جاڭا حابارلار

تەكەس اۋدانى شولاقتەرەك قالاشىعىنىڭ اقتەرەك قىستاعى دوڭگەلەك داۋلەتتى قىستاققا اينالدى

    كەلۋ قاينارى: شينجياڭ حالىق راديو ىستانسياسى    2018-12-14 11:54:50  

ىلە راديو ستانسياسىنىڭ ءتىلشىسى جاڭ جيڭيۇي مەن تەكەس راديو ستانسياسىنىڭ ءتىلشىسى ما چاڭنىڭ  حابارى:تەكەس اۋدانى شولاقتەرەك قالاشىعىنىڭ اقتەرەك قىستاعى كەزىندە اۋدانداعى سورتتى تۇقىم جەتىلدىرۋ الاڭى بولاتىن. رەفورما جاساپ، ەسىك اشۋدان ىلگەرى، «تام ءۇي، باتپاق جول، قوڭىر قالتا تۇرمىس» وسى جەردىڭ ناق بەينەسى بولاتىن. بۇگىنگى كۇندە، كاسىپ قۇرىلىمىن رەتتەۋ، ديحاندار الما ەگۋ، ساياحاتپەن شۇعىلدانۋ ناتيجەسىندە، كىرىسى زور مولشەردە ارتىپ، وتباسىلارى تۇگەل جاڭا ۇيگە كوشىپ كىرىپ، اۆتوكولىك ساتىپ الىپ، اتى زاتىنا ساي دوڭگەلەك داۋلەتتى قىستاققا اينالدى. 

