە كەپىلدىك ەتەدى.         


بەرىپ كەت ورامالىڭدى

دوستار

الىستاعى اق ەركە