جاڭا حابارلار

شي جينپيڭ جۇڭگو - ءۇندىستان جوعارى دارەجەلى گۋمانيتارلىق اۋىس - ءتۇيىس مەحانيزمى تۇڭعىش كەزەكتى ماجىلىسىنە قۇتتىقتاۋ حات جولدادى

    كەلۋ قاينارى: شينجياڭ گازەتى    2018-12-23 20:28:05  
 شينحۋا اگەنتتىگىنىڭ 12 - ايدىڭ 21 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 12 - ايدىڭ 21 - كۇنى قۇتتىقتاۋ حات جولداپ، جۇڭگو - ءۇندىستان جوعارى دارەجەلى گۋمانيتارلىق اۋىس - ءتۇيىس مەحانيزمى تۇڭعىش كەزەكتى ءماجىلىسىنىڭ جاڭا دەليدە اشىلعاندىعىن قۇتتىقتادى.
  شي جينپيڭ قۇتتىقتاۋ حاتىندا مىنانى اتاپ كورسەتتى: جۇڭگو مەن ءۇندىستان وركەنيەتتى بايىرعى ەلدەر، ۇزاق تاريحقا جانە شۇعىلالى مادەنيەتكە يە. ەكى ءىرى وركەنيەت ەجەلدەن بەرى قويۋ ارالاسىپ، ءوزارا ۇيرەنىپ، ءبىر - بىرىنەن ونەگە الىپ، ادامزاتتىڭ دامۋى، العا باسۋى ءۇشىن بىرگە ماڭىزدى ۇلەس قوستى. كەزەكتە، جۇڭگو مەن ءۇندىستان قارىم - قاتىناسى بەلسەنە العا دامىپ، ەكى ەلدىڭ ساياسي سەنىمدىلىگى ۇزدىكسىز تەرەڭدەپ، ناقتى ىستەر جونىندەگى سەلبەستىگى جەدەل ىلگەرىلەپ، گۋمانيتارلىق اۋىس - ءتۇيىس جەدەل ورىستەتىلىپ، حالىقارالىق جانە وڭىرلىك ىستەردە تىلدەسۋدى، سايكەستىكتى ساقتادى. اماليات جۇڭگو مەن ءۇندىستاننىڭ تاماشا قارىم - قاتىناسى ەكى ەلگە پايدا اكەلىپ، دۇنيە جۇزىنە تيىمدىلىك جەتكىزەتىنىن دالەلدەدى.
  شي جينپيڭ جۇڭگو مەن ءۇندىستان ەكى جاقتىڭ ەكى ەلدىڭ جوعارى دارەجەدەگىلەر گۋمانيتارلىق اۋىس - ءتۇيىس مەحانيزمىن ويداعىداي ىسكە قوسىپ، جۇڭگو مەن ءۇندىستان سىندى شىعىستاعى ەكى الىپ وركەنيەتتىڭ تەرەڭ قاتپارىنان پايدالانىپ، ەكى ەل حالقىنىڭ كوڭىلدەرىنىڭ توعىسۋىن جەبەپ، ەكى ەلدىڭ اناعۇرلىم قويۋ دامۋ سەرىكتەستىك قاتىناسىن ورناتۋىنا دەم بەرۋىن ءۇمىت ەتتى.

بەرىپ كەت ورامالىڭدى

دوستار

الىستاعى اق ەركە