جاڭا حابارلار

 رايونىمىز «ەركىنە جىبەرۋ، باسقارۋ، قىزمەت وتەۋ» رەفورماسىن ۇزدىكسىز ىلگەرىلەتىپ، «ساندى مالىمەتتەردى كوپ پايدالانىپ، بۇقارانى از جۇگىرتۋدى» بىرتىندەپ جۇزەگە اسىردى

    كەلۋ قاينارى: شينجياڭ حالىق راديو ىستانسياسى    2019-01-03 10:37:27  

 رايونىمىز «ەركىنە جىبەرۋ، باسقارۋ، قىزمەت وتەۋ» رەفورماسىن ۇزدىكسىز ىلگەرىلەتىپ، «ينتەرنەت پەن ۇكىمەت ءىسىن بىرلەستىرۋ»، تەكسەرىپ-بەكىتۋ ۇقىعىن تومەنگە بەرۋ، كاسىپورىننىڭ اقى الۋ ىسىنە ساياتىن نىساندار رەفورماسى سياقتى ءبىر توپ ساياسات- شارالاردى تياناقتاندىرىپ، ونىمدىلىگى كورىنىپ، «ساندى مالىمەتتەردى كوپ پايدالانىپ، بۇقارانى از جۇگىرتۋدى » بىرتىندەپ جۇزەگە اسىردى،  

     ماناس اۋدانىنىڭ ۇكىمەت ءىسى جاعىندا قىزمەت وتەۋ ورتالىعىندا، شينجياڭ جى -يۋان -تۇڭ زەردەلى جۇيە ينجەنەريا شەكتى سەرىكتەستىگىنىڭ قازىناعا جاۋاپتى قىزمەتكەرى شياۋ يىڭ باجى تىزىمدىگىن شىعارۋ كاسىبىن ءبىر جولدا ءبىتىرىپ الدى. 2018- جىلى، ماناس اۋداندىق باجى مەكەمەسى اكىمشىلىك ءتۇزىلىسى رەفورماسىن جۇرگىزگەننەن كەيىن، امبەباپ سيپاتتى باجى جۇمىسىن ءبىتىرۋ زالى مەن باجى جۇمىسىن  توراپتا ءبىتىرۋ جۇيەسىن قۇرىپ، باسىم كوپ باجى كاسىبىن «ءبىر زالدا ءبىر جولدا ءبىتىرۋدى» جۇزەگە اسىردى. شياۋ يىڭ بىلاي دەدى: «بۇرىن ءبىز الدىمەن مەملەكەتتىك باجى مەكەمەسىنە، ودان كەيىن جەرگىلىكتى باجى مەكەمەسىنە بارىپ، قۇشاق- قۇشاق ماتەريال تاپسىراتىنبىز، ءار رەت قاتارعا ءبىر كۇن تۇراتىنبىز. مەملەكەتتىك باجى مەكەمەسى مەن جەرگىلىكتى باجى مەكەمەسى بىرىككەننەن كەيىن، ءبىز توراپتا ءوتىنىش ەتىپ، ماتەريالدى جولداساق بولعانى، ءبىز تەرەزەدەن بارلىق كاسىپتى بىتىرە الاتىن بولدىق».  

     سونىمەن بىرگە، ماناس اۋداندىق باجى مەكەمەسى تاعى ءتۇيىندى باجى قاينارى ءۇنحات توبى، باجى كاسىپورنىنىڭ QQ توبى سياقتى بايلانىس، اۋىس - كۇيىس تەكشەسىن قۇرىپ، باجى تاپسىرۋشىلاردىڭ كۇدىكتى جولىققان ماسەلەسىن دەر كەزىندە شەشىپ وتىردى. بۇدان سىرت، تاعى كاسىپورىنىڭ جاسىل ءدالىزى، قيىن ىستەردى ەرەكشە ءبىتىرۋ تەرەزەسى، كۇشىنەن قالدىرۋ، اداقتاۋ ارناۋلى تەرەزەسى، ءبىر مينۋتتا دەرەۋ ءبىتىرۋ ارناۋلى تەرەزەسى سياقتىلاردى ارناۋلى قۇرىپ، باجى تاپسىرۋشىلاردىڭ جۇمىس ءبىتىرۋ ۋاقىتىن بارىنشا ۇنەمدەدى. ماناس اۋداندىق باجى مەكەمەسى ءبىرىنشى باجى بولىمشە مەكەمەسىنىڭ باستىعى لي جىنحۋا بىلاي دەدى: «قول تەلەفوننىڭ APP  جۇمساق بولشەگىنەن، ءۇنحاتتان پايدالانىپ، باجى تاپسىرۋشىلاردىڭ باجى كاسىبىن ءبىتىرۋ جولىن كەڭەيتىپ، ۇكىمەت ءىسىن جاريا ۇستاپ، باجى تاپسىرۋشىلارعا قىزمەت وتەۋدىڭ سوڭعى  ءبىر شاقىرىمىن ۇلاستىرىپ، ‹ساندى مالىمەتتەردى كوپ پايدالانىپ، بۇقارانى از جۇگىرتۋدى› جۇزەگە اسىردىق. »  

   باجىنى باسقارۋ ءتۇزىلىس رەفورماسى مەن اقىلداسۋ ءتۇزىمى رەفورماسى سياقتى شارالارعا سۇيەنگەن رايونىمىز 2018 - جىلى، ءۇرىمجى قالاسى، سانجى وبلىسى، اقسۋ ايماعى سياقتى جەرلەردە «ينتەرنەت پەن ۇكىمەت ءىسىن بىرلەستىرۋدى» ءتاسىل ەتكەن «كوپ بولعاندا ءبىر رەت عانا بارۋ» رەفورماسىن جۇرگىزدى، قازىر بۇل رايونىمىز كولەمىندە جالپىلاستىرىلدى.  

