جاڭا حابارلار

اۋىل-قىستاقتا تاس جول ءۇيدىڭ ىرگەسىنە دەيىن جەتىپ،  كىرىستى ارتتىرىپ اۋقاتتانۋدان زور ءۇمىت بايقالدى

    كەلۋ قاينارى: شينجياڭ حالىق راديو ىستانسياسى    2019-01-05 09:11:23  

 ەندى عانا اياقتاعان جاڭا جىل دەمالىسى كەزىندە، توعىزتاراۋ اۋدانىنداعى اسىل تۇقىمدى قوي فەرماسى اۋىل شارۋاشىلىق 1-اترەتىنىڭ جۇمىسشىسى ياڭ ۋىن-ينىڭ  (杨文艺 )شارۋالار تاعامجايى وتە قاربالاس بولدى، ولار كۇنىنە جۇزدەن ارتىق قوناق قابىلدادى، ونىڭ ۇستىنە شارۋالار تاعامجايى تاعى سۇرىلەنگەن قوي- سيىر- جىلقى ەتى، الما قاعى، جەمىس توسابى سياقتى جاسىل ازىق-تۇلىكتەردى اۋاسىزداندىرىپ قوراپتاعاننان كەيىن، ەلىمىزدىڭ جەر-جەرىندە ساتتى. ياڭ ۋىن-ي بىلاي دەدى: «شارۋلار تاعامجايىنىڭ كولەمىن 120 مۋعا كەڭەيتىم، مىڭ شارشى مەترلىك ەكولوگيالىق مەرەكە زالىنان سىرت، تاعى 500 شارشى مەترلىك ەرەكشە قوناق بولمەسى بار، تاعى ونىمدەردى جاس دامىندە ساقتاۋ قامباسى مەن جەلدەتىپ كەپتىرۋ ءۇيىن سالدىق، وسىندا كەلەتىندەر بارعان سايىن كوبەيىپ، ساۋدامىز دا بارىنشا جاندادى».
     2010-جىلى زەرەك ياڭ ۋىن-ي ولكە تاسجولى 316-لەنياسىنىڭ بويىنداعى اسىل تۇقىمدى قوي فەرماسىنىڭ قاسىنان شارۋالار تاعامجايىن اشتى، وسى ارانىڭ ورنى جاقسى بولعانىمەن، جولى قولايسىز بولعاندىقتان، وسىندا بۇرىلىپ ايالدايتىن اۆتوكولىكتەر از بولدى دا، بۇل ونىڭ ساۋداسىنا ىقپال جاسادى. 2017-جىلى توعىزتاراۋ اۋدانىنداعى ولكە تاسجول 316-لەنياسى وزگەرتىپ سالىنىپ دارەجەسى جوعارلاتىلعاننان كەيىن، جولدىڭ بەتى تەگىستەلىپ، كەڭەيتىلدى، جولاۋشىلار مەن ساياحاتشىلاردا بارعان سايىن مولايدى، ونىڭ كىرىسى دە بىرتىندەپ ارتتى، سول جىلى ونىڭ تيجارات ساۋدا سوماسى 500 مىڭ يۋانعا تاياپ، الدىنداعى ەكى جىلداعىدان 3 ەسەلەندى. ول: «باستابىندا وسى ارانىڭ جولى قولايسىز بولدى، وسىندا تەك ءتورت كيىز ءۇي عانا بار بولاتىن، مەملەكەتتىڭ تاسجولدى قىستاقتارعا دەيىن جەتكىزۋ ينجەنەرياسى اتقارىلىپ، مەملەكەت تاسجولى، ولكە تاسجولى سالىنعاننان كەيىن، وسى ارانىڭ جولى اشىلىپ، شارۋالار تاعامجايىنا كەلەتىندەردە بارعان سايىن مولايدى»،-دەدى.
    ياڭ ۋىن-يدىڭ ساۋداسىنىڭ كوسەت بولۋى مەملەكەتتىڭ «تورتتە جاقسى اۋىل-قىستاق تاسجولىن» سالۋمەن قاتىستى. ياڭ ۋىن-ي تۇرعان توعىزتاراۋ اۋدانى 2017-جىلى مەملەكەت بويىنشا تۇڭعىش توپتاعى «تورتتە جاقسى اۋىل-قىستاق تاسجولىن» سالۋداعى ۇلگى اۋدان اتاعىنا يە بولدى. جۋىقتاعى ءۇش جىلدان بەرى، توعىزتاراۋ اۋدانى 950 ميلليون يۋاننان ارتىق قارجى قوسىپ، 765 كيلومەتر اۋىل-قىستاق تاسجولىن