جاڭا حابارلار

جاڭا داۋىردەگى رەفورما جاساۋدى، ەسىك اشۋدى بۇلجىماستان العا ىلگەرىلەتەيىك

    كەلۋ قاينارى: شينجياڭ گازەتى    2018-12-22 13:25:53  

−باس شۋجي شي جينپيڭنىڭ رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى اۆتونوميالى رايونىمىزدا قىزۋ اڭىس قوزعادى

 بىرنەشە كۇننەن بەرى باس شۋجي شي جينپيڭنىڭ رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى اۆتونوميالى رايونىمىزداعى قالىڭ كادرلار مەن بۇقارا اراسىندا قىزۋ اڭىس قوزعادى. اۆتونوميالى رايونىمىزداعى قالىڭ كادرلار مەن جۇرتشىلىق ءسوزدىڭ رۋحىن مۇقيات ۇيرەنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ۇدەرە العا تارتىپ، شىنايى يگەرىپ، شىنداپ ىستەپ، جاڭا ساپارعا اتتانىپ، تاعى دا تىڭ شۇعىلالى ناتيجە جاراتۋعا بەل بايلادى. كوپشىلىك جاپپاي مىنالاردى ءبىلدىردى: اناعۇرلىم اسقاق جىگەرمەن جاڭا داۋىردەگى رەفورما جاساۋدى، ەسىك اشۋدى بۇلجىماستان العا ىلگەرىلەتەمىز.
  «پارتيانىڭ ابزال ساياساتى ءبىزدىڭ جاقسى تۇرمىس كەشىرۋىمىزگە مۇمكىندىك جاسادى»
  التاي بولىمشە اسكەري رايونىنىڭ ساياسي كوميسسارى حان جيە اسەرلەنە بىلاي دەدى: باس شۋجي شي جينپيڭنىڭ ماڭىزدى ءسوزىن تىڭداپ، قاتتى اسەرلەندىم. رەفورما جاساۋدىڭ، ەسىك اشۋدىڭ ۇزدىكسىز تەرەڭدەۋىندە جانە مەملەكەت ساياساتىنىڭ پارمەندى قولداۋىندا، تۇرعان جەرىمىزدەگى كەدەي قىستاق دامىپ، «جۇڭگوداعى ەڭ كورىكتى اۋىل - قىستاققا» اينالىپ، ءبىزدى شەكارانى ادالدىقپەن قورعاۋعا، جالىندى ىنتامەن ءىس تىندىرۋعا ىنتالاندىردى.
  لوپ اۋداندىق پارتكوم ۇيىمداستىرۋ ءبولىمىنىڭ ورىنباسار باستىعى تيان پيڭلي تەرەڭ تولعانا بىلاي دەدى: مەن وسىناۋ توپىراقتا وراسان زور وزگەرىستەر بولعاندىعىن ءوز كوزىممەن كوردىم. بۇگىنگى لوپتىڭ دامۋى تەز، ىشكى ولكەلەردەن كەلىپ، زاۆود قۇرىپ، شارۋاشىلىعىن وركەندەتكەن قارجى قوسۋشىلار بارعان سايىن كوبەيدى، بۇقارا جايدارى جۇزدەرىمەن پارتياعا العىس ايتىپ، وزدەرىنىڭ كوكىرەك كەرنەگەن باقىت سەزىمدەرىن جەتكىزۋدە.
