جاڭا حابارلار

وتانىمىزدىڭ تۇنىق سۋ، جاسىل تاۋىن قورعادى

    كەلۋ قاينارى: شينجياڭ حالىق راديو ىستانسياسى    2019-01-04 09:08:08  
التاي قالالىق ورمان شارۋاشىلىعى مەكەمەسىنىڭ ورمان قورعاۋشىلارى ۇنەمى تاۋ قويناۋىن ارالاپ، تاۋ-تاستى كەزىپ، ءار سۇيەم جەردى دە قاعىس قالدىرماي، تابان ەت-ماڭداي تەرىمەن وتانىمىزدىڭ تۇنىق سۋ، جاسىل تاۋىن قورعاپ كەلەدى. ەندى ستانسيامىزدىڭ ءتىلشىسى لان تيان مەن ەرىكتى تىلشىلەر: ۋاڭ جيڭرۋدىڭ، ەلىسحانداردىڭ حابارى .    1-ايدىڭ 2-كۇنى تاڭسارىدە، التاي قالالىق ورمان شارۋاشىلىعى مەكەمەسىنىڭ ورمان قورعاۋشىسى ءيۇسۇپ ازىعى مەن سۋسىن الىپ، التاي قالاسىنداعى گەنەرال تاۋىنا شىعىپ، ءبىر كۇندىك قىزمەتىن باستادى. ءيۇسۇپ نەگىزىنەن ورماندى ءوڭىردى باسقارۋعا، قورعاۋعا جاۋاپتى، ول ءار كۇنى 10 مىڭ مۋدان ارتىق ورماندى ءوڭىردى نەشە رەت ارالاپ، ورمان اعاشتارىنىڭ حاۋىپسىزدىگىنە شىنايى كەپىلدىك ەتەدى. ول: «بۇل قىزمەتكە استە نەمقۇرايدى قاراۋعا بولمايدى، ءارءتۇپ اعاشتىڭ حاۋىپسىزدىگىنە كەپىلدىك ەتۋىمىز كەرەك»،-دەدى.      ورمان قورعاۋ قىزمەتىمەن اينالىسقاننان بەرى، ءيۇسۇپ التاي قالاسىنداعى ۇلكەندى-كىشىلى تاۋلى ءوڭىردى ارالاپ، جازدىڭ شىلىڭگىر ىستىعىن، قىستىڭ سۇيەكتەن وتەتىن ىزعالى سۋىعىن تۇگەل باستان وتكىزدى، قانشالىق جول باسىپ، قانشا اياق كيىم توزدىرعانى ەسىندە جوق. ول: «قىزمەتىمىز ءبىر سارىندى، جاپالى بولعانىمەن، ءبىراق ءار كۇنگى قىزمەتتى ءسوزجوق تاباندىلىقپەن ىستەپ، ورماندى ويداعىداي قورعاۋىمىز قاجەت»،-دەدى.     التاي قالالىق ورمان شارۋاشىلىعى مەكەمەسىندەگى 76 ورمان قورعاۋشىنىڭ ۇزاق ۋاقىت دەن قويا قورعاۋىندا، التاي قالاسىنداعى 29 مىڭ مۋدان ارتىق ءشول دالانى جاسىلداندىرۋ ءۇشىن ەگىلگەن اعاشتاردىڭ قاتارعا قوسىلۋ مولشەرى %95 كە جەتتى. 2018-جىلى 9-ايدا، التاي قالاسىنىڭ تاماشا ەكولوگيالىق ورتاسىنا قاراي وتىرىپ، مەملەكەتتىك كىليمات ورتالىعى «جۇڭگونىڭ قار مەكەنى» مەملەكەتتىك كىليمات بەلگىسىن بەردى. ورمان قورعاۋشىلاردىڭ قاجىرلى ەڭبەگى تاعى قالا تۇرعىندارى مەن ساياحاتشىلاردىڭ مويىنداۋىنا يە بولدى. قالا تۇرعىنى ما جيانمين: «قازىر التاي قالاسى بارعان سايىن كورىكتەندى، جازدا جاپ-جاسىل ورمانمەن كومكەرىلەدى. ەكولوگيالىق ورتانى قورعاۋ ـــ ۇرپاقتارعا باقىت جاراتىن كەلەلى ءىس»،-دەدى.    ساياحاتشى كوۋ فۋلين: «اسپان شايداي اشىق، اۋا ساپاسى وتە جاقسى، تازا، ›جۇڭگو قار مەكەنىنىڭ‹ كەلبەتىن، وتانىمىزدىڭ كوركتى تاۋ-سۋىن شىنايى سەزىندىك»،-دەدى.     قازىر التاي قالاسىندا بارلىق ادام ورمان قورعاۋشى بولۋداي تاماشا سالت قالىپتاستى. ورمان قورعاۋشى كەنجەبەك تىلشىگە، ءار جىلى كوكتەم كەلىپ، بارلىق تىرشىلىك اتاۋلى جاندانعاندا، گەنەرال تاۋىنان اعاش وتىرعىزىپ ورمان ءوسىرۋدىڭ قىزۋ ورلەۋگە كوتەرىلگەنىن بايقاۋعا بولاتىنىن، كوپشىلىكتىڭ ەككەن اعاشتارى ولاردىڭ ءۇمىتى ەكەنىن، سونداي-اق وتاننىڭ جاسىل تاۋ، تۇنىق سۋىن قورعاۋ جاۋاپكەرلىگى ەكەنىن سەزىنۋگە بولاتىنىن ايتا كەلىپ: «تاۋ-تاستى، ورماندى ويداعىداي قورعاۋىمىز قاجەت. بىزگە وسىنداي قايسار جاندار قاجەت، جاسىل تاۋ، تۇنىق سۋ ءبىزدىڭ قورعاۋىمىزدى ءتىپتى قاجەت ەتەدى»،-دەدى.

بەرىپ كەت ورامالىڭدى

دوستار

الىستاعى اق ەركە