جاڭا حابارلار

انار گۇلى تيانشاندا جايقالدى

    كەلۋ قاينارى: شينجياڭ حالىق راديو ىستانسياسى    2018-12-18 11:07:20  

«اپەكە، مەن پراندىك پىسىردىم، ءدامىن تاتىپ كورىڭىز»، ــ دەدى ءپازىليا.

 تاياۋدا، اۆتونوميالى رايوندىق ايەلدەر بىرلەستىگىنىڭ كادرى لي ۋيحۇڭ قاشقار قالاسى نازىرباع قالاشىعىنىڭ العا قىستاعىنا سەرىكتەسكەن تۋىسى ءپازىليا ابىلاعا امانداسا باردى، كەزدەسە سالا، تۋىسى وعان ءوزى دايىنداعان بالگۇلشەدەن ءدام تاتقىزدى. ەكى جىلدىڭ الدىندا، ءپازىليا ابىلانىڭ وتباسى كەدەي بولاتىن، لي ۋيحۇڭنىڭ كومەگىندە ول ايەلدەردىڭ كاسىپ كوزىن اشۋىنا بەرىلەتىن 10 مىڭ يۋان ءوسىمسىز قارىزعا ءوتىنىش ەتىپ، بالكۇلشە دۇكەنىن اشىپ الدى. ول بىلاي دەدى: «قازىر ءار كۇنى 100 يۋاننان ارتىق كىرىس كىرگىزەمىن، كەدەيلىكتەن دە قۇتىلدىم، لي ۋيحۇڭ اپەكەمنىڭ كومەگىنە العىسىم شەكسىز، مەن بۇل تەحنيكامدى باسقا اپەكە-سىڭلىلەرىمە ۇيرەتىپ، كوپشىلىك كەدەيلىكتەن بىرگە قۇتىلامىز».
لي ۋيحۇڭ مەن ءپازىليا ابىلانىڭ اراسىنداعى اڭگىمە ـــ اۆتونوميالى رايون ورىستەتكەن «ۇلتتار ىنتىماعىنىڭ بەرەكەلى شاڭىراعىندا» جانە ۇلتتار ىنتىماعى بىرلەسكەن دوستىق قيمىلىنىڭ شاعىن كارتيناسى. بۇگىنگى كۇنى، تيانشاننىڭ تۇستىگى مەن تەرىستىگىندە ءار ۇلت بۇقاراسىنىڭ ەتەنە جاقىن، ءبىر ءۇيلى جانداي وتكەن اسەرلى اڭگىمەسى باياندالۋدا. پارتيا 18-قۇرىلتايىنان بەرى، باس شۋجي شي جينپيڭ شينجياڭعا سۇيىسپەنشىلىك ارناپ، شينجياڭ قىزمەتىنە كوڭىل ءبولدى. ورتالىقتىڭ شينجياڭ قىزمەتى جونىندەگى 2-رەتكى اڭگىمە ماجىلىسىندە، باس شۋجي شي جينپيڭ: «ءار ۇلت ءوزارا ءتۇسىنىسىپ، ءبىر-بىرىنە قۇرمەت ەتىپ، ءوزارا كەشىرىمشىل بولىپ، ءبىر-بىرىنەن ءسۇيىنىپ، ءوزارا ۇيرەنىپ، كومەكتەسىپ، اناردىڭ دانىندەي تىعىز ۇيىسىا ىنتىماقتاسۋى كەرەك»، ــ دەپ باسا دارىپتەدى. مەملەكەتتىك 12-كەزەكتى حالىق قۇرىلتايى 5-ماجىلىسىندەگى شينجياڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا، باس شۋجي شي جينپيڭ: «ۇلتتار ىنتىماعى ءار ۇلت حالقىنىڭ جان تامىرى، شينجياڭنىڭ دامىپ العا باسۋىنىڭ ءتۇبىرلى نەگىزى»، ـــ دەپ قايتالاي دارىپتەدى.
