جاڭا حابارلار

ءومىرىنىڭ سوڭىنا دەيىن جاپون شاپقىنشىلارىنا قارسى كۇرەسكەن قاھارمان ـــ لياۋ حايتاۋ  廖海涛

    كەلۋ قاينارى: شينجياڭ حالىق راديو ىستانسياسى    2019-01-03 10:46:46  

اتالعان ايداردا بۇگىن: «ءومىرىنىڭ سوڭىنا دەيىن جاپون شاپقىنشىلارىنا قارسى كۇرەسكەن قاھارمان ـــ لياۋ حايتاۋ  廖海涛 »مەن تانىساسىزدار.
   لياۋ حايتاۋ ـــ 1909-جىلى دۇنيەگە كەلگەن، فۋجيان ولكەسى شاڭحاڭ اۋدانى شيكۋ اۋىلىنىڭ ادامى، 1927-جىلى 12-ايدا جۇڭگو كوممۋنيستىك پارتياسىنا مۇشە بولعان. جەر توڭكەرىسى سوعىسى جىلدارىندا، اۋىلدىق توڭكەرىستىك ۇكىمەتىنىڭ ءتوراعاسى، رايوندىق توڭكەرىستىك ۇكىمەتىنىڭ ورىنباسار ءتوراعاسى، ج ك پ ءداييىڭ اۋداندىق پارتكومنىڭ ورىنباسار شۋجيى، اۋداندىق توڭكەرىستىك ۇكىمەتىنىڭ ءتورعاسى مىندەتتەرىن اتقارعان. 
     1934-جىلى 10-ايدا ورتالىق قىزىل ارميانىڭ نەگىزگى كۇشى ۇزاق جورىققا اتتانعاننان كەيىن، لياۋ حايتاۋ فۋجياننىڭ باتىسىنداعى توڭكەرىستىك رايونىندا قالىپ، ج ك پ حاڭ-ۋ اۋداندىق پارتكومنىڭ شۋجيى، اۋداندىق توڭكەرىستىك ۇكىمەتىنىڭ ءتوراعاسى، باتىس وڭتۇستىك فۋجيان اسكەري - ساياسي ىستەر كوميتەتىنىڭ مۇشەسى قوسىمشا جۇڭگو جۇمىسشى-ديقان قىزىل ارمياسىنىڭ فۋجياننىڭ باتىسىنداعى 7-تارماق  اترەتىنىڭ ساياسي كوميسسارى مىندەتىن اتقارىپ، شاڭحاڭ توڭكەرىستىك رايونىنداعى ارميا مەن حالىققا باسشىلىق ەتىپ، اسا جاپالى ءۇش جىلدىق پارتيزاندىق سوعىستى تاباندىلىقپەن جۇرگىزدى.  
    1938-جىلى باتىس وڭتۇستىك فۋجيان پارتيزاندار اترەتى جاڭا 4-ارميانىڭ 2-تارماق اترەتى بولىپ وزگەرتىلىپ قۇرىلادى، لياۋ حايتاۋ ىلگەرىندى-كەيىندى 2- تارماق اترەتى 4-تۋانىنىڭ ساياسي ءبولىمنىڭ مەڭگەرۋشىسى، ساياسي مۇشەسى سياقتى مىندەتتەردى وتەيدى، جاڭ ديڭچىڭنىڭ جەتەكشىلىگىندە، جياڭسۋدىڭ وڭتۇستىگىندەگى جاۋدىڭ ارتقى شەبىنە ءوتىپ، ماۋشاندى ءتۇيىن ەتكەن جاپون شاپقىنشىلارىنا قارسى  بازالاردى قۇرۋعا قاتىناسىپ، جياڭنيڭ، جۇيرۇڭ، لي-ياڭ جانە لي-شۇي رايوندارىندا پارتيزاندىق سوعىس جۇرگىزىپ، جاۋدىڭ ارتقى شەبىندەگى بازالاردى قۇردى.