سالدى، اۋدان، اۋىل، قالاشىق جانە قىستاقتار بۇكىلدەي ءوزارا تۇتاستى، قىستاقتاعى مالىلەرگە تاسجول جاتقىزىلۋ مولشەرى %90 كە جەتىپ، ءار ۇلت حالقىنىڭ سىرتقا شىعۋى قيىن بولۋ ماسەلەسى ءونىمدى شەشىلۋمەن بىرگە، اۋىل-قىستاق تاسجولىن وزگەرتىپ سالۋدى، جەرگىلىكتى ورىن كەدەيلىكتەن قۇتىلدىرۋدان قامال الۋمەن ۇشتاستىرىپ، «كەدەيلەردى سۇيەمەلدەۋ جولىن» سالدى؛ سونداي-اق كورىكتى اۋىل-قىستاق قۇرۋمەن ۇشتاستىرىپ، «دوڭگەلەك داۋلەتكە جەتۋ جولىن» ، ەرەكشە كاسىپپەن ۇشتاستىرىپ «كاسىپ جولىن» سالدى.
      سوڭعى جىلداردان بەرى، ىلە وبلىسى «تورتتە جاقسى اۋىل-قىستاق تاسجولىن» سالۋ تالابىن دايەكتىلەندىرىپ جانە تياناقتاندىرىپ، ءبىر توپ «ساياحات جولى»، «اۋقاتتانۋ جولى» سياقتى اۋىل-قىستاق تاسجول قۇرىلىس نىساندارىن اتقاردى. «13-بەسجىلدىق» پلاننىڭ باستاپقى ءۇش جىلىندا، ىلە وبلىسى اۋىل-قىستاق تاسجول قۇرىلىسى نىسانىنان ءبىر مىڭ 104 ىن اتقارىپ،  ورتا ەسەپپەن 3 ميلليارد يۋان قارجى قوسىپ، 5 مىڭ 858 كيلومەتر تاسجول جاتقىزىپ، «سىرتپەن تۇتاسىپ، ىشپەن بىرلەسۋ، اۋىل-قىستاق تاسجولىن ىركىلىكسىزدەندىرۋ، قىستاقتارعا اۆتوبۋس قاتىناتۋ» سىندى اۋىل-قىستاق قاتىناس تاسىمال تورابىن قالىپتاستىردى. قاتىناس تاسىمال نەگىزدىك قۇرىلعى قۇرىلىسىنىڭ ۇزدىكسىز جاقسارۋىنا جانە شينجياڭنىڭ وڭىرلىك ساياحاتىنىڭ بارىنشا دامۋىنا بايلانىستى، ياڭ ۋىن-ي الداعى دامۋ جونىندە ايقىن جوسپار جاسادى. ول: «2019-جىلى جيىنى ءبىر ميلليون يۋاننان ارتىق قارجى قوسىپ، كوكالدا سىرعاناۋ قۇرىلعىسىن ازىرلەپ، ساياحاتشىلاردى باۋرايمىز، وتباسىلىق قونالقىلاردىڭ جاڭالاۋعا تيىستىلەرىن جاڭالاپ، ساياحات قۇرىلعىلارى، جەرگىلىكتى ءونىم، كوڭىل اشۋ جاعىنداعى جۇمساق بولشەكتەردى تۇگەل دامىتامىز، ونان سوڭ تاعى ەرەكشە ءدامدى تاعامداردى مولايتىپ، 2019-جىلى مول كىرىس كىرگىزۋگە كۇش سالامىز»،-دەدى. 
     باييمىن دەسەڭ، جول سال دەمەكشى. ياڭ ۋىن-ي وسى جاعىنا كۇش سالدى. ول بىلاي دەدى: «شارۋالار تاعامجايىن العاش اشقاندا، وسى اۋماقتىڭ جولدارى ويلى-شۇڭقىر ەدى، قازىر تاسجول كەڭەيتىپ سالىنىپ، جان-جاقپەن تۇتاستى، جەر-جەردەگى ساياحاتشىلاردىڭ بارلىعى وسىندا كەلە الاتىن بولدى، وتە قولايلى. مەملەكەتىمىز وسى جاعىنا مول قارجى قوستى، تۇتاس ەلىمىز حالقى مۇنان يگىلىكتەندى. مەنىڭ قازىرگى جاقسى تۇرمسىمدى مەملەكەتتىڭ جاقسى ساياساتىنان بولە قاراۋ بولمايدى، الدا بۇرىنعىدان بەتەر قۇلشىنا كۇرەس جاساپ، شارۋالار تاعامجايىن ويداعىداي اشىپ، ماڭايىمىزداعى بۇقارانى اۋقاتتانۋعا باستايمىن» .
 
 


بەرىپ كەت ورامالىڭدى

دوستار

الىستاعى اق ەركە