   قىسقى ەگىس جۇمىسى سايابىر مەزگىلدە جۇرت بەكەر جاتپايدى، بىرنەشە كۇننەن بەرى، 65 جاستاعى تۇرعىن شىن دىلان مەن جۇبايى وزدەرى اشقان وتباسىندىق قونالقىدا قاربالاس جۇمىس ىستەپ، اپتا سوڭىندا كەلەتىن قوناقتاردى قارسى الۋعا ازىرلەندى. شىن دىلان بىلاي دەدى: جۇبايىم ەكەمىزدە دە جۇمىس جوق، سونىمەن وتباسىندىق قونالقى اشتىق، بيىلعى تابىسىمىز 20 مىڭ يۋاننان استى. پارتيانىڭ ساياساتى، بۇقارانىڭ تۇرمىسى بارعان سايىن جاقسارۋدا.
   شىن دىلان 1974- جىلى،  اقتەرەك قىستاعىنا كەلگەندە، قىستاقتى ءشي باسىپ جاتاتىن، ديحانداردىڭ باسىم كوبى 20 شارشى مەترلىك تام ۇيدە تۇراتىن.  نەگىزىنەن ءبيداي ، قىشى جانە سارى بۇرشاق ەگۋگە سۇيەنىپ، كىرىس تاباتىن دا، كۇن كورىسى قيىن ەدى. ديحانداردىڭ كىرىسىن ارتتىرىپ، كوپشىلىكتىڭ تۇرمىسىن جاقسارتۋ ءۇشىن، 1994- جىلى، قىستاق ديحانداردى جەمىس اعاشى كاسىبىن كۇش سالا دامىتۋعا باستايدى. زەينەتكە شىققان ليۋ شوۋشۋان كەزىندە اقتەرەك قىستاعى قۇرىلىم جاڭالاۋدان ىلگەرى، سورتتى تۇقىم جەتىلدىرۋ الاڭىنىڭ ورىنباسار باستىعى بولاتىن. سول جىلى ليۋ شوۋشۋان وڭتۇستىك شينجياڭعا المانىڭ ءوسىپ-ءونۋىن تەكسەرۋگە جىبەرىلەدى. تەكسەرۋ ناتيجەسىندە، ول ەگۋ تەحنيكاسىن ۇيرەنىپ قالماستان، تاعى  « حۇڭفۋ-شى »، « چياۋناجين »، « حۇڭشيڭ» سياقتى ساپالى ونىمدەردى الا كەلەدى.  ەكىنشى جىلى، 80 نەشە ديحان الما ەگۋگە كىرىسىپ، قىستاقتا كووپەراتيۆ قۇرىلىپ، رايونىمىزدىڭ ءىشى- سىرتىنداعى ماماندار  جەمىس ەگەتىن ديحانداردى تاربيەلەۋگە ۇسىنىس ەتىلدى، سونىمەن بىرگە  جەمىس ەگەتىن ديحاندار سىرتقا بارىپ، ەگىمشىلىكتى باسقارۋ تەحنيكاسىن ۇيرەنۋگە جىبەرىلدى. 1998- جىلى، اقتەرەك قىستاعىنداعى جەمىس اعاشىنىڭ مۋ باسىندىق ءونىم مولشەرى 3 تونناداي بولىپ،  مۋ باسىندىق ورتاشا كىرىسى 4 مىڭ يۋاننان استى. 2003- جىلى، ەگىمشىلىك دەڭگەيىنىڭ ۇزدىكسىز ارتۋىنا ىلەسە، المانىڭ مۋ باسىندىق ءونىم قۇنى ەكى ەسەلەنىپ، 8 مىڭ يۋانعا جەتتى. سول جىلى، تۇتاس قىستاقتاعى 3 مىڭ 500 مۋ ەگىستىك جەرگە تۇگەلدەي الما ەگىلىپ، بارلىق وتباسى الما ارقىلى پايدا تاپتى. ليۋ شوۋشۋان: «سول كەزدە قىستاقتا كىسى باسىندىق كىرىس  مىڭ يۋانعا جەتپەيتىن، مەملەكەتتىڭ ساياساتى دا جاقسى، جەر قۇرىلىمىن رەتتەۋدەن كەيىن، تۇتاس قىستاق جەمىس اعاشى شارۋاشىلىعىمەن شۇعىلدانىپ، شىنىندا دا  اۋقاتتاندى»،- دەدى. 
    2004- جىلى، اقتەرەك قىستاعىنداعى ءبىر مىڭ 600 توننا ساپالى الما تۇڭعىش رەت قازاقستانعا ەكسپورت ەتىلىپ، حالىقارالىق ايگىلى ماركانى جاراتىپ، تەكەس اۋدانىنداعى ەڭ كولەمدى جەمىس- جيدەك ونىمدەرى بازاسىنا اينالدى. 2012- جىلى، 2015- جىلى، اقتەرەك قىستاعى تاعى دا جەكە - جەكە مەملەكەتتىك ەكولوگيالىق مادەنيەت قىستاعى جانە مەملەكەتتىك وركەنيەتتى قىستاق- قالاشىق سىندى داڭىقتى اتاققا يە بولدى. بۇگىنگى كۇندە اۋقاتتانعان قىستاق تۇرعىندارى جەمىس اعاشى ەگىمشىلىگىمەن بىرلەستىرىپ، اۋىل- قىستاق ساياحاتىن پارمەندى دامىتتى. اقتەرەك قىستاعى پاتيا ياچەيكاسىنىڭ شۋجيى ليۋ ۋىنجۇن: « ءبىزدىڭ شارت - جاعدايىمىز بويىنشا ورمان ساياحات باسقارماسى  ەنگىزىلىپ، ءبىر ميلليون 800 مىڭ يۋانداي قارجى قوسىلدى، ديحاندار تاعامجايىنان التى- جەتىسىن اشىپ، ديحانداردىڭ كىرىسى 18 مىڭ 500 يۋانعا جەتىپ، اتىنا زاتى ساي اۋقاتتى قىستاققا اينالدى»،- دەدى.

 


بەرىپ كەت ورامالىڭدى

دوستار

الىستاعى اق ەركە