جاڭا حابارلار

اۆتونوميالى رايوندىق ءتارتىپ تەكسەرۋ باقىلاۋ-تەكسەرۋ كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان 6 تيپتىك ماسەلەنى اشىق اشكەرەلەدى

    كەلۋ قاينارى: شينجياڭ حالىق راديو ىستانسياسى    2018-12-26 10:56:02  
ستانسيامىزدىڭ حابارى: تاياۋدا، شينجياڭ ۇيعۇر اۆتونوميالى رايوندىق ءتارتىپ تەكسەرۋ باقىلاۋ-تەكسەرۋ كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان 6 تيپتىك ماسەلەنى اشىق اشكەرەلەدى، بۇل 6 تيپتىك ماسەلە مىنالار:
قوبىقسارى اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ بۇرىنعى ساياسي جەتەكشىسى، اۆتوكولىك باسقارۋ ورنىنىڭ بۇرىنعى باستىعى چىن گوحۋانىڭ ەرەجەگە قايشىلىق جاساپ، تارتۋ-تارالعى، اقشا الۋ سياقتى ماسەلەسى. 2013-جىلى 9-ايدان 2018-جىلى شاعان مەرەكەسىنە دەيىن، چىن گوحۋا باسقارۋ جانە قىزمەت وتەۋ وبيەكتىلەرى ۇسىنعان جالپى قۇنى 20 مىڭ يۋاندىق تارتۋ-تارالعى، تۇتىنۋ كارتچكاسى سياقتىلاردى قابىلداعان؛ باسقارۋ جانە قىزمەت وتەۋ وبيەكتىلەرىنە دوس-جاراندارىنا ءجايعان تالاي رەتكى قوناعاسىنىڭ اقشاسىن تولەتكىزىپ، جەكە كولىگىنە ماي قۇيعىزعان؛ مۇنان باسقا، چىن گوحۋادا باسقا دا تارتىپكە اۋىر قايشىلىق جاساۋ ماسەلەسى ساقتالعان. 2018-جىلى 10-ايدا، چىن گوحۋاعا پارتيادان ايداۋ، اكىمشىلىك مىندەتىنەن قالتىرۋ جازاسى بەرىلىپ، تارتىپكە قايشىلىق جاساپ العان تابىسى تولىق قايتارىلىپ الىندى.
ءۇرىمجى قالالىق ساۋداگەر شاقىرۋ، قىزمەت وتەۋ ورتالىعىنىڭ بۇرىنعى مەڭگەرۋشىسى ابىلەميت ياحۇپتىڭ باسقارۋ وبيەكتىسى ورنالاستىرعان ساياحاتتى، قوناعاسىنى قابىلداۋ ماسەلەسى. 2017-جىلى 4-ايدا، ابىلەميت ياحۇپ باسقارۋ، قىزمەت وتەۋ كاسىپورندارىنىڭ ورنالاستىرۋىن قابىلداپ، بەيجيڭدە 5 كۇن ساياحاتتا بولعان، وسى كاسىپورىن ونىڭ قونالقى، قاتىناس، ەسىك بەلەتى سياقتى جيىنى 40 مىڭ يۋان قاراجاتىن تولەگەن؛ 2017-جىلى 9-ايدا، ابىلەميت ياحۇپ باسقارۋ، قىزمەت وتەۋ كاسىپورنىنىڭ وزىنە ارناپ ورنالاستىرعان قوناعاسىنا قاتىناسقان، وعان جيىنى 5 مىڭ 300 يۋان جۇمسالعان. مۇنان باسقا، ابلەميت ياحۇپتا باسقا دا تارتىپكە قايشىلىق جاساۋ ماسەلەسى ساقتالعان. 2018-جىلى 10-ايدا، ابلەميت ياحۇپقا پارتيا ىشىندە ءبىر جىل بايقاۋ، اكشىمشىلىك مىندەتىنەن قالتىرۋ جازاسى بەرىلدى.
