جاڭا حابارلار

شينجياڭ استىعىنىڭ باعاسى قىمباتتادى، ماقتانى ماشينامەن تەرۋدىڭ وزىندىك قۇنى تومەندەي باستادى

    كەلۋ قاينارى: شينجياڭ گازەتى    2018-12-26 14:18:05  

رايونىمىز اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى كورنەكتى تابىستارعا قول جەتكىزدى

 ءتىلشىمىز ليۋ ي 12 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىق، اۋىل - قىستاق مەڭگەرمەسىنەن ۇعىسۋعا قاراعاندا، بيىل بۇكىل رايونىمىز استىقپەن، ماقتامەن قامداۋ ساپاسىن جانە ونىمدىلىگىن جوعارىلاتۋدى نەگىزگى قامال الۋ باعىتى ەتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ءۇرتىس تەرەڭدەتىپ، بازاردىڭ قالىپتى سۇرانىسىن قاناعاتتاندىرۋ نەگىزىندە استىق، ماقتا وندىرىسىندە «سانعا» ءمان بەرۋدەن «ساپاعا» ءمان بەرۋگە قاراي بۇرىلىس جاساۋدى ىلگەرىلەتكەن. 
  اۆتونوميالى رايوندىق اۋىل شارۋاشىلىق، اۋىل - قىستاق مەڭگەرمەسىنىڭ ەگىنشىلىك كاسىبى جانە اۋىل شارۋاشىلىق دارىلەرىن باسقارۋ باسقارماسىنىڭ ورىنباسار باستىعى تاڭ ي - ۋ بىلاي دەپ تانىستىردى: بيىل بۇكىل رايونىمىز سەلەن قۇرامى مول، ورگانيكالى، تالشىقتى ءبيدايدى ولشەمدەستىرىپ ءوندىرۋدى جانە ايگىلى ماركاداعى رەتسەپتى ۇن جاساۋ سىناق ءتۇيىنىن بەلسەنە ىلگەرىلەتىپ، تۇتاس جىلدا سەلەن قۇرامى مول، ورگانيكالى، تالشىقتى ءبيدايدىڭ جيىنى 3 ەگىنشىلىك تەحنيكاسى ءتارتىبىن جانە بازاردىڭ دامۋ جاعدايىنا تالداۋ جاسالعان 4 باياندامانى دايىنداپ، ءبيداي ءوندىرىسىنىڭ كوپ نەگىزدەنۋى ءۇشىن دامۋ نەگىزىن قالادى.
  «بۇل ۇنداردىڭ ەكونوميكالىق ونىمدىلىگى ەرەكشە جوعارى». تاڭ ي - ۋ بىلاي دەپ تانىستىردى: بيىل شونجى اۋدانى بانجيەگوۋ قالاشىعى ياۋجانزى قىستاعى وندىرگەن «ياۋجانزى» ماركالى ورگانيكالى ۇننىڭ ساتىلۋ باعاسى ادەتتەگى ۇنداردىڭ بولشەك ساتىلۋ باعاسىنان 7 ەسە قىمبات بولدى، ورگانيكالى، قولدا جاسالعان ءشي كەسپەلەردىڭ ءار كيلوگرامىنىڭ باعاسى 40 يۋانعا جەتتى، ونىمدەرى بۇكىل ەلىمىزدەگى 31 ولكە، رايون، قالادا ساتىلدى، قامداۋ قاجەتسىنۋدى قاناعاتتاندىرا المادى. رايونىمىزداعى ۇن مانەرلەيتىن كەيبىر كاسىپورىندار لاعمان ۇنى، نان ۇنى، سيىر ەتى كوجە ۇنى سياقتى شينجياڭ ەرەكشەلىگىنە يە ازىقتىق ارناۋلى ۇندارىن زەرتتەپ ءوندىرىپ، ارناۋلى ۇن وندىرىسىندەگى بوستىقتى تولدىردى.
  بۇكىل رايونىمىزداعى تاعى ءبىر مول اۋىل شارۋاشىلىق ءونىمى بولعان ماقتا وندىرىسىندە تۇتاس كاسىپ تىزبەگىنىڭ ساپاسىن ءوسىرىپ، وزىندىك قۇنىن تومەندەتىپ، ونىمدىلىگىن ارتتىرۋدى ىلگەرىلەتۋ وي جەلىسى بويىنشا، كاسىپ سالاسىنىڭ بيىگىنە قاراي قانات قاقتى.
