جاڭا حابارلار

باس شۋجي شي جينپيڭنىڭ رەفورما جاساپ، ەسىك اشۋدىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزدىڭ جەر-جەرىندە كۇشتى اڭىس قوزعادى

    كەلۋ قاينارى: شينجياڭ حالىق راديو ىستانسياسى    2018-12-23 11:47:36  
ستانسيامىزدىڭ جيناق حابارى: باس شۋجي شي جينپيڭنىڭ رەفورما جاساپ، ەسىك اشۋدىڭ 40 جىلدىعىن قۇتتىقتاۋ جينالىسىندا، سويلەگەن ماڭىزدى ءسوزىن تىڭداعاننان كەيىن، رايونىمىزدىڭ جەر-جەرى، ساياحات كاسىبىن ۇزبەي بارىنشا نىعايتىپ، حالىقتىڭ رەفورما جاساپ، ەسىك اشۋ الا كەلگەن تاماشا تۇرمىستىڭ تيىمدىلىگىنەن يگىلىكتەنۋىنە مۇمكىندىك جاسايتىندىقتارىن ءبىلدىردى.
باس شۋجي شي جينپيڭ سوزىندە: «حالىقتى نەگىز ەتۋگە، ءسوزجوق، تاباندى بولىپ، حالىقتىڭ تاماشا تۇرمىسقا دەگەن ۇمتىلىسىن ۇزدىكسىز جۇزەگە اسىرۋ كەرەك»،-دەپ اتاپ كورسەتتى. ىلە وبلىستىق ساياحات مەكەمەسى پارتگرۋپپاسىنىڭ شۋجيى دۇڭ يۇڭچاڭ، باس شۋجي شي جينپيڭنىڭ ماڭىزدى ءسوزىنىڭ رۋحى بويىنشا، ىلە وبلىسى ساياحات كاسىبىنىڭ ستراتەگيالىق تىرەكتى كاسىپكە قاراي دامۋ اياق الىسىن ىلگەرىلەتىندىكتەرىن ايتا كەلىپ، بىلاي دەدى: «ءتۇرلى شارالاردى قولدانىپ، رەفورما جاساپ، ەسىك اشۋدىڭ تاجىريبەسىنەن تولىق پايدالانىپ، اسىرەسە، باس شۋجيدىڭ سوزىندەگى 9 ءتۇرلى نۇسقاۋ بويىنشا، ساياحات كاسىبى قىزمەتىن جوبالايمىز جانە ىلگەرىلەتەمىز. «ءبىر بەلدەۋ، ءبىر جول» دارىپتەمەسى دە ساياحاتتى دامىتۋدىڭ تاماشا ورايى، وسى جەتەكشى يدەيا مەن ورايدان پايدالانۋ ارقىلى ساياحات كاسىبىنىڭ دامۋ اياق الىسىن ىلگەرىلەتىپ، ساياحات كاسىبىنىڭ ستراتەگيالىق تىرەكتى كاسىپكە اينالۋ اياق الىسىن جەدەل ىلگەرىلەتەمىز».
باس شۋجي شي جينپيڭ قۇتتىقتاۋ جينالىسىندا: «ۇلى ارمانعا قاراپ وتىرىپ، ايعاي-سۇرەنمەن ەمەس، قايتا قاجىرلىلىقپەن قۇلشىنا ىستەۋدىڭ ارقاسىندا عانا جەتۋگە بولادى»،-دەدى. 2018-جىلى 11-ايعا دەيىن، فۋكاڭ قالاسى 6 ميلليون 240 مىڭ ادام رەت ساياحاتشى قابىلداپ، ساياحات كىرىسىن 10 ميلليارد يۋاننان اسىردى. فۋكاڭ قالالىق ساياحات مەكەمەسىنىڭ باستىعى يان سۇڭمەي، وڭىرلىك ساياحاتتى دامىتۋ اياق الىسىن جەدەل ىلگەرىلەتىندەرىن ايتا كەلىپ، بىلاي دەدى: «قازىر بوعدا كولى ساياحات كورىنىس رايونىن بىرتىندەپ فۋكاڭنىڭ وڭىرلىك ساياحاتىنا قاراي دامىتۋدامىز. تيانشان بوعدا كولى ماركاسىنىڭ ابزالدىلىعىن ويداعىداي ساۋلەلەندىرۋدەن سىرت، تاعى باسقا 3A دارەجەلىدەن جوعارى كورىنىس رايوندارىنداعى كورىنىس ءتۇيىنى قۇرىلىسىنىڭ تەبىنىن اناعۇرلىم ارتتىرىپ، بۇرىنعدان دا كوپ ساياحات ءونىمىن بەلسەنە اشىپ، بۇرىنعىدان دا جاقسى ابزال كورىنىس رايونىن قۇرىپ، شينجياڭنىڭ ساياحات ىستەرىنىڭ بارىنشا دامۋىنا كۇش قوسامىز».