تاپسىرمانى ەستە بەرىك ساقتاعان اۆتونوميالى رايوندىق پارتكوم پارتيانىڭ ۇلت ساياساتىن جاپپاي تياناقتاندىرىپ، ءار ۇلتتىڭ ۇلى ىنتىماعى تۋىن بيىك كوتەرىپ، ۇلتتار ىنتىماعى ۇگىت تاربيە قيمىلىن ىشكەرىلەي ورىستەتىپ، ءار ۇلت بۇقاراسىن «ءۇشتىڭ ءبىر-بىرىنەن ايرىلا الماۋى» يدەياسىن بەرىك ورناتۋعا باستاپ، «5 مۇراتتاستىقتى» ۇزدىكسىز كۇشەيتتى. 2016-جىلى 10-ايدا، اۆتونوميالى رايوندىق پارتكوم قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شينجياڭ كولەمىندە «ۇلتتار ىنتىماعىنىڭ ۇلى شاڭىراعىندا» جانە ۇلتتار ىنتىماعى بىرلەسكەن دوستىق قيمىلىن ورىستەتىپ، رايونىمىز بويىنشا ءبىر ميلليون ءجۇز مىڭنان ارتىق كادر جانە جۇمىسشى-قىزمەتكەر ءبىر ميلليون 600 دەن ارتىق ءار ۇلت نەگىزگى ساتى بۇقاراسىمەن تۋىسقاندىق قاتىناس ورناتىپ، نەگىزگى ساتىنى ىشكەرىلەي ارالاۋ، كولەمدى لەكسيا جاساۋ، جاپپاي كومەكتەسۋ-سۇيەمەلدەۋ، كولەمدى بىرلەسكەن دوستىق قيمىلىن كەڭ كولەمدە ورىستەتىپ، تۋىستار اراسىنداعى «انا-بالا»، «اپەكە-ءسىڭلى»، «اعا-باۋىر سۇيىسپەنشىلىگىن» ۇزدىكسىز تەرەڭدەتتى.
كەريا اۋدانى سيەك اۋىلى قىتچي قىستاعىنىڭ تۇرعىنى روزىحان ماتتوقتىنىڭ بالاسى جوق بولاتىن، تۋىسقاندىق قاتىناس ورناتقاننان كەيىن، كەريا اۋداندىق قازىنا مەكەمەسىنىڭ كادرى لياڭ يىڭ وعان كومەكتەسىپ، تومەن كىرىستەگىلەردىڭ تۇرمىسىن قامتاماسىزداندىرۋ قورىن ءوتىنىش ەتىپ بەردى، ارالاسۋ، ىشتەسۋ بارىسىندا، لياڭ يىڭ روزىحان توقتىنىڭ تۋعان قىزىنداي بولىپ كەتتى. ول بىلاي دەدى: «تۋىسقاندىق قاتىناس ورناتقان شەشەم تاڭ بوزىنان ەسىك الدىنا شىعىپ مەنى كۇتىپ تۇرادى، ولاردىڭ ۇيىنە بارعاندا ءوز ۇيىمە بارعانداي بولامىن، سۇيىسپەنشىلىگىمىز وسىلايشا بارعان سايىن تەرەڭدەدى».
بيىل سانجى قالاسى «جىبەك جولىنداعى كارناۆال مەرەكەسى ــ تۋىسىمدى سانجىنى ارالاۋعا ۇسىنىس ەتەمىن» اتىنداعى ءجۇز كۇندىك مادەنيەت ساياحات جەلىلەس قيمىلىن ورىستەتىپ، 55 تاڭداۋلى ساياحات لەنياسىن اشىپ، تۋىستارىنىڭ وتباسىنان ۇزاپ شىعىپ، قالا مەن كورىنىس رايوندارىن ارالاۋىنا مۇمكىندىك جاسادى. سانجى قالالىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى جاڭ لەي بىلاي دەدى: «قالا بويىنشا جوعارىدان تومەنگە دەيىن بىرلەسىپ ارەكەتكە كەلىپ، قالادا ءار ۇلت كادرلارىنىڭ تۋىستارىمەن بىرگە تاماقتانىپ، بىرگە تۇرىپ، بىرلىكتە ساياحاتتاپ، زات سالىپ الۋىنا، كوڭىل اشۋىنا مۇكىندىك جاساۋ ارقىلى، تۇسىنىكتەرىن ارتتىرىپ، دوستىق سۇيىسپەنشىلىكتەرىن كۇشەيتتىك».
