جاڭا حابارلار

قاشقار جاڭا ءشار اۋداندىق 2-باستاۋىش مەكتەپ ۇلتتار ىنتىماعى قىزمەتىن كۇندەلىكتى وقىتۋ قىزمەتىمەن ۇشتاستىردى

    كەلۋ قاينارى: شينجياڭ حالىق راديو ىستانسياسى    2018-12-30 10:14:01  
ستانسيامىزدىڭ ءتىلشىسى چىن جۇيليدىڭ حابارى: قاشقار جاڭا ءشار اۋداندىق 2-باستاۋىش مەكتەپ ۇلتتار ىنتىماعى قىزمەتىن كۇندەلىكتى وقىتۋ قىزمەتىمەن ۇشتاستىرىپ، وقۋشىلاردىڭ ارالاسۋ، ىشتەسۋ، توعىسۋ بارىسىندا ءوزارا قولعابىس ەتەتىن جاقسى دوستاردان بولۋىنا مۇمكىندىك جاسادى.
ارناۋلى تاقىرىپتاعى كلاس ءماجىلىسىنىڭ ۋاقىتىنان پايدالانىپ، قاشقار جاڭا ءشار اۋداندىق 2-باستاۋىش مەكتەپ 4-جىلدىق 1-كلاسىنداعى وقىتۋشى-وقۋشىلار 3 ساباقتاستىڭ 10 جاسقا كەلگەن تۋعان كۇنىن توپتىق وتكىزدى. وقۋشى ابدۇسالام تۇرعۇن: «كوپ ساباقتاستارىم ماعان ساۋعا ۇسىنىپ، تاماشا تىلەك ءبىلدىردى، ەرەكشە قۋانىشتىمىن، ءارى وتە باقىتتمىن»،-دەدى.
قاشقار جاڭا ءشار اۋداندىق 2-باستاۋىش مەكتەپ اپتا سايىنءارقايسى جىلدىقتار بويىنشا «قولداسۋ، ءبىر ءۇيلى جاندار» ارناۋلى تاقىربىندا ءتۇرلى مازمۇنداعى تاقىرىپتىق كلاس ءماجىلىسىن اشادى، وسى بارىستا ءار ۇلت وقۋشىلارىنىڭ سۇيىسپەنشىلىگى اناعۇرلىم تەرەڭدەدى. سونىمەن بىرگە، مەكتەپ تاعى وقۋشىلاردى جىلدىقتار ارا، كلاستار ارا تانىسىپ جاقسى دوستاردان بولۋعا شابىتتاندىردى، بارلىعى 4-جىلدىقتىڭ وقۋشىسى، الايدا، ۇقساماعان كلاستارداعى ءتاي لەي، انسايراڭدوجە، شيامشيدەن ەكى ەلى ايىرىلمايتىن جاقسى دوستار. انسايراڭدوجە وقۋدا جاقسى، ول وسى 3 ادامدىق ۇيرەنۋ گرۋپپاسىنىڭ باستىعى بولدى، شيامشيدەن دەنە-تاربيە ساباعىنا مىقتى، ول ۇنەمى كوپشىلىكتى باستاپ باسكەتبول وينايدى، انسايراڭدوجە بىلاي دەدى: «ءار جولى ساباقتان تۇسكەندە باسىمىز قوسىلا قالادى، ول تۋعان كۇنىن وتكىزگەندە ءبىز ونىڭ ۇيىنە بارىپ وعان ساۋعا ۇسىنىپ، ونىمەن بىرگە تاماقتاندىق، قار جاۋعاندا بىرلىكتە قار اتىسىپ وينايمىز، ءارى قاردان ادام جاسايمىز».
قازىر، قاشقار جاڭا ءشار اۋداندىق 2-باستاۋىش مەكتەپتەگى 55 كلاستاعى 2 مىڭ 607 وقۋشىنىڭ بارىندە سەرىكتەسكەن جاقسى دوستارى بار، بالالاردىڭ دوستىق سۇيىسپەنشىلىگى اتا-انالارعا ونان ارى ىقپال جاسادى.
6-جىلدىق 8-كلاستىڭ وقۋشىسى حۋ ي-جيانىڭ ءۇيى نەداۋىر الىستا بولعاندىقتان، ۇنەمى كوڭىل جەتەر دوسى شيەيداي مامەتاليدىڭ ۇيىنەن تاماقتانادى، بارىس-كەلىستەن كەيىن ەكى وتباسى دا ءبىر-بىرىنە جاقىن بولىپ كەتتى، ۇنەمى ۋادەلەسىپ قويىپ، اپتا سوڭىندا قالا ماڭىنا بارىپ ساياحاتتاپ تاماقتانىپ قايتادى. شيەيدايدىڭ شەشەسى گۇلنيسا مامەت بىلاي دەدى: «ۇلكەندەر دە جاقسى دوسپىز، ولاردىڭ بالاسى كوڭىلدى جۇرسە، ءبىز دە قۋانامىز. شاعان كەزىندە ءوزارا شاعانشىلايمىز، وتە جاقسى ارالاسامىز».
قاشقار جاڭا ءشار اۋداندىق 2-باستاۋىش مەكتەپتىڭ باستىعى دۋان چاڭفىڭ بىلاي دەدى: «مەكتەپتە 3 مىڭعا تاياۋ وقىتۋشى-وقۋشى بار، 12 ۇلتتان قۇرام تاپقان. قولداسۋ قىزمەتىنىڭ ناتيجەسىندە بالالار بۇرىنعىدان دا جاقسى ارالاسىپ، تۇرمىستا، ويناعاندا، ۇيرەنۋدە بىرگە بولادى، ۇقساماعان ۇلت وتباسىنداعى اتا-انالار ءوزارا ءتۇسىنىسىپ، تۇتاس قوعامنىڭ ۇلتتار ىنتىماعىن جەبەدى».

بەرىپ كەت ورامالىڭدى

دوستار

الىستاعى اق ەركە