جاڭا حابارلار

جاڭ بياۋ: قوعامنىڭ ادىلدىگىن، تۋراشىلدىعىن قورعاۋداعى ۇلگىلى پروكۋرور

    كەلۋ قاينارى: شينجياڭ گازەتى    2019-01-04 13:31:53  

ءتىلشىمىز ياڭ شۋحان

جاڭ بياۋ اقپارات قۇرالدارىنىڭ تىلشىلىگىن قابىلداۋدا (ماتەريال سۋرەت). 
شينحۋا اگەنتتىگى

 2018 - جىلى 12 - ايدىڭ 18 - كۇنى رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا شىحىزى قالالىق حالىق پروكۋراتۋرا مەكەمەسى باقىلاۋ ورنى تەكسەرۋ - باقىلاۋ بولىمىنەن پەنسياعا شىققان پروكۋرور جاڭ بياۋ داڭقپەن رەفورما اتويشىسى اتاعىنا يە بولىپ، رەفورما اتويشىسى مەدالىمەن ماراپاتتالدى.
  جاڭ فاميليالى اعا - نەمەرە ءىنى دەلوسىنان كەيىن جاڭ بياۋدىڭ اتى بىرتىندەپ ادامدارعا تانىس بولدى ءارى وسى سەبەپتەن دە ول كوپتەگەن داڭقتارعا يە بولدى. الايدا، بۇكىل ەلدەگى سانسىز كاسىپتەستەرمەن بىرگە جۇڭگونىڭ ءادىليا رەفورماسىن ىلگەرىلەتىن نەگىزگى ساتىداعى وسى پروكۋروردىڭ اۋەلگى ماقساتى وزگەرگەن جوق، مەيلى قىزمەتتە، الدە پەنسياعا شىققاننان كەيىن بولسىن، جاڭ بياۋ باستان - اياق قوعامنىڭ ادىلدىگىن، تۋراشىلدىعىن قورعاۋ جولىندا قۇلشىنا ىلگەرىلەدى.
  باتىلدىقپەن جاۋاپكەرشىلىك ارقالاپ، قاتە ىستەلگەن دەلولارمەن ەرلىكپەن كۇرەستى
  «ءارقانداي ىسكە ءوزى كۇش شىعارىپ، ءوزى كىرىسىپ ىستەپ، كۇماندى ءتۇيىن بولسا بولعانى، ءسوز جوق، انىق - قانىعىنا جەتەدى، باتىل، قايسار، قىزمەتكە مۇقياتتىعى ءتىپتى قاتاڭدىققا تاياۋ...» جاڭ بياۋدى تىلگە العاندا، ونىمەن بىرگە قىزمەت ىستەگەن شىحىزى قالالىق حالىق پروكۋراتۋرا مەكەمەسى باقىلاۋ ورنى تەكسەرۋ - باقىلاۋ ءبولىمىنىڭ پروكۋرورى گاۋ چىننىڭ ەسىندە وتكەن ىستەر بۇگىنگىدەي ايقىن.
  باقىلاۋ ورنىندا كوپتەگەن جازاسىن وتەۋشى ادامدار ءتۇرلى سەبەپتەرمەن وزدەرىن وبالدى بولدىق دەسەدى، الايدا تەكسەرۋدەن كەيىن ولاردىڭ كوپ ساندىسىنىڭ ايتقانى شىندىق ەمەس ەكەنى انىقتالعان. جاڭ بياۋ تالاي جىلدىق كاسىپتىك سەزگىرلىگىنە سۇيەنىپ، جازاسىن وتەۋشى جاڭ گاۋپيڭ بەرگەن ءبىر دورباعا جۋىق ارىز ماتەريالىنان «ماسەلە» بايقايدى.
  جاڭ بياۋ دەلو ماتەريالدارىن ءبىر - بىرلەپ اقتارىپ، ءار بۋىن سايىن وي جۇگىرتىپ، تاپقان ءىز - دەرەكتەرىن ءبىر - بىردەن دالەلدەپ، اقىرىندا جاڭا ارىز ماتەريال قالىپتاستىرادى. 2007 - جىلدان 2011 - جىلعا دەيىن شىحىزى قالالىق حالىق پروكۋراتۋرا مەكەمەسى باقىلاۋ ورنى تەكسەرۋ - باقىلاۋ ءبولىمى بۇل ارىز ماتەريالىن تالاي رەت تاپسىرىپ، ەڭ سوڭىندا دەلونى قايتا قاراۋ تارتىبىنە كىرگىزەدى.