  كۇشار اۋدانى دۇڭچىڭ ءمالى باسقارماسى شينتياندي الەۋمەتتىك اۋماعىنىڭ تۇرعىنى پارحات يمىن بىلاي دەدى: مەن ءومىر بويى شينجياڭنىڭ سۋ يگىلىگى ىستەرىمەن شۇعىلدانىپ كەلەمىن، شينجياڭنىڭ سۋ يگىلىگى قۇرىلىسىنىڭ جۇمىسشىلار اربا سۇيرەپ توسپا سالۋدان قازىر بۇكىلدەي ماشينالاسقان، ەلەكترونداسقان جولمەن توسپا سالۋعا وزگەرگەنىنە ءوز كوزىممەن كۋا بولدىم، وسى 40 جىلدا وتانىمىزدا وراسان زور وزگەرىس تۋىلدى، وتانىمىزدىڭ مۇنان دا قۇدىرەتتى، حالقىمىزدىڭ مۇنان دا باقىتتى بولۋىن تىلەيمىن.
  حوشۇت اۋدانى نارىنكەر اۋىلى ۇلىزىتى قىستاعىنىڭ قارت پارتيا مۇشەسى باتىر تەبىرەنە بىلاي دەدى: رەفورما جاساعان، ەسىك اشقان 40 جىلدا، ءبىزدىڭ مالشىلارىمىزدىڭ تۇرمىسىندا وراسان زور وزگەرىس تۋىلدى، ءبىزدىڭ جاقسى تۇرمىس كەشىرۋىمىزگە مۇمكىندىك جاساعان پارتيانىڭ ابزال ساياساتىنا راقىمەت ايتامىز. ءبىز، ءسوز جوق، پارتياعا العىس ايتۋىمىز، پارتيانىڭ سوزىنە قۇلاق اسۋىمىز، پارتياعا ىلەسۋىمىز كەرەك.
  «اۋرۋ كورگەندە بۇرىنعى3 بۇيىمنان (تىڭداۋىر، قان قىسىمىن ولشەۋىش، تەرمومەتر) قازىر قولدانىپ وتىرعان وسىزاماندانعان ەمدەۋ قۇرىلعىلارىنا دەيىن، بۇرىنعى جالاڭاياق شيپاگەرلەردەن قازىرگى كەمەلدى ەمدەۋ دارىندىلار قوسىنىنا دەيىن، ەمدەۋدەن حالىققا تيىمدىلىك جاساۋعا قاتىستى ءتۇرلى ساياساتتار دا ىركەس - تىركەس ورتاعا قويىلىپ، قالىڭ ناۋقاستار رەفورما جاساۋدىڭ، ەسىك اشۋدىڭ جانە ەمدەۋ - دەنساۋلىق ساقتاۋ ىستەرىنىڭ قارىشتاپ دامۋىنىڭ پايداسىنان يگىلىكتەندى»، - دەيدى ىلە قازاق اۆتونوميالى وبلىسى جۇڭي شيپاحاناسى وداق كوميتەتىنىڭ شۋجيى جاڭ پىڭجۇي.
  «جاڭا داۋىردەگى رەفورما جاساۋدىڭ، ەسىك اشۋدىڭ تىڭ ساپارىندا ارىنداي العا باسامىز»
  ءۇرىمجى قالالىق ساۋداگەر شاقىرۋ - قىزمەت وتەۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمەنىڭ باستىعى سىدىق سامەت بىلاي دەدى: باس شۋجيدىڭ ءسوزى جاڭا داۋىردەگى رەفورما جاساۋدىڭ، ەسىك اشۋدىڭ قايتا اتتانۋ ۇندەۋى، اتتانىسقا كەلتىرۋ بۇيرىعى بولدى، ءبىز ايرىقشا جەلپىندىك. شينجياڭ جىبەك جولى ەكونوميكالىق بەلدەۋىندەگى وزەكتى رايون رەتىندە، ءۇرىمجى قالاسىنىڭ دامۋىنا تىڭ وراي ۇسىندى. ءبىز ورايدى مىقتى يگەرىپ، ساۋداگەر شاقىرۋ، قارجى ەنگىزۋ سەرپىنىن ارتتىرىپ، جوعارى ساپامەن ساۋداگەر شاقىرۋدى جۇزەگە اسىرىپ، ءۇرىمجى قالاسىنىڭ ەكونوميكاسىنىڭ تەز قارقىنمەن ارتۋىن جەتەكتەۋىمىز كەرەك.
