جاڭا حابارلار

وسى زامانعى وركەنيەتتىڭ سونى لەبى وڭتۇستىك شينجياڭنىڭ بايتاق دالاسىن مەيىرگە بولەدى

    كەلۋ قاينارى: شينجياڭ گازەتى    2018-12-12 13:08:46  

ءتىلشىمىز سۇي يۇنيان

11 - ايدىڭ 26 - كۇنى كەشتە قاشقار ايماعى قاعىلىق اۋدانى تۇگىچى اۋىلىندا اجارلاندىرۋ، شاش جاساۋ جەلىلەس دۇكەنىن اشاتىن زۇلحۇمار ءامدوللا (ورتادا) قىستاق تۇرعىندارىنا اجارلاندىرۋ ونەرىن ۇيرەتۋدە.
سۋرەتتى ءتىلشىمىز ياڭ بين تۇسىرگەن

بەتاشار    

  قوعام ورنىقتى، ەكونوميكا دامىعان، حالىق تۇرمىسى جاقسارعان، ۇلتتار ىنتىماقتى... وڭتۇستىك شينجياڭنىڭ بايتاق دالاسىنىڭ بارلىق جەرىنەن وسى زامانعى جاڭا سالتتى كەزدەستىرۋگە، بارلىق تۇسىنان قۋانارلىق وزگەرىستەردى كورۋگە بولادى.
  يدەيانى ازات ەتۋدىڭ ءبىر رەتكى قوزعالىسى وڭتۇستىك شينجياڭعا تەرەڭ وزگەرىستەر الا كەلدى. بۇل كۇندەرى وڭتۇستىك شينجياڭ ايەلدەرىنىڭ اراسىندا ساندەنەتىندەر كوبەيىپ، سىرتقا شىعىپ جۇمىس ىستەيتىن شارۋالار مولايىپ، از ۇلت بۇقاراسىنىڭ اراسىندا پۋتۇڭحۋا سويلەيتىندەر كوبەيىپ، بۇقارانىڭ ءار ۇلتتان تۋىستارى مولايىپ، اۋىل - قىستاقتاردا مادەني قيمىلدار كوبەيىپ، «بەس كوبەيۋدەي» قۋانارلىق جاعداي جارىققا شىقتى. بىرنەشە كۇننەن بەرى، گازەتىمىزدىڭ تىلشىلەرى وڭتۇستىك شينجياڭنىڭ قالا، اۋىلدارىنا بارىپ، دامۋدى، وزگەرىستى سەزىنىپ، بۇقارانىڭ كوكەيىندەگى سوزدەرىن زەر سالا تىڭداپ، بۇقارامەن بىرگە جاڭا ءۇمىتتىڭ ۇشقىنىن تۇتاتتى. بۇگىننەن باستاپ گازەتىمىز «سونى لەپ وڭتۇستىك شينجياڭداعى وزگەرىس» ايدارىن اشىپ، جەلىلەس حابارلار ارقىلى وقىرماندارعا وڭتۇستىك شينجياڭداعى جاڭا سالتتى كورسەتىپ، دامۋعا، وزگەرىسكە وقىرماندارمەن بىرگە كۋا بولادى.

  قالتا قامپايدى، كۇلكى ءۇنى كوبەيدى، رۋح جەلپىندى، مادەني قيمىلدار مولايدى، تۇرمىس ءتاسىلى اناعۇرلىم وسىزامانداندى... وڭتۇستىك شينجياڭنىڭ بايتاق دالاسىن ارالاساڭىز، ءار ۇلت بۇقاراسىنداعى ءتۇرلى وزگەرىستەردى ءار ۋاق سەزىنە الاسىز. يدەيانى ازات ەتۋدىڭ ءبىر رەتكى قوزعالىسى وڭتۇستىك شينجياڭنىڭ بايتاق دالاسىندا تۋىلىپ، ادامدى مەيىرگە بولەيتىن وسى زامانعى وركەنيەتتىڭ جاڭا سالتى بارلىق جەردى قاۋلاۋدا.
