جاڭا حابارلار

«رەفورما جاساپ، ەسىك اشۋدىڭ 40 جىلدىعىن قۇتتىقتاۋ-شينجياڭ سۋرەتحاناسى اسەمونەر تۋىندىلارى كورمەسى» ءۇرىمجى قالالىق اسەمونەر سارايىندا اشىلدى

    كەلۋ قاينارى: شينجياڭ حالىق راديو ىستانسياسى    2018-12-23 10:54:52  
ستانسيامىزدىڭ ءتىلشىسى دۇڭ جىيۇڭ مەن پراكتيكانت ءتىلشى لي ۋەيدىڭ حابارى: «رەفورما جاساپ، ەسىك اشۋدىڭ 40 جىلدىعىن قۇتتىقتاۋ-شينجياڭ سۋرەتحاناسى اسەمونەر تۋىندىلارى كورمەسى» 12-ايدىڭ 22-كۇنى تۇستەن بۇرىن ءۇرىمجى قالالىق اسەمونەر سارايىندا اشىلدى.
كورمە سارايىنا كىرسەڭىز، التىن كۇزدەگى قومىنىڭ كوركەم بەينەسى، كورىكتى ءپامير ءۇستىرتى، دۋماندى دا قاربالاس الاتاۋ ساعاسى وتكەلى، ايبىندى مايتاۋ مۇناي-حيميا ونەركاسىبى رايونى... سياقتى كەرەمەتتەي كەستەلەنگەن اسەم سۋرەتتەر كوزىڭىزگە وتتاي باسىلادى. تابيعات پەن ونەركاسىپ كورىنستەرىنەن تىس، وسى رەتكى كورمەدە تاعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىسترۋ» قىزمەتى بويىنشا قىستاقتا تۇرۋ قىزمەتى، «ۇلتتار ىنتماعىنىڭ بەرەكەلى شاڭىراعىندا» قيمىلى بويىنشا تۋىسقاندىق قاتىناس ورناتۋ قيمىلىن تاقىرىپ ەتكەن ماي بوياۋلى سۋرەت تۋىندىلارى دا كورمەگە قويىلىپ، كورەرمەندەردى ەرەكشە باۋرادى. قالا تۇرعىنى ۋاڭ پىڭجۇي 6 ماي بوياۋلى سۋرەتتەن قۇرالعان «قىستاقتا تۇرعاندار»اتتى سۋرەتتى كورگەننەن كەيىن ەرەكشە تەبىرەندى. ول: «وسى جەلىلەس سۋرەتتەردى كورىپ، جانىمىزدا جۇرگەن قىستاقتا تۇراتىن كادرلادى ويلادىم، ادەتتە ولاردىڭ قىزمەتى نەداۋىر جاپالى، ولار شەكارا ءوڭىر شينجياڭنىڭ باياندى تىنشىتىعى مەن دامۋىنا ۇلكەن ۇلەس قوسۋدا»،-دەدى.
وسى رەتكى سۋرەت كورمەسىنە ءبىر جىلدان استام ۋاقىت دايىندىق جاسالدى، شينجياڭدىق سۋرەتشىلەر وڭتۇستىك-سولتۇستىك شينجياڭنىڭ جەر-جەرىنە بارىپ، ارالاپ، ءبىر توپ جاڭا دا جاندى اسەمونەر تۋىندىلارىن جاراتتى. شينجياڭدىق سۋرەتشى يالقۇن قازى سىزعان ماي بوياۋلى سۋرەت «مايتاۋدىڭ كوركەم كورىنىسى» وسى رەتكى كورمەگە قويىلدى، بۇل سۋرەتتە مايتاۋ مۇناي-حيميا ونەركاسىبىنىڭ دامۋ جاعدايى ايگىلەنىپتى. ول: «سول كەزدە مايتاۋعا بارىپ، ەكسىكۋرسسيالاعاندا، ونداعى ونەركاسىپتىڭ دامۋ جاعدايىن كورىپ قاتتى اسەرلەندىم، ونىڭ تاريحي بارىسى رەفورما جاساپ، ەسىك اشۋدىڭ ناتيجەسى، سوسىن ونى رەفورما جاساپ، ەسىك اشۋدىڭ 40 جىلىنداعى شينجياڭنىڭ دامۋ وزگەرىسى رەتىندە بەينەلەپ شىقتىم»،-دەدى.
وسى رەتكى سۋرەت كورمەسىن اۆتونوميالى رايوندىق مادەنيەت جانە ساياحات مەڭگەرمەسى ۇيىمداستىرىپ، شينجياڭ سۋرەتحاناسى ۇستىنە الىپ وتكىزگەن. كورمەگە قويىلعان 80 تۋىندى نەگىزىنەن ادامدى، كورىكتى اۋىل-قىستاقتى، وسىزامانعى ونەركاسىپ پەن ورتالىق قالانىڭ تۇرمىسىن ماتەريال ەتىپ، رەفورما جاساپ، ەسىك اشقان 40 جىلدان بەرگى جۇڭحۋانىڭ بايتاق دالاسىن، تيانشاننىڭ تۇستىگى مەن تەرىستىگىندە تۋىلعان وراسان زور وزگەرىستەردى جاندى بەينەلەگەن. شينجياڭ سۋرەتحاناسىنىڭ ورىنباسار باستىعى جاڭ لەيجىن بىلاي دەدى: «28 سۋرەتشى ۇقساماعان تۇرعى، ۇقساماعان ماتەريال، ۇقساماعان ورىن جانە ۇقساماعان ويلاۋ فورماسى ارقىلى شينجياڭنىڭ بايتاق دالاسىنداعى 40 جىلدان بەرگى رەفورما جاساپ، ەسىك اشۋ بارىسىندا قول جەتكەن تابىستاردى جان-جاقتىلى بەينەلەدى.
ۇعىسۋعا قاراعاندا، وسى رەتكى سۋرەت كورمەسى 12-ايدىڭ 27-كۇنىنە دەيىن اشىلادى، وسى مەزگىلدە كوپشىلىكتىڭ تەگىن تاماشالاۋىنا بولادى ەكەن.

بەرىپ كەت ورامالىڭدى

دوستار

الىستاعى اق ەركە