  «كەيدە پروكۋرور وتە ىجداعاتتى بولسا ءىشىنارا ادامداردىڭ ءتول مۇددەسىنە سوقتىعۋى مۇمكىن، ءبىراق وسىنداي كەز بولعان سايىن، باتىلدىقپەن جاۋاپكەرشىلىك ارقالاپ، مىندەتكە ادال بولۋ كەرەك»، - دەدى جاڭ بياۋ 2018 - جىلى 12 - ايدىڭ 25 - كۇنى تىلشىگە.
  وسىنداي سەنىمدى بەرىك ۇستانعاندىقتان دا، جاڭ بياۋ تىڭعىلىقتى قىزمەتى ارقىلى جاڭ فاميليالى اعا - نەمەرە ءىنى دەلوسىنا ۇكىم وزگەرتۋدى ىلگەرىلەتتى.
  قىزمەت مىندەتىن ادا ەتىپ، زاڭمەن جونگە سالۋ قۇرىلىسىن ىلگەرىلەتتى
  «جاڭ فاميليالى اعا - نەمەرە ءىنى دەلوسىنىڭ» ۇكىمىن وزگەرتۋ جۇڭگونىڭ ءادىليا رەفورماسىنىڭ ىلگەرىلەۋ اياق الىسىنا كۋا بولدى، ال جاڭ بياۋ زاڭمەن جونگە سالىناتىن جۇڭگو قۇرىلىسىنىڭ ىلگەرىلەتۋشىسى بولدى.
  «پروكۋروردىڭ دەلونى ءار رەت زاڭ بويىنشا ءادىل ىستەۋى قوعامدا ءبىر شىراق جاعىپ، ادامدارعا زاڭمەن جونگە سالۋدىڭ نۇرىن كورسەتتى. مەن تەك عانا وسىنىڭ ىشىندەگى ءبىر شىراقتى جاقتىم، بۇل شىراق ءتىپتى دە كوپ ادامعا نۇرىن ءتۇسىرىپ جانە ىقپال ەتە السا، بۇعان بارىنشا قۋانامىن»، - دەدى جاڭ بياۋ.  «ىستەپ جاتقان ءىسىنىڭ دۇرىس ەكەنىن بىلسەڭ، مەيلى قانداي اۋرەشىلىك، قيىنشىلىق الا كەلسىن، مەيلى كەدەرگىگە جولىق، كەۋدەدەگى پروكۋرورلىق بەلگىنى اقتاپ، اۋەلگى ماقساتتا تاباندى بولۋىڭ كەرەك، بۇل ءاربىر پروكۋرور ازىرلەۋگە ءتيىستى قاسيەت»، - دەدى جاڭ بياۋ باتىل تۇردە.
  پارتيا 18 - قۇرىلتايىنان بەرى، كەيبىر ەلەۋلى قىلمىستىق ىستەر بويىنشا وبالدى ەتىلگەن، قارا - قۇرىق ارالاسقان، قاتە ىستەلگەن دەلولاردىڭ ۇكىمى وزگەرتىلدى، مۇنان جاڭ بياۋ بۇكىل ەلىمىزدىڭ جوعارىدان تومەنگە دەيىن ءتۇزىم تورىن ۇزدىكسىز جيىلەتۋ ارقىلى دەلودا وبالدى ەتىلۋدىڭ، قاراقۇرىق ارالاسۋدىڭ، قاتە ىستەلۋدىڭ الدىن الىپ جاتقاندىعىن بارىنشا سەزىندى.
  قازىر ءادىليا جاۋاپكەرشىلىك ءتۇزىمىن وزەك ەتكەن ءادىليا ءتۇزىلىسى رەفورماسى ءادىليا جۇيەسىندە جاپپاي باستالىپ، شتات ءتۇزىمى رەفورماسى ءساتتى تياناقتانىپ، «دەلو قاراۋشى تورەشى بولۋ، تورەشى جاۋاپتى بولۋ» بىرتىندەپ رەالدىققا اينالدى.
