جاڭا حابارلار

سىرتقا ەسىك اشۋدىڭ تىڭ پاراعى اشىلدى

    كەلۋ قاينارى: شينجياڭ حالىق راديو ىستانسياسى    2018-12-19 11:17:14  
ستانسيامىزدىڭ تىلشىلەرى حى بين، ايبىنعازى راحمان ۇلى، لان تيانداردىڭ حابارى: 12-ايدىڭ 15-كۇنى، كورلا ەكونوميكا-تەحنيكا اشۋ رايونىنىڭ وڭتۇستىك شينجياڭ حالىقارالىق قۇرلىق پورتى قورعامالى باجى قويماسى رەسمي ىسكە قوسىلدى، بۇل وڭتۇستىك شينجياڭنىڭ قۇرلىق پورتىنداعى تۇڭعىش الەۋمەتتىك قورعامالى باجى قويماسى، مۇنى شينجياڭ كىدا قۇرىلىس توبى شەكتى سەرىكتەستىگىنىڭ تولىق قارجى قوسقان بولىمشە سەرىكتەستىگى وڭتۇستىك شينجياڭ حالىقارالىق قۇرلىق پورتى (كورلا) شەكتى سەرىكتەستىگى اينالىمعا سالىپ باسقارادى، كاسىپورىندارعا باجىسى قورعالاتىن زاتتاردى ساقتاۋ، حالىقارالىق زات اينالىمى بويىنشا جەتكىزۋ سياقتى قىزمەتتەردى وتەيدى. قورعامالى باجى قويماسىنىڭ ىسكە قوسىلۋى ءارى «جىبەك جولى ەكونوميكالىق بەلدەۋ وزەكتى رايونى ساۋدا زات اينالىمى ورتالىعى قۇرىلىسىنىڭ 2016-جىلدان 2030-جىلعا دەيىنگى جوباسىندا» العا قويىلعان «ءبىر وزەك، 9 رايون، كوپ ءتۇيىن» سىندى ساۋدالىق زات اينالىمى ورتالىعىنىڭ ورنالاسۋىن اناعۇرلىم كەمەلدەندىردى. شينجياڭ كىدا قۇرىلىس توبى شەكتى سەرىكتەستىگىنىڭ باس جوراسى كاڭ جى بىلاي دەدى: «مۇنىڭ بايىنعولىن وبىلىسىنىڭ جانە بۇكىل شينجياڭنىڭ زات جونەلتۋدەگى، يمپورت-ەكسپورت كاسىبىندەگى رولى توتەنشە زور، قورعامالى باجى قويماسىنىڭ قۇرىلۋى بايىنعولىن وبىلىسىنىڭ سىرتقا باعىتتالعان ەكونوميكاسىنىڭ دامۋىنا بەرىك نەگىز قالادى».
«ءبىر بەلدەۋ، ءبىر جول» دارىپتەمەسى العا قويىلعاننان بەرى، اۆتونوميالى رايوندىق پارتكوم مەن حالىق ۇكىمەتى ىلگەرىندى-كەيندى «ءۇش بازا، ءۇش ءدالىز»، «بەس ءىرى ورتالىق» جانە «10 ءىرى كاسىپتى شوعىرلاندىرۋ رايونىن» قۇرۋدى جوبالاپ، جىبەك جولى ەكونوميكالىق بەلدەۋى وزەكتى رايون قۇرىلىسىن جوعارى دەڭگەيدە جوسپارلاپ، ءبىر تۇتاس جوبالادى.
تاۋار ءبىر جەرگە جينالىپ، جان-جاققا جونەلتىلدى. قۇرىلعىنى تۇتاستىرۋ دەڭگەيىنىڭ ۇزدىكسىز جوعارىلاۋى نەگىزىندە، شينجياڭنىڭ ەكونوميكا ساۋدا سەلبەستىگىن تىڭعىلىقتى ىلگەرىلەتتى. وسى ايدىڭ باسىندا، ءۇرىمجى حالىقارالىق قۇرلىق پورتى رايونى رەسمي ۆيۋەسكا اسىپ، جۇڭگو ـ ەۆروپا كەزەكشى پويەزىنىڭ ءۇرىمجى جيناۋ-جونەلتۋ ورتالىعىن ءتۇيىن ەتكەن جىبەك جولى ەكونوميكالىق بەلدەۋىنىڭ جۇڭگو حالىقارالىق تەمىرجول نەگىزگى پورتى قۇرىلدى.
