جاڭا حابارلار

مەملەكەت مادەنيەتناماسىن ۇيرەتىپ، جاڭا ادامداردى تاربيەلەپ، قاشقار كونەشار اۋدانى توققۇزاق قالاشىعى سەنترلى باستاۋىش مەكتەبى مەملەكەتتە ءبىر تۇتاس قولدانىلاتىن ءتىل-جازۋ وقىتۋىن تىڭعىلىقتى ىلگەرلەتتى

    كەلۋ قاينارى: شينجياڭ حالىق راديو ىستانسياسى    2018-12-17 10:57:35  
ستانسيامىزدىڭ ءتىلشىسى سۇن ۋيدىڭ حابارى: قاشقار كونەشار اۋدانى توققۇزاق قالاشىعى سەنترلى باستاۋىش مەكتەبى سوڭعى جىلداردان بەرى قاتتى بولشەك قۇرىلعىلارىن ۇزدىكسىز جاقسارتۋمەن بىرگە، مەملەكەتتە ءبىر تۇتاس قولدانىلاتىن ءتىل-جازۋ وقىتۋىن كۇش سالا ىلگەرلەتىپ، بۇكىل مەكتەپتەگى وقىتۋشىلار مەن وقۋشىلاردىڭ ورتاق ءتىل دەڭگەيى مەن جۇڭحۋانىڭ ءداستۇرلى مادەنيەت بىلىمدەرى بارىنشا جوعارىلادى.
قاشقار كونەشار اۋدانى توققۇزاق قالاشىعى سەنترلى باستاۋىش مەكتەبىندە «حانزۋ تىلىندەگى كلاسسيك تۋىندىلاردى مانەرلەپ وقۋ» ساباعى ءار كۇنى ءسوزسىز وتىلەدى، مەكتەپتىڭ بىرنەشە جىلدان بەرى وتكەن «حانزۋ تىلىندەگى كلاسسيك تۋىندىلاردى مانەرلەپ وقۋ»، «حانزۋ تىلىندەگى حاتكەرلىك ساباعى» سياقتى ءبىر قىدىرۋ ساباقتارىن وقۋشىلار جاپپاي قارسى الدى. 1-جىلدىق 3-كلاسىنىڭ وقۋشىسى راحيمان قۇربان: «ولەڭ ادامدى اجارلاندىرادى، ولەڭ ادامدى تەبىرەنتەدى»،-دەدى.
سوڭعى جىلداردان بەرى، وتە-موتە 2014-جىلى باس شۋجي شي جينپيڭ توققۇزاق قالاشىعى سەنترلى باستاۋىش مەكتەبىن كوزدەن كەشىرگەننەن بەرى، مەكتەپ باس شۋجيدىڭ تاپسىرماسىن ەستە بەرىك ساقتاپ، «كىمدەر ءۇشىن ۇرپاق تاربيەلەۋ، قانداي ۇرپاق تاربيەلەۋ، ۇرپاقتى قالاي تاربيەلەۋ» نىساناسىمەن قابىستىرىپ، مەملەكەتتە ءبىر تۇتاس قولدانىلاتىن ءتىل-جازۋ تاربيەسى، جاتاقتا جاتۋ ءتۇزىمى تاربيەسى، وقىتۋشىلار قوسىنى قۇرىلىسى جانە يدەيالوگياداعى بولشەكتەۋگە قارسى تۇرۋ كۇرەسى سياقتى قىزمەتتەردى كورنەكتىلەندىرىپ، مەكتەپتىڭ نەگىزگى قۇرىلعىلارى مەن وقىتۋ دەڭگەيىن ۇزدىكسىز كەمەلدەندىرىپ، جوعارىلاتتى.
2014-جىلى 5-ايدان بەرى، 21 ميلليون يۋاننان استام قارجى قوسىپ مەكتەپ ۇيلەرىن وزگەرتىپ كەڭەيتىپ سالىپ، وقىتۋ عيماراتى، جاتاق عيماراتى، اسحانا، مونشا جانە دەنە تاربيە الاڭىن جاڭادان سالىپ، جاتاق ۇيلەرىنىڭ اۋماعى بۇرىنعى 3 مىڭنان استام شارشى مەتردەن قازىر 10 مىڭ شارشى مەتردەن اسىپ، مەكتەپ شىت جاڭا بەينەگە ەندى.
قاتتى بولشەكتەردى جاڭالاۋمەن بىرگە، مەكتەپ مەملەكەتتە ءبىر تۇتاس قولدانىلاتىن ءتىل-جازۋ وقىتۋىن كۇش سالا ىلگەرلەتىپ، بارلىق وقىتۋ كەزەڭىندە مەملەكەتتە ءبىر تۇتاس قولدانىلاتىن ءتىل-جازۋ وقتىۋىنىڭ جاپپاي جالپىلاسۋىن جۇزەگە اسىردى، سونىمەن بىرگە جۇڭگوشا سۋرەت، توڭكەرىستىك اندەر حورى، بۋىپ بوياۋ، حاتكەرلىك سياقتى جۇڭحۋانىڭ ءداستۇرلى مادەنيەت كۋرسىن اشىپ، وقۋشىلاردىڭ وتاندى ءسۇيۋ جانە العىس ايتۋ تانىمىن جەتىلدىردى. 4-جىلدىقتىڭ وقۋشىسى ءسانيا يسمايىل: «قازىر وقۋ ورتامىز توتەنشە جاقسى، گۋاڭجوۋدان كوپتەگەن جاڭا وقىتۋشى كەلىپ مەكتەبىمىزدە مەملەكەتتە ءبىر تۇتاس قولدانىلاتىن ءتىل-جازۋدى ۇيرەتتى، ءبىز ءار كۇنى مەكتەپتە ءدامدى تۇسكى تاماق جەي الامىز، ءبىز ءسوزسىز جاقسى وقىپ، ەرجەتكەننەن كەيىن قوعامعا جارامدى ادام بولامىز»،-دەدى.
قازىر، توققۇزاق قالاشىعى سەنترلى باستاۋىش مەكتەبىندەگى وقىتۋ كلاسى بۇرىنعى 12 دەن كوبەيىپ 25 كە جەتىپ، مەكتەپتەگى وقۋشىلاردىڭ سانى 410 نان ارتىپ ءبىر مىڭ 200 گە جەتتى. قاشقار كونەشار اۋدانى توققۇزاق قالاشىعى سەنترلى باستاۋىش مەكتەبىنىڭ ورىنباسار باستىعى تان لييىڭ: «بالالار ولشەمدى ورتاق تىلمەن تىلدەسىپ پىكىر اۋىستىرا الادى. بالالاردىڭ مەملەكەتتە ءبىر تۇتاس قولدانىلاتىن ءتىل-جازۋدى ۇيرەنۋ قىزعىندىلىعىن كورىپ، سەنىمىمىز ەسەلەپ ارتتى. ءبىز ءاربىر بالانىڭ مەملەكەتتە ءبىر تۇتاس قولدانىلاتىن ءتىل-جازۋدى جاقسى يگەرۋىنە، ولاردىڭ شۇعىلالى بولاشاققا بەت الۋىنا مۇمكىندىك جاسايمىز، ءبىز جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋعا تيەسىلى كۇش قوسامىز»،-دەدى.

بەرىپ كەت ورامالىڭدى

دوستار

الىستاعى اق ەركە