«ۇلتتار ىنتىماعىنىڭ بەرەكەلى شاڭىراعىندا» جانە ۇلتتار ىنتىماعىنىڭ بىرلەسكەن دوستىق قيمىلى ۇلتتار ىنتىماعى مەن كەدەيلىكتەن قۇتىلدىرۋدان قامال الۋ، حالىق تۇرمىسىن جاقسارتۋ سياقتى قىزمەتپەن ۇشتاستىرىلىپ ىلگەرىلەتىلىپ، بۇقارانىڭ شەشىم ەتۋى قيىن بولىپ وتىرعان، شەشىم ەتۋدى ءۇمىت ەتىپ وتىرعان ناقتىلى ماسەلەلەرىن امالىن تاۋىپ كومەكتەسىپ شەشتى. قازىر، رايونىمىزداعى كادرلار مەن جۇمىسشى-قىزمەتكەرلەر قۇنى 40 ميلليون يۋاننان اساتىن زات جانە 648 ميلليون يۋان اقشالاي جىلۋ اتاپ، شيپاگەرگە كورىنۋ، وقۋ، كاسىپتەنۋ، ءوندىرىستى دامىتۋ سياقتىلاردى ارقاۋ ەتىپ، بۇقاراعا 12 ميلليوننان ارتىق ناقتىلى، جاقسى ءىس ىستەپ بەردى.
قاراقاش اۋدانىندا، «شينجياڭ مەديتسينا داشۋەسىنىڭ ايگىلى شيپاگەرلەر قىزمەت ءۇيى» زاۋا قالاشىعىنا ىرگە تەپتى، بۇل اراعا اپتا سايىن 40 نەشە شيپاگەر تۋىسشىلاي كەلىپ، اتتانىپ، مىندەتتى تۇردە ءار ۇلت حالقىنىڭ دەنساۋلىعىن تەكسەرىپ ناۋقاس كوردى؛ تۇرپان قالاسىنداعى 41 قىستاق ماڭىنداعى از ۇلتتار تىعىز قونىستانعان قىستاقتارمەن دوستاسىپ، كورشى بولىپ، ءتۇرلى ۇلتتار ىنتىماعى ديحاندار كاسىپتىك كووپەراتيۆىنەن 107 ىن ۇيىمداستىرىپ قۇردى؛ اۆتونوميالى رايوندىق مەملەكەت مەنشىگىندەگى مال-مۇلىكتى باقىلاپ-باسقارۋ كوميتەتى 16 باقىلاۋ-باسقارۋ كاسىپورىنى جانە ورتالىقتىڭ شينجياڭداعى 26 كاسىپورىمنەن سەلبەسىپ، قالا مەن اۋىلداعى 10 مىڭ 680 نەن ارتىق ەڭبەككۇشتى كاسىپتەندىردى. شينجياڭ جۇڭ-تاي توبى شەكتى جاۋاپكەرلىك سەرىكتەستىگىندە، حوتاننان كەلگەن گۇلنيساحان ابدۇلىم مەن سەرىكتەستىگىنىڭ اسحانا ارتقى شەپ قىزمەت ەتۋ گرۋپپاسىنىڭ باستىعى يان جىسۇيمەن تۋىس بولىپ، ودان ونەر ۇيرەندى. گۇلنيساحان ابدۇلىم: «ۇستازىم مەنى تاربيەلەدى، ءبىز تۇرمىستا دا قىزمەتتە دە بىرگە بولامىز. بيىل 4-ايدا سەرىكتەستىكتىڭ قىزمەت ورنىنا شىعۋ تاربيەسى جارىسىندا، ءبىرىنشى بولدىم»،-دەدى.