  ورنىقتىلىقتىڭ پايداسىنىڭ ۇزدىكسىز ىسكە اسۋىنا ىلەسە، وڭتۇستىك شينجياڭداعى ءار ۇلت بۇقاراسى وسى زامانعى تۇرمىسقا قۇشاعىن ايقارا اشىپ، ۇلتتار ىنتىماعىن شىن كوڭىلدەن قورعاپ، كورىكتى مەكەندى نىق سەنىممەن قۇرىپ، وسىناۋ ەجەلگى مەكەندە تىڭ تىرشىلىك تىنىسىن جانە ومىرشەڭدىك كۇش تاسقىنداتتى.
  جاڭا كوزقاراس جاڭا سالتتىڭ قالىپتاسۋىن جەبەدى  
  11 - ايدىڭ 25 - كۇنى تۇستە ءپايزاۋات اۋدانىنىڭ تەمپەراتۋراسى 19 سەلتسي گرادۋسقا جوعارىلاپ، جامباز اۋىلى قادامجاي قىستاعىنداعى «جەكسەنبىلىك بازار» شۋاقتى كۇن نۇرىندا قىرۋار قوناقتاردى قارسى الدى.
  كولىك توقتاتۋ الاڭى تولىپ تۇر، بازاردا ادام سەڭدەي سوعىلىسادى، مۇندا كوزدىڭ جاۋىن الاتىن ءتۇرلى تاۋارلار مەن ءدامدى تاعامدار، ەرەسەكتەر مەن بالالاردىڭ مودا كيىمدەرى بار. ايەلدەر كيىمىن ساتىپ تۇرعان رايلا ءاسان شاشىن بوياتىپ، بەتىنە وپا - دالاپ جاعىپ، ۇستىنە جەيدەلى كۇرمە، جينسي شالبار، اياعىنا قىسقا ەتىك كيىپتى، ءبىر قاراعاننان موداعا ىلەسكەنى كورىنەدى. «بارلىعى قاشقار قالاسىنان ەڭ جاڭا ۇلگىسى تاڭداپ اكەلىنگەن زاتتار، بۇرىنعى كونە ۇلگىلەردى ەشكىم المايتىن بولدى، قانشا مودا بولسا سونشا جاقسى»، - دەدى 25 جاستاعى رايلا ءاسان جاتىق پۋتۇڭحۋامەن تىلشىگە.
  بەلوك تالقانىن ايعايلاپ تانىستىرىپ ساتىپ تۇرعان پاتىگۇل تاش وسىدان 100 كيلومەتر شالعايداعى ماكىت اۋدانىنان كەلگەن، ءتىلشىنى كورىپ دەرەۋ قولىنا ءبىر جاپىراق ۇگىت قاعازىن ۇستاتتى. «بۇل ءونىمدى شارۋالار قابىلداي ما؟»، «قابىلداعان ادامدار بارعان سايىن كوبەيىپ كەلەدى، جايما جايعانىما ءبىر جىل بولدى، بارلىعى پايداسىن كورىپ قايتالاي كەلگەندەر»، - دەدى پاتىگۇل قۋانىشپەن.
  قارا تەرگە مالشىنا ءجۇرىپ بازاردان شىققان ءتىلشى قىستاققا بەتتەپ، جول - جونەكەي قىستاق تۇرعىنى كەرىمجان عوپۇردىڭ اشەكەيلەنىپ جاتقان ۇيىنە كەلدى، ول ءتىلشىنى قىزۋ ىنتامەن ۇيگە باس سۇعۋعا شاقىردى.
