جاڭا حابارلار

رايونىمىزدىڭ جەر-جەرى باي مازمۇندى مادەني قيمىلدار وتكىزىپ، جاڭا جىلدى قارسى الىپ، بىرلىكتە قۇتتىقتادى

    كەلۋ قاينارى: شينجياڭ حالىق راديو ىستانسياسى    2019-01-01 09:17:37  
ستانسيامىزدىڭ جيناق حابارى: 2019-جىلعى جاڭا جىل قارساڭىندا، رايونىمىزدىڭ جەر-جەرىندەگى ءار دارەجەلى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاققا تۇسكەن قىزمەت اترەتتەرى باي مازمۇندى مادەنيەت، دەنە-تاربيە قيمىلدارىن وتكىزىپ، قىستاق تۇرعىندارىمەن بىرلىكتە جاڭا جىلدى قارسى الدى، ءار ۇلت كادرلارى مەن بۇقاراسى اسقاقتاتا سالعانءان اۋەنىمەن وتانعا ىزگى تىلەكتەرىن ءبىلدىرىپ، ءبي بيلەپ، قۋانىشتى كوڭىل-كۇيىن جەتكىزىپ، وتاننىڭ گۇلدەنىپ-كوركەيۋىن، قۇدىرەتتەنۋىن، حالىقتىڭ باقىتتى، امان-ەسەن بولۋىن تىلەدى.
مەكىت اۋدانى قىزىلاۋات اۋىلىنىڭ ىنتىماق قىستاعىندا، قاشقار تاس جول باسقارۋ مەكەمەسى مەكىت بولىمشە مەكەمەسىنىڭ « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قسىتاققا تۇسكەن قىزمەت اترەتى قىستاق تۇرعىندارىمەن بىرگە « ۇلتتار ىنتىماعىنىڭ بەرەكەلى شاڭىراعىندا، جاڭا جىلدى بىرگە وتكىزەيىك» اتىندا ادەبيەت كوركەمونەر ويىندارىن قويدى. ءبي بيلەۋ، مۋزىكا اسپابىمەن ءان ايتۋ، كومەديا ورىنداۋ، ورتاق تىلدە لەكسيا جاساۋ سياقتى ەرەسەن تارتىمدى ويىن نومىرلەرى ولاردىڭ وتانعا دەگەن قىزۋ سۇيىسپەنشىلىگىن، باقىتتى تۇرمىسقا دەگەن القاۋىن ءبىلدىردى. قىستاق تۇرعىنى ءشىرالي تۇرادين: «ەرەكشە قۋانىشتىمىن، قىزمەت اترەتىنىڭ كومەگىندە، تۇرمىسىمىز كوپ وڭالدى، بۇل پارتيا مەن ۇكىمەتتىڭ قامقورلىعىنان ايىرىلا المايدى. كوپشىلىكتىڭ جاڭا جىلدارىنىڭ قۇتتى، ىستەرىنىڭ ىلگەرى بولۋىن تىلەيمىن»،-دەدى.
باي اۋدانىنىڭ كاڭچي اۋىلى ارال قىستاعىندا، قىستاق تۇرعىندارى ءساندى كيىنىپ، ايداعار ءبيى، ارىستان تالاستىرۋ، اعاشاياق ويىنى، ياڭگى ءبيى سياقتى جاڭا جىلدى قارسى الۋعا ارنالعان مەرەكەلىك ويىندار كوكتى كەرنەگەن بارابان ءۇنى ىشىندە قويىلدى. قىستاق تۇرعىنى امانسياگۇل: «قىستاعىمىز ساياحات اترەتىن قۇرعاننان كەيىن، كوپشىلىك اقشا تاپتى، توتەنشە قۋانىشتامىز. قازىر جاڭادان مەرەكەلىك ويىن قويۋ ۇيىرمەسى قۇرىلدى،وعان بەلسەنە،ىرىقتى قاتىناستىق، قىستاعىمىزدىڭ الداعى جاعدايىنىڭ بارعان سايىن جاقساراتىندىعىنا كامىل سەنەمىن»،-دەدى.
بۇرىن ارال قىستاعىنىڭ ەكونوميكاسىنىڭ دامۋى نەداۋىر كەنجە قالعان. 2018-جىلى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قسىتاققا تۇسكەن قىزمەت اترەتىنىڭ كومەگىندە، ىلگەرىندى-كەيىندى ءبىر ميلليون يۋاننان استام قارجى قوسىلىپ، اۋىل-قىستاق ساياحاتى دامىدى. تۇتاس جىلدا قابىلداعان ساياحاتشىنىڭ سانى 100 مىڭ ادامنان، ساياحات كىرىسى 3 ميلليون يۋاننان اسىپ، وتباسىلارىنىڭ ورتاشا ارتقان كىرىسى 7 مىڭ يۋاننىڭ ۇستىنە شىقتى. باي اۋداندىق قازىنا مەكەمەسىنىڭ ارال قىستاعىندا تۇراتىن ءبىرىنشى شۋجيى، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى حۇي جيانجۋاڭ: «2019-جىلى اۋىل شاۋاشىلىق كاسىپ قۇرىلىمىن رەتتەپ، ديحانداردىڭ كىرىستى ارتتىرۋ ارناسىن كەڭەيتەمىز؛ ساياحات پەن كەدەيلەردى سۇيەمەلدەۋدى بىرلەستىرۋ ۇلگىسى ارقىلى جەرگىلىكتى ديحانداردىڭ كىرىسىن ارتتىرىپ، اۋقاتتانۋىن جەبەيمىز»،-دەدى.