  «ءبىز باس شۋجيدىڭ ءسوزىنىڭ رۋحىن تەرەڭ، ويداعىداي ءتۇسىنىپ، ويداعىداي دايەكتىلەندىرىپ، ورايدى مىقتى ۇستاپ، جاڭا داۋىردەگى رەفورما جاساۋدىڭ، ەسىك اشۋدىڭ تىڭ ساپارىندا ارىنداي العا باسۋىمىز كەرەك»، - دەدى كوكتوعاي اۋدانى تەمەكى اۋىلدىق پارتكومىنىڭ مۇشەسى، ۇگىت كادرى ۋاڭ حاۋيۇي.
  ساياسي كەڭەس حوتان ايماقتىق قىزمەت كوميتەتىنىڭ كادرى تيان حاي بىلاي دەدى: ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، ستيلدە بۇرىلىس جاساپ، شىنايى ۇستاپ، ناقتى ىستەپ، جاۋاپكەرشىلىكتى كۇشەيتىپ، ونىمدىلىكتى جوعارىلاتىپ، جاڭا داۋىردە رەفورما جاساۋدى، ەسىك اشۋدى ۇزدىكسىز العا ىلگەرىلەتۋىمىز كەرەك.
  «باس شۋجي شي جينپيڭنىڭ ماڭىزدى ءسوزى مەنىڭ رەفورمانى سوڭىنا دەيىن جۇرگىزۋ سەنىمىمدى جانە بەكىمىمدى ونان ارى نىعايتتى. ۇلى ارمان بوس كۇتۋمەن، قۇر ايعايمەن ورىندالمايدى، قايتا كۇرەسپەن كەلەدى، ىسكەرلىكپەن كەلەدى». بۇراتالا قالاسى نانچىڭ رايونى ءمالىسى پارتيا قىزمەت كوميتەتىنىڭ ورىنباسار شۋجيى، مەڭگەرۋشى موڭكىبۇيۇن بىلاي دەدى: مەن ارقالاعان جۇگىمنىڭ اۋىر، جاۋاپكەرشىلىگىمنىڭ ۇلكەن ەكەنىن سەزىندىم. مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، اسقاقتاماي، اپتىقپاي، داۋىرمەن بىرگە العا باسىپ، ۇزدىكسىز ىشكەرىلەي ۇيرەنىپ، ءوز ساپامدى جوعارىلاتىپ، نەگىزگى ساتى قىزمەتىن ويداعىداي ىستەپ، رەفورما جاساۋ، ەسىك اشۋ ۇلى ىسىنە كۇش - قۋاتىمدى ارنايمىن.
 «رەفورمانى ىلگەرىلەتۋدىڭ قۇدىرەتتى بىرىككەن كۇشىن ۇيىستىرامىز»
  چارقىلىق اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى جوۋ جىڭ بىلاي دەدى: ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ۇگىتتەپ، «تۋ ۇستاۋ، جۇرت تىلەگىن توعىستىرۋ، جاڭا ادام تاربيەلەۋ، مادەنيەتتى وركەندەتۋ، وبرازدى ايگىلەۋ» سىندى بورىشىمىزدى، مىندەتىمىزدى ىرىقتىلىقپەن ارقالاپ، چارقىلىقتىڭ قوعام ورنىقتىلىعى مەن باياندى تىنىشتىعى ءۇشىن پارمەندى يدەيالىق كەپىل جانە رۋحاني قوزعاۋشى كۇش ازىرلەۋىمىز كەرەك.
