جاڭا حابارلار

قاشقار بايىرعى قالا كورىنىس رايونى رەفورما جاساپ، ەسىك اشۋدىڭ 40 جىلدىعىن قۇتتىقتاۋ ورايىندا قالاعا كىرۋ قيمىلىن ورىستەتتى

    كەلۋ قاينارى: شينجياڭ حالىق راديو ىستانسياسى    2018-12-19 11:09:56  
ستانسيامىزدىڭ تىلشىلەرى يە جيڭ مەن سۇن ۋەيدىڭ حابارى: 12-ايدىڭ 18-كۇنى تۇستە، قاشقار بايىرعى قالا كورىنىس رايونى رەفورما جاساپ، ەسىك اشۋدىڭ 40 جىلدىعىن قۇتتىقتاۋ ورايىندا قالاعا كىرۋ قيمىلىن ورىستەتتى. بايىرعى قالا تۇرعىندارى مەن جەر-جەردەن كەلگەن ساياحاتشىلار رەفورما جاساپ، ەسىك اشۋدىڭ 40 جىلدىعىن بىرلىكتە قۇتتىقتادى.
قالاعا كىرىۋ قيمىلىندا، كورىنىس رايونىنىڭ قىزمەتكەرلەرى جەر-جەردەن كەلگەن ساياحاتشىلارعا ءبي جانە قولونەر بۇيىمدارىن كورسەتۋ قيمىلدارىن وتكىزدى، بايىرعى قالا تۇرعىندارى دا شايلارىن، جەمىس-جيدەكتەرىن اكەلىپ شار تاراپتان كەلگەن ساياحاتشىلاردى قارسى الدى.
قاشقار بايىرعى قالا رايونىن باسقارۋ كوميتەتىنىڭ تۇراقتى ورىنباسار مەڭگەرۋشىسى ءادىلجان بىلاي دەدى: «قالاعا كىرۋ ەرەكشە قيمىلىن وتكىزۋ ارقىلى ساياحاتشىلارعا رەفورما جاساپ، ەسىك اشۋدىڭ تۇرمىسىمىزعا اكەلگەن وزگەرىستەرىن، قاشقاردىڭ ەسىك اشىپ، دامىعاندىعىن، قاشقارلىقتاردىڭ مەيماندوستىعىن سەزىندىرمەكشىمىز».
بۇرىن، قاشقار بايىرعى قالاسى تۋرالى ءسوز بولسا «لاس سۋلاردىڭ ءيسى مۇرىن جارىپ، قوقىر-قوقسىق جەلمەن بۇرقىراپ، سۋ قۇبىرى داۋالداردىڭ قابىرعاسىنا ورناتىلادى»،-دەگەن ءتامسىل بار بولاتىن. 2010-جىلى ورتالىقتىڭ كۇش سالا قولداۋىندا، 7 ميلليارد 490 ميلليون يۋان قارجى قوسىلعان قاشقار بايىرعى قالاسىن قورعاۋ امبەباپ وڭاۋ نىسانى رەسىمي اتقارىلىپ، قاشقار بايىرعى قالاسىنداعى كونە قالا رايونى شىت-جاڭا بەينەگە ەندى. 2017-جىلدىڭ سوڭىندا، جاڭالاۋ ينجەنەرياسى جاپپاي سالىنۋمەن قاتار، وزەكتى رايونداعى 15 كوشە مەن اينالاسىنداعى 13 كوشە رايونىنىڭ كورىنىسى دە شىت-جاڭا بەينەگە ەندى. بۇگىنگى كۇندە، بايىرعى قالانىڭ كونە بەت-بەينەسى جاڭالانىپ، كوشە-كوشەلەرىنىڭ بارىنەن تىڭ تىنىس مەنمۇندالايدى.
قاشقار بايىرعى قالاسىن جاڭالاۋدىڭ ارقاسىندا بۇل جەردىڭ تۇرعىندارى اناعۇرلىم تاماشا تۇرمىسقا بەت الۋدا. بايىرعى قالاداعى وتباسى قونالقىسىنداعى «گۇلي وتباسىنىڭ» قوجايىنى سالامات تىلشىگە بىلاي دەدى: «قازىرگى كىرىسىم وتە جاقسى، مۇنان سىرت، 12 ادام وسى جەردە كاسىپتەنىپ وتىر، ولار ەڭ جوعارى بولعاندا ايىنا 4 مىڭ يۋاننان ارتىق ەڭبەكاقى الادى، قازىر تۇرمىسىمىز بارعان سايىن جاقسارۋدا، وزىمىزگە اناعۇرلىم سەنىم ارتىپ، ۇنەمى جۇزىمىزدەن كۇلكى ءۇيرىلىپ، شاتتىق لەبى ەسىپ جۇرەتىن بولدى».
بيىل 1-ايدان 11-ايعا دەيىن، قاشقار بايىرعى قالا كورىنىس رايونىنا كەلگەن ساياحاتشىلاردىڭ جالپى سانى 820 مىڭ ادام رەتتەن اسىپ،وتكەن جىلدىڭ وسى تۇسىنداعىدان %120 ارتتى، جالپى كىرىسى 4 ميلليون 900 مىڭ يۋاننان اسىپ، وتكەن جىلدىڭ وسى تۇستاعىمەن سالىستىرعاندا %27.5 ارتتى. قازىر قاشقار ەلىمىز ءىشى-سىرتىنداعى ساياحاتشىلار ارنايى ساياحاتتاي كەلەتىن نىسانالى جەرگە اينالدى.

بەرىپ كەت ورامالىڭدى

دوستار

الىستاعى اق ەركە