  كەرىمجاننىڭ 9 بولمەلى، 250 شارشى مەتر كەلەتىن ءۇيىنىڭ توبەسى كوك رەڭدە ەكەن دە، ءۇي جيھازدارى تۇگەلدەي اق سىرمەن سىرلانىپتى، جاتىن بولمەسىنە كەرەك - جاراقتاردى سالۋعا بولاتىن تاقتاي ساكى قويىلىپتى، سىرتتاعى توبەلى قالتقى مەن ءجۇزىم سورەسى تۇگەلدەي بولات قۇرىلىمدى ەكەن. «اشەكەيلەۋگە 100 مىڭ يۋاننان استام اقشا جۇمسادىم. بۇرىنعى توپىراق سۇپىنى الىپ تاستاپ ەدىم، ءۇيىم تازاردى، اۋرۋ - سىرقاۋ بولۋ جاعدايى ازايدى»، - دەدى كەرىمجان پۋتۇڭحۋاعا ازىراق شاڭحايدىڭ جەرگىلىكتى سويلەۋ مانەرىن ارالاستىرىپ.
  2002 - جىلدان باستاپ شاڭحايدا كاۋاپ ساتقان كەرىمجان جەرگىلىكتى ورىننان ءبىر توپ دوس تاپقان، وسى جىلدارى ءار جىلى قىستاققا كەلىپ، ءبىر مەزگىل تۇرىپ قايتاتىن، «ەندى جاقسى بولدى، شاڭحايدان دوسىم كەلسە ءۇيدىڭ شارت - جاعدايى دا قوناق كۇتۋگە كەلەدى». ول سىرتقا شىعىپ جۇمىس ىستەۋدىڭ تيىمدىلىكتەرىن: «تاپقان اقشاڭ كوبەيەدى، كوز اياڭ كەڭەيەدى، دوستارىڭ مولايادى، ت.ب» دەپ تىزە باستادى. «اۋىلداستار بۇرىن ۇيلەرىنەن اتتاپ شىققىسى كەلمەيتىن، قازىر بارلىعى سىرتقا شىعىپ جۇمىس ىستەۋدى كوكسەيدى. قىستاقتان نەشە ونداعان ادام قازىر سىرتتا، ۇرىمجىگە، قۇلجاعا كەتكەنى بار، كەيبىرەۋلەرى شاڭحايدا، كوپشىلىكتىڭ تۇرمىسى، ءسوزسىز، بارعان سايىن جاقسارادى»، - دەدى كەرىمجان.
  ساندەنەتىن ايەلدەر كوبەيدى، سىرتقا شىعىپ جۇمىس ىستەيتىن شارۋالار مولايدى، از ۇلت بۇقاراسىنىڭ اراسىندا پۋتۇڭحۋا سويلەيتىندەر كوبەيدى، بۇقارانىڭ تۇرلىشە ۇلتتاردان تۋىستارى مولايدى، اۋىل - قىستاقتاردا مادەني قيمىلدار كوبەيدى... وڭتۇستىك شينجياڭداعى بۇل وزگەرىستەر شينجياڭ قوعامدىق عىلىمدار اكادەمياسى فيلوسوفيا عىلىمىن زەرتتەۋ ورنىنىڭ باستىعى مۇرات قينايات ۇلىن ايرىقشا جەلپىندىردى. «بۇل شىن مانىندەگى يدەيا ازات بولعان، قوعام ورنىقتى، ەكونوميكا دامىعان تاماشا جاعداي، وڭتۇستىك شينجياڭداعى بۇقارانىڭ يدەيا - كوزقاراسىندا، ارەكەت فورماسىندا جانە رۋحاني بەت - بەينەسىندە زور وزگەرىستەر تۋىلدى»، - دەدى مۇرات.
