جاڭا حابارلار

جۇڭگو دەنە-تاربيە يگىلىك سيلىقتى بەلەتى» اتىنداعى 2019- جىلعى مەملەكەتتىك جاڭا جىلدا بيىككە شىعۋ، دەنە شىنىقتىرۋ جينالىسىنىڭ شينجياڭداعى نەگىزگى جينالىس ورنىنداعى قيمىلى جانە كوكتوعاي اۋداندىق 8- كەزەكتى قار-مۇز، سالت-سانا مەرەكەسى تابىسپەن اياقتادى

    كەلۋ قاينارى: شينجياڭ حالىق راديو ىستانسياسى    2019-01-03 11:02:37  

1- ايدىڭ 2- كۇنى، «جۇڭگو دەنە-تاربيە يگىلىك سيلىقتى بەلەتى» اتىنداعى 2019- جىلعى مەملەكەتتىك جاڭا جىلدا بيىككە شىعۋ، دەنە شىنىقتىرۋ جينالىسىنىڭ شينجياڭداعى نەگىزگى جينالىس ورنىنداعى قيمىلى جانە كوكتوعاي اۋداندىق 8- كەزەكتى قار-مۇز، سالت-سانا مەرەكەسى تابىسپەن اياقتادى، 7 كۇنگە جالعاسقان قيمىلدا، بيىككە شىعۋ، ۇزاققا جۇگىرۋ، قارداعى فۋتبول جارىسى، قار اتىسۋ ۇتىسپالى جارىسى سياقتى قيمىلدار جەر - جەردەن كەلگەن ساياحاتشىلاردى باۋرادى. ەندى التاي راديو ستانسياسىنىڭ تىلشىلەرى ۋاڭ جيڭرۋ مەن شيا رىنشاننىڭ وسى جونىندەگى حابارىن تىڭداڭىزدار:    وسى كەزەكتى قار-مۇز، سالت-سانا مەرەكەسىندە، بيىككە شىعۋ، ۇزاققا جۇگىرۋ، قارلى دالاداعى اۆتوموبيل ۇتىسپالى جارىسى، قار-مۇز دەنە - تاربيە ونەر جارىسى، «ەرتىس وزەنىندەگى 1- قىستاق» تاراتىداعى جاڭا جىل كەشى، كوكتوعاي قار-مۇز جاڭا جىل قيمىلى سياقتى ءتۇرلى قار - مۇز ساياحات قيمىلدارى ورنالاستىرىلدى . بيىككە شىعۋ، ۇزاققا جۇگىرۋ قيمىل ورنىندا، حالىقتىق دەنە شىنىقتىرۋ جۇگىرۋ قوسىنىنداعىلار كوكتوعاي الەۋمەتتىك دەنە شىنىقتىرۋ الاڭىنان شىعىپ، 5 كيلومەتر الىستاعى نىسانالى جەر ـــ نانشان باقشاسىنا باردى، 400 دەن ارتىق تۇرعىن، ساياحاتشى ەرتىس وزەنىن بويلاپ جۇگىرۋدەن سىرت، تاعى وزەن بويىنىڭ كوركەم كورىنىسىن تاماشالادى. كوكتوعاي اۋداننىڭ تۇرعىنى جاڭ سايحۇڭ: «ءبىراز شارشادىم، ءبىراق وتە كوڭىلدىمىن، راحاتتانىپ قالدىم»-دەدى.     قيمىل كەزىندە «قار اتىسۋ ۇتىسپالى جارىسى» تۇڭعىش رەت وتكىزىلىپ، كوپتەگەن ساياحاتشىنى باۋرادى. تورەشىنىڭ ىسقىرىق شالۋىمەن، قىزىل جانە كوك ءتۇستى كيىم كيگەن ەكى كوماندا جارىس الاڭىنا شىعىپ، ءبىر-بىرىنە قار لاقتىرىستى. مۇندا ۇتىسپالى جارىسقا قاتىناسقان ەكى كوماندانىڭ ءار قايسىسىندا 7 ادام بولادى، الاڭنىڭ ەكى باسىندا ءارقايسى كوماندادا ۇشتەن قورعانۋ بەكىنىسى بولادى، كومانداداعىلار قورعانۋ بەكىنىسىنە سۇيەنىپ، قارسى جاعىنىڭ شابۋىلىنان قورعانادى، كوماندانىڭ مۇشەسىنە لاقتىرعان قار تيەتىن بولسا، وندا قاتاردان قالادى، قارسى جاعىنىڭ  بايراعىن ءساتتى تارتىپ العان كوماندا جەڭىسكە جەتەدى. ساياحاتشى ەرلانبەك: «وسى رەتكى قار اتىسۋ ۇتىسپالى جارىسى نەگىزىنەن كومانداداعىلاردىڭ ءوزارا سايكەسۋىن قاجەت ەتەدى، ءبىر ادامنىڭ كۇشىمەن جەڭىسكە جەتۋ مۇمكىن ەمەس. جارىس وتە جاقسى بولدى»-دەدى.    كوكتوعاي اۋداندىق مادەنيەت، دەنە-تاربيە مەكەمەسى پارتگرۋپپاسىنىڭ ورىنباسار شۋجيى، مەكەمە باستىعى چىن شياۋشيا بىلاي دەدى: «وتكەن جىلدارداعىمەن سالىستىرعاندا، وسى رەتكى جارىستىڭ كولەمى اناعۇرلىم كەڭ، قاتىناسقان ادام سانى بۇرىنعىدان كوپ بولدى، فورماسى دا الۋان ءتۇرلى، مادەنيەت فاكتورىن دا، دەنە -تاربيە فاكتورىن دا،  تاعى ساياحات فاكتورىن دا قامتىعان، بۇكىل ەلىمىز حالقىنا كوكتوعايدىڭ كوركەم كورىنىسىن ايگىلەپ،  «دەنە-تاربيە مەن ساياحاتتى بىرلەستىرۋ» فورماسىمەن تۇتاس وڭىرلىك ساياحاتتىڭ دامۋ دەڭگەيىن جوعارلاتىپ، كوكتوعاي اۋدانىنىڭ قار-مۇز، دەنە-تاربيە ساياحات ايگىلى ماركاسىن جاراتۋعا كۇش سالدىق.


بەرىپ كەت ورامالىڭدى

دوستار

الىستاعى اق ەركە