 بيىل، اقسۋ ايماعى «2018-جىلدان 2020-جىلعا دەيىنگى اقسۋ ايماعىنىڭ جالپى وڭىرلىك ساياحاتتى دامىتۋدىڭ 3 جىلدىق ارەكەت جوسپارىن» جاساپ شىعارىپ، ءتومىر دۇنيە ءجۇزىلىك جاراتىلىستىق مۇرا ساياحات رايونى، كۇسان مادەني مۇرا ساياحات رايونى، وڭتۇستىك شينجياڭ ساياحاتى جيناۋ-جونەلتۋ ورتالىعى سىندى ءۇش ءىرى جيناۋ-جونالتۋ رايونى قۇرىلىسىن ءتۇيىندى جەدەلدەتتى. باس شۋجيدىڭ ءسوزىن تىڭداعاننان كەيىن، اقسۋ ايماقتىق ساياحات مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى حان يۇي اقسۋ ايماعىنىڭ ساياحات كاسىبىنىڭ دامۋىنا تولىق سەنىممەن قاراپ بىلاي دەدى: «باس شۋجي شي جينپيڭ رەفورما جاساپ، ەسىك اشۋدىڭ 40 جىلدىعىن قۇتتىقتاۋ جينالىسىندا، حالىقتى ەكونوميكانىڭ، ساياساتتىڭ، مادەنيەتتىڭ، قوعامنىڭ، ەكولوگيانىڭ ءتۇرلى جاقتارىنداعى دامۋ جەتىستىگىنەن ورتاق يگىلىكتەندىرىپ، اناعۇرلىم كوپ، اناعۇرلىم تىكە، اناعۇرلىم ناقتىلى تابىس سەزىمىنە، باقىت سەزىمىنە، حاۋىپسىز سەزىمىنە كەنەلتۋ كەرەك»، ـــ دەپ اتاپ كورسەتتى. وسى تۇرعىدان الىپ ايتساق، ءبىز اقسۋدىڭ داڭقىن اسىرىپ، تاماشا اتىن كۇش سالا شىعارۋىمىز كەرەك. ەندى ءبىر جاعىنان، ساياحات كاسىبىنىڭ دامۋىن جاڭاشا اۋىل-قىستاق قۇرىلىسىمەن جانە كوركەم اۋىل-قىستاق قۇرىلىسىمەن ۇشتاستىرىپ، بۇقارانى، وتە-موتە، اۋىل-قىستاقتاعى ءار ۇلت بۇقاراسىن اقسۋدىڭ ەكونوميكاسىنىڭ، قوعامىنىڭ دامۋ جەتىستىگىنەن ورتاق يگىلىكتەندىرۋىمىز كەرەك».
شينجياڭنىڭ ورنىقتىلىق تيىمدىلىگىنىڭ ۇزدىكسىز كورىنۋىنە ساي، قاشقار ايماعىنىڭ ساياحات كاسىبىن دامىتۋ تەبىنى بارىنشا ارتتى. بيىل 1-ايدان 11-ايعا دەيىن، قاشقار ايماعىنىڭ ساياحاتشى قابىلداۋ مولشەرى %50 ارتتى. مۇنىڭ ىشىندە، قاشقار بايىرعى قالا كورىنىس رايونى 820 مىڭ ادام رەت ساياحاتشى قابىلدادى، ساياحاتشى سانى وتكەن جىلدىڭ وسى مەزگىلىندەگىدەن ءبىر ەسەنىڭ ۇستىندە ارتتى. قاشقار ايماقتىق ساياحات مەكەمەسى پارتگرۋپپاسىنىڭ شۋجيى گاۋ شياڭ بىلاي دەدى: «باس شۋجي شي جينپيڭ رەفورما جاساپ، ەسىك اشقان 40 جىلدى قۇتتىقتاۋ جينالىسىندا: «رەفورما جاساۋ ماڭگى العا شەرۋ تارتا بەرەدى، ونىڭ اياقتاۋى بولمايدى»، ــ دەگەندى سالتاناتتى تۇردە جاريالادى. بۇل قاشقار ايماعىنىڭ ساياحات كاسىبىن دامىتۋ سەنىمىن اناعۇرلىم كۇشەيتتى، ءبىز وسى رەتكى جينالىستىڭ رۋحىن مۇقيات ويداعىداي تياناقتاندىرىپ، نازاردى باس نىساناعا شوعىرلاندىرىپ، ساياحات كاسىبى ارقىلى شينجياڭدى كوركەيتۋ ستراتەگياسىن ىلگەرىلەتىپ، ساياحات بايلىعىن ۇزدىكسىز اشىپ، ساياحات جوباسىن ۇزدىكسىز جاقسى جاساپ، ساياحاتتىڭ نەگىزگى قۇرىلعىسىن ويداعىداي جۇرگىزىپ، ساياحات جاعىندا قىزمەت وتەۋ ساپاسىن اناعۇرلىم جوعارىلاتامىز».
بۋىرشىن اۋداندىق ساياحات مەكەمەسىنىڭ باستىعى يە سۋچين دا بۋىرشىننىڭ بولاشاقتاعى ساياحات كاسىبىنىڭ دامۋىنان كۇتەرى مول ەكەنىن ايتا كەلىپ بىلاي دەدى: «باس شۋجي شي جينپيڭنىڭ ماڭىزدى ءسوزى بىزگە تەرەڭ اسەر قالدىردى. وتكەن جىلى ساياحاتشى سانى 3 ميلليون 880 مىڭ ادام رەتتەن اسقان بولاتىن، ال بيىل 5 ميلليون 300 مىڭ ادام رەتتەن استى. اۋدانىمىزداعى بۇقارا ساياحاتتىڭ تيىمدىلىگىن بارىنشا سەزىندى. بۇل رەفورما جاساپ، ەسىك اشقان 40 جىلدان بەرى قوعامنىڭ، ەكونوميكانىڭ دامۋىنىڭ جانە ءبىزدىڭ باس نىسانانى ارقاۋ ەتۋىمىزدىڭ ارقاسىندا قولعا كەلگەن تاماشا دامۋ جاعدايى. باس نىسانانى ارقاۋ ەتۋدىڭ تيىمدىلىگىندە، بۋىرشىن اۋدانىنىڭ ساياحات كاسىبىنىڭ دامۋ بولاشاعى اناعۇرلىم جاقسى بولاتىندىعى ءسوزسىز».

بەرىپ كەت ورامالىڭدى

دوستار

الىستاعى اق ەركە