  11 - ايدىڭ باس شەنىندە مۇرات وڭتۇستىك شينجياڭدا تەكسەرۋ - زەرتتەۋ جۇرگىزگەندە، بارلىق جەردەن كەزدەسكەن كورىنىستەر مەن جاعدايلار ونى قۋانىشقا بولەدى. «بۇرىنعى جىلداردا وڭتۇستىك شينجياڭدا قىستاقتا تۇرعانمىن، ول كەزدە قىستاقتاعىلار ءدىني ۇشقارى يدەيانىڭ ىقپالىنا ۇشىراپ، اۋقىم ناشار، ومىرشەڭدىك كۇش كەمشىل بولاتىن. ال قازىر وڭتۇستىك شينجياڭنىڭ اۋىل - قىستاقتارىنىڭ بارلىق جەرىنەن سەنىمگە تولى، ۇمىتكەر كوڭىلدى جۇزدەردى كورۋگە، بارلىق جەردەن قۇلشىنا قىزمەت ىستەگەن بەينەلەردى كەزدەستىرۋگە بولادى»، - دەدى مۇرات.
  جاڭا وزگەرىس جاڭا بەت - بەينە الا كەلدى
  قاشقار ايماقتىق پارتكوم پارتيا مەكتەبىنىڭ پارتيا قۇرىلىسى، زاڭ كافەدراسىنىڭ مەڭگەرۋشىسى لياڭ ميڭشيا بىلتىردان بەرى اۋىل - قىستاقتارعا ۇنەمى بارىپ قوعامدىق تەكسەرۋ - زەرتتەۋ جۇرگىزىپ، اۋىلداستارمەن بىرگە تاماقتاندى، بىرگە تۇردى، بىرگە ەڭبەك ىستەدى، بىرگە ۇيرەندى. «ءبىزدىڭ ۇگىت - لەكسيامىز توتەنشە قارسى الىندى، قىستاق تۇرعىندارى پارتيانىڭ ابزال ساياساتىن ءتۇسىنۋدى ءۇمىت ەتەدى ءارى وسى زامانعى تۇرمىس تاسىلىنە تالپىنادى، قازىر كادرلار مەن بۇقارانىڭ قاتىناسى بارعان سايىن جيىلەپ، قىستاق تۇرعىندارىنىڭ وركەنيەت جاڭا سالتىن قابىلداۋ دەڭگەيى بارعان سايىن جوعارىلاپ، تۇرمىس ءتاسىلى وزگەردى، كوزقاراسى دا جاڭالاندى»، - دەدى ول.
  11 - ايدىڭ 25 - كۇنى كەش، ءتىلشى قاشقار قالاسىنىڭ تۇرعىنى سالام قادىرمەن بىرگە قاشقاردىڭ كوشەسىندە سەيىلدەدى، 27 جاستاعى سالام 2 اي ۋاقىتپەن بارعان اۋىل - قىستاقتاعى قىزمەتىن ەندى عانا اياقتاتىپ قايتىپ كەلگەن بولاتىن. «ۇنەمى سونى ىستەرمەن ارالاسقان ادامداردىڭ كوز اياسى كەڭەيەدى، وي - ساناسى اشىلادى. وسى 2 جىلدا اۋىل - قىستاقتار مەن شارۋالاردا وزگەرىس وتە زور، ال وڭتۇستىك شينجياڭنىڭ قالالارىندا دا وسى زامان بەينەسى قويۋلاي ءتۇستى»، سالام سويلەسە ءجۇرىپ، ءتىلشىنى قاشقار كونە قالاسىنا ەرتىپ باردى.
  قاشقار كونە قالاسىنداعى «شاني» كوفەحاناسىنان حوش ءيىس اڭقىدى. «ءبىز كوفەنى ۇستىندە جاسايمىز، قاريدارلارىمىز ساياحاتشىلار جانە جەرگىلىكتى تۇرعىندار. قازىر كونە قالانىڭ ىشىندەگى قارتتار دا كوفە ىشكەلى كەلەتىن بولدى»، - دەپ ءسوزىن ساباقتاعان دۇكەن قوجايىنى مىراحمەت تۇرعۇن: بيىل بۇل ارادان تاعى بىرنەشە كوفەحانا اشىلدى، ءبارىنىڭ ساۋداسى جاقسى، - دەدى.