    1940-جىلى 2-ايدا، لياۋ حايتاۋ جاڭا 4-ارميا 2- تارماق اترەتىنىڭ ورىنباسار سىليڭيۋانى قوسىمشا ساياسي ءبولىمنىڭ مەڭگەرۋشىسى بولدى. 5-ايدا ول چى-شان شايقاسىنا جەتەكشىلىك ەتىپ، جاپون ارمياسىنىڭ ورتا اترەت باستىعىن قامتىعان 130 دان ارتىق جاساعىنىڭ كوزىن جويدى. 7-ايدا چىن ي مەن لي يۇيدىڭ جەتەكشىلىگىندەگى چاڭجياڭنىڭ وڭتۇستىكتەگى قولباسشىلىق شتابىنىڭ نەگىزگى كۇشى چاڭجياڭنان ءوتىپ، جياڭسۋدىڭ ورتا جانە سولتۇستىك وڭىرىنە كىرىپ، جاڭا 4-ارميانىڭ جياڭسۋدىڭ سولتۇستىگىندەگى قولباسشىلىقءبولىمىن قۇرعاننان كەيىن، لياۋ حايتاۋ چاڭجياڭنىڭ وڭتۇستىگىندەگى قولباسشىلىق شتابىنىڭ ساياسي كوميسسارى بولادى. 
    وڭتۇستىك ءانحۇي وقيعاسىنان كەيىن، جاڭا 4-ارميانىڭ چاڭجياڭنىڭ وڭتۇستىگىندەگى قولباسشىلىق شتابىنا قاراستى اسكەري ءبولىم مەن چاڭجياڭنىڭ وڭتۇستىگىندەگى جاپون شاپقىنشىلارىنا قارسى تۇرىپ، وتاندى قۇتقارۋدىڭ شىعس باعىتتاعى حالىقتىق قولباسشىلىق شتابى جاڭا ءتورتىنشى ارميانىڭ 6-شىسى بولىپ بىرىكتىرىلەدى، لياۋ حايتاۋ 6-شى 16-لۇيىنىڭ ساياسي كوميسسارى قوسىمشا وڭتۇستىك جياڭسۋ جاپون شاپقىنشىلارىنا قارسى تۇرۋ بازاسىنىڭ اسكەري- ساياسي كوميتەتىنىڭ مەڭگەرۋشىسى مىندەتىن اتقارادى. 1941-جىلى 11-ايدىڭ 27-كۇنى تۇندە، جاپون ارمياسى جاياۋ جانە اتتى اسكەرلەرى مەن زەڭبىرەكشىلەر اتىرەتىنەن ۇيىمداسقان 3 مىڭ نەشە ادامدىق قوسىن قۇرىپ، 16-لۇي تۇرعان جياڭسۋدىڭ لي-ياڭ  اۋدانىنداعى تاڭما قىستاعىنا تۇتقىيىل شابۋىل جاسايدى. لياۋ حايتاۋ لۇي اسكەري ءبولىمى مەن ج ك پ جياڭسۋ-ءانحۇي رايونى پارتكومى ورگانىن باسقا جاققا جوتكەپ، اسكەري قوسىندى باستاپ جاۋدى بوگەپ، قايتارما سوققى بەرىپ، ورگان قىزمەتكەرلەرىن قورعاپ، قورشاۋدان قۇتقارىپ، جاپون ارمياسىنىڭ كوپ رەتكى قۇتىرىنا ۇمتىلعان  شابۋىلىنىڭ  بەتىن قايتارادى. شايقاس11- ايدىڭ 28-كۇنى تاڭەرتەڭنەن تۇسكە دەيىن جالعاسادى، وسى بارىستا لياۋ حايتاۋدىڭ قوسىنى 300 دەن ارتىق جاپون ارمياسى مەن قۋرشاق ارميانىڭ كوزىن جويادى. وسى بارىستا لياۋ حايتاۋ قاتەرگە تاپ بولىپ، قۇرساق بولىمىنە وق ءتيىپ، اۋىر جارالانادى، ءبىراق، ول جاراقاتىن قولىمەن باسىپ الىپ، شايقاسقا جالعاستى قولباسشىلىق ەتەدى. ەڭ سوڭىندا جاراقاتى اۋىرلاپ، 32 جاسىندا ەرلىكپەن قۇربان بولادى. 
   
  


بەرىپ كەت ورامالىڭدى

دوستار

الىستاعى اق ەركە