جاڭا حابارلار

جىبەك جولى بەكەتى ــــ قار-مۇزعا ماحاببات

    كەلۋ قاينارى: شينجياڭ حالىق راديو ىستانسياسى    2018-12-15 09:58:25  

 ىلە راديو ستانسياسىنىڭ ءتىلشىسى جاڭ جيڭيۇي مەن تەكەس راديو ستانسياسىنىڭ ءتىلشىسى لي جينمەيدىڭ حابارى :قازىر، تەكەس اۋدانىنىڭ «جىبەك جولى بەكەتى ــــ قار-مۇزعا ماحاببات» اتىنداعى ساياحات مەرەكەسى وتكىزىلۋدە، «مادەنيەت پەن دەنە-تاربيەنى» ۇشتاستىرۋ سول جەردىڭ قىسقى ساياحاتىن قىزۋ ورلەۋگە كوتەردى.تەكەس اۋدانى جىلقى فەرماسى جىلقى بازاسىندا ات ءۇستى ونەرى، ۇشقىر بايگە، قىز قۋار ويىندارى  بىرىنەن سوڭ ءبىرى جالعاستى، جەلمەن جارىسا جۇيتكىگەن تۇلپارلار كەڭ كوسىلگەن بايگە الاڭىندا ارىنداي شاۋىپ، ولارعا قيقۋ قوسقان كورەرمەندەردىڭ داۋىسى الاڭدى دۋمانعا بولەدى. ۇرىمجىلىك فوتو سۋرەت اۋەسكەرى سۇن شياڭ: «ءبىزدى ەڭ باۋراعانى ات ءۇستى ويىندارى بولدى، وتە-موتە، جاڭاعى ات ءۇستى ونەرىندە ەكى اتتىڭ ورتاسىنا جالاڭ تورنيك قويىپ، شاۋىپ بارا  جاتىپ تورنيك ونەرىن كورسەتۋدى ءبىرىنشى رەت كورۋىم، شىنىمەن دە ادامدى تاڭعالدىراتىن ونەر ەكەن، قىرۋار سۋرەت ءتۇسىرىپ الدىم»،-دەدى.
      تەكەس اۋدانىنىڭ «جىبەك جولى بەكەتى ــــ قار-مۇزعا ماحاببات» اتىنداعى ساياحات مەرەكەسى كەلەر جىلى 3-ايدىڭ 20-كۇنىنە دەيىن جالعاسادى، وسى كەزدە، تارتىمدى ۇلتتىق سالت- سانا، مادەنيەت ويىن نومىرلەرى قويىلىپ   قالماي، تاعى شاڭعى تەبۋ، مۇزدان سىرعاناۋ، دالادا ساماۋىر سورپاسىن ءىشۋ، قىسقى فوتو سۋرەت جانە ميكرو كەسكىن جاسامپازدىعى جارىسى سياقتىلار دا وتكىزىلەدى.
         تەكەس اۋدانى قاراجون حالىقارالىق ەكولوگيالىق ساياحات رايونى قارشاڭعى الاڭىندا، قار ۇستىندەگى قىزىقتى سپورت تۇرلەرى دە ۋاق-ۋاق وتكىزىلىپ، قار ۇستىندە ارقان تارتۋ، قار ءۇستى فۋتبول جارىسى، قار دومالاتۋ سياقتىلار جەر-جەردەن كەلەتىن ساياحاتشىلارعا ساياحاتتىڭ وزگەشە ءسانىن سيلايدى. ساياحاتشى پۋ جيڭ: «بۇل  مەنىڭ قار ۇستىندە تۇڭعىش رەت ارقان تارتۋىم، ارقان تارتقان كەزدە اياعىمىز تايىپ جىعىلا جازدادىق، الايدا كوپشىلىك بەرەكەمەن كۇش قوسقاندىقتان قارسى جاعىمىزدى جەڭىپ الدىق»،-دەدى.
    وسى بىرنەشە جىلدا، تەكەس اۋدانى قىسقى قار-مۇز ساياحات بايلىعىن بارىنشا اشتى. بيىل قىستا، 11-ايدىڭ وزىندە ساياحاتشى سانى 42 مىڭ ادام رەتكە جەتىپ، وتكەن جىلدىڭ وسى مەزگىلىندەگىدەن %68 ارتتى. تەكەس اۋدانىنىڭ سەگىز تاڭبالى قالاشىق كورىنىس رايونىن باسقارۋ كوميتەتىنىڭ مەڭگەرۋشىسى حۋ جياڭجيە بىلاي دەدى: «ساياحات پەن مادەنيەتتى» «ساياحات پەن دەنە-تاربيەنى» ۇشتاستىرۋ سياقتى كاسىپتەردى بارىنشا دامىتىپ، بۇقارانىڭ جانە ساياحاتشىلاردىڭ الۋان ءتۇرلى، كوپ سالالى ساياحات تۇتىنۋ قاجەتىن ۇزدىكسىز قاناعاتتاندىرىپ، «دۇنيە جۇزىلىك قاراجون، ‍جۇڭگونىڭ سەگىز تاڭبالى قالاسى» ساياحات تانىسقىسىن شىن مانىندە قالىپتاستىرامىز.

 


بەرىپ كەت ورامالىڭدى

دوستار

الىستاعى اق ەركە