جاڭا حابارلار

حوتاننان چارقىلىققا دەيىنگى تەمىر جول قۇرىلىسى باستالدى

    كەلۋ قاينارى: شينجياڭ گازەتى    2018-12-22 13:21:37  

حوتاننان پويەزعا وتىرىپ شينجياڭنان شىعاتىن جول 1000 نەشە كيلومەتر قىسقارادى

12 - ايدىڭ 20 - كۇنى تۇستەن بۇرىن حوتاننان چارقىلىققا تۇتاساتىن تەمىر جول قۇرىلىسى رەسمي باستالدى.
سۋرەتتە: قۇرىلىس باستالعان ورىن. سۋرەتتى لي دى - يۇڭ تۇسىرگەن

 ءتىلشىمىز لۋ فىڭباۋ 12 - ايدىڭ 20 - كۇنى لوپتان حابارلايدى. 12 - ايدىڭ 20 - كۇنى تۇستەن بۇرىن حوتاننان چارقىلىققا تۇتاساتىن تەمىر جول قۇرىلىسى رەسمي باستالدى، نىسان سالىنىپ بولعان سوڭ، حوتاننان پويەزبەن چارقىلىققا بارعاننان كەيىن كورلادان گولمۋدقا باراتىن كەزەكشى پويەزگە وتىرىپ شينجياڭنان شىعۋعا بولادى، ەندىگارى ءۇرىمجىنى اينالىپ ءوتۋدىڭ قاجەتى جوق، شينجياڭنان شىعاتىن جول 1000 نەشە كيلومەتر قىسقارادى.
  سول كۇنى قازۋ ماشينالارىنىڭ جۇمىس باستاۋىمەن كوپتەن كۇتكەن تەمىر جول قۇرىلىسى باستالىپ، سول جەردەگى بۇقارا شاتتانعانىنان شاپالاق سوعىپ الاقايلادى. لوپ، شەريا، كەريا، نيە، چەرچەن سياقتى اۋدانداردا پويەز قاتىناماۋ تاريحى اقىرلاسادى.

  حوتان − چارقىلىق تەمىر جولى باتىستا قاشقار − حوتان تەمىر جولىنا ۇلاسادى، حوتان ۆوكزالىنان شىعىپ، لوپ، شەريا، كەريا، نيە، چەرچەن، چارقىلىق سياقتى جەرلەردى باسىپ، گولمۋد تەمىر جولىنا تۇتاسادى، لەنيانىڭ جالپى ۇزىندىعى 825.476 كيلومەتر، جوبالانعان ساعاتتىق جىلدامدىعى 120 كيلومەتر، تۇتاس لەنيادا 65 جەرگە ۆوكزال ورنالاستىرىلعان (باستاپقى مەرزىمدە 21 ورىندا ۆوكزال سالىنادى)، نىساننىڭ قۇرىلىس ۋاقىتى 3 جارىم جىل.
  حوتان − چارقىلىق تەمىر جولى ەلىمىزدىڭ «ورتا، ۇزاق مەرزىمدىك تەمىر جول تورى جوسپارىندا» تۇراقتانعان جوبا نىسانى، باتىس بولىك وڭىرلەردىڭ ماڭىزدى وڭىرلىك جول تورىنىڭ باستى جەلىسى، سونىمەن بىرگە وڭتۇستىك شينجياڭ تەمىر جول اينالما جەلىسىنىڭ ماڭىزدى قۇرامداس بولىگى. بۇل تەمىر جول سالىنىپ بولعاننان كەيىن، گولمۋد - كورلا تەمىر جولىمەن، وڭتۇستىك شينجياڭ تەمىر جولىمەن بىرگە تارىم ويپاتىنىڭ توڭىرەگىندە تەمىر جول اينالما جەلىسىن قالىپتاستىرادى.
  حوتان ايماقتىق دامۋ - رەفورمالاۋ كوميتەتىنىڭ ورىنباسار مەڭگەرۋشىسى زوۋ رۇڭ بىلاي دەدى: حوتان - چارقىلىق تەمىر جولى سالىنىپ بولعاننان كەيىن، وڭتۇستىك شينجياڭ قوعامىنىڭ، ەكونوميكاسىنىڭ دامۋىن جەبەۋدە، وڭىرلىك مادەنيەتتى، ينفورماتسيانى، زات اينالىمىن كۇشەيتۋدە، ۇلتتار ىنتىماعىن نىعايتۋدا، ءار ۇلت حالقىنىڭ تۇرمىس دەڭگەيىن جوعارىلاتۋدا ماڭىزدى رول اتقارادى.
  بايىنعولين موڭعۇل اۆتونوميالى وبلىسى، حوتان ايماعى − جىبەك جولى ەكونوميكالىق بەلدەۋىنىڭ ماڭىزدى ءوڭىرى، ەلىمىزدىڭ باتىس بولىگىندەگى، ورتا ازيا، وڭتۇستىك ازياداعى كورشى ەلدەردى شارپىپ، ولارمەن تۇتاسادى. حوتان - چارقىلىق تەمىر جولى سالىنىپ بولعاننان كەيىن، شينجياڭ تەمىر جولىنىڭ تاسىمال قۋاتى وراسان زور دەڭگەيدە جوعارىلاپ جانە جاقسارىپ، شينجياڭنان مەيلى شىعىسقا قاراي ىشكى ولكەگە بارۋدا بولسىن، الدە باتىسقا قاراي ورتا ازياعا جانە ەۆروپاعا بارۋدا بولسىن، ءتىپتى دە قولايلىلاسىپ، جىبەك جولى ەكونوميكالىق بەلدەۋى قۇرىلىسىن ىلگەرىلەتۋدە، ەلىمىزدىڭ ەسىكتى اناعۇرلىم ايقارا اشۋىن جەبەۋدە ماڭىزدى ءمان الادى جانە ماڭىزدى رول اتقارادى.
  «تەمىر جولدا ەرتەرەك قاتىناس باستالۋىن اڭسايمىن، وسىلاي بولعاندا سەرىكتەستىكتىڭ كيىم - كەشەگىن ىشكى ولكەگە تىكە جەتكىزۋگە بولادى، تاسىمال ۋاقىتى مەن وزىندىك قۇنى كوپ تومەندەيدى»، - دەدى جۇمىس باستاعان جەردە شينجياڭ حاۋشۋەلاڭ كيىم - كەشەك شەكتى سەرىكتەستىگىنىڭ باس جوراسى باي ياڭفۋ قۋانا.


بەرىپ كەت ورامالىڭدى

دوستار

الىستاعى اق ەركە