جاڭا حابارلار

جاڭا داۋىردە جۇڭحۋا ۇلتىنىڭ جاڭا دا اناعۇرلىم زور كەرەمەتتەرىن جاراتامىز

    كەلۋ قاينارى: شينجياڭ گازەتى    2018-12-25 14:38:22  

− باس شۋجي شي جينپيڭنىڭ رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى اۆتونوميالى رايونىمىزدىڭ كاسىپورىن سالاسىندا قىزۋ اڭىس قوزعادى

 «40 جىلدان بەرى قول جەتكەن تابىستار اسپاننان تۇسكەن جوق، باسقا بىرەۋلەردىڭ جارىلقاپ بەرگەنى تىپتەن ەمەس، قايتا بۇكىل پارتيانىڭ، بۇكىل ەلدەگى ءار ۇلت حالقىنىڭ ەڭبەكشىلدىگىنىڭ، اقىل - پاراساتىنىڭ، جۇرەكتىلىگىنىڭ جەمىسى...». باس شۋجي شي جينپيڭنىڭ 12 - ايدىڭ 18 - كۇنى رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى شينجياڭنىڭ كاسىپورىن سالاسىندا قىزۋ اڭىس قوزعادى. كوپشىلىك جابال: تاريحي وزگەرىستىڭ ورايىن مىقتاپ يگەرىپ، قايراتتانا العا ۇمتىلىپ، ەكپىندەي العا باسىپ، اسقاقتاعان رۋحاني بەينەمەن رەفورمانى كىدىرتپەي، ەسىك اشۋدى ايالداتپاي، جاڭا داۋىردە جۇڭحۋا ۇلتىنىڭ جاڭا دا اناعۇرلىم زور كەرەمەتتەرىن جاراتۋىنا شينجياڭنىڭ ۇلەسىن قوساتىندىقتارىن ءبىلدىردى. 
  قارىشتاعان دامۋدى، شۇعىلالى تابىستاردى ماقتانىش ەتەمىز
  12 - ايدىڭ 18 - كۇنى شينجياڭ ەرەكشە ترانسفورماتور شەكتى جارنا سەرىكتەستىگىنىڭ 20 مىڭنان ارتىق قىزمەتكەرى رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىنىڭ ۇستىنەن تاراتىلعانىن توپتىق كوردى. باس شۋجي: ءبىز دامىعان ەلدەر بىرنەشە ءجۇز جىل جۇرگەن ونەركاسىپتەنۋ ۇدەرىسىن بىرنەشە 10 جىلدا باسىپ وتتىك. مۇمكىن ەمەس ىستەر جۇڭگو حالقىنىڭ قولىندا مۇمكىندىككە اينالدى. ءبىز جەر بەتىندە كەرەمەتتەر جاساعان جۇڭگو حالقىن تەڭدەسسىز ماقتان تۇتامىز، تەڭدەسسىز ماقتانىش ەتەمىز! - دەدى. شينجياڭ ەرەكشە ترانسفورماتور شەكتى جارنا سەرىكتەستىگىنىڭ باس جوراسى جاڭ شين اسا تەبىرەنە بىلاي دەدى: رەفورما جاساۋ، ەسىك اشۋ بولماسا، ەرەكشە ترانسفورماتور سەرىكتەستىگى دە بولماس ەدى، ءبىز رەفورما جاساۋعا، ەسىك اشۋعا قاتىسۋشىمىز، مۇنى امالياتتان وتكىزۋشىمىز جانە مۇنىڭ يگىلىگىن كورۋشىمىز. رەفورما جاساۋ، ەسىك اشۋ بىزگە شارۋاشىلىق قۇراتىن، جاسامپازدىق جاسايتىن قۇنارلى توپىراق ازىرلەپ، ەرەكشە ترانسفورماتور سەرىكتەستىگىن مالىدەگى جابىلىپ قالايىن دەگەن شاعىن زاۆودتان كاسىپتىڭ كوش باسشىسىنا جانە ىلگەرىلەتۋشىسىنە اينالدىردى، ەرەكشە ترانسفورماتور سەرىكتەستىگىنىڭ تەحنيكاسىن، ولشەمىن، جوباسىن جانە قىزمەت وتەۋىن دۇنيە جۇزىنە بەت الدىردى.