اۋات اۋدانى ايباق اۋىلدىق ساقشى بولىمشەسىنىڭ بۇرىنعى ورىنباسار باستىعى جي ۋانحۇڭنىڭ ەرەجەگە قايشىلىق جاساپ، «ءۇي كوشۋ قوناعاسىن» بەرىپ، تارتۋ-تارالعى الۋ ماسەلەسى. 2017-جىلى 12-ايدىڭ 31-كۇنى، جي ۋانحۇڭ «ءۇي كوشۋ قوناعاسىن» بەرىپ، باسقارۋ جانە قىزمەت وتەۋ وبيەكتىلەرىنە داستارقان جايعان ءارى ولاردان 31 مىڭ يۋان تارتۋ العان، بۇدان سىرت، جي ۋانگۇڭدا باسقا دا تارتىپكە قايشىلىق جاساۋ ماسەلەسى ساقتالعان. 2018-جىلى 10-ايدا، جي ۋانحۇڭعا پارتيا ىشىندە ءبىر جىل بايقاۋ، اكشىمشىلىك مىندەتىنەن قالتىرۋ جازاسى بەرىلىپ، تارتىپكە قايشىلىق جاساپ العان تابىسى قايتارىلىپ الىندى.
موڭعۇلكۇرە اۋداندىق قازىنا مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى تۇرعانجان ناسىر مەن پارتگرۋپپاسىنىڭ ورىنباسار شۋجيى، مەكەمەسى باستىعى لي حايتاۋدىڭ بەلگىلەمەگە قايشىلىق جاساپ قوسىمشا قاراجات تاراتۋ ماسەلەسى. 2015-جىلى 2-ايدان 2017-جىلى 12-ايعا دەيىن، موڭعۇلكۇرە اۋداندىق قازىنا مەكەمەسى بەلگىلەمەگە قايشىلىق جاساپ جىلدىق باعالاۋدا 73 مىڭ 800 يۋان قىزمەت ناتيجەسى سيلىق اقشاسىن تاراتقان، تۇرعانجان ناسىر مەن لي حايتاۋ قىزمەت مىندەتىن دۇرىس اتقارماعان، بەلگىلەمەگە قايشىلىق جاساپ قوسىمشا قاراجات تاراتۋ ماسەلەسىندە نەگىزگى باسشىلىق جاۋاپكەرلىكتى ارقالايدى. 2018-جىلى 10-ايدا، تۇرعانجان ناسىر مەن لي حايتاۋعا جەكە-جەكە پارتيا ىشىندە ەسكەرتۋ جازاسى بەرىلىپ، بەلگىلەمەگە قايشىلىق جاساپ تاراتقان قارجى تۇگەلدەي اداقتاپ قايتارىپ الىندى.
شەريا اۋدانى داماگۋ اۋىلدىق ورتا مەكتەپتىڭ باستىعى ٵلىمجان ابدىمومىننىڭ كەڭسەنى بەلگىلەمەدەن اسىرىپ پايدالانۋ ماسەلەسى. 2015-جىلى 10-ايدان 2018-جىلى 7-ايعا دەيىن، ءالىمجان ابدىمومىننىڭ پايدالانعان كەڭسەسى بەلگىلەمەدەگى ولشەمنەن اسىپ كەتكەن. بۇدان سىرت، الىمجان ابدىمومىندا، باسقا دا تارتىپكە قايشىلىق جاساۋ ماسەلەسى ساقتالعان. 2018-جىلى 8-ايدا، ءالىمجان ابدىمومىنعا پارتيا ىشىندە قاتاڭ ەسكەرتۋ جازاسى بەرىلدى.
قاعىلىق اۋدانى چيپان اۋىلى ىلىنىس قىستاعى پارتيا ياچەيكاسىنىڭ شۋجيى اكبار مامەتتىڭ بەلگىلەمەگە قايشىلىق جاساپ، باسقارۋ، قىزمەت وتەۋ وبيەكتىلەرىنىڭ قوناعاسى مەن تۇتىنۋى جوعارى كوڭىل اشۋ قيمىلدارىن قابىلداۋ ماسەلەسى. 2015-جىلى 12-ايدا، اكبار مامەت بەلگىلەمەگە قايشىلىق جاساپ، باسقارۋ، قىزمەت وتەۋ وبيەكتىلەرىنىڭ جاقىنداسۋ ءۇشىن ۇيىمداستىرعان قوناعاسىنا بارىپ، اراق ءىشۋ، ءان ايتۋ سياقتى تۇتىنۋى جوعارى كوڭىل اشۋ قيمىلدارىن قابىلداپ، ناشار قوعامدىق ىقپال تۋدىرعان. بۇدان سىرت، اكپار مامەتتە باسقا دا تارتىپكە قايشىلىق جاساۋ ماسەلەسى ساقتالعان. 2018-جىلى 7-ايدا، اكپار مامەتكە پارتيا ىشىندە قاتاڭ ەسكەرتۋ جازاسى بەرىلدى.

بەرىپ كەت ورامالىڭدى

دوستار

الىستاعى اق ەركە