  80 جاستاعى وبۇلقاسىم ءوزىنىڭ مىس بۇيىمدار دۇكەنىنىڭ الدىندا ەلەكتر جىلىتقىش مەش جاعىپتى، «بۇل مەش جاقسى، قورشاعان ورتانى قورعايدى، ورتانى لاستامايدى». دۇكەندەگى دىبىس ساندىقشاسىنان تارتىمدى مۋزيكا قويىلۋدا، ءداستۇرلى قولونەرمەن شۇعىلدانعانىنا 67 جىل بولعان بۇل قاريانىڭ كوڭىل كۇيى كوتەرىڭكى، ارت جاعىنداعى كوزدىڭ جاۋىن الاتىن جارقىراعان مىس بۇيىمدارى بەينە ماي بوياۋلى سۋرەتتەي كورىنەدى.
  «سۇلۋ بويجەتكەن اجارلاندىرۋ، شاش جاساۋ سالونى» شاعىن دۇكەنىنىڭ شىراعى جارقىراپ تۇر. «قانداي ونىمدەردىڭ ساتىلۋ جولى ەڭ جاقسى؟» دەپ سۇراۋ قويدى ەسىكتەن ىشكە ەنگەن ءتىلشى. «اسەمدىك جانە شاش جاساۋ ونىمدەرى ءوتىمدى، قازىر بويجەتكەندەر ادەتتە سىرتقا جاسانىپ شىعاتىن بولدى»، - دەپ جاۋاپ قاتتى دۇكەن قوجايىنى جالينا كۇلىمسىرەي.
  قاشقار قالاسىندا ۇلكەن كەشكى بازار سالىندى، كونە قالا رايونىنىڭ كەشكى بازارىن سالام «كونە كەشكى بازار» دەپ اتادى. ءتىلشى ىلگەرى ول اراعا تالاي بارعان بولاتىن، وسى رەت كوپتەگەن جاڭا بەينەلەردى − قۇيعان وكپە - ىشەك ساۋداسىمەن شۇعىلداناتىن حۇيزۋ اپاي ما ا - شانى، مالاتاڭ جايماسىن جايعان جاڭادان كەلگەن سىچۋاندىق جىگىت شياۋتاڭدى كەزدەستىردى. حانزۋ بويجەتكەن حى پيڭ بىلاي دەدى: از ۇلت تۇرعىندارى مەن جاساعان دۋفۋدى جاقسى كورەدى، مەنىڭ ءۇنحاتىمدى قوسىپ العاندار دا از ەمەس. تەڭىز شايانى، قىسقىش ساتاتىن سۇي يۇييىڭ جانىنداعى ۇيعۇر جايماشىمەن اڭگىمەلەسە ءجۇرىپ، ونىڭ ىدىس - اياقتارىن جيىستىرۋىنا كومەكتەستى، ءبارىنىڭ جۇزىنەن قۋانىش مەن مۇندالايدى.
  «بۇل ۇلتتار ىنتىماعىنىڭ جاندى كورىنىسى»، - دەدى سالام. سالامنىڭ پۋتۇڭحۋانى ولشەمدى سويلەگەنىن كورگەن لياڭميان ساتىپ وتىرعان جايماشى ەرەكشە ءسۇيىندى، ول ءوزىنىڭ مەملەكەتتە ءبىرتۇتاس قولدانىلاتىن ءتىل - جازۋدى قۇلشىنىپ ۇيرەنىپ جاتقاندىعىن، وسىنداي ولشەمدى دىبىستاۋعا قۇلشىنىس جاسايتىندىعىن ايتتى.
  ۇلتتار ىنتىماعى تابيعي داعدىعا اينالدى، اۋاداي قاجەتتى بولادى. وڭتۇستىك شينجياڭنىڭ اۋىل - قىستاقتارىندا قازىر وتباسى سايىن تۇرلىشە ۇلتتاردان جۇپ قۇراپ، تۋىس بولعاندار بارشىلىق، ۇنەمى ۇيلەرگە بارىپ، بىرنەشە كۇن قونادى. جۇزدەسۋ كوبەيگەن سايىن سۇيىسپەنشىلىك تە تابيعي تەرەڭدەي تۇسەدى.