   سونىمەن بىرگە، اۆتونوميالى رايون تەكسەرىپ- بەكىتۋدى بۇرىنعىدان دا ىقشامداپ، ونىمدىلىگىن بۇرىنعىدان بەتەر جوعارلاتۋعا، باقىلاپ-باسقارۋدى بۇرىنعىدان دا كۇشەيتۋگە، قىزمەت وتەۋدى بۇرىنعىدان دا ساپالاندىرۋعا كۇش سالىپ، كاسىپورىندارعا كەڭشىلىك جاساپ، رەفورمالاۋعا جول اشىپ، بۇقاراعا تيىمدىلىك جەتكىزدى. 2013-جىلدان قازىرگە دەيىن، رايونىمىز اۆتونوميالى رايون دارەجەلى اكىمشىلىك تەكسەرىپ- بەكىتۋ ءىسىنىڭ 829 ىن كۇشىنەن قالدىرىپ جانە رەتتەپ، 626 ىن ازايتىپ، ىقشامداۋ مولشەرىن %43.9 كە جەتكىزدى. مۇنان سىرت، رايونىمىز تاعى «اۆتونوميالى رايوندىق ۇكىمەت تەكسەرەتىن قارجىلاندىرۋ نىساننىڭ مازمۇنىن» رەتتەۋ- تەكسەرۋ ۇقىعىن تومەنگە ءتۇسىرىپ، كاسىپورىنداردىڭ قارجى قوسۋ، ارالاسۋ شارتىن ەڭ جوعارى شەكتە بوساڭسىتتى. اۆتونوميالى رايوندىق دامۋ جانە رەفورما كوميتەتى  زاڭ-ەرەجە باسقارماسىنىڭ ورىنباسار باستىعى جاڭ يۇيلۇڭ بىلاي دەدى: «ازايتۋعا بولاتىنىن ازايتىپ، بوساڭسىتۋعا بولاتىنىن بوساڭسىتتىق، «اۆتونوميالى رايوندىق ۇكىمەت تەكسەرەتىن قارجىلاندىرۋ نىسانىنىڭ مازمۇنىن» رەتتەۋ- تەكسەرۋ ىستەرىن 2013-جىلعى 44 تەن قازىر 35 كە ازايتىپ، ازايتۋ مولشەرىن %20.5 كە جەتكىزدىك. تەكسەرۋ ۇقىعىن ايماق، وبلىس، قالاعا ءتۇسىرۋدى دارىپتەدىك، بۇل جەردى الدىن الا تەكسەرۋ، جوبالاۋ، ورىن تاڭداۋ، قورشاعان ورتاعا جاسايتىن ىقپالىن باعالاۋ سياقتىلاردى تەكسەرىپ-بەكىتۋ ۇقىعىن ءبىر تۇتاس تومەنگە ءتۇسىرۋدى قامتىدى؛ مەملەكەت تالاپ ەتكەن، ءسوز جوق، اۆتونوميالى رايون تەكسەرۋگە ءتيىستى ىستەردەن باسقاسىن، تۇگەل تىزىمگە الىپ باسقاردىق. »  

   مۇنان سىرت، اۆتونوميالى رايون تاعى كاسىپورىننىڭ اقى الۋ رەفورماسىن ۇزبەي تەرەڭدەتىپ، تۇتاس رايونىمىزدا باعانى ۇكىمەت بەلگىلەۋ نەمەسە باعاعا جەتەكشىلىك ەتۋدەي كاسىپورىن تيجاراتىنداعى قىزمەت وتەۋ سيپاتىنداعى اقى الۋ نىسانى 2014-جىلعى 111 تۇردەن قازىر 23 تۇرگە ىقشامدالىپ، ىقشامدالۋ مولشەرى %79.3 كە جەتىپ، كاسىپورىنداردىڭ تيجارات وزىندىك قۇنى بارىنشا تومەندەدى. جۇڭگو مۇناي توبى شينجياڭ ساتۋ شەكتى سەرىكتەستىگىنىڭ قۇمىلداعى بولىمشەسى تيجارات ءبولىمىنىڭ قىزمەتكەرى ليۋ چياۋ بىلاي دەدى: «2017-جىلى 4-ايدان باستاپ، ماي قۇيۋ ماشيناسىنىڭ اعىس ولشەۋىشى، گاز قۇيۋ ماشيناسىنىڭ قىسىم  ولشەۋىشى سياقتى زورلىقتى تەكسەرىپ ولشەۋ نىسانىنىڭ اقى الۋىن ازايتۋ نەمەسە كەشىرىم ەتۋ ساياساتىنان يگىلىكتەنۋگە بولاتىن بولدى، 51 ماي قۇيۋ پۋنكتى جىل سايىن ەكى اينالىم بويىنشا تەكسەرگەندە، جىلىنا 300 مىڭ يۋانعا جۋىق تەكسەرۋ اقىسىن ۇنەمدەپ، كاسىپورىننىڭ اۋىرتپالىعىن جەڭىلدەتىپ، ماي قۇيۋ پۋنكتىنىڭ اينالىم ونىمدىلىگىن جوعارلاتتى.»   ۇعىسۋعا قاراعاندا، 2012-جىلدان قازىرگە دەيىن، رايونىمىز كاسىپورىننىڭ 262 اقى الۋ نىسانىن كۇشىنەن قالدىرىپ، توقتاتىپ نەمەسە كەشىرىم ەتىپ، ساۋدا تيجارات ورتاسىن اناعۇرلىم جاقسارتقان.
 


بەرىپ كەت ورامالىڭدى

دوستار

الىستاعى اق ەركە