جاڭا حابارلار

قانداي جاعدايدا شىنىعۋدى توقتاتۋ كەرەك

    كەلۋ قاينارى: شينجياڭ حالىق راديو ىستانسياسى    2018-12-13 17:06:01  

 ادەتتە دەنە شىنىقتىرعاندا دەنەنىڭ اشىپ اۋىرسىنعانى بايقالسا، بىرەۋلەر دەنە شىنىقتىرۋدى توقتاتادى، ەندى بىرەۋلەر شىنىعۋىن جالعاستىرا بەرەدى. قانداي جاعدايدا جالعاستى شىنىعىپ، قانداي جاعدايدا شىنىعۋدى توقتاتۋ ماسەلەسى جونىندە، دەنەڭىزدەگى مىناداي 3 ءتۇرلى بەلگىگە نازار اۋدارۋىڭىز كەرەك.   

    1- بەلگى،  اشىپ اۋىرسىنسا، ۇستەمەلەي جاتتىعا بەرۋگە بولادى. دەنە شىنىقتىرعاندا بۇلشىق ەتتىڭ اشىپ اۋىرسىنۋى ۇنەمى بولاتىن جاعداي. ۇيتكەنى دەنە ارەكەتى بارىسىندا دەنەدەگى زاتتى الماستىرۋدان پايدا بولعان ءسۇت قىشقىلى بۇلشىق ەتكە جيىلسا، بۇلشىق ەت اشىپ اۋىرسىنعانداي سەزىلەدى. كوپتەگەن ادام بۇلشىق ەت اۋىرسىنسا، دەنە شىنىقتىرۋىن توقتاتادى. بۇل جاڭساق ۇعىم. ۇيتكەنى مۇنداي بەلگى دەنەدەن اقاۋ شىققانىنان دەرەك بەرمەيدى. قايتا، وسىنداي جاعدايدا دەنە شىنىقتىرۋىن ۇستەمەلەسە، ءسۇت قىشقىلىنىڭ ىدىراۋىنا كومەكتەسىپ، بۇلشىق ەتتىڭ اۋىرسىنعانى باسىلادى.2- بەلگى، اۋىرسىنۋ بايقالسا، جاتتىعۋدى جەڭىلدەتۋ كەرەك. ەگەر جاتتىعۋ بارىسىندا نەمەسە جاتتىعۋدان كەيىن دەنەنىڭ ءمالىم جەرى اۋىرسىنسا، جاتتىعۋدىڭ مولشەرىن ازايتىپ، دەنە ارەكەتىن جەڭىلدەتۋ كەرەك. ۇيتكەنى بۇل جاعداي ءسۇت قىشقىلىنىڭ بۇلشىق ەتكە جيىلۋىنا ۇقسامايدى. قايتا، بۇلشىق ەتتەگى ۇساق تالشىقتار مەن ءسىڭىر بالكىم ءمالىم مولشەردە زاقىمدالعانىنان دەرەك بەرەدى. ەگەر وسىنداي كەزدە دەنە شىنىقىرۋ ارەكەتىن جەڭىلدەتسەڭىز زاقىمدالۋدىڭ الدىن الۋعا بولادى. ال، ەگەر ەلەمەي جالعاستى ارەكەت جاساي بەرسەڭىز، وندا بۇلشىق ەت پەن ءسىڭىردىڭ زاقىمدالۋىن اۋىرلاتىپ الاسىز. 3- بەلگى. دەنەدە ۇيۋ جاعدايى بايقالسا، دەنە ارەكەتىن دەرەۋ توقتاتۋ كەرەك. اشىپ اۋىرسىنۋ مەن قاتتى اۋىرسىنۋدان سىرت، دەنە شىنىقتىرۋ بارىسىندا  دەنەنىڭ ۇيۋى دا ۇنەمى كەزىگەتىن ءجايت. دەنە شىنىقتىرعاندا دەنەنىڭ ءمالىم مۇشەسندە ۇيۋ ءجايتى بايقالسا، دەمالۋ كەرەك.  دەنەدەگى ءمالىم مۇشەنىڭ ۇيۋى وسى مۇشەنىڭ سەزىمتالدىعىنىڭ السىرەپ، ارەكەتتەن قالىپ بارا جاتقانىنان دەرەك بەرەدى. وسىنداي جاعدايدا دەنە شىنىقترۋدى ۇزدىكسىز جالعاستىرسا، وندا دەنساۋلىققا اقاۋ كەلتىرۋى مۇمكىن. سوندىقتان، ەگەر دەنەدە ۇيۋ جاعدايى بايقالسا، وندا ارەكەتتى دەرەۋ توقتاتۋ كەرەك. ەگەر ۇيۋ ۇزاق ۋاقىت قايتپاسا، وندا دەرەۋ ەمحاناعا بارىپ ەمدەلۋ ءتيىس.جوعارداعىداي 3 ءتۇرلى بەلگىگە نازار اۋدارىپ، دەنەڭىزدىڭ اسەرىن باقىلاپ، عىلمي دەنە شىنىقترۋعا كوڭىل ءبولىپ، ءوزىڭىزدى قورعاي بىلسەڭىز، ءونىمدى دەنە شىنىقتىرۋعا كەپىلدىك ەتە الاسىز.
 


بەرىپ كەت ورامالىڭدى

دوستار

الىستاعى اق ەركە