  اقسۋ قالاسىنىڭ «ءجۇز جىلدىق بايىرعى كوشەسىندەگى» ۋاڭ سان كوشەسى ءار ۇلت ساۋداگەرلەرىن باۋرادى، قازىر كوپتەگەن دۇكەن ماڭدايشالىعىن اۋىستىرىپ، «بەرەكەلى شاڭىراق» دەپ ات قويدى. ءتىلشى ءبىر «بەرەكەلى شاڭىراق» تاعامجايىنا كەلدى، دۇكەن قوجايىنى لوۋ جيانبو مەن مۇحتار ابدۇرۇسۇل ەكەن، ەكەۋى تۋىس بولعاننان كەيىن، بۇل اسحانانى بىرلەسىپ اشىپتى.
  «ءبىزدىڭ سەلبەستىگىمىز كوڭىلدى، ارامىزدان قىل وتپەيدى»، - دەدى مۇحتار.
  جاڭا تۇرمىس جاڭا تالپىنىسقا باستادى
  زاتتىق تۇرمىس ورەسى جوعارىلادى، رۋحاني تۇرمىسقا دەگەن جاڭا ۇمىتتەر مەن قاجەتتەر تۋىلدى. جۋىرداعى ءبىر مەزگىل ۋاقىتتا، ءتىلشى ءاربىر قىستاققا بارعان سايىن باي مازمۇندى، الۋان ءتۇرلى مادەني قيمىلدار وتكىزىلىپ جاتقاندىعىن كوردى.
  ءۇشتۇرپان اۋدانى العا قالاشىعى تومەنگى ماكىت قىستاعىندا تۇرعىندار ەكولوگيا باقشاسىنىڭ ساحناسىندا الاڭ ءبيىن بيلەپ، سانگەرلىك قيمىلىن ورىستەتىپ جاتىر، كوڭىلدى كۇلكى ءۇنى كوك اسپاندا جاڭعىردى. بۇل قىستاقتا اپتا سايىن ادەبيەت - كوركەمونەر كونسەرتى، اي سايىن ادەبيەت - كوركەمونەر جارىسى وتكىزىلەدى، قىستاق تۇرعىندارى وزدەرى دايىنداعان الاڭ ءبيى اۋداندىق الاڭ ءبيى جارىسىندا ءبىرىنشى دارەجەلى سيلىققا يە بولعان دا بولاتىن.
  كۇشار اۋدانى قانىقاتام اۋىلى جاڭاتۇر قىستاعىندا دا «اۋىل - قىستاق ساحناسى» بار، قىستاق تۇرعىندارى ادەبيەت - كوركەمونەر كونسەرت ۇيىرمەسىن قۇرىپ، ءان - ءبي، مۋزيكا اسپابىمەن سۇيەمەلدەپ شىرقاۋ سياقتى نومىرلەردى ازىرلەپ، ءبىر جىلدان استام ۋاقىت ارالاپ ءجۇرىپ كونسەرت قويىپ، اتاقتارىن بارعان سايىن اسىردى.
