جاڭا حابارلار

ايشۋاق جانە ونىڭ اكەسى جىڭ چۇن

    كەلۋ قاينارى: شينجياڭ حالىق راديو ىستانسياسى    2018-12-15 09:49:58  

 ۇرىمجىلىك ساۋداگەر جىڭ چۇن قۇمىل قالاسى اراتۇرىك اۋدانى نارىنگىر قازاق اۋىلىندا ۇلتتىق سالت- سانا باقشاسىن اشادى. سالت- سانا باقشاسىنىڭ قىزمەتكەرى كۇلاش ميزامحان قىزىنىڭ 14 جاستاعى قىزى ايشۋاق سالت-سانا باقشاسىنا ۇنەمى كەلىپ تۇرادى، ال جىڭ چۇن وعان كىتاپ ساتىپ الىپ بەرىپ، تاپسىرماسىن پىسىقتاپ بەرەدى، ءسويتىپ  ءجۇرىپ ەكەۋىنىڭ اراسىندا سۇيىسپەنشىلىك ورناپ، اكەلى- بالالىداي بولىپ وتەدى. ەندى قۇمىل راديو ستانسياسىنىڭ ءتىلشىسى ديڭ ليڭليڭ مەن گو زى - يدىڭ  حابارى ::
     ــــ اكە، مەن كەلدىم،
     ـــ  كەلدىڭ بە بالام.
      اپتا سوڭىندا، ايشۋاق ساباقتان ءتۇسىپ، سالت - سانا باقشاسىنا كەلدى، جىڭ چۇندى كورگەن ول ونى قاپسىرا قۇشاقتادى. جىڭ چۇن قىزىنا ءدامدى جىلقى ەتى نارىنىن دايىنداپ قويىپتى. جىڭ چۇن بىلاي دەدى: «ايشۋاقتىڭ تۇرمىسىن جاقسارتپاقپىن، مەكتەپتىڭ تاماعىنا ۇيرەنە الماۋى مۇمكىن»، ـــ دەدى.
    قانداستىق قاتىناسى جوق وسى اكەلى- بالالى ەكەۋىن اۋىزعا الۋ ءۇشىن، اڭگىمەنى بيىل 7- ايداعى جازدىق دەمالىس كەزدەن باستاۋ كەرەك. سول كەزدە سالت- سانا باقشاسى شينجياڭ ءان - ءبي ۇيىرمەسىنىڭ وقىتۋشىسىن سالت- سانا باقشاسىنداعىلارعا ءبي ۇيرەتۋگە ۇسىنىس ەتكەندە، ايشۋاقتىڭ ءبي بيلەگەندى وتە جاقسى كورەتىنىن كورگەن جىڭ چۇن وعان سالت- سانا باقشاسىنداعىلارمەن بىرگە ءبي ۇيرەتەدى. جىڭ چۇن بىلاي دەدى: «ول ءبي بيلەگەندى وتە جاقسى كورەدى ەكەن، ۇيرەنۋ بارىسىندا، بۇل بالانىڭ وتە زەرەك، ەلپەك ەكەنىن بايقادىم. ءبىز ءبي ۇيرەنۋ بارىسىندا بىرتىندەپ سۇيىسپەنشىلىك ورناتتىق».
    سودان باستاپ، جىڭ چۇن ايشۋاقتىڭ ەسەيۋىنە بەينە تۋعان اكەسىندەي كوڭىل ءبولدى. ونىڭ ساباقتان سىرتقى جاتتىعۋ ماتەريالدارى كەمشىل ەكەنىن كورگەن ول اۆتوكولىكپەن 4 ساعاتتىق جول باسىپ، قۇمىلداعى شينحۋا كىتاپ دۇكەنىنە بارىپ، وعان پىسىقتاۋ ماتەريالدارىن ساتىپ الىپ بەردى. ايشۋاق بىلاي دەدى: « ۇيگە قايتىپ بارعان كەزدە، ول كىسى كيىمدەرىمدى جۋىپ بەرەدى، وتە جاقسى. تاپسىرما ورىنداماي، قول تەلەفون ويناپ وتىرسام، مەنى تاپسىرما ورىنداۋعا قۋزايدى، ول ءار رەت ماعان جاقسى ۇيرەنۋدى قاداعالاپ تۇرادى».
     جىڭ چۇننىڭ كوڭىل بولۋىندە، وسى وقۋ ماۋسىمىندا، ايشۋاقتىڭ ناتيجەسىندە دە كورنەكتى ىلگەرىلەۋشىلىك بولدى. ول بىلاي دەدى: « مەن ول كىسىنى اكە دەپ شاقىرىپ كەلەمىن. ماعان كوپتەگەن قاعيدالاردى ۇيرەتتى. مەن دە ۇيرەنۋدى ماڭىزدى ورىنعا قوياتىن بولدىم. وسىنداي اكەگە كەزدەسكەنىم ءۇشىن ءوزىمدى وتە تالەيلى، باقىتتى سانايمىن. بۇدان كەيىن ءبىزدىڭ قاتىناسىمىز اناعۇرلىم قويۋلاي تۇسپەك».
    قىزىنىڭ بارعان سايىن ۇزىك بولىپ جەتىلگەنىن كورگەن كۇلاش ميزامحان قىزىنىڭ جىڭ چۇنعا دەگەن العىس سەزىمى ارتا ءتۇستى، ول بىلاي دەدى: «ايشۋاق جىڭ چۇندى اكە دەپ تانىعاننان كەيىن، ول كىسى ايشۋاقتىڭ تۇرمىسىنا، ۇيرەنۋىنە كوپ كومەكتەستى، بۇدان كەيىن وسى دوستىعىمىزدىڭ بارعان سايىن جالعاسىپ، ۇزاعىنان ءسۇيىندىرۋىن ءۇمىت ەتەمىن».
    تاياۋدا، جىڭ چۇننىڭ جۇمىسشىلارىن باستاپ، سالت- سانا باقشاسىن كەڭەيتىپ سالعانىن كورگەن سۇيكىمدى دە اقىلدى ايشۋاق جيعان ازىن- اۋلاق اقشاسىنا ءبىر جۇپ قولعاپ ساتىپ الىپ، ونى «اكەسىنە» ۇسىنىپ، جىڭ چۇنگە قىزىنىڭ مەيىرىن تاعى دا سەزىندىردى. ول بىلاي دەدى: «ونىڭ وقۋىنىڭ بارعان سايىن جاقسى بولىپ، جوعارى مەكتەپ وقىپ، قايتىپ كەلگەننەن كەيىن اۋقاتتانسا، اكە- شەشەسىنە قارايلاسسا، وسىنىڭ ءوزى دە وڭاي ەمەس . ايشۋاق ەكەۋىمىزدىڭ وسىنداي سۇيىسپەنشىلىگىمىز دە جالعاسا بەرمەك».  


بەرىپ كەت ورامالىڭدى

دوستار

الىستاعى اق ەركە