جاڭا حابارلار

باركول اۋدانى چازىحۋ قىستاعىن قىستاق بويىنشا ىلگەرىلەتىپ، ساياحات كاسىبىن، باعىمشىلىق كاسىبىن كۇش سالا دامىتىپ، كەدەي، مەشەۋ شاعىن قىستاققا قۋانارلىق وزگەرىس اكەلدى

    كەلۋ قاينارى: شينجياڭ حالىق راديو ىستانسياسى    2018-12-11 10:22:35  

  قۇمىل راديو ستانسياسىنىڭ تىلشىلەرى جاۋ چاڭ- يۇي، دۇڭ جيفاڭ، باركول راديو ستانسياسىنىڭ تىلشىلەرى: جاڭ شينلۇڭ، سۇڭ حۇڭكايداردى  حابارى :باركول اۋدانى كولبويى اۋىلىنىڭ چازىحۋ قىستاعى اۋىر كەدەي قىستاق بولاتىن، بۇرىن وسى قىستاقتاعى 575 وتباسىنىڭ تەڭ جارىمىنا تاياۋى كەدەي وتباسى ەدى. سوڭعى جىلدارى، باركول اۋدانى چازىحۋ قىستاعىن قىستاق بويىنشا ىلگەرىلەتىپ، ساياحات كاسىبىن، باعىمشىلىق كاسىبىن كۇش سالا دامىتىپ، كەدەي، مەشەۋ شاعىن قىستاققا قۋانارلىق وزگەرىس اكەلدى.:
     قىسقى ءوندىرىستىڭ سايابىر كەزىندە، باركول اۋدانى ۇيىمداستىرىپ وتكىزگەن ساياحات ارناۋلى تاقىرىبىنداعى تاربيەلەۋ كۋرسىسى چازىحۋ قىستاعىندا اشىلدى، قىستاق تۇرعىنى العا ماۋلەنباي ۇلى بيىل مالشىلار تاعامجايىنا سۇيەنىپ ءجۇز نەشە مىڭ يۋان كىرىس كىرگىزدى، بىرنەشە كۇننەن بەرى ونىڭ ۇيرەنۋ ىنتاسى ءتىپتى كۇشەيدى. ول :«قىستاعى ءوندىرىستىڭ سايابىر مەزگىلىندە قىستاق تۇرعىندار كوميتەتى كۋرس اشىپ تاربيەلەدى، كەلەر جىلى مالشىلار  تاعامجايىمنىڭ كولەمىن كەڭەيتىپ، كوبىرەك اقشا تاۋىپ، ءتىپتى جاقسى تۇرمىس كەشىرسەم دەگەن ويدامىن»،ــ دەدى.
    چازىحۋ قىستاعى باركول اۋدانىنداعى ايگىلى جاراتىلىستىق كورىنىس رايونى ــــ باركول كولىنىڭ جاعاسىندا، بۇرىن قىستاق تۇرعىندارى ۇزاق ۋاقىت «قولىندا بايلىعى بولا تۇرسا دا، جوقشىلىق تۇرمىس كەشىرىپ كەلگەن بولاتىن». 2015 - جىلى، باركول اۋدانى باركول كولىن ساياحاتقا بەيىمدەپ اشىپ، كورىنىس رايونىندا قىستاق تۇرعىندارىنىڭ ءۇي سالىپ، شارۋالار تاعامجايىن، مالشىلار تاعامجايىن اشۋىن قولدادى، العا ماۋلەنباي ۇلى سول كەزدە مالشىلار تاعامجايىن اشقان بولاتىن. 
      سوڭعى ەكى جىلدان بەرى، چازىحۋ قىستاعى كول سۋىنان پايدالانىپ، باعىمشىلىق كوپەراتيۆىن ەنگىزىپ، كول سۋىن تۇششىلاندىرىپ ءبىر جاقتىلى ەتكەننەن كەيىن، شايان، قىسقىش سياقتىلاردى باقتى. سونىمەن بىرگە، كاسىپتىك كووپەراتيۆ قۇرىپ، ازىقتىق ساڭىراۋقۇلاق كاسىبىن بارىنشا دامىتىپ، قىستاق تۇرعىندارىنىڭ كىرىسىن اناعۇرلىم ارتتىردى. كىرىسى ارتىپ، كوڭىلى كوتەرىلگەن قىستاق تۇرعىندارىنىڭ تۇرمىس ورتاسىنا بولعان تالابى دا بارعان سايىن جوعارلادى. باركول اۋدانى چازىحۋ قىستاعىن «كورىكتى اۋىل-قىستاق» قۇرىلىسىنا ەنگىزۋ ءۇشىن، بەيقۇت ءۇي، قورا سالىپ، تاسجول جاساپ، جولعا شام  ورناتىپ، مادەنيەت الاڭىن سالىپ، ەگىنشى-مالشىلاردىڭ ءوندىرىس-تۇرمىس شارت-جاعدايىن بارىنشا جاقسارتتى. مالشى بەگجان ايسابەك ۇلىنىڭ ۇيىنە باراتىن بولساڭىز، 80 شارشى مەترلىك بەيقۇت ءۇيىنىڭ اسحانا، تازالىق بولمەسىنىڭ تولىق ەكەنىن، جاڭادان ورناتىلعان جىلۋمەن قامداۋ جابدىعىنىڭ بۇرىنعى كۇلى بۇرقىراپ شاشىلىپ جاتاتىن تەمىر پەشتىڭ ورنىن باسقانىن، اۋلاعا ات قورا مەن قوي قورانىڭ ايىرىم سالىنعانىن كورەسىز، بەگجان ايسابەك ۇلى: «بۇرىن ەكى بولمەلى تام ۇيدە وتىراتىنبىز، ءۇي وتە سۋىق ءارى تازالىعى دا ناشار ەدى. 2014-جىلى اۋىلدىق ۇكىمەت 80 شارشى مەترلىك جەر سىلكىنىسىنە ءتوزىمدى بەيقۇت ءۇي سالىپ بەردى، سۋ، جىلۋمەن قامداۋ جابدىعى تولىق، اۋلامىز تاپ-تازا، قىستاعىمىزدا وزگەرىس زور»،-دەدى. 
      ساياحاتشى كوبەيگەندىكتەن، چازىحۋ قىستاعى تاعى ورتا تازالىعىن قورعاۋ اترەتىن ارناۋلى قۇرىپ، ءار كۇنى الەۋمەتتىك ورتانى تازالاۋعا ارناۋلى ادام جاۋاپتاندىردى. ورتا تازالىعىن قورعاۋ اترەتىنىڭ مۇشەسى ازىمحان ءسىلام ۇلى: «قازىر ءبىز ساياحات رايونىنىڭ تازالىعىن ويداعىداي ىستەۋگە كۇش سالۋدامىز، ساياحاتشىلار بارعان سايىن كوبەيدى، كىرسىمىزدە كۇننەن كۇنگە جوعارلادى»،-دەدى.

 


بەرىپ كەت ورامالىڭدى

دوستار

الىستاعى اق ەركە