جاڭا حابارلار

اقسۋ ايماعى اۋىل-قىستاقتى كوركەيتۋگە، كەدەيلىكتەن قۇتىلدىرۋدان قامال الۋعا بەرىك نەگىز قالادى

    كەلۋ قاينارى: شينجياڭ حالىق راديو ىستانسياسى    2018-12-29 12:05:08  

اقسۋ راديو ستانسياسىنڭ ءتىلشىسى ليۋ شينجى، توقسۋ راديو ستانسياسىنىڭ ءتىلشىسى سىدىق ءمىجيت، اۋات راديو ستانسياسىنىڭ ءتىلشىسى دىڭ شياۋجوۋدىڭ حابارى: بيىل، اقسۋ ايماعىنىڭ جاڭادان جانە وزگەرتىپ جاساعان اۋىل-قىستاق تاس جولىنىڭ جالپى ۇزىندىعى 2293 كيلومەتر 400 مەترگە، جاسالىپ بولىپ اۆتوكولىك قاتىناعان تاس جول ءبىر مىڭ 840 كيلومەترگە جەتىپ، ەگىنشى-مالشىلاردىڭ ءجۇرىس-تۇرىس شارت-جاعدايىن بارىنشا جاقسارتىپ، اۋىل-قىستاقتى كوركەيتۋگە، كەدەيلىكتەن قۇتىلدىرۋدان قامال الۋعا بەرىك نەگىز قالادى.
بيىل توقسۋ اۋدانى اۋىل-قالاشىقتارداعى جولدارعا اسفاليت جاتقىزۋ مولشەرىن %100 كە، اۋىل-قىستاقتارعا اۆتوكولىك قاتىناۋ مولشەرىن %100 كە، اكىمشىلىك قىستاق جولدارىنا سەمەنت جاتقىزۋ مولشەرىن %100 كە جەتكىزدى. بيىل 7-ايدا، توقسۋ اۋدانى اۆتونوميالى رايوندىق « تورتتە جاقسى اۋىل-قىستاق تاس جولىنان» ۇلگى كورسەتۋ اۋدانىن ءساتتى قۇرىپ، اقسۋ ايماعى بويىنشا وسى اتاققا يە بولعان تۇڭعىش اۋدانعا اينالدى. توقسۋ اۋانى ءىش ارىق قالاشىعى لۇيفىڭيۋان ديحاندار كاسىپتىك كوپەراتيۆىنىڭ جاۋاپتىسى احىمەت تىلشىگە، قىستاقتا جاڭادان 3 كيلومەترلىك اسفاليت جول جاسالىپ، سىرتقا شىعۋلارىنا اناعۇرلىم قولايلى بولا تۇسكەنىن ايتا كەلىپ: «قىستاقتاعى ديحاندار ۇزاق جىل بويى كوكونىس ەگىپ كەلدى، بۇرىن اسفاليت جول جوق، تاسىمال بارىسىندا كوكونىستىڭ ساپاسى تومەندەپ، قاريدارلار ۇناتپايدى دا، جاقسى ساتىلمايتىن. اسفاليت جول جاسالعاننان كەيىن، ساۋدا جاساۋىمىزعا قولايلىلىق تۋىلىپ، كوكونىس ساتىپ الۋشىلار توتە كەلىپ كوكونىستى ساتىپ الىپ، كىرىسىمىز ارتتى»،-دەدى.

«اۋقاتتانۋ ءۇشىن، الدىمەن جول جاساۋ كەرەك». بيىل اقسۋ ايماعى تۇتاس ايماقتاعى اۆتونوميالى رايون دارەجەلى 59 اۋىر كەدەي قىستاقتا 358 كيلومەتر 68 مەترلىك اۋىل-قىستاق تاس جولىن جاساۋ مىندەتىن تىڭعىلىقتى ورىستەتىپ، مۇنى تولىق ورىنداپ بولدى. اۋات اۋدانىنىڭ باقتوعىراق اۋىلى ءدوڭمالى قىستاعى اۆتونوميالى رايون دارەجەلى اۋىر كەدەي قسىتاق، بۇرىن قىستاقتان شىعاتىن تاس جول ويلى-شۇڭقىر توپىراق جول ەدى، بيىل جەرگىلىكتى ۇكىمەت قىستاققا 5 كيلومەتر 700 مەتر ۇزىندىقتاعى كەڭ دە تەگىس اسفاليت جول جاساپ بەردى. جول ىركىلسسىزدەنگەننەن كەيىن، قىستاق بيىل اۋات اۋدانىنداعى بيانشينلۇڭ توقىما، كيىم-كەشەك شەكتى سەرىكتەستىگىن ەنگىزىپ، قىستاقتا 50 ادامدى كاسىپتەندىرە الاتىن شاعىن فابريكا قۇردى، ءارى كاسىپ كوزىن اشۋ شاعىن بازارىن اشتى. اقسۋ كاسىپتىك تەحنيكالىق شۋەيۋانىنىڭ ءدوڭمالى قىستاعىندا تۇراتىن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ مۇشەسى ءمۇتالىپ مۇسا: « قازىر قىستاقتاعى بارلىق جول اسفاليت جولعا اينالدى، قىستاق تۇرعىندارىنىڭ قىستاققا كىرىپ-شىعۋى، اۋىل شارۋاشىلىق ونىمدەرىن ساتۋى قولايلى بولا ءتۇستى، كەدەيلىكتەن قۇتىلىپ اۋقاتتانۋ جولى كەڭەيدى»،-دەدى.
اقسۋ ايماقتىق قاتىناس-تاسىمال مەكەمەسىنىڭ باستىعى ارزىگۇل ابەي: «سىرتقا شىعۋ ماسەلەسىن قالاي شەشۋ جاعىندا ايماقتىڭ ماڭىزدى نىساندارى مەن جولدى قىستاقتارعا دەيىن تۇتاستىرۋ نىسانى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلىمەن ۇشتاستىرىلدى. 2019-جىلى 590 كيلومەتر جول جاساۋ ءارى وسى مىندەتتى ورىنداۋدى جوسپارلاپ وتىرمىز»،-دەدى.


بەرىپ كەت ورامالىڭدى

دوستار

الىستاعى اق ەركە