  كەش كىرگەن سايىن مارالباسى اۋدانى اناركول اۋىلى عول ءمالى قىستاعى دۋمانعا شومادى. قىستاق تۇرعىندارى ۇيلەرىنەن شىعىپ، قىستاقتاعى بينحى سپورت - مادەنيەت باقشاسىندا سەيىلدەيدى. مۇندايدا بالالار ايرىقشا شاتتىققا شومادى، ويتكەنى ولار وسىنداعى قىزىقتى كوڭىل اشۋ ويىندارىن ۇناتادى. قىستاق تۇرعىنى ارزىگۇل ءيمىن ءار كۇنى كەشتە بالالارىن ەرتىپ وسىندا ويناتۋعا كەلەدى، بالالاردىڭ كوڭىلدى كۇيىن كورگەندە ول ءوزىن سونشاما باقىتتى سەزىنەدى. «قازىر تۇرمىسىمىز وتە جاقسى!»، - دەدى ول. «ادەمى بەيقۇت ۇيلەر قازىر وزەن بويى كورىنىسىنە يە ۇيلەرگە اينالدى، قالاداعىلارعا ەندىگارى قىزىقپايتىن بولدىق»، - دەدى قىستاق تۇرعىنى ماحامحان ءيۇسۇپ ونى قۇپتاي ءتۇسىپ.
  بۇل قىستاق جاقىندا عانا تۇتاس قىستاق بويىنشا كەدەي قىستاق تىزىمىنەن شەگىندى. «وڭتۇستىك شينجياڭداعى بۇقارا وتە باقىتتى، ولار يگىلىكتەنگەن حالىققا تيىمدىلىك جەتكىزۋ ساياساتتارى بۇكىل ەل بويىنشا ەڭ تولىق، ەڭ جاقسى، تەبىنى ەڭ زور بولدى»، - دەدى اۆتونوميالى رايوندىق دەنە تاربيە مەكەمەسىنىڭ وسى قىستاقتا تۇرعان «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجي ليۋ ي تەرەڭ تەبىرەنىسپەن. ج ك پ اۆتونوميالى رايوندىق 9 - قۇرىلتايىنان بەرى، «ۇعىسۋ، تيىمدىلىك جاساۋ، توعىستىرۋ» قىزمەتىنىڭ تەبىنى ارتىپ، پارتيانىڭ ابزال ساياساتتارى سان مىڭداعان وتباستىلارىنا تياناقتانىپ، پارتيانىڭ شۋاعى ءار وتباسىن مەيىرگە بولەدى، بۇقارانىڭ كوڭىلى العىسقا تولىپ، دامۋ دا ىشكى قوزعاۋشى كۇشكە يە بولدى. «جاقسى تۇرمىستىڭ ادامداردىڭ رۋحاني بەت - بەينەسىن شىت جاڭا تۇسكە ەنگىزەتىنى ءسوزسىز. قىستاق تۇرعىندارى وسى زامانعى وركەنيەتكە تالپىندى، تۇرمىستا دا اناعۇرلىم بيىككە ۇمتىلاتىن بولدى»، - دەدى ليۋ ي.
  11 - ايدىڭ 3 - كۇنى ءتىلشى حوتان اۋدانى تۇساللا اۋىلى قارامەت قىستاعىنداعى حالىققا قولايلى قىزمەت كورسەتۋ ورتالىعىندا ءبىر شارۋانىڭ ۇيلەنۋ تويىنا قاتىناستى. توي قاراپايىم دا سالتاناتتى، وسى زامان تىنىسىنا تولى بولدى. «ورىندى، ورنالاستىرۋدى قىستاق ىڭعايلاپ بولدى، ءبىز تۋىستارىمىز بەن دوستارىمىزعا ۇقتىرىپ، پالاۋ، جەمىس - جيدەك، پىراندىك - بالكۇلشەلەردى ازىرلەسەك بولعانى». كاستيۋم كيگەن كۇيەۋ جىگىت ابدۇاكىم رازاق ءان - ءبي ىشىندە كەلىنشەگىنىڭ قولىنان ۇستاپ شاتتانا تۇرىپ كوپشىلىكتىڭ اق تىلەگىن الدى. «مەن تويىمنىڭ ءان - بيمەن، شات كۇلكىگە شومىپ، باقىت سەزىمىنە تولىپ ءوتۋىن ۇناتامىن!»، - دەدى ابدۇاكىم قۋانىشپەن.


بەرىپ كەت ورامالىڭدى

دوستار

الىستاعى اق ەركە