جاڭا حابارلار

رايونىمىزدىڭ جەر-جەرى جاڭا جىلدى قارسى الىپ، جەلىلەس تاقىرىپتىق قيمىلداردى وتكىزىپ، ءار ۇلت حالقىنىڭ رۋحاني-مادەني تۇرمىسىن بايتتى

    كەلۋ قاينارى: شينجياڭ حالىق راديو ىستانسياسى    2018-12-31 09:45:01  
ستانسيامىزدىڭ جيناق حابارى: 2019-جىلعى جاڭا جىل قارساڭىندا، رايونىمىزدىڭ جەر-جەرى مادەنيەتتى اۋىلعا جەتكىزۋ قيمىلى، «ۇلتتار ىنتىماعىنىڭ بەرەكەلى شاڭىراعىندا» بىرلەسكەن دوستىق قيمىلى سياقتى ءتۇرلى فورماداعى مادەني كوڭىل اشۋ قيمىلدارىن وتكىزىپ، ءار ۇلت حالقىنىڭ مەرەكە كەزىندەگى مادەني تۇرمىسىن بايتتى.
12-ايدىڭ 29-كۇنگى اقتاۋ اۋدانىنىڭ تۇڭعىش كەزەكتى وسپىرىمدەردىڭ جاڭا جىلدى قارسى الۋ بىرلەسكەن ساۋىق كەشىندە، «وتاندىق ىلىمگە ماداق»، «نۇر شاشقان قىزىل جۇلدىز»، «جۇڭگو سيمۆولى» سياقتى بالا باقشاسىنداعى وسپىرىمدەردىڭ ازىرىلەگەن 9 ويىن نومەرى ارت-ارتىنان قويىلىپ، كەشكى ويىن ساۋىقتى قىزۋ ورلەۋگە كوتەردى. اۋات اۋداندىق بالا تاربيەسى ورتالىعىنىڭ ەرەسەك بالالار ءۇشىنشى كلاسىنداعى ءبۇلدىرشىن ءدىلنۇر ازامات: «بۇگىن وسى قيمىلعا قاتىناسىپ، ەرەكشە قۋاندىم، دوستارىممەن بىرگە ءان ايتىپ، ءبي بيلەپ، ويىن ويناپ، وتە كوڭىلدى بولدىم. جاڭا جىلدارىڭىز قۇتتى بولسىن!»-دەدى.
بىرنەشە كۇننەن بەرى، قاشقار قالالىق راديو-كينو-تەلەۆيزيا مەكەمەسى داۋلەتباع اۋىلىنىڭ اقياربىشى قىستاعىندا «ءبىزدىڭ جۇڭگو ارمانىمىز اتىنداعى كينونى وتباسىلارىنا جەتكىزۋ» تاقىرىپتىق كينو قويۋ قيمىلىن وتكىزىپ، كلاسسيكالىق كينولاردى قىستاق تۇرعىندارى ۇيلەرىنىڭ قاسىندا كورە الاتىن بولدى. وسى رەتكى قيمىل ـــ كينو قويۋ فورماسىمەن، رەفورما جاساپ، ەسىك اشقان 40 جىلدان بەرگى ەلىمىزدىڭ ءتۇرلى كاسىپتەرىنىڭ دامۋىنداعى ۇلى جەتىستىكتەردى ايگىلەۋدى ماقسات ەتتى، وسى رەت «دىڭ شياۋپيڭ»، «سايىس ارلانى»، «قىزىل تەڭىزدەگى ارەكەت» «پاميرداعى جاس كەلىن» سياقتى رەفورما جاساپ، جاڭالىق اشۋ، مەملەكەتتى، ارميانى قۇدىرەتتەندىرۋ سياقتى كىسىگە جىگەر بەرەتىن مازمۇنىنداعى شينجياڭنىڭ جەرگىلىكتى ەرەكشەلىگى ايگىلەنگەنءبىر توپ كلاسسيكالىق كينو شوعىرلى قويىلادى. كينو قويۋشى ارمان ابىلەز: «وسى رەت كينو قويۋ قيمىلىن وتكىزۋ ارقىلى ديقانداردىڭ جاڭا جىل قارساڭىندا، كينو كورىپ، كوز ايالارىنىڭ كەڭەيۋىنە مۇمكىندىك جاساماقشىمىز، ەلىمىزدە جاسالعان تاڭداۋلى كينولاردى تاڭداپ اكەلدىك، مۇنداعى ماقسات: «ءبىرى، ديقان دوستارعا نەشە ون جىلدان بەرگى ەلىمىزدىڭ دامۋىن ۇعىندىرۋ بولسا، ەندى ءبىرى، ۇلتتار ىنتىماعىن نىعايتىپ، وتاندى شىنايى مويىنداۋدى كۇشەيتۋ»،-دەدى.
بۇراتالا قالاسى بىلىنحارمودون اۋىلى ورمىكجيدە قىستاعىندا، بۇراتالا قالالىق باۋ-باقشا مەكەمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاققا تۇسكەن قىزمەت اترەتى «قىستاق تۇرعىندار كوميتەتىمەن جانە قىستاق پارتيا ياچەيكاسىمەن» بىرلەسىپ، جاڭادان اشقان مادەنيەت قيمىل ۇيىندە جاڭا جىلدى قارسى الۋ، «ۇلتتار ىنتىماعىنىڭ بەرەكەلى شاڭىراعىندا» اتىنداعى سۇيسپەنشىلىكتى تەرەڭدەتىپ، اۋىس-كۇيىس جاساۋ بىرلەسكەن دوستىق قيمىلىن وتكىزىپ، مەرەكەلىك تۇسكە ەنگەن كوڭىلدى ورتا جاراتىپ، مەرەكەنى قارسى الىپ، جۇرت جۇرەگىن توعىستىردى. قىستاق تۇرعىنى لي ۋ-فىڭ بىلاي دەدى: «ءبىر جىلدان بەرى، قىزمەت اترەتىنىڭ، سونداي-اق ›قىستاق تۇرعىندار كوميتەتىنىڭ جانە قىستاق پارتيا ياچەيكاسىنىڭ‹ بىرلىكتە قۇلشىنۋىندا، قىستاعىمىزدا زور وزگەرىس بولدى. بۇگىن جاڭادان سالىنعان مادەنيەت قيمىل ۇيىندە باس قوستىق، وبلىستىق ءان-ءبي ۇيىرمەسى تارتىمدى ويىن نومىرلەرىن قويىپ، بىزبەن بىرگە شاتتىققا شومدى، وتانىمىزدىڭ بۇرىنعىدان دا گۇلدەنىپ-كوركەيۋىن، قۇدىرەتتەنۋىن تىلەيمىن».

بەرىپ كەت ورامالىڭدى

دوستار

الىستاعى اق ەركە