جاڭا حابارلار

 قىزىل تۇستەگى ازىقتىقتار جۇرەك پەن قانعا ۇنامدى ىقپالىن تيگىزەدى

    كەلۋ قاينارى: شينجياڭ حالىق راديو ىستانسياسى    2018-12-13 16:55:16  

جۇڭگوشا ەمشىلىكتەگى كۇتىنۋ نازارياسىندا، « بەس ءتۇرلى ءتۇس بەس اعزاعا ەنەدى » دەيتىن ايتىلىم بار، قىزىل تۇستەگى ازىقتىقتار جۇرەك پەن قانعا ۇنامدى ىقپالىن تيگىزىپ، بۇيرەكتىڭ قۋاتتانۋىنا، قان اينالىسىنىڭ جاقسارۋىنا كوپ پايداسى بار ەكەن. سوندىقتان قىزىل ءتۇستى تاعامداردى كوپ تۇتىنۋ جۇرەك- ميدىڭ اقاۋسىزدىعىنا تيگىزەتىن پايداسى مول.      اۋەلى، دەنساۋلىققا پايدالى تومەندەگى بىرنەشە ءتۇرلى قىزىل ءتۇستى كوكونىستى تانىستىرايىق. قىزىل قىزاناقتىڭ قۇرامىنداعى ليكوپەن قانداعى مايدىڭ ساپالىق دارەجەسىن تومەندەتىپ،  « ناشار » حولەستەريننىڭ  توتىعۋىن توسىپ، ارتەريا قان تامىرىنىڭ قويمالجىڭدانىپ قاتايۋى مەن جۇرەك اۋرۋىنان ساقتانۋعا پايدالى. قىزىل بۇرىشتاعى لازى ەلەمەنتى مايدىڭ توتىعۋىن تەڭشەپ، جۇرەك قان تامىرلارىن قورعاۋ رولىن اتقارادى. قىزىل قانت قىزىلشاسىنىڭ تامىرىندا ازوت قىشقىلدى تۇز بار، قانداعى ازوت توتىعىنىڭ قويۋلىعىن ارتتىرىپ، قانتامىردىڭ كەڭەيۋىن جەدەلدەتەدى دە قان قىسىمدى تومەندەتۋگە بولادى. بۇدان تىس، قىزىل ءتۇستى جەمىستەردى تۇتىنۋدا دۇرىس تالعام. بۇدان الدىمەن تانىستراتىنىمىز  ارينە قىزىل الما.  پەكتين قۇرامىنىڭ مول بولۋى المانىڭ ەڭ باستى قورەكتىك ەرەكشەلىگى. ول قانداعى حولەستەريندى تومەندەتۋگە جاردەم ەتەدى. بۇدان باسقا الماداعى جاپىراق قىشقىلى مەن ۆيتامين B جۇرەك اۋرۋىنىڭ الدىن الۋعا وتە پايدالى. قىپ- قىزىل دولانانىڭ قۇرامىندا كاروتين، كراتاگين مول، جۇرەك بۇلشىق ەتىنە قورەكتىك جەتكىزىپ، قان سارىسۋىنداعى حولەستەريندى، قان قىسىمى مەن ماي قۇرامىن تەڭشەيدى. شايدى كوپ تۇتىناتىن دوستارىمىز ادەتتە قىزىل شايدى كوپ تاڭداعانى ءجون. قاتىستى زەرتتەۋلەر شاي ىشپەيتىندەرمەن سالىستىرعاندا قىزىل شايدى كوپ تۇتىناتىن ادامداردىڭ  تومەن تىعىزدىقتاعى ماي بەلوگى مەن قان قىسىمى ٴءتىپتى دە قالىپتى،  جۇرەك اۋرۋىنا شالدىعۋ سالىستىرماسى نەداۋىر تومەن بولاتىنىن دالەلدەدى. سوندىقتان ەكى ۋاق تاماقتىڭ اراسىندا شالاڭ قىزىل شاي ءىشۋدى ناسيحاتتايمىز.
 


بەرىپ كەت ورامالىڭدى

دوستار

الىستاعى اق ەركە