  باس شۋجي شي جينپيڭنىڭ ماڭىزدى ءسوزىن تىڭداعاننان كەيىن، گۋاڭحۇي ەنەرگيا جارنا شەكتى سەرىكتەستىگىنىڭ قىزمەتكەرى لۋ بيڭ ايرىقشا ماقتانىش سەزىندى. ول بىلاي دەدى: رەفورما جاساعان، ەسىك اشقان 40 جىلدا، حالىقتىق كاسىپورىندار وتانىمىزدىڭ العا باسۋ قادامىنا ىلەسىپ، بىرتىندەپ دامىپ، زورايدى. مەنىڭ تۇرمىس شارت - جاعدايىم، قىزمەت ورتام سياقتىلاردىڭ بارىندە وراسان زور وزگەرىستەر تۋىلدى، باس شۋجيدىڭ ءسوزى مەنىڭ بولاشاققا سەنىمىمدى ايرىقشا كۇشەيتتى، رەفورما جاساۋ، ەسىك اشۋ توقتامايدى، جۇڭگونىڭ ەرتەڭى ءتىپتى دە جاقسى بولادى.
  40 جىلدىق دامۋ جەتىستىكتەرى وڭتۇستىك اۆياتسيا شينجياڭ بولىمشە سەرىكتەستىگىنىڭ ورىنباسار باس ديرەكتورى زىڭ چياننىڭ كوڭىل كۇيىن ايرىقشا تولقىتتى. ول بىلاي دەدى: رەفورما جاساۋدان، ەسىك اشۋدان ىلگەرى، ءۇرىمجى اۋەجايىندا ۇشاق قامباسى جوق بولاتىن، ۇشاق قىزمەتكەرلەرى قىستا قاقاعان ايازدا، جازدا شىلىڭگىر ىستىقتا ۇشاقتى ۇشاق الاڭىندا رەمونتتايتىن. قازىر اۋەجاي نەشە رەت كەڭەيتىپ سالىندى، كەڭ ۇشاق قامباسى، كەمەلدى قامتاماسىز ەتۋ جابدىقتارى بار. 40 جىلدا، شينجياڭ حالىقتىق اۆياتسياسى قارىشتاي دامىپ، «شينجياڭ ىشىندە توراپتانعان، شىعىس پەن باتىسقا قانات جايعان» اۋە لەنياسىنىڭ توراپتىق ورنالاسۋىن قالىپتاستىرىپ، شينجياڭنىڭ ورتا ازيامەن، باتىس ازيامەن، ەۆروپامەن ادام، زات جانە قارجى اۋىس - ءتۇيىسىن بايلانىستىردى.
  جاڭالىق اشۋ ارقىلى دەم بەرىپ، دامۋعا جاڭا قوزعاۋشى كۇش بەرەمىز
  رەفورما جاساۋ، ەسىك اشۋ − كاسىپورىنداردىڭ جاڭالىق اشۋ رۋحىن تاسقىنداتتى. مەملەكەت ەلەكتر تورى شەكتى سەرىكتەستىگى شينجياڭ ەلەكتر شەكتى سەرىكتەستىگىنىڭ ەلەكتر عىلىمىن زەرتتەۋ ورنى عىلىم - تەحنيكا ءبولىمىنىڭ مەڭگەرۋشىسى جاڭ لۇڭ: رەفورما جاساعان، ەسىك اشقان 40 جىلدان بەرى، شينجياڭ ەلەكترى جوعارى قارقىندى دامۋدىڭ «جىلدام ءجۇرىس جولىنا» ءتۇسىپ، وڭىرلىك جالقى توردان اينالىس جاساپ تۇتاس شينجياڭنىڭ ءىرى ۇلاسپالى تورىن قالىپتاستىردى، «ءوزىن - ءوزى قامداۋدان» «شينجياڭنىڭ توگىن سىرتقا جەتكىزۋگە» ويىستى، ودان دۇنيە جۇزىندەگى ەڭ جوعارى دەڭگەيدەگى ەلەكتر كەرنەۋى ينجەنەرياسىن قۇرۋ ورەسىنە جەتتى. ەلەكتر عىلىمىن زەرتتەۋ ورنى باس شۋجي شي جينپيڭ العا قويعان «دامۋ ءبىرىنشى ماڭىزدى مىندەت، دارىندى ءبىرىنشى بايلىق، جاڭالىق اشۋ ءبىرىنشى قوزعاۋشى كۇش» ۇستانىمعا ۇزدىكسىز تاباندى بولىپ، شينجياڭ ەلەكترىنىڭ دامۋىنا پارمەندى تەحنيكالىق كەپىلدىك ازىرلەيدى، - دەدى.
