جاڭا حابارلار

پروكۋراتۋرا ورگاندارى قالپىنا كەلگەندىگىنىڭ، قايتا قۇرىلعاندىعىنىڭ 40 جىلدىعىن قۇتتىقتادى

    كەلۋ قاينارى: شينجياڭ گازەتى    2018-12-22 13:18:25  

«رەفورما اتويشىسى» جاڭ بياۋ جولداستىڭ ىزگى ىستەرىنەن ۇيرەنەيىك، ونى ۇگىتتەيىك

 ءتىلشىمىز لي شيڭ 12 - ايدىڭ 20 - كۇنى ۇرىمجىدەن حابارلايدى. 12 - ايدىڭ 20 - كۇنى اۆتونوميالى رايوندىق حالىق پروكۋراتۋراسى قيمىل وتكىزىپ، پروكۋراتۋرا ورگاندارىنىڭ قالپىنا كەلگەندىگىنىڭ، قايتا قۇرىلعاندىعىنىڭ 40 جىلدىعىن قۇتتىقتاپ، «رەفورما اتويشىسى» جاڭ بياۋ جولداستىڭ ىزگى ىستەرىنەن ۇيرەندى، ونى ۇگىتتەدى.
  اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن اۆتونوميالى رايوندىق پارتكوم اتىنان پارتيا ورتالىق كوميتەتى، مەملەكەتتىك كەڭەس ماداقتاپ - سيلاعان «رەفورما اتويشىسى» جاڭ بياۋ جولداسقا وسكەلەڭ قۇرمەت ءبىلدىرىپ، مەملەكەتتىك پروكۋراتۋرا ورگاندارىنىڭ 9 - رەتكى وزات كوللەكتيۆ، وزات جەكە اتاعىنا يە بولعان كوللەكتيۆتەر مەن جەكەلەردى قۇتتىقتاپ، شينجياڭنىڭ پروكۋراتۋرا ىستەرىنە ماڭىزدى ۇلەس قوسقان دەمالىسقا، پەنسياعا شىققان قارت جولداستارعا، سونداي - اق شينجياڭنىڭ پروكۋراتۋرا شەبىندەگى بارلىق پروكۋراتۋرا قىزمەتكەرلەرىنە وسكەلەڭ قۇرمەت ءبىلدىرىپ، ولاردان شىن جۇرەكتەن حال سۇرادى. جۋ حايلۇن بىلاي دەدى: اماليات 40 جىلدان بەرى، اسىرەسە، پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا بۇكىل شينجياڭداعى پروكۋراتۋرا ورگاندارىنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تاباندىلىقپەن باتىل دايەكتىلەندىرىپ، تياناقتاندىرىپ، زاڭدىق باقىلاۋدى ۇزدىكسىز كۇشەيتىپ، زاڭداردى قاتاڭ، ءتارتىپتى، ءادىل، وركەنيەتتى اتقارۋعا جانە دەلو بىتىرۋگە تاباندى بولىپ، شينجياڭنىڭ قوعامدىق جالپى جاعدايىنىڭ ورنىقتىلىعىن قورعاۋعا، قوعامنىڭ ادىلدىگى مەن تۋراشىلدىعىن جەبەۋگە كەلەلى ۇلەس قوسقانىن دالەلدەدى. وسى رەت اۆتونوميالى رايوندىق حالىق پروكۋراتۋراسى قالپىنا كەلگەندىگىنىڭ، قايتا قۇرىلعاندىعىنىڭ 40 جىلدىعىن ەسكە الۋ قيمىلىنا ۇشتاستىرىپ، جاڭ بياۋ جولداستىڭ ىزگى ىستەرىنەن ۇيرەنىپ جانە ونى ۇگىتتەپ، شينجياڭنىڭ پروكۋراتۋرا ىستەرىنە كورنەكتى ۇلەس قوسقان وزات كوللەكتيۆتەر مەن جەكەلەردى ماداقتاپ - سيلاۋى تىلەكتەردى ۇيىستىرىپ، كۇش - قۋاتتى بىرىكتىرىپ، كۇرەس جىگەرىنە دەم بەرەدى، بۇل جاڭا داۋىردەگى شينجياڭنىڭ پروكۋراتۋرا ىستەرىندە جاڭا جاعداي اشۋدا ماڭىزدى مانگە يە.
  جۋ حايلۇن مىنالاردى تالاپ ەتتى: شينجياڭداعى ءار دارەجەلى پروكۋراتۋرا ورگاندارى پارتيانىڭ ابسوليۋتتى باسشىلىعىنا بۇلجىماستان تاباندى بولىپ، پروكۋراتۋرا قىزمەتىنىڭ دۇرىس ساياسي بەتالىسىن ءارقاشان مىقتاپ يگەرىپ، «ءتورت تانىمدى» شىنايى نىعايتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاي - قاشان دا وسكەلەڭ ءبىر اۋىزدىلىقتى ساقتاۋى؛ قوعام ورنىقتىلىعى مەن باياندى تىنىشتىق باس نىساناسىن بۇلجىماستان تياناقتاندىرىپ، زاڭ قارۋىنان جەتكىلىكتى، ويداعىداي پايدالانىپ، زاڭ بويىنشا مۇلتىكسىز سوققى بەرۋدى ورىنداپ، شينجياڭنىڭ قوعامدىق جالپى جاعدايىنىڭ جاراسىمدىلىعى مەن ورنىقتىلىعىن قورعاۋعا اناعۇرلىم سۇبەلى ۇلەس قوسۋى؛ بۇلجىماستان سانالى تۇردە جالپى جاعدايدى نازارعا الىپ، جالپى جاعدايعا قىزمەت ەتىپ، جالپى جاعدايدى قامتاماسىزداندىرىپ، پروكۋراتۋرا ورگاندارىنىڭ فۋنكتسيالىق رولىن تولىق ساۋلەلەندىرىپ، شينجياڭنىڭ ەكونوميكاسى مەن قوعامىنىڭ باياندى، اقاۋسىز دامۋىنا زاڭمەن جونگە سالۋ كەپىلدىگىن ازىرلەۋى؛ پروكۋراتۋرا ءتۇزىلىسى رەفورماسىن بۇلجىماستان تەرەڭدەتىپ، ىسىلعان پروكۋراتۋرا قوسىنىن قۇرىپ، جاڭا داۋىردەگى شينجياڭنىڭ پروكۋراتۋرا ىستەرىندە قۇلشىنا جاڭا جاعداي اشۋى كەرەك.
  جاڭ بياۋ جينالىستا مىنالاردى ءبىلدىردى: پارتيا مەن مەملەكەتتىڭ ماعان وسى داڭقتى بەرۋى ماعان جاسالعان تەڭدەسسىز ىنتالاندىرۋ جانە جەبەۋ، سونىمەن بىرگە شينجياڭنىڭ پروكۋراتۋرا قىزمەتىن تولىق تۇراقتاندىرۋ بولىپ تابىلادى. مەن داڭقتى قاستەرلەپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پروكۋروردىڭ قاسيەتىن ماڭگى ساقتاپ، ەشقاشان دا مويىمايتىن رۋحاني كۇيمەن، اسقاقتاۋشىلىقتان، ۇشقالاقتىقتان ساقتانىپ، قايراتتانا ەڭبەك ەتىپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا، جاڭا داۋىردەگى شينجياڭنىڭ پروكۋراتۋرا قىزمەتىنىڭ جاڭالىق اشا دامۋىن ىلگەرىلەتۋگە تىڭ ۇلەس قوسامىن.


بەرىپ كەت ورامالىڭدى

دوستار

الىستاعى اق ەركە