  ساۋان اۋداندىق نۇڭكى جينيۋە اۋىل شارۋاشىلىق ماشينالارى، شارۋالار كاسىپتىك سەلبەستىك كووپەراتيۆى بىرلەسكەن كووپەراتيۆىنىڭ القا باستىعى حان بو بىلاي دەپ تانىستىردى: بيىل سەلبەستىك كووپەراتيۆىمىز ماقتا تەرەتىن جاڭا تيپتەگى ماشينا ەنگىزدى، بۇل ماقتانىڭ شاش سياقتى تالشىقتارمەن لاستانۋىنىڭ الدىن الادى، جەكە وسى ءبىر ءتۇردىڭ ءوزى ماقتا ەگەتىن شارۋالاردىڭ ءار مۋدان الاتىن كىرىسىن 100 يۋان شاماسىندا ارتتىرادى. ماقتا تەرەتىن جاڭا تيپتەگى ماشينا ءبىر كۇندە 800 مۋ جەردىڭ ماقتاسىن تەرەدى.
  تاڭ ي - ۋ بىلاي دەدى: ساۋان اۋدانىنىڭ ماقتامەن قامداۋ جاعىنداعى قۇرىلىمدىق رەفورماسىنىڭ سىناق تۇيىندەرىندە ماقتانى ماشينامەن تەرۋدىڭ وزىندىك قۇنى ءار مۋدا ورتا ەسەپپەن 1300 يۋانعا ءتۇستى، سىناق ءتۇيىنى بولماعان جەرلەرمەن سالىستىرعاندا، وزىندىك قۇن ۇسىنىلىمى 400 يۋان دا 900 يۋان از بولدى. بيىل سولتۇستىك شينجياڭداعى ماقتا وندىرەتىن باستى جەرلەر ماقتانى ماشينامەن تەرىپ، وزىندىك قۇندى تومەندەتۋ جانە زەردەلىلەنگەن ەگىنشىلىك ءوندىرىس سىناق ءتۇيىنىن قۇرىپ، سىناق تۇيىندەرىنەن پايدالانىپ، ماشينامەن تەرىلگەن ماقتانى كەپتىرمەستەن تازالاپ الۋ تەحنيكاسىنىڭ ءتارتىبىن قالىپتاستىرىپ، ماشينامەن تەرىلگەن ماقتانىڭ وزىندىك قۇنىن ۇنەمدەپ، ساپاسىن ءوسىرىپ، ونىمدىلىگىن ارتتىرۋدى اناعۇرلىم جەبەدى. وڭتۇستىك شينجياڭداعى ماقتا وندىرەتىن كەيبىر جەرلەر ءىرى باستاماشى كاسىپورىنداردىڭ شارۋالاردىڭ جەرىنەن كەڭ كولەمدى وتكەرمەلەپ الۋىنان پايدالانىپ، ماقتانى ۇيلەسىمدى كولەمدەندىرىپ ەگۋدى ىلگەرىلەتىپ، وڭتۇستىك شينجياڭدا ماقتانى ماشينامەن تەرۋدى جالپىلاستىرۋعا نەگىز قالادى.
  نازار اۋدارۋعا تاتيتىنى، بيىل بۇكىل رايونىمىزدا جۇگەرى وندىرىسىندە دە تىڭ وزگەرىستەر تۋىلدى. بۇكىل رايونىمىز جۇگەرى، ەرەكشە جۇگەرى جانە جارعاقسىز جۇگەرى ءوندىرىسى سىناق تۇيىندەرىن قۇرىپ، 5 ءوندىرىس تەحنيكاسى ءتارتىبىن جانە 5 ەكونوميكالىق ونىمدىلىككە، سونداي - اق بازاردى كەڭەيتۋگە تالداۋ جاساۋ بايانداماسىن دايىندادى. تاڭ ي - ۋ بىلاي دەپ تانىستىردى: ءوندىرىس سىناق تۇيىندەرىن قۇرۋ ارقىلى، كەيبىر سىناق تۇيىندەرىندە جارعاقسىز جۇگەرى مەن جارعاق جابىلعان جۇگەرىنىڭ بىرلىك ءونىمى 100 كيلوگرام شاماسىنا ازايىپ، جۇگەرىنى قورشاعان ورتانى قورعاپ، وزىندىك قۇنىن تومەندەتىپ ەگۋ ۇلگىسىن تاپتى، مۇنى كەڭ كولەمدە جالپىلاستىرۋعا بولادى. كەيبىر جەرلەر جۇگەرى كاسىبىن ارقاۋ ەتىپ، تازا جۇگەرى ۇنىن جانە جۇگەرى ۇنى جەلىلەس ونىمدەرىن زەرتتەپ ءوندىردى، دامدەندىرگىش، قارا استىق، جاي ازىقتىق سياقتى جۇگەرىدەن جىنتىكتەي مانەرلەنگەن ونىمدەردى ارت - ارتىنان زەرتتەپ جاسادى، جۇگەرى شارۋاشىلىعىنىڭ كاسىپ تىزبەگى ۇزدىكسىز ۇزارىپ، قوسىمشا قۇنى اناعۇرلىم ارتتى.


بەرىپ كەت ورامالىڭدى

دوستار

الىستاعى اق ەركە