جاڭا جىل كەلگەن تۇستا، سانجى وبلىستىق وقۋ-اعارتۋ قىزمەت كوميتەتى، وقۋ-اعارتۋ مەكەمەسىنىڭ ماناس اۋدانى ماناس قالاشىعىنىڭ شيگۋان الەۋمەتتىك اۋماعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى «اۋەلگى ماقساتتى ۇمىتپاي، ۇدىرە العا تارتۋ» اتىنداعى جاڭا جىلدى قۇتتىقتاۋ، جاڭا جىلدى قارسى الۋ بىرىككەن دوستىق قيمىلىن وتكىزىپ، الەۋمەتتىك اۋماقتاعى 3 بۇقارالىق مادەنيەت كوركەمونەر ۇيىرمەسى كوپشىلىككە تارتىمدى كوركەمونەر ويىندارىن تارتۋ ەتتى. 2018-جىلى، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى نىسان قارجىسىنان 15 مىڭ يۋانعا قول جەتكىزىپ، مادەنيەت كوركەمونەر ۇيىرمەسىنە دىبىستىق اسپاپ، كيىم-كەشەك، مۋزىكا اسپابى سياقتىلاردى ساتىپ الىپ بەردى. پارتيا 19-قۇرىلتايى بايانداماسىنىڭ رۋحىن، ۇلتتار ىنتىماعىنىڭ بەرەكەلى شاڭىراعىندا، اۆتونوميالى رايوننىڭ حالىققا ءتيىمدى 9 ءتۇرلى ساياساتى سياقتىلاردى ارقاۋ ەتىپ، ادەبيەت-كوركەمونەر قيمىلدارىن الەۋمەتتىك اۋماققا جەتكىزۋدى جاپپاي ورىستەتتى. شيگۋان الەۋمەتتىك اۋماعى شياۋشيياڭ ادەبيەت-كوركەمونەر ۇيىرمەسىنىڭ مۇشەسى ۋاڭ يسۇي: «توتەنشە كوڭىلدىمىز، قۋانىشتىمىز، 2019-جىلى، بىزگە بەرىلگەن قارجىدان ويداعىداي پايدالانىپ، اناعۇرلىم جاقسى تاقىرىپتاعى ويىن نومىرلەرىن دايىندايمىز»،-دەدى.
بىرنەشە كۇننەن بەرى، جىڭ اۋدانى تولى قالاشىعى يۇڭجيحۋ قىستاعى مادەنيەت كەڭسەسىنىڭ ىشىنە ءتۇرلى شامدار ءىلىنىپ جانە بەزەندىرىلىپ، كوڭىلدى ۇندەر كوتەرىلىپ، ورتا دۋمانعا بولەندى. بۇراتالا وبلىستىق قازىنالىق باقىلاۋ مەكەمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاققا تۇسكەن قىزمەت اترەتى، تۋىستاسقان كادرلار تۇتاس قىستاقتاعى ءار ۇلت قىستاق تۇرعىندارىمەن مارە-سارە باس قوسىپ، جاڭا جىلدى بىرگە قارسى الدى، كوپشىلىك وزدەرى قۇراستىرىپ ورىنداعان ويىن نومىرلەرىمەن ۇلى وتاننىڭ وزگەرىسىن ىستىق ىقىلاسپەن جىرلاپ، كورىكتى مەكەننىڭ دامۋىن اسقاق ءان اۋەنىمەن ءبىلدىردى. بۇراتالا وبلىستىق قازىنالىق باقىلاۋ مەكەمەسىنىڭ كادرى سۇن پيڭ تۋىسى تاجىگۇل اجەيمەن قول ۇستاسا وتىرىپ، ويىن نومىرلەرىن بىرگە تاماشالادى. سۇن پيڭ: «جاڭا جىلدا تاجىگۇل اجەيدىڭ دەنساۋلىعىنىڭ مىقتى، وتباسىنىڭ باقىتتى بولۋىن تىلەيمىن. وتانىمىزدىڭ اناعۇرلىم گۇلدەنىپ-قۇدىرەتتەنۋىن، تۇرمىسىمىزدىڭ بۇرىنعىدان دا تاماشا، باقىتتى بولۋىن تىلەيمىن. ءار ۇلت حالقىنىڭ اناردىڭ دانىندەي تىعىز ۇيىسۋىن ءۇمىت ەتەمىن»،-دەدى.

بەرىپ كەت ورامالىڭدى

دوستار

الىستاعى اق ەركە