ەكى جىلدان ارتىق ۋاقىتتان بەرى، رايونىمىزدىڭ جەر-جەرىندە پارتيالى كادرلار مەن جۇمىسشى-قىزمەتكەرلەر نەگىزگى ساتىداعى بۇقارامەن سەرىكتەسىپ تۋىسقاندىق قاتىناس ورناتىپ، تۋىس بولىپ، ۇلتتار ىنتىماعى قيمىلىن نەگىزگى ساتىعا بارۋدان، ىشكەرىلەي ارالاۋعا، ونان تۋىستارىنىڭ ۇيىندە تۇرۋعا، «قىستاقتا تۇرۋدان»، «وتباسىلارىندا تۇرۋعا»، ونان «تەرەڭ سۇيسپەنشىلىك ورناتۋعا» وزگەرۋىن جۇزەگە اسىردى. قىزىلسۋ قىرعىز اۆتونوميالى وبلىستىق قازىنا مەكەمەسىنىڭ كادرى دۇڭ نياننيان اتۇش قالاسى جوعارعى اتۇش قالاشىعى ديحانلا قىستاعىنىڭ تۇرعىنى ايىمۇنيسا مامەتپەن تۋىس بولعاننان كەيىن، اجەيدىڭ شاشىن تاراۋ، كىرىن جۋۋ، ءۇيىن تازالاۋ سياقتى كىشىگىرىم ىستەردەن تارتىپ، اجەيدىڭ كىرىسىن ارتتىرۋ جولىن جوبالاۋعا دەيىن كومەكتەسىپ، اجەيدى ديحاندار كاسىپتىك كووپەراتيۆبىنە قوسىلۋعا شابىتتاندىردى، دۇڭ نياننيان وتە قاربالاس بولدى. ايىمۇنيسا مامەت: «دۇڭ نياننيان ءوز بالام سەكىلدى، ءار ۇلت حالقى ءبىر وتباسىنىڭ ادامى، پارتيا مەن ۇكىمەتتىڭ ونى مەنىڭ قاسىما جىبەرىپ، قامقورلىق جاساعانىنا العىس ايتامىن»،-دەدى.
«جاراسىمدىلىق ـــ تابىس، ىنتىماق ـــ كۇش». قازىر شينجياڭداعى 23 ميلليون ءار ۇلت ۇل-قىزدارى ۇلتتار ىنتىماعىن كوزىنىڭ قاراشىعىنداي قورعاپ، ومىرىندەي قاستەرلەيدى. تىزە قوسا وتىرىپ ەڭبەك ىستەگەن، شات-شادىمان بيگە باسقان دوستىق قيمىلى، جاراسىمدى دا تاتۋ-ءتاتتى ۇلتتار ىنتىماعى اڭگىمەسى، شينجياڭداعى ءار ۇلت حالقىنىڭ تاتۋ-ءتاتتى تۇرمىس كەشىرۋ نەگىزگى اۋەنىن جىرلاپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ بۇقارالىق نەگىزىن بەكەمدەدى. اۆتونوميالى رايوندىق پارتكوم پارتيا مەكتەبىنىڭ دوتسەنتى لي دان بىلاي دەدى: «ۇلتتار ىنتىماعىن جەبەۋدىڭ ءبىر سپىرا جاندى دا ناقتىلى امالياتى، ۇلتتار ىنتىماعىن بارىنشا تەرەڭدەتتى، ءار ۇلتتىڭ ارالاسۋى، ىشتەسۋى، توعىسۋى بارىنشا تەرەڭدەپ، كادرلار مەن بۇقارانىڭ يدەيالىق ساناسى كورنەكتى جوعارلاپ، قوعام ورنىقتىلىعىنىڭ بۇقارالىق نەگىزى ءتىپتى بەكەمدەلە ءتۇستى، ءبىز ءار ۇلت حالقىنىڭ جۇرەكتەس، تىلەكتەس بولىپ، ۇلتتار ىنتىماعى گۇلىنىڭ تيانشاننىڭ تۇستىگى مەن تەرىستىگىندە جايقالا اشىلاتىنا كامىل سەنەمىز».


بەرىپ كەت ورامالىڭدى

دوستار

الىستاعى اق ەركە