  مەيكى توبى پارتكومىنىڭ ورىنباسار شۋجيى لي شۋان بىلاي دەدى: رەفورما جاساۋدىڭ، ەسىك اشۋدىڭ «شىعىس جەلىمەن» مەيكى توبى بىرتىندەپ دامىپ زورايدى. مەيكى توبىنىڭ شارۋاشىلىق قۇرۋشىلارى رەفورما جاساعاننان، ەسىك اشقاننان كەيىنگى تۇڭعىش توپتا «ساۋدامەن اينالىسقاندار»، سونداي - اق ينتەرنەت تەحنيكاسىنان ەڭ الدىمەن پايدالانىپ، زەردەلى جاساۋدى جانە قاريدار - زاۆود - ساۋدا ۇلگىسىن جۇزەگە اسىرعان كاسىپ سالاسىنىڭ سەركەلەرى. كەلەشەكتە مەيكى توبى كاسىپتەردىڭ قۇرىلىمىن جاڭالاپ، دەڭگەيىن ءوسىرۋدى تەزدەتىپ، ءۇي جيھازدارى كاسىبىنىڭ دۇنيە جۇزىلىك تاڭداۋلى ماركاسىن جاراتادى.
  20 نەشە جىلدىڭ الدىندا دابانچىڭعا ىرگە تەپكەن، شەتەلدەن يىمپورت ەتىلگەن 13 جەل ەلەكتر گەنەراتورىنان بۇگىنگى تۇتاس جەر شارىنداعى 6 ۇلكەن قۇرلىققا تاراعان جينفىڭ ماركالى 28 مىڭ 500 جەل ەلەكتر گەنەراتورىنا دەيىن، شينجياڭ جينفىڭ عىلىم - تەحنيكا شەكتى جارنا سەرىكتەستىگىنىڭ دامۋ تاريحى رەفورما جاساعان، ەسىك اشقان 40 جىلدا كاسىپورىندار دامىپ، زورايۋىنىڭ ىقشامدالعان جاندى كارتيناسى. وسى سەرىكتەستىكتىڭ باس ديرەكتورى ياڭ شۋەجۇن: جۇرەكتىلىكپەن جۇرتتان بۇرىن ۇمتىلۋ، جۇرەكتىلىكپەن توپ جارۋ، سىناپ كورۋ سىندى رەفورما رۋحى، ءدال جينفىڭ عىلىم - تەحنيكا سەرىكتەستىگىنىڭ ەڭ باعالى رۋحاني بايلىعى جانە كاسىپورىن ءداستۇرى. جينفىڭ عىلىم - تەحنيكا سەرىكتەستىگىنىڭ دامۋى «مەحانيزمدە جاڭالىق اشۋدان»، «باسقارۋ ۇلگىسىندە جاڭالىق اشۋدان»، «تەحنيكادا جاڭالىق اشۋدان» استە ايرىلا المايدى. بيىل جينفىڭ عىلىم - تەحنيكا سەرىكتەستىگى قۇرىلعاندىعىنىڭ 20 جىلدىعى، ءبىز ۇزدىكسىز جاڭالىق اشۋعا كۇش سالىپ، كاسىپورىننىڭ باسەكەلىك قۋاتىن ۇزدىكسىز جوعارىلاتامىز، - دەدى.
  باس شۋجي شي جينپيڭ رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا جاڭالىق اشۋ − رەفورما جاساۋدىڭ، ەسىك اشۋدىڭ جانى دەپ اتاپ كورسەتتى. ءۇرىمجى بانكەسىنىڭ ورىنباسار باستىعى جاڭ شين بىلاي دەدى: ءۇرىمجى بانكەسى ناقتى ەكونوميكاعا قىزمەت وتەۋدى رەفورما جاساۋمەن، جاڭالىق اشۋمەن، قۇرىلىمدى جاڭالاپ، دەڭگەيىن وسىرۋمەن تىعىز ۇشتاستىرىپ، حاۋىپ - قاتەر تىزگىندەلەتىن شارت - جاعدايدا فينانستىق قىزمەت وتەۋ مەن ونىمدەردى الدىمەن ىسكە قوسىپ، الدىمەن سىناق ەتۋدى ىلگەرىلەتۋدى قاراستىرىپ، ءۇرىمجىنىڭ جاڭا كەزەڭدىك سىرتقا ەسىك اشۋىنا پارمەندى تىرەك ازىرلەيدى.
