جاڭا حابارلار

ءۇش ۇلەس ەمدەۋدى، جەتى ۇلەس كۇتىم

    كەلۋ قاينارى: شينجياڭ حالىق راديو ىستانسياسى    2018-12-13 17:04:26  

  كوك باۋىر، اسقازان اۋىرۋى «ءۇش ۇلەس ەمدەۋدى، جەتى ۇلەس كۇتىمدى» قاجەت ەتەدى. اسقازان اۋىرۋىنىڭ قاي ءتۇرى بولسىن، كۇندەلىكتى تۇرمىستا تومەندەگىدەي تۇيىندەرگە كوڭىل ءبولۋ قاجەت. ءبىرىنشى، جىلى-جۇمساق تاعامداردى كوپ جەۋ كەرەك. تاماقتى بۋعا پىسىرۋ، سۋعا قايناتۋ، باياۋ قايناتىپ پىسىرۋ، بىقتىرۋ، قولامتاعا پىسىرۋ سياقتى ادىستەرمەن سۇيىق- شالاڭ، جۇمساق، ەزىلدىرىپ پىسىرىپ تۇتىنعان ءجون. تىم قاتتى، قىشقىل، اششى نەمەسە تىم سۋىق تاعامداردى تۇتىنباعان ءابزال.  

    ەكىنشى، تاماقتى كوپ شايناپ، اسىقپاي جۇتقان ءجون. كەي ادامدار قىزمەتتەن تۇسە سالا دالانىڭ سۋىعىنان ۇيگە جەتىپ ىستىق تاعامداردى كورە سالا قوماعايلانا جەيدى. تەز جەگەن تاماق وڭاي قورتىلمايدى، بايقاماي ارتىق جەپ الادى دا اسقازاننىڭ سيىمدىلىعىنان اسىپ كەتەدى.  سوندىقتان، تاماقتى ءار جولى 30 رەت شايناپ، ءبىر رەتكى تاماقتانۋ ۋاقىتىڭىز  20 مينتۋدتان كەم بولماۋى كەرەك.  

    ءۇشىنشى، ءۇش ۋاققى تاماقتى ءدال ۋاعىندا، ولشەم بويىنشا ءىشۋ كەرەك. قىس مەزگىلىندە ءتۇن ۇزاق، كۇن قىسقا بولادى دا، كوپتەگەن ادام تاماقتى تەك ەكى ۋاق تۇتىنۋعا ادەتتەنىپ، ءار رەتكى ىشكەن تاماعىنىڭ مولشەرىن ارتتىرادى. بۇل اسقازاننىڭ  اسقازان قىشقىلىن ءبولىپ شىعارۋ رولىن ءبۇلدىرىپ، اسقازان جابىسقاق قاباتىن زاقىمدايدى.  ءار كۇنگى ءۇش ۋاققى تاماقتى ءوزىنىڭ لايىقتى مولشەرىمەن ۋاعىندا تۇتىنعان دۇرىس. ءبىر  ۋاققى تاماقتى ىشپەي قالدىرىپ قويىپ، كەلەسى تاماقتانعاندا تىم تويىپ جەۋدەن ساقتانۋ كەرەك. تاماقتى ازىراق جەسەدە تويا قالاتىن ادامدار تاماقتى از مولشەردە تۇتىنىپ تاماقتانۋ رەت سانىن كوبەيتكەنى دۇرىس. ءتۇستىڭ الدىندا ساعات 10:00 نەمەسە تۇستەن كەيىن ساعات 4:00 تە ءٴمالىم مولشەردە ۇستەمە ازىقتانعان ٴءجون. ٴ       ءتورتىنشى، بىرنەشە تۇردەگى جەمىستەردى پىسىرىپ جەگەن ٴءجون. جىلىتىلعان جەمىستىڭ تالشىعى جۇمسارىپ، ىشەك جولدارىن تىتىركەندىرۋى تومەندەيدى. اسقازان-ىشەك جولدارى قىزمەتى ناشار ادامدار الما، شاپتول، اناناس سىندى جەمىستەردى پىسىرىپ جەسە جاقسى. ۇيتكەنى پىسىرىپ جەلىنگەن جەمىستىڭ ازىقتىق تالشىقتارى مەن مينارال زاتتارىنىڭ كوپ ءبولىمى تولىعىمەن سىڭىرىلەدى.     قىس مەزگىلىندە الگىندەگىدەي 4 مازمۇندى ەسكەرسەڭىز، اس قورتۋ جۇيەڭىزدىڭ اقاۋسىزدىعىنا پايدالى.


بەرىپ كەت ورامالىڭدى

دوستار

الىستاعى اق ەركە