جاڭا حابارلار

ءداريا بويى ساياحاتشىلاردىڭ   تاماشالاپ سەيىلدەيتىن جەرىنە اينالدى

    كەلۋ قاينارى: شينجياڭ حالىق راديو ىستانسياسى    2018-12-13 10:30:47  


  كەريا اۋدان قالاشىعىنىڭ سولتۇستىگىندەگى تاكىلاماكان ءشولىنىڭ  قويناۋىندا، ەل ءىشى-سىرتىنداعى ارحەلوگيالىق جاھانگەزدەر  «جەر ۇيىق»دەپ اتاعان جاسىل القاپ ــ «ءداريا بويى» بار. جاقىننان بەرى، بۇل جەر ساياحاتشىلاردىڭ قۇمداعى كورىنستەردى تاماشالاپ سەيىلدەۋدە ،ءسوزسىز، كەلەتىن جەرىنە اينالدى.
        وسى بىرنەشە كۇندە، ءداريا بويى اۋىلى تەلىم قىستاعىنىڭ تۇرعىنى ماتسايدى ابدوللانىڭ ءۇيى وزگەشە دۋمانعا بولەندى، شاڭحايدان كەلگەن «ەرىكتى ساياحاتشىلاردىڭ» ءوز كولىگىمەن ساياحاتتاۋ ۇيىرمەسىندەگى 20 ادام ارناۋلى وسىندا كەلىپ قۇمدى دالانىڭ كورىنىسىن تاماشالاپ، بايىرعى توراڭعىنى سۋرەتكە ءتۇسىردى. ساياحاتشى گى ميڭحۇي: وسى اۋىلعا كەلۋدى ۇنەمى ارمانداۋشى ەدىك، تاكىلاماكان شولىندەگى ەڭ كوركەم اۋىل ەكەن، وسىندا كەلىپ وزگەشە ءبىر الەمگە كەلگەندەي بولدىق، تاماقتارى دا جاقسى، قوي ەتىن جەدىك، مۇنداعى ديحاندار وتە قاراپايىم دا اق كوڭىل، مەيماندوس ەكەن،-دەدى.
         قۇمدى دالانىڭ قويناۋىنداعى ءداريا بويى اۋىلىندا،  120 مىڭ مۋلىق تابيعي جايىلىم جانە ەلىمىزدەگى ەڭ ۇلكەن 670 مىڭ مۋلىق بايىرعى توراڭعى ورمانى بار، تاعى سۋىر، قاراقۇيرىق سياقتى جابايى حايۋاناتتار دا بار. جاقىننان بەرى، ماتسايدى ابدوللا وتباسى شارۋالار تاعامجايىن اشىپ، جىلدىق كىرىسى مولايدى، ول: وسى بىرنەشە جىلدا، ەلىمىزدىڭ جەر-جەرىنەن ءوز كولگىمەن ساياحاتتاپ كەلەتىندەر بارعان سايىن كوبەيدى، بيىل ساياحاتشى قابىلداۋدىڭ وزىنەن 20 مىڭ يۋان كىرىس كىرگىزدىم، كەلەر جىلى كەپتەر باعىپ، كوكونىس، قاۋىن-قاربىز ەگىپ ءتىپتى دە كوپ ساياحاتشىنى باۋراۋعا دايىندالامىن،-دەدى.
      ءداريابويى اۋىلىندا تۇيەگە ءمىنىپ، قۇمدا سەيىلدەۋ ساياحاتشىلاردىڭ ەڭ ۇناتاتىن سەيىل-سەرۋەن ءتۇرى، قىستاق تۇرعىنى مامەت تۇرسىن وسى ورايدى بايقاپ، تۇيە باعىمشىلىعىن دامىتتى. ول: قازىر 5 تۇيە باعىپ وتىرمىن، سىرتتان كەلەتىن ساياحاتشىلاردى قابىلداۋ ارقىلى  بيىلعى كىرىسىم 10 مىڭ يۋانداي بولدى، بۇدان كەيىن ءتىپتى دە جاقسى ىستەپ، كىرىسىمدى مولايتامىن،-دەدى.       كەريا وزەنىنىڭ يرەلەڭدەي اعىپ جاتقان سۋى، جاعاسىنداعى جايقالعان توراڭعى مەن جىڭعىل سياقتى ءشولدى دالا جامىلعىلارى سىزعان سۋرەتتەي اسەم تابيعات كورىنىسىن قالىپتاستىرعان. ساپ-سارى قۇم توبەشىكتەر، كوكپەڭبەك وزەن سۋى، جاپ-جاسىل جامىلعىلار ءوزارا جاراسىم تاپقان، بۇلاردىڭ بارلىعى فوتو سۋرەت اۋەسكەرى تاڭ جىن-ۋدىڭ وسى رەتكى ساپارىنا مول تابىس سيلادى. ول: بۇل جەر كەلۋگە تاتيتىن جەر، كورىنىسى ەرەكشە كوركەم، وتە-موتە، جوعارى ساپالى ساياحات ورنىن اشىپ، وسى ارانى  فوتو سۋرەت بازاسى ەتۋ كەرەك،-دەدى.


بەرىپ كەت ورامالىڭدى

دوستار

الىستاعى اق ەركە