جاڭا حابارلار

2018، 2019-جىلعى جارىس مەزگىلىندەگى جۇڭگو ايەلدەر كاسىپتىك باسكەتبول كوماندالار جارىسىنىڭ 22-كەزەك سايىسى ءوتتى

    كەلۋ قاينارى: شينجياڭ حالىق راديو ىستانسياسى    2018-12-19 11:00:06  
ستانسيامىزدىڭ ءتىلشىسى لەي ميڭنىڭ حابارى: 12-ايدىڭ 17-كۇنى كەشتە، 2018، 2019- جىلعى جارىس مەزگىلىندەگى جۇڭگو ايەلدەر كاسىپتىك باسكەتبول كوماندالار جارىسىنىڭ 22- كەزەك سايىسى ءوتتى. شەتەلدىك دوپشىلارى سايىسقا قاتىناسپاعان شينجياڭ ايەلدەر باسكەتبول كومانداسى ءوز الاڭىندا 70 كە قارسى 87 ۇپايمەن شانشي تيانزى ايەلدەر باسكەتبول كومانداسىن جەڭىپ، شينجياڭ كومانداسى الدىڭعى ءتورتىنشىلىك ورنىن ساقتادى.
جارىس باستالسىىمەن شينجياڭ كومانداسى ءارقايسى جاقتان كەرەمەت بەينەسىن ايگىلەدى. وسىدان كەيىن، شينجياڭ كومانداسىنان پىڭ شىچيڭ مەن ۋاڭ ليلي جارىستا ارت-ارتىنان ءنومىر الىپ، تۇڭعىش كەزەكتە شينجياڭ كومانداسى 12 گە قارسى 21 ۇپايمەن شانشي كومانداسىنان 9 ءنومىر وزدى. ەكىنشى كەزەكتە شينجياڭ كومانداسى كوماندا جەتەكشىسى ۋاڭ ليليدىڭ باستاۋىندا اتويلاپ شابۋىلداپ، تۇتاس كوماندا مۇشەلەرى جابال قارسى اتتانىپ، ۇيلەسىمدى ءبولىس جاساپ، ءنومىر پارقى دەرەۋ ەكى ورىندى سانعا جەتتى، الدىڭعى جارىم كەزەك اياقتاعاندا ءنومىر 26 عا قارسى 40 ۇپاي بولدى. شينجياڭ كومانداسىنىڭ مۇشەسى ليۋ تۇڭ-ي: «جارىستان بۇرىن جاتتىقتىرۋشى دوپتى كۇش سالا توسىپ قالۋ، ىرىقتىلىقپەن شابۋىلداۋدى ورنالاستىردى، ءبىز جاتتىتقىرۋشىنىڭ ورنالاستىرۋىن نەداۋىر جاقسى ورىنداپ، الاڭدا بىر نيەتتە ىنتىماقتاستىق»،-دەدى.
سوڭعى جارىم كەزەك سايىس باستالعاندا، ەكى كوماندا قورعانۋ ارقىلى قارسى جاقتىڭ ءالسىزدىگىن بايقاپ، ناتيجە كەزەكپەن ورلەدى، ءۇشىنشى كەزەك اياقتاعاندا 49 عا قارسى 63 ۇپايمەن شينجياڭ كومانداسى ارىپتەسىنەن 14 ءنومىر وزدى. ءتورتىنشى كەزەك باستالىپ، شانشي كومانداسى ءۇش ءنومىرلىك ءبىر دوپ ءتۇسىرىپ قۋىپ جەتۋ بەكىمىن ايگىلەپ، ناتيجە پارقى 17 نومىرگە ازايدى، وسىدان كەيىن شانشي كومانداسىنىڭ شابۋىلداۋ بارىسىنداعى دوبى كىرمەي، پىڭ شىچيڭ الدىڭعى الاڭعا بىلدىرتپەي جەتىپ العان ۋاڭ ليليمەن سەلبەسىپ قارسى شابۋىلداپ دوپ كىرگىزدى. سوڭىندا شينجياڭ كومانداسى ءوز الاڭىندا 70 كە قارسى 87 ۇپايمەن شانشي كومانداسىن جەڭدى. جارىستان كەيىن شينجياڭ كومانداسىنىڭ باس جاتتىقتىرۋشىسى شيۋڭ يان:«بۇگىن كوپشىلىك شەتەلدىك دوپشى جوق جاعدايدا، اسا باتىلدىق كورسەتىپ، ءوزىنىڭ دەڭگەيىن ايگىلەدى، وتە-موتە الدىڭعى كەزەكتە بەينەسى دەرلىكتەي بولماعان دوپشىلاردىڭ بۇگىنگى بەينەسى نەداۋىر جاقسى بولدى»،-دەدى.
جۇڭگو ايەلدەر كاسىپتىك باسكەتبول كوماندالار جارىسىنىڭ كەلەسى كەزەك جارىسى 12-ايدىڭ 19-كۇنى وتكىزىلەدى. شينجياڭ كومانداسى جالعاستى ءوز الاڭىندا شاندۇڭ كومانداسىمەن بەلدەسەدى.

بەرىپ كەت ورامالىڭدى

دوستار

الىستاعى اق ەركە