  «ول پروكۋراتۋرا قىزمەتىندە مىندەت - جاۋاپكەرشىلىگىن ادا ەتكەندىكتەن دە، ءبىر رەتكى قاتە دەلونى تۇزەتۋمەن بىرگە، ادىلدىكتى، تۋراشىلدىقتى قورعاپ، ءادىليا رەفورماسىنىڭ اياق الىسىن ىلگەرىلەتتى»، - دەدى شىحىزى قالالىق حالىق پروكۋراتۋرا مەكەمەسى پارتيا باسشىلىق گرۋپپاسىنىڭ شۋجيى ياڭ چيانشىڭ.
  رۋحتى ساۋلەلەندىرىپ، تيانشاننىڭ وڭتۇستىگى مەن سولتۇستىگىن تەبىرەنتتى
  2013 - جىلدان بەرى جاڭ بياۋدىڭ ىستەرى تيانشاننىڭ وڭتۇستىگى مەن سولتۇستىگىنە كەڭ تارالدى. جاڭ بياۋ رۋحى «ادالدىق، قايسارلىق، جاۋاپكەرشىلىك، ۇلەس قوسۋ» دەگەن سوزدەرمەن جيناقتالدى.
  2014 - جىلى اۆتونوميالى رايوندىق حالىق پروكۋراتۋرا مەكەمەسى مەن شىحىزى قالالىق حالىق پروكۋراتۋرا مەكەمەسى پەنسياعا شىققان جاڭ بياۋدى ۇسىنىس ەتىلگەن پروكۋرورلىققا ۇسىنىس ەتتى ءارى ونىڭ اتىندا كەڭسە قۇردى؛ شىحىزى قالالىق حالىق پروكۋراتۋرا مەكەمەسى «جاڭ بياۋ جاراستىرۋ بولمەسىن» قۇردى؛ تۇتاس شينجياڭداعى ءار دارەجەلى پروكۋراتۋرا ورگاندارىنىڭ باقىلاۋ ورىندارى «جاڭ بياۋ قىزمەت ورنىن» قۇرىپ، «جاڭ بياۋ رۋحىن» تيانشاننىڭ وڭتۇستىگى مەن سولتۇستىگىنە كەڭەيتتى جانە جەتكىزدى.
  پەنسياعا شىققاننان كەيىن دە جاڭ بياۋ پروكۋروردىڭ «اۋەلگى ماقساتىن» ساقتادى. بۇكىل ەلدىڭ جەر - جەرىنەن كەلگەن حاتتارعا، تەلەفوندارعا ول ءبىر - بىرلەپ جاۋاپ قايتاردى؛ ارىزدانا كەلگەن بۇقارانى ول ىستىق ىقىلاسپەن قارسى الىپ، ولاردىڭ تۇيتكىلدى ماسەلەلەرىنە مۇقيات جاۋاپ بەردى. «بۇقارامەن اۋىس - ءتۇيىس جاساۋ بارىسىندا، مەن حالىق بۇقاراسىنىڭ زاڭمەن جونگە سالۋ كوزقاراسىنىڭ ۇزدىكسىز كۇشەيىپ كەلە جاتقاندىعىن بارىنشا سەزىندىم»، - دەدى جاڭ بياۋ، بۇل ەلىمىزدىڭ مەملەكەتتى جاپپاي زاڭمەن جونگە سالۋ، دەموكراتيا جانە زاڭمەن جونگە سالۋ قۇرىلىسىن ىلگەرىلەتۋدە ماڭىزدى قادام باسىلعاندىعىن ءارى رەفورما جاساۋ، ەسىك اشۋدا تاعى ساپارعا شىعۋعا بەرىك نەگىز قالانعاندىعىن تۇسىندىرەدى.
  اۆتونوميالى رايوندىق پروكۋراتۋرا مەكەمەسىنىڭ باس پروكۋرورى لي يۇڭجۇن بىلاي دەدى: شينجياڭنىڭ پروكۋراتۋرا ورگاندارى «جاڭ بياۋ رۋحىن» ۇزدىكسىز جالعاستىرىپ جانە ساۋلەلەندىرىپ، شينجياڭ پروكۋرورلارىن باستان - اياق زاڭنىڭ بەدەلىن قورعاۋعا، زاڭنىڭ ابىرويىن قورعاۋعا شابىتتاندىرىپ، شينجياڭدى زاڭمەن جونگە سالۋدى ىلگەرىلەتۋگە، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا تىڭ ۇلەستەر قوسادى.


بەرىپ كەت ورامالىڭدى

دوستار

الىستاعى اق ەركە