جاڭا حابارلار

 تاماقتانۋ ادەتى مەن دەنساۋلقتىڭ اقاۋسىزدىعى

    كەلۋ قاينارى: شينجياڭ حالىق راديو ىستانسياسى    2018-12-13 17:01:17  

 تاماقتانۋ ادەتى مەن دەنساۋلقتىڭ اقاۋسىزدىعى ءبىر- بىرىمەن تىعىز بايلانىستى، وڭەش راگى وسى تاماقتانۋ ادەتىمەن قاتىستى اۋرۋلاردىڭ ءبىرى. تۇقىم قۋالاۋعا قاتىستىلارىن ايتپاعاندا، مەدەتسينالىق زەرتتەۋلەرگە نەگىزدەلگەندە، وڭەش راگىنا شالدىققان %90 ناۋقاستىڭ ناشار تاماقتانۋ ادەتى بار كورىنەدى، سوندىقتان، وڭەش راگىنىڭ الدىن الۋدا ەڭ ماڭىزدىسى تاماقتانۋعا كوڭىل ءبولۋ كەرەك.    كۇندەلىكتى تۇرمىستا ءبىز جاڭا ازىقتىقتاردى كوبىرەك تۇتىنۋىمىز، امال بار شىلانعان، سۇرلەنگەن، قاقتاعان جەمەكتىكتەردى جانە اشتى ازىقتىقتاردى ازىراق تۇتىنعانىمىز ءجون. اشتى قازان سورپاسى، ساماۋىر سورپاسى، قاقتالعان جەمەكتىكتەردى كوپ جەۋدى دارىپتەمەيمىز. جانەدە وتە ىستىق تاماقتاردى، ىستىق سورپا، ىستىق شاي قاتارلىلاردى دەمىن الدىرىپ تۇتىنعان ابزال. كوپ شايناپ اسىقپاي جۇتۋدا جاقسى ادەت، تاماقتى تەز ءىشۋ دۇرىس ەمەس، تاماقتانۋعا 20 دا 30 مينۋد ۋاقىت جۇمساۋ ەڭ ۇيلەسىمدى. ازىقتىقتاردى ارتىق الىپ ساقتاماۋ، كوگەرگەن شىرىگەن ازىقتىقتاردى تۇتىنباۋ شارت.بۇلاردان سىرت، زەرتتەۋلەرگە نەگىزدەلگەندە، كەي ازىقتىقتاردى ۇيلەسىمدى تۇتىنعاندا وڭەش راگىنىڭ الدىن الۋعا سەپتىگى تيەتىن كورىنەدى. مىسالى: قارا استىقتاردى از تۇتىناتىندارعا قاراعاندا كوپ تۇتىناتىن ادامداردىڭ وڭەش راگىنا شالدىعۋ مۇمكىندىگى %45 مولشەرىندە تومەن بولادى ەكەن. شيلانحۋا، كاپوستا، لوبى ياعني شومىر قاتارلى كوكونىستەردە ادام دەنەسىنە پايدالى زاتتار بولادى، وڭەش راگى قاتارلى ءبىر قانشا ءتۇرلى راكقا شالدىعۋ حاۋپىن تومەندەتەدى. تارالمالى اۋرۋلاردى زەرتتەۋ ناتيجەسىنە نەگىزدەلگەندە، جاسىل جاپىراقتى كوكونىستەردى كوبىرەك تۇتىنعاندا وڭەش راگى قاتارلى كوپ ءتۇرلى راك اۋىرۋلارىنا شالدىعۋ قاتەرى تومەندەيدى ەكەن.
 


بەرىپ كەت ورامالىڭدى

دوستار

الىستاعى اق ەركە