  پارتيانىڭ مەيىر - شاپاعاتىن ەستە بەرىك ساقتاپ، العا باسۋ قادامىمىزدى استە توقتاتپايمىز
  «العا باسۋ جولىندا، ءبىز، ءسوز جوق، جالپىلىق مەنشىكتەگى شارۋاشىلىقتى ەش بۇلجىماي بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىن ەش بۇلجىماي شابىتتاندىرۋىمىز، قولداۋىمىز، جەتەكتەۋىمىز كەرەك...». 12 - ايدىڭ 18 - كۇنى كەڭسەدە رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىنىڭ ۇستىنەن تاراتىلعانىن كورىپ وتىرعان حۋاليڭ توبىنىڭ باس جوراسى مي ىنحۋا وسى ءسوزدى ەستىگەندە قاتتى اسەرلەنىپ بىلاي دەدى: باس شۋجي شي جينپيڭنىڭ ءسوزى پارتيا مەن مەملەكەتتىڭ حالىقتىق كاسىپورىنداردى قولدايتىندىعىن، مويىندايتىندىعىن جانە شابىتتاندىراتىندىعىن بىلدىرەدى، ءبىز پارتياعا العىس ايتۋىمىز، وتانعا العىس ايتۋىمىز، مىناۋ ۇلى داۋىرگە العىس ايتۋىمىز كەرەك. حۋاليڭ توبى بازار ورنىن جالعا بەرۋ، ساۋدا زات اينالىمى سياقتى نىسانداردى ۇزدىكسىز جاقسى ىستەۋمەن بىرگە، حالىقارالىق بازار باسەكەسىنە ىرىقتىلىقپەن ات سالىسىپ، شينجياڭ ەكونوميكاسىنىڭ، قوعامىنىڭ دامۋىنا كۇش قوسادى.
  رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسى رەفورما اتويشىسى اتاعىنىڭ 100 يەگەرىن جانە جۇڭگو رەفورما دوستىق مەدالىنىڭ 10 يەگەرىن ماداقتادى - سيلادى، بۇل شينجياڭ رۇييۋان ءسۇت شارۋاشىلىعى شەكتى سەرىكتەستىگىنىڭ باس جوراسى يۇي رۇيحۇڭدى ايرىقشا جىگەرلەندىردى، ول بىلاي دەدى: ولاردىڭ جەتىستىگى ماعان ونان ارى العا باسۋدىڭ قوزعاۋشى كۇشىن بەردى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، رۇييۋان ءسۇت شارۋاشىلىعى جەلكەن جايىپ، ۇدەرە العا تارتىپ، اناعۇرلىم حاۋىپسىز، اناعۇرلىم اقاۋسىز، اناعۇرلىم ءدامدى ەرەكشە ءسۇت ونىمدەرىن ءوندىرىپ، ونىمدەرىن بۇكىل ەلگە تانىستىرۋعا قۇلشىنادى.
  شينجياڭ گوتاي شينحۋا كەن شارۋاشىلىعى جارنا شەكتى سەرىكتەستىگى پارتكومىنىڭ شۋجيى ۋاڭ شياڭياڭ بىلاي دەدى: «تۇنىق سۋ مەن جاسىل تاۋ − قىمباتتى بايلىق» ۇستانىمىن، ءسوزسىز، بەرىك ورناتىپ، جاسىل شارۋاشىلىقتى قۇلشىنا دامىتىپ، ءوندىرىس جابدىقتارىن ساپالىلاندىرىپ، لاستانۋدى جونگە سالۋ قىزمەتىن ويداعىداي يگەرىپ، تۇنىق سۋ، جاسىل تاۋدى، اشىق اسپاندى ويداعىداي قورعايمىز ءارى وڭىرلىك ارتىقشىلىقتى دۇرىس تاۋىپ، كاسىپ تىزبەگىن ۇزارتامىز.
  (تىلشىلەرىمىز ما ينيڭ، ۋاڭ يۇڭفەي، شى شين، چىن چياڭۋي، لۋ فىڭباۋ، ياڭ شۋحان، ميھىرگۇل ناسىر، ەرىكتى ءتىلشى ۋاڭ چيانشي) 


بەرىپ كەت ورامالىڭدى

دوستار

الىستاعى اق ەركە