  فۋكاڭ قالالىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى ما حۇڭميڭ بىلاي دەدى: ءبىز باس شۋجي شي جينپيڭنىڭ ماڭىزدى ءسوزىنىڭ رۋحىنا ساي، نەگىزگى ساتىداعى ءتارتىپ تەكسەرۋ، باقىلاۋ - تەكسەرۋ كادرلارىنىڭ قىزمەت جاۋاپكەرشىلىگىن ادا ەتۋ قابىلەتىن جوعارىلاتىپ، ساياسيدا ىسىلعان، قابىلەتى كۇشتى، ادال، پاك، جاۋاپكەرشىلىك ارقالايتىن ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇرىپ، رەفورمانى ىلگەرىلەتۋدىڭ قۇدىرەتتى بىرىككەن كۇشىن ۇيىستىرۋىمىز كەرەك.
  تارباعاتاي ايماقتىق ەگىن شارۋاشىلىق مەكەمەسى پارتيا باسشىلىق گرۋپپاسىنىڭ شۋجيى ءدىلمۇرات سىراجيدين بىلاي دەدى: باس شۋجي شي جينپيڭنىڭ ماڭىزدى ءسوزىنىڭ رۋحىنىڭ باي مازمۇنىن جانە رۋحاني ءمانىن ىشكەرىلەي ۇيرەنىپ، ءتۇسىنىپ، ۇيرەنۋ جەتىستىكتەرىن قىزمەتتى جاقسى ىستەۋدىڭ پارمەندى قوزعاۋشى كۇشىنە اينالدىرىپ، يدەيانى ونان ارى ازات ەتىپ، ەگىن شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ۇزدىكسىز ىشكەرىلەي ىلگەرىلەتىپ، ەگىن شارۋاشىلىعىن وسىزامانداندىرۋ اياق الىسىن جەدەلدەتىپ، ءىس جۇزىندىك ارەكەتىمىز ارقىلى قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا كۇش - قۋاتىمىزدى ارناۋىمىز كەرەك.
  قۇمىل كاسىپتىك - تەحنيكالىق شۋەيۋانى پارتكومىنىڭ مۇشەسى، شۋەيۋاننىڭ ورىنباسار باستىعى، شينجياڭعا كومەككە كەلگەن كادر ليۋ جىحۋاي بىلاي دەدى: دۇنيەدە تەر توكپەي راقاتقا بولەنەتىن جاقسى ءىس جوق، باقىتتى بولامىن دەيدى ەكەنسىڭ كۇرەسۋىڭ كەرەك. رەفورما جاساعان، ەسىك اشقان 40 جىلدان بەرى، ءبىزدىڭ كاسىپتىك وقۋ - اعارتۋ ىستەرىمىز كىشكەنەدەن ۇلعايىپ، السىزدەن كۇشەيىپ، شەبەر تاربيەلەۋ، جۇمىسقا ورنالاستىرۋ، تەحنيكادا جاڭالىق اشۋ، قوعامعا قىزمەت ەتۋ سياقتى جاقتاردا ماڭىزدى رولىن ساۋلەلەندىردى. ءبىز اۋەلگى ماقساتتان جازباي، تۇراقتىلىقتى ساقتاپ، ءتۇرلى قىزمەتتەردى دەن قويا ويداعىداي ىستەۋىمىز كەرەك.
  (تىلشىلەرىمىز چىن چىن، جاڭ تيڭ، ۋي حۇڭپيڭ، قۇمىلداعى تىلشىلەر پۋنكتىنەن داي ۋاڭفاڭ، حوتانداعى تىلشىلەر پۋنكتىنەن جاڭ يۇڭ، بايىنعولين وبلىسىنداعى تىلشىلەر پۋنكتىنەن ياڭ شياۋدۇڭ، جاڭ حۇيجياڭ، ەرىكتى تىلشىلەر ۋاڭ حوۋيۇن، لين حۋان، گاڭ ليچياڭ، حۋاڭ زۇڭشيڭ، ۋاڭ زىبيڭ، اكبار ءبالي، ما چىڭلۋ، جوۋ لي، چي نا، ۋىن بو)


بەرىپ كەت ورامالىڭدى

دوستار

الىستاعى اق ەركە