12-ايدىڭ 18-كۇنى تۇستەن بۇرىن، 82 تيەۋىش قوراپتان قۇرالعان، حيميا ونەركاسىپ شيكىزاتى تولتىرا تيەلگەن كەزەكشى پويەز ءۇرىمجى جيناۋ-جونەلتۋ ورتالىعىنان اتتاندى، 8 كۇننەن كەيىن رەسەيدىڭ موسكۆا ۆورشيلو ۆاگزالىنا جەتەدى. قازىرگە دەيىن، ءۇرىمجى جيناۋ-جونەلتۋ ورتالىعىنان اتتاناتىن جۇڭگو-ەۆروپا كەزەكشى پويەزى ەۆروپا مەن ازياداعى 19 مەملەكەت پەن 25 قالانى تۇتاستىردى. ءۇرىمجى جيناۋ-جونەلتۋ ورتالىعىنان قاتىنايتىن جۇڭگو-ەۆروپا كەزەكشى پويەزى 962 گە جەتپ، وتكەن جىلدىڭ ۇقساس مەزگىلىندەگىدەن %45.53 ارتتى.
ءۇرىمجى حالىقارالىق قۇرلىق پورتى رايونى «جۇكتى جيناۋ، باقشا رايونىن قۇرۋ، كاسىپتى شوعىرلاندىرۋ» وي جەلىسى بويىنشا باتىس پويەز ۆاگزالى اۋماعىن وزەك ەتكەن، 120 شارشى كيلومەتر اۋماقتى قامتيتىن كاسىپ پەن قالانى بىرلەستىرىپ دامىتۋ ءوڭىرىن قۇردى، ءۇرىمجى ەكونوميكا-تەحنيكا اشۋ رايونىن (تۋتۇنحى رايونىن) باسقارۋ كوميتەتىنىڭ ورىنباسار مەڭگەرۋشىسى، ورىنباسار رايون باستىعى پۋ جيە بىلاي دەدى:« ءۇرىمجى حالىقارالىق قۇرلىق پورتى رايونى زات اينالىمىنا، كاسىپكە قاتىستى كاسىپورىنداردى، دۇنيە جۇزىندەگى 500 مىقتى كاسىپورىننىڭ ءبىرى بولعان جىڭۋي توبىن، بۇدان سىرت، سالىنىپ جاتقان زەردەلى تەرمينال كاسىپ باقشاسىن، بايناۋي زەردەلى كاسىپ باقشاسىن قامتىعان 40 نەشەگە جۋىق كاسىپورىندى باۋرادى. ءبىز ءۇرىمجى قۇرلىق پورتى رايونىنىڭ جەتەكشى رولىن ساۋلەلەندىرەمىز».
قازىر، شينجياڭنىڭ وسىزامانعى ساۋدا زات اينالىمى جۇيەسى العاشقى ادىمدا قالىپتاسىپ، ەلىمىزدىڭ ءىشى-سىرتىنداعى ەكى بازاردى تۇتاستىردى. الاتاۋ ساعاسى، قاشقار، ءۇرىمجى، جۇڭگو-قازاقستان قورعاس حالىقارالىق شەكارا سەلبەستىگى ورتالىعىنىڭ جۇڭگو جاقتاعى قوسالقى رايونداعى 4 امباباپ قورعامالى باجى رايونى ىركەس-تىركەس قۇرىلۋىنا ساي، شينجياڭ «ءدالىز ەكونوميكاسىنىڭ» «كاسىپ ەكونوميكاسىنا»، «شەكارا وتكەلى ەكونوميكاسىنا» قاراي بۇرىلىس جاساۋىن كۇش سالا ىلگەرلەتتى. «ءبىر بەلدەۋ، ءبىر جول» دارىپەمەسىندە، شينجياڭ تاعى سىرتقا ەسىك اشاتىن 18 شەكارا وتكەلدى، 23 مەملەكەت دارەجەلى كاسىپ باقشا رايونى قۇرىلىسىن جالعاستى ىلگەرىلەتىپ، ازيا-ەۆروپا ۇلى قۇرىلىق كوپىرى ەكونوميكالىق ءدالىزىن قۇردى. ءۇرىمجى كەدەنىنىڭ باستىعى ديڭ جيباۋ بىلاي دەدى: «ءبىز مەملەكەتتىڭ ›ۇكىمەت قۇرىلىمىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ ‹رەفورماسى مەن ونىمدىلىكتى جوعارىلاتىپ، باجىنى تومەندەتۋ قىزمەتى ورنالاستىرۋىن ىشكەرىلەي تياناقتاندىرىپ، كەدەننەن وتكىزۋ ءتارتىبىن باقىلاپ-باسقارۋدى ابزالداندىرىپ، كەدەننەن وتكىزۋدىڭ جالپى ۋاقىتىن قىسقارتىپ، كاسىپورىنداردىڭ اينالىمىنا ءادىل، ءونىمدى، جاريا تيجارات ساۋدا ورتاسىن شىنايى ازىرلەپ، جىبەك جولى ەكونوميكالىق بەلدەۋىنىڭ جوعارى دەڭگەيدەگى اشىق ەكونوميكاسىنىڭ دامۋىنا اناعۇرلىم ساپالى ءورىس اشامىز».

بەرىپ كەت ورامالىڭدى

دوستار

الىستاعى اق ەركە